Nassima El Maazouzi

20/06/2020

إنقاص الوزن للمرأة الحامل 👇🏻

خسارة الوزن اثناء الحمل من الأمور اللي لا ينصح بها ومن الأفضل فقط تصحيح بعض العادات الخاطئة وإتباع نظام غذائي صحي بدون التقليل بزاف من السعرات الحرارية

غالباً فقدان الوزن فترة الحمل تيكون صعب ولكن يمكن التخفيف من الوزن بإتباع بعض العادات مثل:

• متاخديش أقل من 1800 سعرة حرارية فاليوم

• مارسي بعض التمارين الرياضية الخفيفة خصوصا المشي اليوغا والسباحة

•ركزي على البروتينات والألياف الغذائية والدهون الصحية فالنظام الغذائي ديالك

- اذا كان وزنك زايد قبل الحمل حاولي تنقصيه ولا خليه بعد الولادة يعني تجنبي أي نظام غذائي قاصح فترة الحمل ديالك لأن نتي والجنين محتاجين ما يكفي من العناصر الأساسية المعادن والفيتامينات لصحتكم بجوج .

14/06/2020

أطعمة تزيد القدرة على التحمل🔥⠀
-⠀
التغذية هي أهم شيء تقريبًا لتحقيق أي هدف في اللياقة البدنية ولكن مع ذلك مايمكنش للتغذية بوحدها تخليك تحققي الهدف ديالك . 🥗⠀
-⠀
دكشي علاش خصكي تتعلمي الجمع بين النظام الغذائي المناسب والتدريب الجيد وإذا بغيتي تزيدي القدرة على التحمل فهذه بالتأكيد بعض الخيارات الجيدة. 👌🏻⠀
-⠀
إذا بغيتي تكوني قادرة على أداء التمارين الهوائية لفترة أطول خصك تركزي على تناول الكربوهيدرات حيت هي مصدر الطاقة الأساسي. 🍞⠀
-⠀
حاولي تبحتي عن مصادر كربوهيدرات عالية مثل دقيق الشوفان والأرز والفواكه والفاصوليا.
(ولكن هذا ماشي الشيء الوحيد اللي محتاجه جسمك)
-⠀
خصك كذلك تعطيه الدهون الجيدة مثل البيض وزبدة الفول السوداني الطبيعية وغادي تولي هذه هي مصدر الطاقة الأساسي بعد الكربوهيدرات. 🍳⠀
-⠀
أظهرت الدراسات أن عصير الشمندر ( الباربة) يزيد من قدرتك على التحمل بنسبة تصل إلى 16٪! ✅
اذن هو إختيار رائع قبل التمرين.

14/06/2020

أطعمة تحارب الإرهاق 🔥⠀
-⠀
بزاف منا كيفيقو من النعاس عيانين والسبب أحياناً متيكونش غير بسبب النعاس ولكن حتى نظامنا الغذائي عندو دور مهم 😴⠀
-⠀
هذه بعض الأطعمة اللي غادي تعاونك على الشعور بالتحسن. 😄⠀
-⠀
الأكل الصحي بشكل عام هو طريقة زوينة لزيادة طاقتك وصحتك ومع ذلك هذه الأطعمة المحددة غادي تعاونك أكثر. 🍌⠀
-⠀
كلما كليتي طعام صحي كلما حسيتي بتحسن مع النوم الجيد طبعاً وهذه الأطعمة بالذات غادي تعاونك على محاربة التعب والعياء 🛏️

14/06/2020

فاش كتكوني نباتية تيولي صعيب عليك تحقيق أهداف البروتين اللي محتاجة وكيولي من المهم التأكد من أنك كتاخدي ما يكفي من البروتين! 💪🏼⠀
-⠀
باش تقدري تستافدي من كمية البروتين والقدرة على التعافي بعد التدريبات الخاصة بك هذه 10 مصادر غنية بالبروتين النباتي.
(هذا متيعنيش أن هذه هي المصادر الوحيدة )⠀
-⠀
يمكن ليك تلقاي كمية لائقة من البروتين في الحبوب والمكسرات والبذور والبقوليات وبدائل اللحوم النباتية. 🥜

