08/04/2019
سلام عليكم البنات عفاكم غا نعاود ليكم شي حوايج أو نصحوني الله يرحم ليكم الوالدين
دبا أنا عندي خويا كبر مني ومزوج مراتوا والدة 2 وليدات لكبير عندو 6 سنين او صغير 3 سنين لمهم راجلها لي هو خويا خدام في لعيون حنا ناس على قد حالنا الحمدلله هو ماخادامش مزيان تم لفلوس لي كيشد يلاه كيقدوه في لكرا ديال تم وصيارة حنا كيصيفط لينا على لي قدر عليه كنخلصوا منو ضو ولما وزيد لبوطا و زيت ولخضرا هي عارفة كلشي او كدير مع مي ورقة وستيلو باش تحقق من كولشي وما تشيط والو لمي وهي قالت ليك أنا ما سوقيش في صيارة لمهم نشد 50 درهم مي كاتشد ليها خاطرها واخة ماعرت آش يكون خاصنا تعطيها ليها وخويا مني كان مسافر قال لمي مرتي مسؤولية ديالك ما تخرج حتى تشاور معاك (أو راكوم عارفين مسؤولية كيف دايرا والله أعلم وأدرى ) لمهم كتقلس عندنا 3 يام وسيمانا كاااملها في دارهو عندها ختها مطلقة وواحد صحابات ختها الله يستر خارجين لطريق مني كتمشي عندهوم ما كاتقول لراجلها والو وكتخرج مع ختها وصحابات ختها في ليل يدورو ومني كتجي كتبقا تقلب في ثلاجة وتقول ليها طيبتي هاد لميكة ديال لحم لاش ..... وديما فصداع ليوم في صباح قالت ليها مي شوفي قوليها راجلك بلي خرجتي وهي تجابها بصوت مرتافع ماااا بغيتش وما سوقكش فيا ديها غير فراسك وفي بنتك وخليني عليك (عليا أنا )
دبا أنا ما كانكونش داخلة في لموضوع وضرووووري تجبدني فيه
وكا ترفع صوتها على مي ورغم دالك كنصبر وكنقول خليهوم بناتهم
وكاتعايرها قدامي
ودب قولت نهدر مع خويا في تليفون ونعاود ليه كووووولشي من طق طق حتى السلام عليكم
الله يرحم والديكم لما نصحوني وقولو ليا شنو ندير 😔😔
