Clinique Maternité De Manakambahiny

Clinique Maternité De Manakambahiny Clinique de Pédiatrie, Maternité, opération césarienne et prise en charge de l’infertilité (Fécondation in vitro, insémination intra-utérine...)

Miarahaba e 🥰😢 Mitomany be ve ny zanakao tsy misy antony, indrindra amin’ny hariva ?Mety ho colique amin’ny zazakely iza...
17/04/2026

Miarahaba e 🥰
😢 Mitomany be ve ny zanakao tsy misy antony, indrindra amin’ny hariva ?
Mety ho colique amin’ny zazakely izany, izay olana fahita matetika amin’ny volana voalohan’ny fiainany.
👶 Nahoana ny zazakely no manao colique ?
Matetika izy io no miseho amin’ny zazakely, indrindra eo anelanelan’ny herinandro faha-2 ka hatramin’ny volana faha-4.
🔎 Fa maninona no mitranga izany ?
Tsy mazava tsara foana ny antony, fa ireto misy mety ho mahatonga azy:
• mbola tsy matotra tsara ny fandevonan-kanina
• misy rivotra ratsy entona ao an-kibo
• mitelina rivotra rehefa misotro ronono
• havizanana na fientanam-po be loatra
⚠️ Famantarana ny colique :
• mitomany be ny zazakely, indrindra amin’ny hariva
• manakombona ny tongony mankany amin’ny kibony izy
• mety ho mafy na mibontsina ny kibony
• sarotra ampitoniana izy
💡 Inona no afaka manampy ?
• Mitadiava tontolo mangina sy milamina
• Atao massage moramora ny kibony
• Omeo nono izy raha mety
• Ento mitsangantsangana
• Apetraho mitsotra amin’ny kibonao izy

❗ Raha efa niezaka ny zava-drehetra ianao nefa tsy mety mihitsy, dia aza misalasala manatona mpitsabo.

Miarahaba e🥰 Ny torimaso mandritra ny fitondrana vohoka, izany ndray no resahan-tsika androany:🌺Telovolana voalohany (0–...
15/04/2026

Miarahaba e🥰
Ny torimaso mandritra ny fitondrana vohoka, izany ndray no resahan-tsika androany:
🌺Telovolana voalohany (0–3 volana)
Inona no mitranga?
▪️Reraka be noho ny fitomboan’ny hormonina progestérone
▪️Mora rendremana mandritra ny andro
▪️Mifoha matetika (te hipipi, maloiloy)
👉Torohevitra
🔸Matory rehefa mahatsiaro reraka (azo atao tsara ny matory antoandro)
🔸Matory aloha hariva
🔸Fadio ny fijerena(finday, TV) alohan’ny hatory
🔸Mihinàna sakafo maivana amin’ny alina mba hampihena ny maloiloy
🌸 Telovolana faharoa (4–6 volana)
Inona no mitranga?
▪️Mihatsara ny torimaso
▪️Mihena ny maloiloy sy ny havizanana
▪️Mety hisy fanaintainana (lamosina, tongotra)
👉Torohevitra
🔸Matory amin’ny ilany havia (tsara ho an’ny fivezivezen’ny rà)
🔸Mampiasa ondana ho an’ny bevohoka
🔸Manao fanatanjahan-tena malefaka toy ny yoga prénatal
🌙 Telovolana fahatelo (7–9 volana)
Inona no mitranga?
▪️Sarotra mahita toerana mahazo aina
Mifoha matetika (mihetsika ny zaza, te hipipi, reflux)
▪️Mety ho tsy mahita tory na mitebiteby
👉Torohevitra
🔸Matory amin’ny ilany miaraka amin’ny ondana eo anelanelan’ny tongotra
🔸Fadio ny sakafo mavesatra amin’ny alina
🔸Mamorona fahazarana mampitony alohan’ny hatory
🔸Manao fanazaran-tena amin’ny fofonaina sy fialan-tsasatra
💤 Famintinana
Telovolana 1: reraka be
Telovolana 2: torimaso tsara kokoa
Telovolana 3: sarotra mahita tory