07/06/2020

CHOCOLATE PANKCAKES
🥞

المكونات

2/كاس حليب
ملعقة كبيرة من خل التفاح أو عصير الليمون
1 ملعقة كبيرة زيت جوز الهند / زيت نباتية
2/كاس دقيق
1 ملعقة كبيرة بيكنج بودر
2 ملاعق كبيرة بودرة كاكاو
ملح

الطريقة

في وعاءين منفصلين 👇🏻
خلطي المكونات الرطبة الحليب خل التفاح ولا عصير الليمون والزيت في وعاء
في الوعاء الثاني خلطي المكونات الجافة
الدقيق وبيكينج باودر وبودرة الكاكاو والملح
زيدي المكونات الرطبة مع المكونات الجافة وطربي مزيان.
سخني مقلاة على نار متوسطة مع ملعقة صغيرة من زيت جوز الهند ، تسناي حتى تسخن المقلاة وخودي تقريبا نصف كاس من عجينة الفطيرة الواحدة وحطيها فالمقلاة تسناي حتى تبدا تنفخ من الفوق وقلبيها على الجهة الأخرى حتى طيب كاملة

بالصحة والراحة 🧑‍🍳

07/06/2020

ONE BOWL BANANA BREAD 🍌

المكونات 🥧 ⁣
⁣
3 موز ناضج كبير⁣
75مل زيت نباتية / زيت جوز الهند
100 غ سكر بني⁣
225 جرام دقيق عادي أو دقيق الشوفان⁣
2 ملعقة صغيرة من البيكنج باودر⁣
3 ملاعق صغيرة قرفة ⁣⁣
100غرام رقائق الشوكولاتة ⁣
⁣
الطريقة 🥧
⁣
سخني الفرن / 180C/200C⁣
- هرسي 3 موزات كبيرة بالفورشيط وخلطيه مزيان مع 75 غرام من زيت نباتية و 100 غرام من السكر البني.
- زيدي 225 غ من الدقيق و 2 ملاعق صغيرة من البيكنج باودر و 3 ملاعق قرفة وخلطيهم مزيان . زيدي 50 جم من المكسرات (اختيارية)
في قالب الكيك ديري الخليط وزيدي عليه رقائق الشوكولاتة من الفوق ودخليه للفرن لمدة 20 دقيقة.

07/06/2020

DOUBLE CHOCOLATE MUFFINS 🍫
⁣
⁣
المكونات 🥧⁣
⁣
1 كاس دقيق ⁣
كاس من مسحوق الكاكاو ⁣
ملعقة صغيرة بيكينغ باودر⁣
كاس حليب
3 ملاعق كبيرة زيت جوز الهند / زيت الزيتون / الزبدة
ربع كاس عسل
شوكولاتة مقطعة اطراف صغيرة (اختياري) ⁣
⁣
الطريقة 🥧⁣
⁣
نسخنو الفرن على درجة حرارة 180
في وعاء كبير نخلطو المكونات الجافة الدقيق والكاكاو وبيكينغ باودر
في وعاء متوسط ​​طربي المكونات الرطبة والحليب وزيت جوز الهند والعسل حتى يندمجو مزيان مع بعض
زيدي المكونات الرطبة للمكونات الجافة، طربي مزيان حتى تدمج مع بعضها وتأكدي انها اندمجت مزيان
ديري الخليط بالتساوي في قالب الكيك اللي غادي يدخل للفرن
مع الشوكولاتة المفرومة⁣ لمدة 16-20 دقيقة

