maison_de_naissance_ait_salem

maison_de_naissance_ait_salem sage-femme holistique
consultante en allaitement maternel
pr femmes encientes et les futures mamans

15/03/2026

من كل قلبي، شكراً لكل النساء الرائعات لي شرفوني بالحضور و شاركوني لحظة الحنة الجميلة لدارت باش نفرحو كل حامل أو نفيسة كان عندها ذكرى مع دار الولادة أيت سالم ، حضوركم فرّح قلبي وزاد للمناسبة دفئ و محبة كبيرة و خصوصا شفت وليداتي لتبارك الله كبرو ❤️

و لي ماقدروش يكونو معنا واعتذروا، كنقول ليكم محبتكم و نيّتكم وصلاتني وحسّيت بها من القلب ، و شكر خاص و كبير للطاقم الطبي العزيز لي كان حاضر و فاجأني بتواجدو أكيد وجودكم كان بالنسبة لي أجمل مفاجأة، وكيأكد مرة أخرى أن بيناتنا ماشي غير خدمة، و لكن محبة صادقة و إنسانية كبيرة 🤍 و منساش نشكر كل واحد كانت عندو يد فهاد النهار الزوين و خصوصا

الله يديم علينا المحبة، و يجمعنا دائماً في الفرح والخير 🫰🏻 #دارالولادةأيتسالم #حنة #دعوةحناء

10/03/2026

هناك أماكن لا تكون مجرد مكان للعمل… بل تصبح جزءاً من القلب.
وهذه المصحة ستبقى دائماً واحدة من أجمل بداياتي❤️

24/01/2026

خلّي لحظات العناية بالطفل تجربة حب ودفء يومية 💕
طفلي_أولويتي الأمهات العناية_بالرضع نعومة_البشرة منتجات_آمنة

02/01/2026

وصلتني رسالة صوتية من صفاء الغزالة لجات من مدينة ميدلت ، فكان أول لقاء هو الترحيب و أنني أنا هنا سند و بجنبها كانت ولادة أولى ليها و جاتني و هي كلها خوف و الحمد لله توفقنا و ما توفيقنا إلا بالله العلي العظيم 🤲🏻
هاد الرسالة الصوتية ما كانتش غير كلمات، كانت دعوة، وكانت دفء، وكانت حب خالص من حامل ولدات معايا و كان لي شرف نكون جزء من هذه التجربة الجميلة ، صوت صادق جا من بعيد، لمس قلبي وذكرني علاش اخترت هاد الطريق ، أنا مجرد يد سند، وقلب حاضر، وخدمة كنديرها بحب وإيمان ، ممتنّة بزاف لهاد الرسالة لي عامرة أمل وامتنان ، حيت بعض الكلمات كتشفي التعب، وكترد الروح باش تبتسم من جديد ، فالحمد لله على نعمة الأثر الطيب، وعلى كل قلب نحطو فالقلب قبل اليد 🤍
و أنا بدوري كنبغي جميع الحوامل بلا استثناء، كل وحدة عندها مكانة فقلبي 🤍
و كنطلب من الله يعطي كل وحدة وقفة ساهلة، وولادة يسيرة، ويبدّل الخوف طمأنينة، والتعب فرح، والدمعة بسمة 🤲🏻فاللهم هوّن على كل حامل، وقرّ عيونها بسلامتها وسلامة جنينها، واجعلني دائمًا سبب خير وراحة، ولو بكلمة، ولو بوقفة، ولو بدعاء 🤲 #دارالولادةأيتسالم #ولادة #ايجابية

26/12/2025

#دارالولادةأيتسالم #ولادة

19/11/2025

في كل ولادة كنعيشو معجزة و لكن بعض اللحظات كتظل مطبوعة فالقلب أكثر من غيرها ، كنت كنرافق أجمل حامل ، سيدة دخلات بقلب عامر ثقة و رغبة باش تكون ولادتها طبيعية، هادئة، و مليئة بالطمأنينة ، و مع كل توجيه و كل تنفس كانت كتقرب خطوة نحو اللحظة لي غتحتضن فيها طفلها و كلشي كان كيقول بأن هاد الولادة هتكون قصة جميلة ما كتعاودش.

خرج المولود بين يدينا بكل لطف لحظة صافية، نقية، كتعلمنا كل مرة أن الولادة ماشي غير حدث طبي، و لكن حدث روحي، إنساني، كبير ، الأم تشبثات بوليدها لأول مرة، و الدموع ديالها كانت خليط ديال الارتياح، الانتصار، و الامتنان.

ومن بعد دخل الأب بهدوء كيشبه هيبته، و بحنان كيبيّن قدّاش هاد اللحظة كتساوي عندو الدنيا ، شدّ وليده بحضور كامل، و قرب لصغيرو و بدى كيؤذّن ليه ، كان الصوت دافئ، مرتعش شوية من الفرح، و لكن ثابت و كيوصل مباشرة للقلب هادي لحظة كتعلّم الطفل أول معنى للأمان لهو صوت الأب بين يديه و قريب قلبو.

بالنسبة ليا كمولدة هاد المشاهد هي السبب لي كيعطيني القوة نكمل و نحب هاد المهنة أكثر ، كنشوف فيها بداية حياة جديدة، و بداية أبوة و أمومة كتولد أمام عيني ، كنشوف فيها الثقة لي كتعطيني الأم و المسؤولية لي كيتحملها الأب، و الجمال لي كيخلي كل ولادة مختلفة و لكن بنفس القدر مؤثرة.

مبروك لهاد العائلة الجميلة مبروك لهاد الروح لي تزادت على نور المحبة و الدعاء و مبروك ليا كذلك أنني كنت شاهدة على واحدة من أرقّ اللحظات لي ممكن يعيشها الإنسان ❤️

Address

Skhirat
12050

Website

Alerts

Be the first to know and let us send you an email when maison_de_naissance_ait_salem posts news and promotions. Your email address will not be used for any other purpose, and you can unsubscribe at any time.

Shortcuts

Share

Category