Cabinet de psychiatrie - psychothérapie Dr Lamya Khalili

08/07/2023

القسم التاني للمفهوم 2 : النموذج البيولوجي النفسي الاجتماعي

شرح النموذج البيولوجي النفسي الاجتماعي - القسم الثاني القسم الأول : https://youtu.be/Xpcvr-M9LdA

16/06/2023

المفهوم 2: "النموذج البيولوجي النفسي الاجتماعي" 😊 من سلسلة مفاهيم في الصحة النفسية .

شرح النموذج البيولوجي النفسي الاجتماعي

10/04/2023

نقترح سلسلة من الفيديوهات من أجل شرح و تبسيط بعض المفاهيم المتعلقة بالصحة النفسية و أول مفهوم هو العلاج النفسي😊

تعريف مبسط للعلاج النفسي و انواعه

17/02/2022

التقدير الذاتي، الثقة بالنفس و توكيد الذات (estime de soi, confiance en soi et affirmation de soi)
سنحاول شرح هذه المفاهيم الثلاث اللي مرتبطة جدا ببعضها البعض لدرجة يقدر يوقع بعض المرات خلط بينهم.
- المفهوم الأول التقدير الذاتيestime de soi : يتعلق التقدير الذاتي بالرأي اللي كنكونو على نفسي، نوع الأفكار اللي عندي على راسي مع الاحاسيس المرافقة لها. أي إنسان عندو تقدير لذاتو، الاختلاف كاي تجلى فكيفاش كنقدر راسي ؟ واش كنقدرو بشكل جيد او العكس؟ الجواب كيظهر غالبا فطريقة التفكير ديالي في معاملاتي وعلاقاتي الشخصية و العملية و فالسلوك و ردود الأفعال ديالي.
للاشارة: تقدير ذاتي عالي لا يعني تقدير ذاتي جيد أو صحي. مستوى التقدير الذاتي(عالي أو ضعيف) هو فقط معيار من معايير تقييم التقدير الذاتي اللي ممكن نتكلمو عليها لاحقا.
- المفهوم الثاني، الثقة بالنفسconfiance en soi : الاحساس بأنك قادر على مواجهة الأحداث والمواقف اللي كتمر بها و إيمانك ان لك إمكانيات و مهارات تمنحك فرص معقولة في النجاح و القيام بأشياء جيدة دون الخوف المفرط من الفشل مع تقبل احتمال حدوثه.
الثقة بالنفس مرتبطة بالفعل (l 'action ) ممكن اعتبارها البعد السلوكي للتقدير الذاتي.
- المفهوم الثالث توكيد الذات affirmation de soi: هي القدرة على التعبير بطريقة صحية، سليمةبدون مشاعر مبالغ فيها على مانرغب فيه او ما نرفضه. القدرة على الدخول في حوار مع الاخر نعبر فيه عن آرائنا، أفكارنا و احاسيسنا دون المساس سلبيا بالعلاقة التي تربطنا به.
تقديري لذاتي كيحدد مدى ثقتي بنفسي والاثنين كيحددو مدى توكيدي لذاتي في المجتمع اللي عايش فيه.
و اخيرا ، المفاهيم الثلاث مرتبطة ببعضها بشكل وطيد. العلاقة بيناتهم ممكن نشبهها بوردة او شجرة بحيث الجذور هما التقدير الذاتي، الساق هو الثقة بالنفس و الفروع او الثمار هما التوكيد الذاتي.

28/12/2021

Nous vous informons de la reprise de l'activité au niveau du cabinet Dr Khalili Lamya. Vous pouvez prendre vos RDV en appelant le 0537765741.