Miarahaba e 🥰👶💨 Manampy ny zaza "HANDREZATRA" amin’ny fomba malefaka izany indray ho resahan-tsika androanyNy mandrezatr...
11/04/2026

Miarahaba e 🥰
👶💨 Manampy ny zaza "HANDREZATRA" amin’ny fomba malefaka izany indray ho resahan-tsika androany
Ny mandrezatra dia dingana manan-danja aorian’ny fisakafoany, mba hisorohana ny tsy fahazoana aina sy ny entona ao an-kibo. Misy fomba tsotra sy fihetsika malefaka afaka manampy azy tsara.
Ireto misy fomba azo ampiharina isan’andro :
• 🤍 Apetraka amin’ny soroka
Apetraho amin’ny sorokao ny zaza, ny kibony manakaiky anao, ary tohano tsara ny lohany. Ity toerana mitsangana ity dia manamora ny fivoahan’ny rivotra.
• 🤱 Mitsivalana amin’ny sandry (kibo mankany ambany)
Ampandriho amin’ny sandrinao ny zaza, ny kibony mipetraka eo ambonin’ny sandrinao. Ny tsindry malefaka dia manampy amin’ny famoahana ny rivotra.
• 🪑 Mipetraka
Apetraka mipetraka eo ambonin’ny fenao ny zaza, ny lamosiny mahitsy. Tazomy ny saokany sy ny tratrany. Ity toerana ity dia manampy azy handrezatra
• ✋ Fikosehana malefaka ny lamosina
Kosohy moramora amin’ny fihodinana malefaka ny lamosiny mba hanampy azy hiala sasatra sy hamoaka rivotra.
• 🧻 Mampiasa lamba
Asio lamba eo amin’ny sorokao na ny akanjonao hiarovana azy, mba hahafahanao mijanona ho milamina sy mahazo aina.
• 👋 Tehaka malefaka ny lamosina
Tehaho moramora sy mitohy ny lamosiny. Matetika dia ampy izany hanampy azy handrezatra

🌺Samy manana ny fomba fihetsiny ny zaza tsirairay, fa ny fahalemem-panahy sy ny faharetana no zava-dehibe indrindra. Raha misafidy ny toerana mahazo aina indrindra ho azy ianao, dia hanampy betsaka amin’ny fahasalamany sy hampilamina ny fotoana fisakafoany ireo fomba tsotra ireo.

Miarahaba e 🥰🤰 FANTATRAO VE? Ara-dalàna tanteraka ny fanaintainana lamosina mandritra ny fitondrana vohoka! 💖Rehefa mito...
08/04/2026

Miarahaba e 🥰
🤰 FANTATRAO VE? Ara-dalàna tanteraka ny fanaintainana lamosina mandritra ny fitondrana vohoka! 💖
Rehefa mitombo ny zanakao ao an-kibo dia mampitombo ny vesatra eo amin'ny valahana sy lamosina ary miova ny vatanao. Fa aza manahy, misy fomba malefaka hanamaivanana ireo fihenjanana ireo.
🩺 Fomba voajanahary hanamaivanana ny fanaintainana lamosina:
Ny fanaintainana lamosina dia soritr’aretina mahazatra mandritra ny fitondrana vohoka, saingy tsy tokony hahatonga fijaliana izany. Ankoatra ny fanazaran-tena malefaka sy ny fanorana, dia ireto misy torohevitra kely:
🌺Fitafiana mahazo aina: Kiraro manohana tsara sy fehikibo fanohanana ho an’ny bevohoka (ceinture de grossesse)dia manampy amin’ny fizarana tsara ny lanja.
🌺Fanitsiana fihetsika: Tandremo ny fihetsikao mandritra ny andro, aza mijoro ela loatra
🌺Fialan-tsasatra: Ataovy azo antoka fa mahazo torimaso tsara ianao, ary ampiasao ondana fanohanana raha ilaina(coussin de grossesse)
🚫 Rahoviana no tokony hanantona mpitsabo?
⚠️Raha mafy loatra ny fanaintainana
⚠️ Maharitra ela
⚠️Miaraka amin'ny tazo na misy rà mandeha

