DGFS Direction Générale de Fourniture des Soins

03/05/2026

Hihazo ny Faritra Analanjirofo ny 𝐌𝐈𝐒𝐒𝐈𝐎𝐍 𝐌𝐄𝐃𝐈𝐂𝐎-𝐂𝐇𝐈𝐑𝐔𝐑𝐆𝐈𝐂𝐀𝐋𝐄 hampisitraka tolotra fahasalamana maimaimpoana ho an'ny vahoaka eny an-toerana.
📍Toerana: Hopitalibe Fenoarivo Atsinanana
🗓️ Daty: 05, 06, 07 Mey 2026

✅ Tolotra ara-pahasalamana isan-karazany
✅Fandidiana Hernie, Kyste, appendicite, sns.
✅ Fitsaboana nify sy ativava,
✅Fitsaboana maso
✅ Fizaham-pahasalamana ankapobeny
✅ Fanentanana samihafa
✅ Sns.

📢📢Tongava maro, maimaimpoana avokoa ny Tolotra sy ny fanafody.

Ministeran'ny Fahasalamam-bahoaka
DGFS Direction Générale de Fourniture des Soins

01/05/2026

ZOMA 1 MAY 2026 – ANDRO FANAMARIHANA NY FETIN’NY ASA

📣 Amin’izao fankalazana ny Andro iraisam-pirenena ho an’ny Asa izao, ny Minisiteran’ny Fahasalamam-bahoaka, tarihin-dRamatoa Ministra Dr. MANAGNA Monira, dia maneho fisaorana sy firariantsoa ho an’ireo mpiara-miasa rehetra eto anivon’ny Minisiteran’ny Fahasalamam-bahoaka sy ireo rehetra misehatra amin’ny fanatsarana ny fahasalamam-bahoaka ary indrindra ny vahoaka Malagasy miasa amin'ny sehatra miankina sy tsy miankina amin'ny Fanjakana manerana Nosy.

🙏 Ny asa ataonareo isan’andro dia fototra iorenan’ny fanovàna sy ny fanarenana ny Firenena. Ny fahafoizan-tena sy ny ezaka ataonareo dia manampy amin’ny fanomezana fahasalamana sy fiainana tsara kokoa ho an’ny vahoaka Malagasy tsy an-kanavaka.

💯 MIASA MIARAKA HO AN’NY FANOVANA, MANASITRANA NY FIRENENA
©️ Fitaleavana ny Serasera

28/04/2026

𝐅𝐚𝐧𝐚𝐦𝐚𝐟𝐢𝐬𝐚𝐧𝐚 𝐟𝐚𝐡𝐚𝐢𝐳𝐚-𝐦𝐚𝐧𝐚𝐨 𝐬𝐲 𝐟𝐢𝐳𝐚𝐫𝐚𝐧𝐚 𝐭𝐫𝐚𝐢𝐤𝐞𝐟𝐚 𝐦𝐢𝐤𝐚𝐬𝐢𝐤𝐚 𝐧𝐲 𝐟𝐚𝐧𝐝𝐫𝐚𝐢𝐬𝐚𝐧𝐚 𝐚𝐧-𝐭𝐚𝐧à𝐧𝐚 𝐧𝐲 "𝐀𝐂𝐂𝐈𝐃𝐄𝐍𝐓𝐒 𝐕𝐀𝐒𝐂𝐔𝐋𝐀𝐈𝐑𝐄𝐒 𝐂𝐄𝐑𝐄𝐁𝐑𝐀𝐔𝐗 (𝐀𝐕𝐂)" 𝐧𝐚 𝐤𝐨𝐚 𝐟𝐚𝐡𝐚𝐭𝐚𝐩𝐚𝐡𝐚𝐧𝐚 𝐧𝐚 𝐟𝐚𝐡𝐚𝐭𝐬𝐞𝐧𝐭𝐬𝐞𝐦𝐚𝐧'𝐧𝐲 𝐥𝐚𝐥𝐚𝐧-𝐝𝐫à
📍27 sy 28 Aprily 2026, Amparibe

Fiofanana sy fizarana traikefa ho an’ireo Mpiasan’ny fahasalamana miandraikitra ny fitsaboana ny AVC ("Kinésithérapeute", "Neurologue", "Anesthésiste réanimateur" , "Orthophoniste", "Ergothérapeute", sns.) , eny anivon'ireo Hopitaly lehibe toy ny:
👉🏽 CHUJRB • CHUJRA •CENHOSOA • CHUAM

✅ Fanamafisana fahaiza-manao
✅ Fizarana traikefa
✅ Fidinana ifotony teny anivon’ireo sampana voakasika ao amin'ny Hopitaly, miainga amin’ny sampana vonjy taitra ka hatramin’ny sampana fanarenana sy ny fanaraha-maso maharitra

🎯 : fanatsarana ny fandraisana an-tanàna ny "AVC", famantarana ireo fambara mialohan'ny "AVC", fanamafisana ny fandraisana andraikitra haingana ary ny fampihenana ny voka-dratsin’ny "AVC".