06/04/2020

سلام ،غادي نحاولو نتكلمو على stress و العلاقة ديالو مع الوضعية الي كان عيشو حاليا (وباء covid19):
أولا خاصنا نعرفوا ان stress راه ظاهرة عادية بل ضرورية في الحياة ديالنا. هو عبارة عن ردة فعل كيقوم بها الجسد ديالنا من أجل التفاعل أو التجاوب مع متطلبات العالم الخارجي و الوضعيات الجديدة اللي كيقدر يفرضها علينا. الهدف منها هو التكيف (adaptation) مع العالم اللي حنا فيه و الاستمرار في الحياة بأحسن شكل ممكن.
باش نوضح ليكم أكثر غادي نعطي مثال من عالم الحيوان (آاه حتى الحيوانات عندهم stress 😬) ؤ من بعد غادي نسقطوه على الوضعية الحالية اللي كان عيشوها.
ناخذو غزالة🦌 كتغذى فالغابة. على بغتة! بان ليها سبع🐯 😨 😱..
طبعا أول حاجة غنشوفوا حنا هي ردة الفعل السلوكية ديالها: غادي تضربها بجرية باش تهرب و تعتق الحياة ديالها، هاد السلوك هو نتيجة تفاعل الجسم ديال الغزالة مع الموقف اللي تحطات فيه: رؤية السبع - تقييم الخطر- خوف - تسارع في التنفس- دخول نسبة مهمة من O2 - تسارع دقات القلب لضخ O2 في العضلات- القيام بمجهود الجري- الابتعاد عن السبع و الوصول الى مكان آمن - التوقف عن الجري مع الارتياح والاستمرار في الأكل=== ردة الفعل بأكملها هي اللي كان سميوها réaction de stress, كون ماكنتش كون الغزالة كانت ضحية ساهلة جدا للسبع. المشكل إذن ماشي فوجود stress وإنما فالكيفية اللي كتم بها عملية stress ؤ لي تقدر تتجلى فالكمية ديالها، فالمدة أو فالفعالية ديالها.
نحتافظو بالغزالة ديالنا أو نشوفوكيفاش ممكن يتمثل عندها مشكل ف sa réaction de stress:
1- فرضا ان الغزالة ماخافتش نهائيا ؤ احتقرات خطورة السبع غادي تفاعل ببرودة ؤ غادي تبقا فبلاصتها! طبعا السبع ماغيرحمهاش غايلتهمها بالصحة و الراحة 🐅🐅
2- فرضا ان الغزالة خافت ؤ هربات ولكن وخا وصلات لمرحلة الامان استمرت في الجري حيت بالنسبة ليها الخطريقدر يكون باقي موجود ؤ وااااقيلا السبع مازال تابعها ؤ احتياطا بزايد غاتبقى تجري (تقييم مبالغ فيه للخطر) = هنا الغزالة غادي تعيا ؤ كل الطاقة الي عندها غادي تستنفذها ؤ اذا تحاطات بموقف مماثل ماغاديش تقدر تجري واخا تبغي حيت الاحتياط(stock ) ديالها من الطاقة سالا!!! فرصة أخرى عند سبع واحد آخر باش ياكلها🐯🐯
× هنا نقدروا نقولو ان stress الفعال هو اللي كايكون مرافق بتقييم عقلاني و سليم للوضعية اللي حنا فيها واللي كايعطي احاسيس فمحلها بدون زيادة أو نقصان ؤ كينتج سلوك فعال للتعامل مع الوضعية مع ضرورة الارتياح من بعد من أجل التغذية و استرجاع الطاقة اللي تستهلكات.
- الا طبقناهذا المثال على الوضعية الحالية ديال covid19 هاشنو غادي نلقاو:
+ السبع في الحالة ديالنا هو وجود virus سريع الانتقال ؤ كيشكل خطورة على واحد الفئة منا. اكيد هاذ الوضعية كتخوف الشيء اللي غادي يدفعنا نلقاو ليه حلول: عند الأغلبية د الناس و خصوصا الاختصاصيين كان الخوف منطقي و تم إيجاد حلول واضحة و فعالة: غسل اليدين ، الحجر الصحي.... اللي خاص الجميع يمتتل ليها و نوصلوا كاملين لمرحلة الامان= هادي ردة الفعل السليمة..أجيو نشوفوا فين غايكون المشكل:
1- تماما بحال الغزالة الا تفهنا من الخطورة دالوضعية ( ماعندي علاش نخاف، موت واحدة لي كاينة، هادو زااااادو فيه....) ؤ مانديرش الاحتياطات الواجبة علي 😕😕 النتيجة غادي تكون وخيمة علينا و على الاهل ديالناو المجتمع والعالم بأسره ☹️
2- نبالغو فالخوف و نتجاوزو بكثييييير السلوك اللي مطلوب منا: مثلا غادي نبقى النهار كامل و انا كنقلب على معلومات ،على عدد الوفايات، شكون هما علاش ماتو فين وصلو البلدان الأخرى بطريقة مكثفة و ملحة، نقدر ندوز ساعات في تكرار التعقيم و الغسل بطريقة مفرطة ، غنقلب كل شوية راسي ياك ما في شي اعراض؟ ؤ نتصل باطباء للتأكد عدة مرات في اليوم...هاذ الانواع من السلوك كتغذي الخوف اللي في ؤ كاتستنزف الطاقة ديالي، الشيء اللي كيجعلني عرضة للتعب ولأمراض جسدية و نفسية كالاكتئاب و اضطرابات القلق اللي ممكن تأتر على المناعة ديالي😏😏
- إذن شنو نستافدو من هاد شي كامل:
+ تقييمنا للوضعية خاصو يكون عقلاني: المعلومة ناخذها عند الاختصاصيين أو ماشي عدة مرات في اليوم
+ الخوف غادي يكون ولكن ماخاصوش يفوت القياس، إلى حسيت ان الخوف بدا كيسيطر علي كاينين تقنيات اللي غادي تساعدني نخفف من الحدة ديالو (الارتخاء، التنفس، التأمل...) وإلا اضطريت نقدر نستاشر أخصائي.
+ السلوك راه واضح ؤ باين:إرشادات وزارة الصحة و الهيئة العالمية للصحة واضحين. السلوكات المبالغ فيها نقلل منها على قدر المستطاع .
و اخيرا هذي فرصة نكتشفو فيها راسنا كيفاش كانتعاملو مع الحياة و المتطلبات ديالها بصفة عامة، إلا صححنا أو طورنا طريقة التفاعل ديالنا مع الوضعية الحالية الجديدة، اكيد ان شاء الله بعدما نتجاوزوها غادي نكونو اكتسبنا مهارات غاتعاونا في حياتنا بصفة عامة من بعد corona ☺️☺️ .