بالصحة والراحة👩‍🍳

05/06/2020

شنو كيعني تكوني سليمة وصحية
FIT AND HEALTHY 🔥⠀⠀
-⠀⠀
هاد جوج كلمات كيعنيو بزاف ويقدر يختلف المعنى من شهص لآخر حيت تحديد معنى هاد الكلمتين فحاجة وحدة صعيب شوية. 🤔⠀⠀
أنا الشرح ديالي لهاد الكلمتين هو هذا 👇🏻💭⠀⠀
-⠀⠀
اللياقة البدنية والصحية ماشي فقط فشنو كتاكلي وشنو كتريني هي أكثر من هادشي بزاف⠀⠀
-⠀⠀
بالنسبة لي الأمر كيتعلق بالثقة والحياة الاجتماعية والسعادة والقدرة على التفكير بوضوح والتوازن.⠀⠀
-⠀⠀
يعني في رأيي أنه يجوز ناكلو بعض الفاست فود ولا الايس كريم مرة مرة، وهو حاجة مكتجيكش فالبال فاش كتكلمي على الصحة واللياقة البدنية🍦 ⠀⠀
-⠀⠀
بالنسبة ليا أنك تكوين FIT AND HEALTHY يعني أنة تكوني نسخة أفضل من شنو نتي عليه اليوم 💚⠀⠀
-⠀⠀
ونتوما شنو الشرح ديالكم لهاد جوج كلمات ؟ 😍

03/06/2020

بعض النصائح باش تولي الصحة واللياقة ديالك متناسبة مع نمط حياتك 🏋🏼⠀
-⠀
كاين أمور بزاف زوينة وماشي كلشي كيديرها غادي تنفعكم بزاف وغادي نحددها في ما يلي

👇🏻
⠀
1. التأمل
كلنا عندما مشاكل وصراعات يومية كنعيشوها في حياتنا ولكن اذا تأملنا مزيان غادي نقولو الحمد الله حيت عندنا ماناكلو ونشربو وسقف ولا 4 حيطان جامعينا 🙏🏻⠀
⠀
2. ضحكي
سواء سمعتي نكتة صغيرة ولا شفتي فلم كوميدي ولا ضحكتي مع صحابك هادشي عندو دور مهم على صحتك . 🤣 ⠀
⠀
3. التمدد Stretching
التمدد شيء بسيط مغاديش ياخذ بزاف من وقتك حيت غادي يخليك نشيطة النهار كامل 🤸‍♀️⠀
⠀
4. شربي الماء مزيان
الماء ضروري وجسمك كل ما عطيتيه الماء كل ما مزيان داكشي علاش شربي الماء طول النهار 🚰 ⠀
⠀
5. قراي
القراءة عندها فوائد بزاف بحال تحسين ذاكرتك وتقليل فرصة الإصابة بمرض الزهايمر. 📗⠀
⠀
6. وأخيرًا وليس آخرًا
تهلاي فراسك وخودي بعض الوقت ليك ترخاي وعطي وقت لراسك وخلي جميع الالتزامات والأشياء الأخرى من بعد💆🏻‍♀️

02/06/2020

الفياق بكري عندو بزاف ديال الفوائد وتيكون أفضل بداية لنهارك ولكن في الحقيقة الأمر كيبقى ماشي سهل عند بزاف ديال الناس 😅⠀
-⠀
بزاف ديال الناس اللي كنشوفو فالخدمة مثلا ولا فالحياة بشكل عام كيفيقو بكري وكيبان لينا الأمر ساهل ولكن كيفاش كيديرو ؟

هذه 8 نصائح: 👇🏻⠀
⠀
1. تنعسي مزيان .
كيبان لينا الأمر واضح ولكن فاش تبغي تفيقي بكري خصك تنعسي بكري وخصك كذلك تأكدي من أنك غادي تنعسي بكري ولمدة 8 ساعات كل ليلة
⠀
2. تفاداي تاخدي القهوة بهد الظهر .
حيت كتخلي النعاس صعيب وممكن تسبب لك الأرق⠀
⠀
3. حطي أهداف كتخليك فرحانة.
فكري ديري شي حاجة زوينة واستخدمي الوقت اللي عندك باش تفيقي بكري⠀
⠀
4. الاستحمام البارد
ممكن متكونش عندك فكرة تاخدي دوش فالصباح بكري ولكن غادي يعاونك بزاف باش تفيقي ودوزي نهارك مزيان⠀
⠀
5. خلي المنبه بعيد عليك .
باش متكونش أعذار ولا طفيه وترجعي تنعسي نوضي من فراشك طفيه وبقاي فايقة!

