15/03/2025
نصايح للحامل
1- بلاش لعب مع القطط وبذات قطط الشارع 🐱
2-لو نزل عليكي مياه كتير لازم تروحي للدكتور
3-لو حركه البيبي قلت او اختفت لازم برضو تروحي للدكتور
4-متسمعيش كلام الجروبات وتضري نفسك لان الحوامل زيهم زيك مش دكاتره وكل حاله غير التانيه مش علشان الدكتور كاتبلها علاج يبقي هيفيدك بالعكس ممكن يضرك
5-اوعي تخسي ف الحمل وتتحدي الطبيعة 😂
6-حركه البيبي الاول بتتحس ف نص الشهر الخامس يعني لو ف الرابع واول حمل ليكي ومش حاسه بحركه عادي مفيش مشكله
7- نفس نصيحه رقم ٤ بس ضيفي عليهم متسمعيش كلام امك ولا اختك ولا خالتك ولا بنت خالتك ولا عمتك ولا صاحبتك دول بيفتوا وهتروحي ف داهيه انتي وجنينك
8-حقنه الرئة بتتاخد من الاسبوع ٢٤ ل للاسبوع ٣٤ للحالات المعرضه للولاده المبكره
9- ليكي فنجان قهوة فقط ف اليوم مش اكتر من كده
10-اوعي تاخدي اي علاج بمزاجك حتي لو عندك برد
11-ابعدي عن الفسيخ والبيبسي ولو بتتوحمي عالفسيخ متاكليش برضو الواد هيتولد عادي مش بوحمه فسيخ
12-ضغط الحمل وتسمم الحمل حالات خطيره الكركديه مش هيعالجهم وربنا
13- الغثيان الصبح في اول شهور الحمل امر طبيعي جدا
14-نصيحه رقم 7 هتروحي في داهيه ملكيش غير الدكتور
15-التهابات وصديد البول امر خطير جدا ف الحمل ممكن يسبب ولاده مبكره ف لازم تاخدي العلاج
16-لو جوزك بيدخن اطرديه بره البيت
17-مش كل ماتحسي بوجع بسيط تجري عالدكتور اهدي شوية وفرقي بين التعب الطبيعي والغير طبيعي.
18- لازم تكوني عارفه فصيله دمك من اول الحمل
19- الحمل ببحتاج اكل صحي مش كميه اكل كبيرة.
