13/04/2025
✨ سلطة صحية بالدجاج و الكرنبري (Cranberries) ✨
وجبة متوازنة، مغذية و لذيذة… مثالية للناس لي متبعين دايت صحي أو كيبغيو ياكلو خفيف!
المقادير:
• 2 صدور دجاج (أو ديك رومي)
• 2 معالق كبيرة زيت زيتون
• 2 بصلات حمراء مقطعين رقيقة
• 200g خس أو أي نوع سلطة حسب الرغبة
• نصف خيارة منزوعة الزريعة و مقطعة شرائح
• 25g كرانبيري مجفف (Cranberries séchées)
• عصير حامضة خضرا (citron vert)
• شوية زريعة عباد الشمس للتزيين
طريقة التحضير:
1. قطع صدور الدجاج من الوسط باش تحصل على 4 شرائح رقيقة، ثم دهنهم بنصف كمية زيت الزيتون وضيف الملح والإبزار حسب الذوق.
2. سخن النصف الثاني من الزيت فمقلة غير لاصقة، وشوي الدجاج مع البصل لمدة 5 دقايق حتى يطيب ويتحمر. من بعد، زولهم وخليهم يبردو شوية.
3. فطبق التقديم، رتب الخس، الخيارة، الدجاج، البصل، والكرانبيري المجفف.
4. فصحن صغير، خلط عصير الحامض، 2 معالق ماء، والعصارة اللي خرجات من الدجاج، وفرقها على السلطة.
5. زين الطبق بزريعة عباد الشمس، وزيد عليه شوية من الحب!
معلومة غذائية:
هاد الوجبة غنية بالبروتين، مضادات الأكسدة، والألياف، وكتعطي طاقة بلا سعرات حرارية كثيرة. مثالية للغداء أو العشاء الخفيف
