01/03/2025
السلام عليكم ورحمة الله وبركاته،
مع حلول شهر رمضان المبارك، كنرفع أسمى التهاني والتبريكات لكل المدربين، والمتدربين، وأفراد أسرتنا الكبيرة، ولكافة المسلمين في كل بقاع العالم. 🌙✨
الدكتور محمد أمين رحو، مدير أكاديمية نورس الدولية وأكاديمية نورس الدولية للتدريب والاستشارات، كنتمنا ليكم رمضان مبارك سعيد، مليء بالخيرات والبركات والمغفرة.
🔹 رمضان شهر التغيير، مشي مجرد عادة!
هذا الشهر ماشي غير شهر الصيام على الأكل والشرب، وإنما صيام الجوارح، صيام القلب عن الحقد، صيام العين عن الحرام، صيام اللسان عن الغيبة والنميمة، وصيام العقل عن التفكير السلبي. هاذ الشهر هو فرصة لكل واحد فينا باش يقف مع راسو، ويراجع حساباته، ويشوف فين وصل مع الله، ومع عباد الله، ومع نفسه.
🔹 رمضان وقت العبادة والقرب من الله
رمضان فيه ليلة خير من ألف شهر، وفيه لحظات كيستجاب فيها الدعاء، وفيه رحمة ومغفرة وعتق من النار. مخصناش نضيعو الفرصة ونشغلو نفسنا بحاجات دنيوية ما عندها قيمة كبيرة، بحال المسلسلات، والسهرات، وكثرة الأكل اللي كيدخلنا في الكسل والخمول.
📌 واش احنا فعلاً كنعرفو نستغلو رمضان؟
خاصنا نسولو راسنا:
✔️ واش كنزيدو في صلاتنا ونخدمو على علاقتنا مع الله؟
✔️ واش كنحاولو نكونو أكثر تسامحاً ورحمة مع الناس؟
✔️ واش كنستغلو وقتنا في ذكر الله، وقراءة القرآن، والاستغفار؟
✔️ واش فعلاً كنحسّو بالناس اللي معندهمش ونحاولو نكونو عون ليهم؟
🔹 الدعاء فهاد الشهر العظيم
📖 قال رسول الله ﷺ: "ثلاثة لا تُرَدُّ دعوتهم: الإمام العادل، والصائم حتى يفطر، ودعوة المظلوم".
📌 إذن، لا تنساو الدعاء لأنفسكم، لوالديكم، لأهلكم، ولأمتنا الإسلامية كلها.
اللهم اجعل هذا الشهر شهر رحمة ومغفرة وعتق من النار، اللهم اجعلنا فيه من المقبولين، وبلغنا ليلة القدر، وارزقنا فيها الهداية والتوفيق والتيسير.
🔹 كلمة أخيرة
رمضان هو فرصة العمر، ماشي غير عادة كتمر علينا كل عام. حاول تستغل كل يوم فيه، وتكون فيه إنسان أفضل من البارح، لأن الغد بيد الله، وما كاينش ضمان أننا نعيشو رمضان آخر.
🎤 رمضان كريم عليكم جميعاً، وكل عام وأنتم بخير! 🌙✨