6. خودي ما يكفي من فيتامين د .
انخفاض مستويات فيتامين د يقدر يسبب قلة النوم! ⠀
⠀
7. لازم يكون عندك سبب قوي.
فاش غادي يكون عندك سبب قوي يخليك تفيقي هاد السبب هو اللي غادي يخليك تحلي عينك وتكوني مضطرة تنوضي من الفراش

8. لازم يكون عندك روتين يدعم السبب الخاص بك.
رتبي روتينك اليومي وحطي مخطط لنهارك وخلي عندك أسباب تفيقي عليها .

02/06/2020

شنو هو الواقع الصعب ؟ ⠀
فاش التزمتي أخيرًا بنظام غذائي لفقدان الوزن أكيد قلتي أن الجزء الصعيب هو تنوضي من فراشك باش تمشي لنادي الرياضة وتهزي شوية ديال الأوزان بعض المرات في الأسبوع. ⠀⠀
ممكن تكوني كتكرهي الرياضة وأنك تنوضي وديري مجهود بدني وممكن تكوني رافضة فكرة أنك تريني وتهزي شوية ديال الأوزان وكتفضلي ديري غير بعض التمارين الهوائية. ( كارديو) ⠀
ولكن في الواقع فاش كيتعلق الأمر بأكبر عاملين فالرحلة ديالك لإنقاص الوزن اللي هوما التدريب والتغذية غادي يكون التدريب هو الجزء السهل والتغذية هي الأمر الصعب حيت كتولي مضطرة يومياً أنك متاخديش أكثر من الإحتياج ديالك من السعرات الحرارية زيادة على أنه خصك ديري هادشي يومياً .
تاخدي بروتين كافي⠀
تحافظي على التوازن بين الأطعمة ديال الدايت ووجبات الغش باعتدال والكثير من الأمور الاخرى . ⠀⠀
مايمكنكش التدريب خارج نظام غذائي غير متوازن دكشي علاش الأمر كيبقا ليك لاتخاذ الخيارات الصحيحة النهار اللي مكترينيش فيه وهذا هو الجزء الصعب.

ملاحظة : ⠀

صعيب ماشي بالضرورة مستحيل غير الأمر كيتطلب شوية ديال الخدمة والصبر والممارسة
نقي النظام الغذائي ديالك وخليه أسلوب حياة ديال ديما
والنتائج غادي تجي 😉 وعد💪🏻

02/06/2020

8 قواعد أساسية إذا بغيتي تنجحي فالدايت ديالك 💪🏻

01/06/2020

CARDIO VS WORKOUT

الكارديو 🏃‍♀️

زيادة القدرة على التحمل القلبي الوعائي .
كيحرق السعرات الحرارية على المدى القصير.
قلب أقوى .

تمارين المقاومة 🏋🏻‍♂️

زيادة القوة.
كيخلي العضلات أقوى.
كيحرق السعرات الحرارية على المدى الطويل.
كيحسن من الشكل.
-
للتوضيح : (أنا ماشي ضد الكارديو )
-
كتخاف العديد من النساء من القيام برياضة حمل الاثقال مع فكرة غادي تولي عندهم عضلات كبيرة ويبانو بحال الرجل.