Miarahaba e 🥰Anisany mampanahy ny Ray aman_dReny manana zazalahy Kely ity cas iray ity:Inona no atao raha tsy midina ny ...
04/04/2026

Miarahaba e 🥰
Anisany mampanahy ny Ray aman_dReny manana zazalahy Kely ity cas iray ity:
Inona no atao raha tsy midina ny testicule an’ny zaza?( )
Ny aretina antsoina hoe cryptorchidie dia toe-javatra iray izay tsy midina ao anaty sc***um ny testicule
Amin’ny ankapobeny, ny testicule dia miforona ao an-kibo, ary midina ao amin’ny sc***um alohan’ny haterahan’ny zaza.
Fa raha misy cryptorchidie, dia mety misy testicule iray na roa tsy midina, ka mijanona ao an-kibo na eny ambony sc***um.
🤔 Ahoana no fitsaboana ny cryptorchidie?
🔸 Amin’ny ankamaroan’ny tranga dia mety midina ho azy ao anatin’ny taona voalohany ny testicule
Rehefa feno 6 volana ny zaza, dia 1% eo ho eo no mbola misy io olana io.
Mba hisorohana ny fahasarotana dia ilaina ny fitsaboana, izay miankina amin’ny toerana misy ilay testicule
Ireto ny safidy fitsaboana:
🔸 Fandidiana: Orchidopexie (fametrahana ny testicule ho amin'ny toerany)
Izany dia fandidiana atao aloha, manomboka amin’ny faha-18 volana.
Ny tanjona dia ny hametraka sy hanamboatra ny testicule ao anaty sc***um.
Ity fitsaboana ity dia manampy amin’ny fampihenana ny loza mety hiteraka tsy fahafahana miteraka (stérilité).
🔸 Fandidiana: Orchidectomie (fanesorana ny testicule)
Raha hita mandritra ny fandidiana fa kely loatra na tsy ampy rà ilay testicule, dia mety esorina izy satria tsy hahasoa intsony ary mety hiteraka olana.
📝 Torohevitra ho an’ny ray aman-dreny:
Tokony hijery sy hitsapa matetika ny sc***um zazalahy (ohatra rehefa avy mandro), mba hahitana raha eo ny testicule ,ary tokony mitovy ny habeny izy roa.
Raha misy ny mampanahy dia tsara manantona ny mpitsabo avy hatrany .

Miarahaba e 🥰Ny maloiloy mandritra ny fitondrana vohoka dia fahita matetika, indrindra amin’ny telo volana voalohany. Ir...
01/04/2026

Miarahaba e 🥰

Ny maloiloy mandritra ny fitondrana vohoka dia fahita matetika, indrindra amin’ny telo volana voalohany.
Ireto misy torohevitra Kely :
1️⃣Ny fihinanana sakafo amin’ny fatra kely fa atao matetika,
2️⃣Ny fisotroana rano ampy
3️⃣ Ny fisorohana fofona mahery
4️⃣Ny fisotroana dité sakamalaho
5️⃣ Fifohana rivotra madio dia afaka manampy hanamaivana izany.
Ireo torohevitra ireo dia mety hanampy, saingy tsy mahasolo ny torohevitra avy amin’ny mpitsabo

Miarahaba e 🥰Andeha ho resahan-tsika indray ity fihestsika fanaon'ny zazakely ity, anisany manahirana Kely antsika izy i...
27/03/2026