Manohy hatrany ireo ezaka fanatsarana ny kalitaon'ny tolotra fahasalamama omena ny vahoaka ny Ministeran'ny Fahasalamam-bahoaka amin'ny alalan'ny Fitaleavana Jeneraly misahana ny Tolotra ara-pahasalamana ( DGFS Direction Générale de Fourniture des Soins). Manatsara ny fisorohana fa indrindra indrindra ny fitsaboana.

Fiaraha-miasa amin'ny ONG Doctors for Madagascar | Ärzte für Madagaskar amin'ny alalan'ny tetikasa "MAFY" - Manatsara ny Fisorohana-Manatsara ny Fitsaboana.

25/04/2026

24/04/2026

𝐅𝐈𝐕𝐎𝐑𝐈𝐀𝐍𝐀 𝐌𝐎𝐌𝐁𝐀 𝐍𝐘 𝐅𝐀𝐍𝐀𝐌𝐀𝐅𝐈𝐒𝐀𝐍𝐀 𝐍𝐘 𝐅𝐈𝐓𝐀𝐍𝐓𝐀𝐍𝐀𝐍𝐀 𝐒𝐘 𝐅𝐈𝐊𝐎𝐉𝐀𝐊𝐎𝐉𝐀𝐍𝐀 𝐈𝐑𝐄𝐎 𝐅𝐈𝐓𝐀𝐎𝐕𝐀𝐍𝐀 𝐀𝐑𝐀-𝐏𝐀𝐇𝐀𝐒𝐀𝐋𝐀𝐌𝐀𝐍𝐀 𝐄𝐍𝐘 𝐀𝐍𝐈𝐕𝐎𝐍'𝐈𝐑𝐄𝐎 𝐓𝐎𝐄𝐑𝐀𝐌-𝐏𝐈𝐓𝐒𝐀𝐁𝐎𝐀𝐍𝐀
📍 Salle de Conférence MSANP Ambohidahy, 23 Aprily 2026

👉🏽 Isan’ireo andry iankinan’ny fampandehanan-draharaha eny anivon’ny Hopitaly ny fikojakojana araka ny tokony ho izy ireo fitaovana ara-pahasalamana. Antoky ny fahombiazan’ny fitsaboana sy ny kalitaon’ny tolotra omena ny marary.

✅ Nisy noho izany ny fihaonana teo amin'Andriamatoa Tale Jeneraly misahana ny Tolotra ara-pahasalamana eo anivon'ny Ministeran'ny Fahasalamam-bahoaka, Dr TOMBOFENO Vagnono Jorondraza Jean Marc, sy ireo solon-tenan'ireo Teknisianina Mpikojakoja fitaovana eny anivon'ny Tobimpahasalamana, ary ny Mpiara-miombon'antoka JICA.

✅ Nivoitra nandritra ny fivoriana ny fanohizana ireo ezaka sy fandaminana ny fikojakojana tsy tapaka ireo fitaovana ara-pahasalamana mba hisorohana ny fahasimbana, ny fanovana toe-tsaina sy fitondran-tena amin’ny ambaratonga rehetra, ny fijerena sy fandrindrana ny fitaovana misy eny anivon’ny tobim-pahasalamana tsirairay ary ny fanamafisana ny fahaiza-manao sy ny fanarahana lamina sy toromarika mifehy ny fampiasana sy fikojakojana fitaovana.

✅ Apetraka ireo paik'ady rehetra hisorohana izay mety ho fahasimban'ny fitaovana ahafahana mandray an-tanana araka ny tokony ho izy ireo marary izay mihazo Tobimpahasalamana.

Manamafy hatrany ireo ezaka fanatsarana ny rafi-pahasalamana sy ny kalitaon'ny tolotra ara-pahasalamana ny Ministeran'ny Fahasalamam-bahoaka.