مايمكنش لأي امرأة تولي بعضلات كبيرة ولا تبان بحال الرجل الى مخداتش مواد إضافية 💉 وبطبيعة الحال ماعندش النساء ما يكفي من هرمون التستوستيرون باش يوصلو لداكشي ، بناء العضلات صعيب بزاف من شنو كيعتقدو معظم النساء حيت مايمكنش بسهولة وبطريقة سحرية تولي معضلة بين عشية وضحاها. ⠀⠀⠀⠀⠀⠀⠀⠀⠀⠀⠀⠀
يمكن تكون امرأتان بنفس الوزن ولكن مختلفتين من الناحية الجمالية.
شحال ما نقصت نسبة الدهون في جسمك ، غادي تبان وحدة أكثر قوة ومحددة العضلات.

90٪ من النساء كيعانيو من السيلوليت الطبيعي وبلا مانعتبروه حاجة سلبية ، السيلوليت يمكن نحيدوه عن طريق خفض نسبة الدهون في الجسم، أو بناء العضلات واخا كنشوفو بعض عدائي الماراطون بأقل نسبة دهون في الجسم ومع ذلك عندهم السيلوليت.
إذن الى كنتي بغيتي تنقصي نسبة الدهون في الجسم ولا تحيدي السيلوليت استعملي جهاز المشي Tapis roulant وابداي في رفع بعض الأوزان.

زيادة كتلة عضلاتك عندها مزايا إضافية اخرى منها العضلات كتحرق الطاقة بزاف حيت كلما زادت العضلات عندك زادت السعرات الحرارية التي كتحرقيها
مرة أخرى ، يمكن يكون عندنا جوج نساء بنفس الوزن ولكن نسب الدهون مختلفة في الجسم ولكن المرأة اللي عندها العضلات أكبر غادي تحتاج للمزيد من السعرات الحرارية للحفاظ على وزنها الحالي ، وهكذا غادي يمكن ليها تاكل أكثر.
إذن الى كنتي باغية تنقصي الوزن ديري تمارين المقاومة أكثر .
وباش تستافدي أكثر ديري شوية ديال الكارديو مع تمارين المقاومة.

27/05/2020

GUAVA / الجوافة

الجوافة هي جنس من النباتات منتشرة بشكل كبير في الكثير من المناطق كالمناطق الإستوائية أفريقيا أمريكا الجنوبية، وغيرها من البلدان الإستوائية ، وثمرة الجوافة وورق الجوافة من أكثر الثمار اللي فيها فوائد كثيرة خصوصا أوراقها اللي كيستخدموها في عدة علاجات.

الجوافة أفضل فاكهة لمرضى السكر حيت كتضبط مستوى السكر فالدم وبعض الدراسات أكدت أنها كتحمي من الاصابة بالسكر من النوع الثاني كذلك كتحمي من الاصابة بالسرطان وعندها دور مهم على صحة الجلد والبشرة حيت غنية بمضادات الأكسدة وبزاف ديال المعادن والفيتامينات وفيها ضعف نسبة البوتاسيوم اللي كاين فالموز اللي حتى هو مهم لصحة القلب وتنظيم مستويات ضغط الدم كيف ما كتعالج الامساك حيت فيها نسبة عالية من الألياف لأنها كتنظف الأمعاء وكتسهل عملية الهضم زيادة على دورها المهم لإنقاص الوزن حيت فيها نسبة كبيرة من الماء والألياف اللي كتخلي الشخص يحس بالشبع والتقليل من اخد السعرات الحرارية من بعد .

27/05/2020

بعض الوجبات الخفيفة اللي يمكن ناخدوها بالليل طبعاً فحدود سعراتنا اليومية 👍🏻

27/05/2020

الفواكه اللي فيها نسبة عالية من الألياف 👍🏻

27/05/2020

الأطعمة الأساسية لإكتساب الكتلة العضلية من بروتينات كربوهيدرات دهون صحية وألياف غذائية .