Miarahaba e 🥰
Andeha ho resahan-tsika indray ity fihestsika fanaon'ny zazakely ity, anisany manahirana Kely antsika izy ity:
Raha mikapoka ny zanakao tsy hoe masiaka izy na ratsy toetra akory.
Tamin’ny voalohany, mety hahagaga izany.
Manontany tena ianao hoe: “Moa ve nisy tsy nety nataoko? Efa lasa mahery setra sahady ve izy?” 😟
Kanefa raha ny marina… tsy izany akory.
Alohan’ny faha-2 taonany, mbola tsy voafehin’ny atidohan’ny zaza ny fientanam-po tampoka.
Rehefa miakatra ny fihetseham-po — hafaliana tafahoatra, fahasosorana, havizanana… —
tsy mbola afaka asehony amin’ny teny izany,
fa asehony amin’ny vatany.
👉 Mikapoka
👉 Manosika
👉 Misintona volo
Tsy fihetsika natao fanahy iniana ireo.
Valin’ny fihetseham-po fotsiny, hetsika avy amin’ny vatana.
Ary indrindra…
tsy hoe aminao manokana izany.
Zaza kely fotsiny izy mbola mianatra mitantana izay tsapany ao anatiny.
Ary zavatra mahagaga aza…
matetika ny zazakely no mikapoka ireo olona tena atokisany indrindra.
Satria ao anatiny ao, fantany fa tsy ho tapaka ny fifandraisana.
Ny zaza mikapoka dia tsy zaza mahery setra.
Atidoha mbola eo am-pamolavolana izy…
mbola mitady ny fomba hanehoany ny fihetseham-pony.
Ry neny, efa niaina izany ve ianao? 👀
Ahoana ny fihetsikao tamin’izay?👇🏾
Aza adino ny mizara… mety hanampy sy hampitony reny iray izany amin’izao fotoana izao.

Miarahaba e 🥰🤰" 𝐅𝐢𝐭𝐨𝐧𝐝𝐫𝐚𝐧𝐚 𝐯𝐨𝐡𝐨𝐤𝐚 : 𝐳𝐚𝐯𝐚𝐭𝐫𝐚 𝐭𝐬𝐲 𝐦𝐚𝐢𝐧𝐭𝐬𝐲 𝐡𝐢𝐚𝐥𝐚𝐧’𝐧𝐲 𝐯𝐞𝐡𝐢𝐯𝐚𝐯𝐲 𝐛𝐞𝐯𝐨𝐡𝐨𝐤𝐚 𝐦𝐛𝐚 𝐡𝐢𝐚𝐫𝐨𝐯𝐚𝐧𝐚 𝐧𝐲 𝐳𝐚𝐳𝐚 " Misy fihetsi...
25/03/2026