19/03/2018

كاي شرح لينا Dr Christoph André فهاذ التسجيل كيفاش ممكن نفرقو بين التفكير الطبيعي و التخمام او اجترار الافكار (la rumination) .
باش نقدرو نديرو هاذ التمييز خاصنا أولا نفسرو شناهي rumination أو التخمام المفرط: هاذ الظاهرة كتشمل الافكار اللي كاتعاود بطريقة دائرية، افكار عقيمة ما كتوصلنا غالبا لحتى قرار، كتخلينا ندورو فحلقة مفرغة " واش تصرفت مزيان؟ أو إلا وقعت شي حاجة؟ أو إلا ماصدقاتش؟ ممكن طرا شي حاجة....."
على العموم البداية ديال التخمام ( rumination) كتبدا بمجرد تساؤل على مشكل أو حدث معين سوا واقعي سوا متوقع. الشيء اللي كي جعل من التخمام مصدر للمعاناة و الضغط هو الطريقة اللي كيتم بها التساؤل و الاستمرارية ديالو.
هاذ الظاهرة منذ عشرات السنين اتضح انها موجودة في عدة اضطرابات نفسية ( الاكتئاب، اضطرابات القلق، اضطراب السلوك الغذائي و حتى فبعض الحالات د الهديان).
بالنسبة للناس لي كاي عانيو من هاذ الطريقة فالتخمام كان شجعوهم باش يطرحو على نفوسهم 3 اسئلة غاتخولهم يفرقو بين الاوقات اللي كايفكرو فيها أو الاوقات اللي كيخممو فيها (ruminer) حيت الفخ اللي كان وقعو فيه اثناء التخمام هو انه كيسحابنا اننا كنفكرو في حين كان كونو غي كان رهقو راسنا بدون نتيجة.
السؤال 1: منين بديت كنفكر فهاذ الموضوع واش بديت كان تحسن؟ واش هاذ التفكير كاي ساعدني نولي احسن ولا العكس؟
السؤال 2: واش هاذ التفكير كايقربني من حلول ملموسة وواقعية؟
السؤال 3: إلا هاذ التفكير ماكاي قربنيش من الحل و ماكاي ساعدنيش نتحسن واش على الاقل كاي خلي الامور توضاح اكثر في حياتي؟
إلا جاوبت بلا على الاسئلة بتلاثة نعرف اني كنخمم بإفراط ماشي كنفكر. هنا مانحاولش نحبس هاذ الظاهرة بالقوة. الحلقة المفرغة ديال التخمام صعيب نقطعها غي بالرغبة ديالي، احسن حاجة نديرها فهاذ الحالة هي نخرج نتمشى، نجري أو نتحدث...مسائل اللي غادي تعاوني بزاف.

Comment apprendre à se connaître ? Pour avoir quelques pistes, nous recevons le psychiatre Christophe André, qui publie dans une co-édition France Culture et...

08/03/2018

"Les choses qu'on doit apprendre, on les apprend en les faisant" Aristote

06/03/2018

L’atelier de « gestion du stress » a pris fin ce dernier weekend. Pendant 4 séances sur un mois, les participants se sont engagés avec grand intérêt et assiduité à connaitre et découvrir les différentes parties consacrées à définir le stress, comment il agit sur nous ? Et comment doit-on agir pour y faire face ?
Les quatre séances sont étroitement liées, à chacune on proposait des outils et techniques pratiques pour s’aider d’abord à s’auto-observer dans ses propres situations de stress, ensuite détecter le dysfonctionnement qui nous installe encore plus dans le stress et enfin choisir la technique idéale pour y faire face selon la situation et le sujet subissant la situation stressante.
Dans ce cadre aussi, on a proposé une séance de méditation pour s’initier aux méthodes de relaxation, très utiles dans la gestion du stress, animée par Aicha AZZOUI enseignante de yoga et méditation ( Be Yoga).
On est très satisfait du déroulement du premier atelier, je tiens pour cela à remercier tous les participants, de la qualité de leurs réflexions, commentaires, questions et d’avoir investi dans cet atelier beaucoup de leur temps.
Je vous annonce que le prochain atelier « gestion du stress » sera programmé à la fin du mois, 1e séance le 24/03/2018. Les désireux d’y participer, veuillez contacter le cabinet (0537765741/0610272722) pour confirmer votre inscription.

15/02/2018

Rappel aux participants à l'atelier de "gestion du stress"; la deuxième séance est programmée pour le Samedi 17 Février à 14h30, pour pouvoir bénéficier pleinement d'une séance de méditation animée par Aicha Azzoui ( entraineuse spécialisée de Yoga et méditation: Be Yoga). Pour les gens qui n'ont pas pu être avec nous Samedi dernier, nous vous informons qu'une deuxième séance portant sur le même thème est programmée ce Vendredi 16/02/2018 de 17h00 à 19h00. Veuillez appeler le cabinet pour toute information au 0537765741

CONSULTATION SUR RDV