26/05/2020

Never give up, never give in, and when the upper hand is ours, may we have the ability to handle the win with the dignity that we absorbed the loss. ✨

24/05/2020

ونتوما كيفاش كدوزو عيد الفطر ؟ 😂

24/05/2020

Yes ✅

23/05/2020

عيد مبارك سعيد وكل عام وأنتم بخير 💚

23/05/2020

HEALTHY NUTELLA 🌰

نوتيلا صحية لوجبة الفطور خالية من الألبان والسكر

✅ صحية
✅ لذيذة
✅ ساهلة

المكونات

1 كوب بندق
340 غرام شوكولا داكنة 70%
ملعقة كبيرة زيت جوز الهند ولا زيت الزيتون
3 ملاعق عسل
ملعقة صغيرة فانيلا
6 ملاعق كبيرة حليب اللوز

الطريقة

غادي تحمري البندق فالفران اللي يكون سخون قبل على درجة حرارة 175 لمدة 12 دقيقة من بعد مايتحمر تخليه يبرد وتحيدي ليه القشرة
ديري الشوكولا فبان ماري مع زيت الكوكو ولا زيت الزيتون
طحني البندق فالخلاط حتى يولي عندك معجون زيدي عليه الشوكولا اللي ذابت والعسل والفانيلا وشوية ملح خودي الحليب وبداي تزيدي بجوج معالق كبار بشوية حتى تحصلي على القوام اللي بغيتي.

بالصحة والراحة👩‍🍳

23/05/2020

🥧 كيك
✅ صحي
✅ لذيذ
✅ ساهل

المكونات

الدقيق الكامل ولا دقيق الشوفان
1 ملعقة بيكينغ باودر
1 ملعقة صغيرة قرفة
1 ملعقة كبيرة زيت
عصير برتقال
عسل
بيضة
لوز

الطريقة

سخني الفران على درجة حرارة 165 ديري اللوز فالصينية ودخليه للفران يتحمر من بعد خرجيه وخليه يبرد وخودي منو حفنة خليها حتى الاخير والباقي طحنيه وزيدي عليه الدقيق العسل القرفة الزيت بيكينغ باودر خلطي كلشي مزيان من بعد زيدي البيضة وعصير البرتقال خلطي المكونات حتى تتجانس مزيان مع بعضها وديريها فقالب الكيك اللي يكون مدهون بشوية زيت ولا عليه ورق الفرن
ديري فوق منو الحفنة ديال اللوز اللي احتفضتي بيها فالأول ودخليه للفران حتى يتحمر.

بالصحة والراحة👩‍🍳

23/05/2020

🍪 كوكيز
✅ لذيذ
✅ ساهل
✅ صحي

المكونات

1 كوب شوفان
3/4 كاس كاكاو
ملعقة صغيرة بيكينغ باودر
1 موزة مهروسة
نصف كوب عسل
2 ملاعق زيت جوز الهند ( عوضوه بزبدة نباتية فحالة معندكمش)
1/3 كاس رقائق شوكولا سوداء

الطريقة

ديري الشوفان ومسحوق الكاكاو والبكينغ باودر في وعاء
خودي وعاء آخر ديري فيه الموزة المهروسة وزيدي عليها زيت جوز الهند والعسل
من بعد خودي خليط الموز زيديه على خليط الشوفان والكاكاو وخلطي مزيان حتى تتجانس العناصر مع بعضها حطيه فالثلاجة لمدة 20 دقيقة وسخني الفران على درجة حرارة 160 من بعد ماتخرجي العجين من الثلاجة ديريه على شكل كرات صغيرة وحطيه فالصينية اللي غادي تدخل للفران مع رقائق الشوكولا السوداء.

بالصحة والراحة 👩‍🍳

21/05/2020

🔥 SOMATOTYPE 🔥

بزاف ديال المرات كنسمعو :
أنا كناكل غير شوية كنغلاض، أنا كناكل كلشي ومكيبانش فيا...
علاش؟ وكيفاش؟ وعلاش ماشي اللي شفتيها تقولي بغيت نولي بحالها..

ربي خلقنا مختلفين كل واحد وطبيعة وتركيب وبنية الجسم ديالو وباش تلقاي النتيجة اللي بغيتي خصك تعرفي تعاملي مع الجسم ديالك على حسب هاد الإختلاف.