Miarahaba e 🥰
🤰" 𝐅𝐢𝐭𝐨𝐧𝐝𝐫𝐚𝐧𝐚 𝐯𝐨𝐡𝐨𝐤𝐚 : 𝐳𝐚𝐯𝐚𝐭𝐫𝐚 𝐭𝐬𝐲 𝐦𝐚𝐢𝐧𝐭𝐬𝐲 𝐡𝐢𝐚𝐥𝐚𝐧’𝐧𝐲 𝐯𝐞𝐡𝐢𝐯𝐚𝐯𝐲 𝐛𝐞𝐯𝐨𝐡𝐨𝐤𝐚 𝐦𝐛𝐚 𝐡𝐢𝐚𝐫𝐨𝐯𝐚𝐧𝐚 𝐧𝐲 𝐳𝐚𝐳𝐚 " Misy fihetsika, sakafo na akora sasany mety hampidi-doza ho an’ny reny sy ny zaza. Ireto avy ireo zavatra lehibe tokony hialana mandritra ny fitondrana vohoka:
1️⃣Ny alikaola
Ny fisotroana alikaola mandritra ny fitondrana vohoka dia mety hiteraka aretina antsoina hoe “syndrome d’alcoolisation fœtale”, izay miteraka fahasembanana, olana amin’ny fivoarana ary fahasarotana ara-tsaina amin’ny zaza.
2️⃣Ny sigara
Ny fifohana sigara mandritra ny fitondrana vohoka dia mampitombo ny loza mety hitranga toy ny:
• fahaverezan-jaza
• fiterahana aloha loatra
• lanja ambany amin’ny fahaterahana
• olana amin’ny taovam-pisefoan’ny zaza
3️⃣Ny fihinanana fanafody tsy amin’ny torohevitra
Tsy ny fanafody rehetra no azo antoka ho an’ny bevohoka. Ny sasany dia mety hanakorontana ny fivoaran’ny zaza ao an-kibo.
Aza mihinana fanafody raha tsy avy amin’ny torohevitrin’ny mpitsabo.
4️⃣Sakafo sasany mampidi-doza
Mba hisorohana aretina toy ny toxoplasmose sy listériose dia tsara ny misoroka:
• trondro manta na hena tsy masaka tsara
• ronono tsy voadio (tsy pasteurisé)
• fromazy sasany vita amin’ny ronono manta
• charcuterie tsy voatahiry tsara
5️⃣ Ny toxoplasmose dia mety mifindra amin’ny alalan’ny diky ny saka
Tsy azo atao manadio ny toeram-pivoahan’ny saka na mampiasa fonon-tanana rehefa mikarakara zaridaina.
6️⃣Ny fihinanana kafeinina be loatra dia mety hampitombo ny loza toy ny fahaverezan-jaza na lanja ambany amin’ny zaza vao teraka.
7️⃣Ny akora simika, pestisida, solvant na loko sasany dia mety hanimba ny zaza ao an-kibo.
8️⃣Mahasoa ny fanatanjahan-tena mandritra ny fitondrana vohoka saingy hialana kosa ny fanatanjahan-tena mafy loatra
🌺Ny fitondrana vohoka Salama dia miankina amin'ny sakafo voalanjalanja, fanarahamaso ara-pitsaboana tsy tapaka ary fialana amin'ireo zavatra mampidi-doza ireo.

Miarahaba e 🥰 Anisany mahavariana ntsika Ray aman_dReny ity fihetsika mamikely ity 🥰 "Mihomehy rehefa matory ny zaza"And...
21/03/2026

Miarahaba e 🥰
Anisany mahavariana ntsika Ray aman_dReny ity fihetsika mamikely ity 🥰 "Mihomehy rehefa matory ny zaza"
Andeha ary hazavaina Kely ny antony maro mahatonga izany:
👉🏽 Fahatsapana fahasalamana sy fahafaham-po
Hatramin’ny andro voalohany aorian’ny nahaterahany dia mety hahita ny zaza mitsiky ianao, na dia matory lalina aza izy na eo am-pelatananao rehefa avy nampinono. Lazaina hoe “mitsiky amin’ny anjely” izany (midika fa faly sy sambatra izy). Maneho ny fahafaham-pony ny zaza amin’izany: voky, mafana, ary mipetraka tsara ka hita amin’ny tsikiny ny fitoniany.
👉🏽 Fivoaran’ny atidoha (cortex)
Ny cortex dia ampahany amin’ny atidoha.
Ny tsiky sy hehy rehefa matory dia mampiseho fa miasa tsara ny lalan’ny neurônina ao amin’ny atidohan’ny zaza, ka midika fa mandeha tsara ny fivoarany.
👉🏽 Nofy sy fikarakarana vaovao
Mandritra ny torimaso lalina , dia mandinika sy mandamina ny zavatra niainany nandritra ny andro ny atidohan’ny zaza. Izany no mety hiteraka tsiky na hehy tampoka, noho ny eritreritra na fahatsapana mahafinaritra ao an-tsainy.
👉🏽 Fihetsika ara-pihetseham-po voalohany
Ireo hehy ireo dia fomba iray hianaran’ny zaza sy hanazaran-tenany amin’ny fihetseham-po fototra (toy ny hafaliana, hatezerana, tahotra, sns.), na dia mbola tsy afaka maneho izany amin’ny fomba mazava aza izy.
Mety ho famantarana ihany koa izany fa mahazo aina izy, mafana, afa-po, na mahatsapa fahafinaretana amin’ny vatany

❤️Raha fintinina dia zavatra voajanahary tanteraka ny mahita zaza mitsiky na mihomehy rehefa matory, ary matetika dia famantarana tsara amin’ny fahasalamany sy ny fivoarany izany.

