09/11/2022
هاد الصورة هي فحص مقطعي للعمود الفقري و غادي نرجعو للشرح ديالها من بعد!
الحالة هي لفتاة تبلغ من العمر 27 سنة، و تعرضت لحادثة سير، الشيء اللي أدى للإصابة ديالها فالعمود الفقري و هي الاصابة اللي ما يمكنش تكون ظاهرة بدنيا و تقدر تبان بألم معزول عند المصاب.
هادشي علاش المختصين د ميدان الصحة من أطباء و مسعفين و ممرضين و تقنيي عربات اسعاف كا يعتابرو أي حادثة سير هي إصابة في العمود الفقري الى إن يتبث العكس، لأن إثبات هاد الإصابة يحتاج نقل المريض للمستشفى و الخضوع ديالو للفحوصات، و ممكم إصابة اللي كانت تقدر تشفى غير بالراحة و الأدوية تتحول لشلل تام بسيي جهل البعض!!
هاد البنت ناضو فاعلي الخير من صحاب "السوارت" و "البصلة' و "شرب الماء" ... هزوها و وقفوها و جلسوها فوق كرسي، الشيء اللي خلى العمود الفقري يتحرك فجميع الاتجاهات (الشيء اللي ظاهر فالفحص المقطعي) من مكان الكسر و يقطع "الحبل الشوكي" مما أدى لإصابة الفتاة بشلل تام!!
الله يرحم ليكم الوالدين، أي واحد بغا يقدم يد المساعدة لضحية حادثة سير أو إغماء أو حادثة فمكان الشغل، يكتفي فقط ب 3 أشياء و الله حتى أهم من تحريك المريض:
• تأمين الضحية و مكان الحادث، يعني وضع اشارات لتنبيه السيارات، و عدم تعريض نفسو و الضحية لخطر آخر
• الاتصال بالإسعاف و انتظار وصولهم (واخا يتعطلو أ سيدي 4 د سوايع، المهم أنهم عارفين شنو غادي يديرو منين يوصلو، و حتى اذا قدر الله و تضاعفت حالة المصاب، هوما اللي غادي يتحملو المسؤولية)
• تسجيل وقت الحادثة أو الوقت اللي لقيتي فيه الضحية!!
#تأمين #إعلام #مراقبة
منقوول