باش نفهمو هاد الاختلاف تقسمات الأجسام البشرية لتلاثة أنواع وهي اللي من خلالها غانعرفو كل نوع كيفاش دايرة البنية ديالو وشنو النظام اللي صالح ليه.

أجسام البشر كتنقسم لتلاثة أنواع وفاش غنشرح كل نوع كيفاش داير غادي تعرفي نتي اشمن نوع . 👌

✅ النوع الأول : إكتومورف Ectomorph
✅النوع الثاني : ميزومورف Mesomorph
✅النوع الثالث : إندومورف Endomorph



🚶‍♀️إكتومورف ( النوع النحيف) :

هاد النوع كتلقاه غالبا طويل ورقيق يعني قد الفوق قد التحت العظام والمفاصل ديالو رقيقة أكتاف ضيقة منطقة الصدر ضيقة عضلات طويلة رقبة طويلة ساقين وذراعين رقيييقة وطويلة باختصار كيكون كامل قد الفوق قد التحت غادي خط واحد كامل رقيق.
(صعيب يكسب العضلات، ساهل يخسر الدهون )
عملية الأيض عندو كتكون سريعة صعيب يكتسب الوزن والعضلات وحتى الدهون وفاش كياكل دغيا كيشبع.

🚶‍♀️ ميزومورف ( النوع العضلي) :

وهو اللي كتلقاه عريض من الفوق ورقيق من التحت الجسم ديالو بحال شكل" متلث مقلوب" أكتاف عريضة وخصر صغير الاكتاف و الذراعين كيميلو لشكل الجسم الرياضي قليل الدهون.
( كيكتسب العضلات بسهولة ومتوسط في فقدان الدهون) وهاد النوع عندو قوة التحمل عالية.

🚶‍♀️ إندومورف : ( النوع السمين) :

الشحمة كتكون واضحة بنية العظام كبيرة تراكم الدهون في الجزء العلوي من الذراع والفخذ شكل عريض من الامام والخلف ( ساهل يكتسب العضلات ، صعيب يخسر الدهون)
هاد النوع كيحس بالعياء بسرعة وديما كيفشل فإنقاص الوزن والشهية مفتوحة بزاف.

ملاحضة:
نوع الجسم ديالك ماشي هو الشكل اللي انت فيه دابا حيت هاد التقسيم مبني على بنية جسمك الجينية يعني بنية العظام وفين كيتجمعو عندك الدهون بزاف وقابلية الجسم ديالك لاكتساب العضلات.

21/05/2020

OLIVE YOU SO MUCH ☺️

21/05/2020

20/05/2020

الطريقة ساهلة ✅

20/05/2020

6 تمارين لكامل الجسم نقدرو نديروهم غير فالدار ✅

20/05/2020

الإرهاق والعياء خصوصا في شهر رمضان من المشاكل الكثيرة اللي كيعانيو منها بزاف ديال الناس وهذه هي بعض العادات الخاطئة اللي كتخليك ديما عيانة وفيك الخمول 🥱

✅ شربي الماء مزيان
✅ استقري نفسياً
✅ نعسي مزيان
✅ متشربيش القهوة بزاف
✅ تبعي نظام غذائي صحي
✅ نقصي من التوتر

19/05/2020

التقدم بخطوة صغيرة أفضل من التراجع ...

افرحي بأي إنجاز حتى لو كان صغيراً . 💚

19/05/2020

وصفة ساهلة وصحية لشفلور ولا ما يسمى باللغة العربية القرنبيط ✨

✅ المقادير :
شفلور ، ملعق كبيرة زيت زيتون، نصف ملعقة صغيرة ملح، ملعقة كبيرة فلفل أسود ، عصير حامضة

✅ الطريقة :
نقطعو رؤوس شفلور ونحيدو القلب ديالهم بشوية من بعد نحطوهم فصينية اللي تكون مدهونة بشوية زيت زيتون واللي غادي تدخل للفرن اللي يكون سخون قبل نرشو الشفلور بالملح الفلفل الأسود ملعقة زيت زيتون وعصير حامضة ونفركوه مزيان حتى يشرب التوابل من بعد ندخلوه للفرن حتى يتحمر ونقدموه مع قطع الحامض والمعدنوس .