Salama e 🥰Ndao ho resahan-tsika indray Ary hoe:Inona no mahatonga feo ao an-kibon’ny vehivavy bevohoka?Ny feo re ao an-k...
18/03/2026

Salama e 🥰
Ndao ho resahan-tsika indray Ary hoe:
Inona no mahatonga feo ao an-kibon’ny vehivavy bevohoka?
Ny feo re ao an-kibo mandritra ny fitondrana vohoka dia zavatra ara-dalàna, raha toa ka tsy miaraka amin’ny fanaintainana mafy izy.
Ireo feo ireo dia vokatry ny fiovan’ny hormonina mandritra ny fitondrana vohoka sy ny tsindry ataon’ny zaza ao an-kibo, indrindra rehefa manakaiky ny volana farany. Izany no mety hahatonga hamoaka feo.
Raha ny marina, rehefa miakatra ny hormonina progestérone, dia mampalefaka ny hozatry ny tsinay izany. Vokany, miadana ny fivezivezen’ny sakafo ao anaty tsinay sy ny fandevonan-kanina. Noho izany dia mety hibontsina ny kibo sy hisy gaz, izay mahatonga ireo feo ao an-kibo.
🤔 Ahoana no fomba hanesorana na hampihenana ny gaz ao an-kibo ?
Rehefa misy sakafo tsy levon’ny vatana tsara dia mandalo any amin’ny tsinay, ary potipotehin’ny bakteria, ka miteraka gaz.
Mba hanampiana ny fandevonan-kanina dia tsara raha:
🔸Misotro rano alohan’ny sakafo na aorian’ny sakafo, satria manampy ny vavony handevona sakafo.
🔸Misotro rano matetika mba hanampy ny fivalanana ho malefaka sy handalo mora ao amin’ny tsinay.
🔸Mihinana mipetraka,
🔸Manao sakafo maivana
🔸Mitsako tsara ny sakafo, ary misoroka ny fisotroana mandritra ny sakafo.
🔸Mandeha tongotra kely rehefa avy misakafo, satria manampy ny fivezivezen’ny tsinay sy mampihena ny olana amin’ny vavony.
🔸Mitafy akanjo malalaka mba tsy hanery ny kibo.
🚫 Tokony hialana kosa:
▪️Zava-pisotro misy gaz (boissons gazeuses), satria mety hampitombo ny gaz ao amin’ny tsinay.
▪️Mitsako chewing-gum, satria mety hahatonga aérophagie (fitelina rivotra)
👉Raha misy fanaintainana mafy na soritr’aretina hafa tsy mahazatra, dia tsara ny mifandray amin’ny mpitsabo.

Miarahaba e 🥰 Tsara ho fantatra ho antsika ray aman_dreny hoe Nahoana:MITOMANY NA DIA EFA MATORY NY ZAZA?Matory izy… ary...
13/03/2026

Miarahaba e 🥰
Tsara ho fantatra ho antsika ray aman_dreny hoe Nahoana:
MITOMANY NA DIA EFA MATORY NY ZAZA?
Matory izy… ary tampoka eo dia mitomany.
Tsy manokatra ny masony izy.
Tsy tena mifoha akory.
Fa mitomany.
Na dia mety mampanahy aza izany, matetika tsotra kokoa ny fanazavana… ary indraindray kosa mila mailo.
👉🏽 Hoy ny siansa :
Mandalo dingana samihafa amin’ny torimaso ny zazakely, ary amin’ny dingana sasany — indrindra ilay antsoina hoe torimaso mavitrika — dia miasa mafy ny atidohany.
Amin’izany dia mety :
▪️hitomany
▪️hitaraina malefaka
▪️himenomenona
▪️hanao fihetsika amin’ny tarehy
Na dia mbola tsy tena mifoha aza izy.
Tsy voatery hoe marary.
Tsy voatery hoe matahotra.
Matetika dia ny atidoha mbola tsy matotra tsara no mbola mianatra sy manitsy tena.
👉🏽 Indraindray kosa misy antony ara-batana :
▪️Lena ny couche na misy kaka
▪️mafana na mangatsiaka loatra
▪️misy etikety manelingelina amin’ny akanjo
▪️misy rivotra ao an-kibo
▪️voakaikitry ny bibikely
tsy mahazo aina ny toeram-patoriany
Dia asehon’ny vatany amin’ny alalan’ny fitomaniana izany… na dia mbola matory aza izy.
Ny zava-dehibe dia mandinika fa tsy taitra be.
Raha fohy ny fitomaniana ary milamina irery izy, matetika dia ampahany amin’ny nofy izany.
Fa raha mafy, miverimberina, na toa misy tsy mety… tsara ny mijery sy manampy azy
Mitomany izy satria izay no fiteniny.
Na dia efa matory aza 🤍

Miarahaba e 🥰👉🏾Iray amin'ireo zavatra matetika mahazo ny vehivavy bevohoka amin'ny premier trimestre ny grossesse arrêté...
11/03/2026

Miarahaba e 🥰

👉🏾Iray amin'ireo zavatra matetika mahazo ny vehivavy bevohoka amin'ny premier trimestre ny grossesse arrêtée na ny oeuf clair.
Mety ho sarotra kokoa miatrika azy indrindra raha maniry mafy ny hanan_janaka iny 🥹

‼️OEUF CLAIR : Inona marina no dikany?

🌸Ny Oeuf clair, dia fitondrana vohoka niforona ihany... saingy tsy nisy embryon nitombo tao anatiny na nisy ihany fa nijanona tsy nitombo intsony .

🔸Nisy ny fécondation (fifankahitan’ny tsirinaina sy ny atodinaina).
🔸Tafapetraka ao anatin’ny utérus ilay atody
🔸Miforona ny sac gestationnel.

❌ Saingy ilay embryon mihitsy no tsy mitombo na nijanona tsy nitombo aloha be.

🌸Rehefa manao échographie, dia hita mibaribary fa misy ilay sac gestationnel saingy "vide" (foana), tsy misy embryon hita maso.

📌 Nahoana no mitranga izany?
🌸Amin'ny ankapobeny dia vokatry ny anomalie chromosomique

📌 Inona no famantarana?

🌸Indraindray misy ireto:
▪️Tsy fahatongavan’ny fadimbolana
▪️Test de grossesse "positif".
▪️Ireo famantarana maha-bevohoka na ny signes sympathiques de la grossesse (nausées, fivontosan'ny nono).

🌸Avy eo anefa:
▪️Mijanona ho azy ireo famantarana ireo (diminution ou disparition des signes sympathiques de la grossesse)
▪️Misy rà mandeha (saignements).
▪️Misy fanaintainana ambany kibo (douleurs pelviennes) : tandremo, mila manatona dokotera foana sao sanatria zaza antsosokoditra na ny hoe GEU

⚡️Nefa indraindray koa: tsy misy famantarana mihitsy... any amin'ny échographie de contrôle vao hita ny zava-misy fa tsy mitombo intsony ilay grossesse.

📌 Inona no atao?
🔻 Indraindray mety mivoaka ho azy ny vohoka ka miteraka ny atao hoe fausse couche
🔻 Indraindray dia mila fanampian'ny Dokotera amin'ny alalan'ny aspiration mba hanalana ny sac embryon
👉 Amin'ny ankapobehany dia tsy manakana ny fitondrana vohoka amin'ny manaraka izany
👉Ny fisian'ny oeuf clair indray mandeha dia tsy midika hoe momba (infertile)

Address

LOT VO 26 C MANAKAMABAHINY EN FACE UNIVERSITE ACEEM
Antananarivo
101

Telephone

+261345485527

Website

Alerts

Be the first to know and let us send you an email when Clinique Maternité De Manakambahiny posts news and promotions. Your email address will not be used for any other purpose, and you can unsubscribe at any time.

Shortcuts

Share

Category