18/05/2020

شنو محتاجة باش تبداي نظام غذائي صحي ؟ 🥬

✅ مصادر البروتين
واللي مقسمة لبروتينات حيوانية ونباتية
فين كاينة هاد البروتينات ؟

🥩البروتين الحيواني :
وهو البروتين اللي موجود فاللحوم الحمراء والبيضاء، البيض، الحليب والمشتقات ديالو

🌽البروتين النباتي :
واللي موجود فالحبوب الكاملة وأنواع كثيرة من الخضر والبقوليات

✅ مصادر الكربوهيدرات
شنو هي هاد الكربوهيدرات؟

الكربوهيدرات هي نوع من الاطعمة اللي كتحول لجلكوز بعد ما كتهضم وكتعتبر هي مصدر الطاقة للجسم .
فين كاينة الكربوهيدرات ؟
قبل ما نعرفو فين كاينة خصنا نعرفو أنه حتى هي فيها جوج ديال الأنواع واللي هي كربوهيدرات بسيطة وكربوهيدرات معقدة

🧃الكربوهيدرات البسيطة :
كاينة في السكر ،العسل ، الالبان ، العصير والفواكه
🍞 الكربوهيدرات المعقدة:
وهي النشويات بحال الارز البطاطا الشوفان الحبوب الكاملة

✅ مصادر الدهون الصحية :
شنو هي الدهون الصحية وفين كاينة ؟
كيف ماكاينة دهون ضارة كاينة حتى دهون اللي صحية..

🥑 الدهون الصحية:
زيت الزيتون مثلا الافوكا ، الاسماك ، البيض ، بذور الشيا والكتان ، الشوكولا الداكنة ، زيت جوز الهند ، الزيتون .

✅ مصادر الألياف الغذائية :
الموجودة فالخضر ، الفواكه ، الحبوب الكاملة والبقوليات

باش تبداي نظام غذائي صحي رجعي من السوق ولا السوبرماركت ونتي معاك هادشي 😍💚

18/05/2020

To keep the body in good health is a duty…otherwise we shall not be able to keep the mind strong and clear. – Buddha

18/05/2020

4 بانكيك الموز 🍌

المقادير :

2 موز، ملعقة صغيرة بيكينج باودر، كاس حليب( اللوز ) ، 2 كؤوس دقيق الشوفان ، زيت جوز الهند ، ملعقة صغيرة قرفة ، ملعقة صغيرة فانيلا

الطريقة:

نهرسو الموز نزيدو عليه الحليب ودقيق الشوفان مع بيكينج باودر والقرفة والفانيلا ونخلطو جميع المكونات حتى تمتزج مع بعضها ناخدو مقلاة نديرو فيها القليل من زيت جوز الهند مع 3/4 معالق كبيرة من الخليط لتشكيل فطيرة ونقلبوها على الجهة الثانية حتى طيب وبالصحة والراحة .

17/05/2020

سلطة الحمص اليونانية 🍅

المقادير:

حمص مسلوق ومصفى ، طماطم حمراء، بصلة مقطعة شرائح ، نصف كوب صغير زيتون ،خيار مقطع اطراف، صغيرة، جبن ، ملعقة كبيرة زيت زيتون ، خل ، ملعقة عسل، 2فصوص ثوم مفروم ، فلفل أسود

الطريقة:

نديرو جميع المكونات في وعاء كبير ونخلطو مزيان حتى تتماسك جميع مكونات السلطة.

ملاحظة:
هذه السلطة صالحة للإحتفاض بها في الثلاجة لمدة 3 أيام