What are the opening hours?

Monday 09:00 - 00:00 Tuesday 14:00 - 17:00 Wednesday 09:00 - 00:00 Thursday 14:00 - 17:00 Friday 09:00 - 12:00 Saturday 09:00 - 00:00

https://www.facebook.com/497590400096035/

Dr. Ophtal'Maso

Home
Madagascar
Antananarivo
Dr. Ophtal'Maso

Fitsaboana rehetra momba ny maso. Ophtalmologiste. Promotion de la santé des yeux

11/11/2025

10 novembre 2025 : JOURNEE MONDIALE du KERATOCONE

Ny KERATOCONE dia aretin'ny faritry ny maso atao hoe "cornee", izay miova lasa maranitra toy ny "cone a glace" sy mihamanify, ka mampihena tsikelikely ny fahitana. Mety tsy hisy solomaso afaka hitsaboana azy intsony rehefa tena mandroso ny aretina.

Misy foana anefa ny fanantenana hahita indray, raha voatily ilay aretina. Koa aza misalasala manatona ny ophtalmologues fa tsy very akory ny fanantenanao.

Misaotra @ fijoroana vavolombelona

Mitomboa fahasalamana hatrany tompoko💓

------------------_----------------_--------------------
Nalaina t@ rantin'i
© Dr. Onja Lalaina

09/10/2025

👁️ Andro manerantany ho an’ny fahitana – 9 Oktobra 2025 👁️
Androany isika mankalaza ny 𝗔𝗻𝗱𝗿𝗼 𝗺𝗮𝗻𝗲𝗿𝗮𝗻𝘁𝗮𝗻𝘆 𝗵𝗼 𝗮𝗻’𝗻𝘆 𝗳𝗮𝗵𝗶𝘁𝗮𝗻𝗮, izay mampatsiahy ny maha-zava-dehibe ny fikarakarana ny masontsika.

Isan’andro aho dia manampy olona te hahita, ary tena tsapa fa ny 𝗳𝗶𝘁𝗶𝗹𝗶𝗮𝗻𝗮 𝗺𝗶𝗮𝗹𝗼𝗵𝗮 dia afaka manova tanteraka ny fiainan’olona iray.

Aoka isika hikarakara ny mason-tsika, hitandrina, hanao fitiliana ara-potoana, ary hampahatsiahy ny hafa koa mba hanaja sy hiaro ny fahitany.
Ny maso salama dia fiainana tsara kokoa. 🌍💙
👁️

08/10/2025

Manoloana ny faharatrana mpitsabo nataon'ny mpitandro filaminana

Sy ny fanafihana anaty hopitaly miampy fampiasana entona mandatsadranomaso,

⛔ Nanapakevitra ireo Dokotera mpizadraharaha fa haato tanteraka ny service minimum

❗Ampatsiahivina fa Izy ireo no tena mampiodina ny ankabehazan'ny asa fitsaboana

06/10/2025

Manameloka ny herisetra hatao amin'ny mpitsabo eo am-panatanterahana ny asa fitsaboana marary

Manameloka ny fidirana an-keriny anaty toerampitsaboana, ny fampiasana fitaovanpiadiana sy ny fanaovana herisetra ao anatin'izany toerana izany

02/07/2025

Ny 𝘁𝗮𝗿𝗮𝘁𝗿𝗮 "𝘂𝗹𝘁𝗿𝗮-𝘃𝗶𝗼𝗹𝗲𝘁" na 𝗿𝗮𝘆𝗼𝗻 🅤🅥 dia miteraka fiantraikany ratsy ho an'ny fahasalaman'ny maso, ka mety manampy trotraka sy manafaingana ny aretina maro toy ny
➡️ 𝗗𝗠𝗟𝗔 : fahanteran'ny faramaso
➡️ 𝗽𝘁𝗲𝗿𝘆𝗴𝗶𝘂𝗺 : fivontosana sy fihitaran'ny fonomaso
➡️ 𝗸𝗲𝗿𝗮𝘁𝗼𝗰𝗼𝗻𝗲 : rakotrandromaso miha matsoko
➡️ 𝗰𝗼𝗿𝗻𝗲𝗮 𝗴𝘂𝘁𝘁𝗮𝘁𝗮 na dystrophie de Fuchs : rakotrandromaso miha mivonto
➡️ Ary 𝗞𝗮𝘁𝗮𝗿𝗮𝗸𝘁𝗮 : fitaratry ny maso lasa fotsy tsy tantera-pahazavana

Ireo aretina ireo dia mety miteraka fahasimbana maharitra na fahaverezan’ny fahitana.

❗Koa entanina ianao: Arovy ny masonao , manaova solomaso miaro amin’ny UV rehefa any ivelany!

21/06/2025

⛔ry ray amandreny Tandremo ny kilalaonjaza⚠️

Ny fikambanamben'ny mpitsabo maso dia tsy sasatra mamerina fa zava-doza ho an'ny maso ny fitifirana sy fitsilovana ireny laser vert ireny eny @ maso.

Mbola tazana miparitaka amidy eraky ny tsena ho kilalaon'ny ankizy amin'izao fetin'ny asaramanitra izao moa izy ireny.

18/06/2025

Ento amin ny dokoteran'ny maso ny zaza raha vao mahatsikaritra fotsy anatin'ny masony 🕊️🕊️🕊️

-------------------
Aza adino mizara

06/06/2025

𝗘𝗙𝗜𝗝𝗘𝗥𝗬 (𝘦́𝘤𝘳𝘢𝘯) 𝘀𝘆 𝗠𝗔𝗦𝗢

🌿Maninona no mila ahena ny fotoana laniana amin’ny efijery ?🌿

𝖤fa lasa anisan’ny fiainantsika andavanandro ny efijery : amin’ny asa, fianarana, fialamboly na fifandraisana... Kanefa 𝗋𝖺𝗁𝖺 tafahoatra ny fampiasana azy, dia mety hanimba ny fahasalaman’ny maso izany.

👁 𝗙𝗮𝗵𝗮𝗿𝗲𝗿𝗮𝗵𝗮𝗻’𝗻𝘆 𝗺𝗮𝘀𝗼 : rehefa mijery ka mifantoka @ efijery ela loatra, dia mihena ny fikipin'ny maso, ka mahatonga ny 𝗺𝗮𝘀𝗼 𝗵𝗼 𝗺𝗮𝗶𝗻𝗮, mety hangirifiry, mena, ary toy ny mamasipasika ao amin’ny maso.

📱 𝗦𝘆𝗻𝗱𝗿𝗼𝗺𝗲 𝗱𝗲 𝗹𝗮 𝘃𝗶𝘀𝗶𝗼𝗻 𝗮𝗿𝘁𝗶𝗳𝗶𝗰𝗶𝗲𝗹𝗹𝗲 : io dia fitambaran’ny soritr’aretina samihafa ka mahatonga ho manjavona tampoka ny fahitana, marary an-doha, reraka eo amin’ny soroka sy hatoka, ary tsy mahavita mifantoka tsara ny fijery, indrindra amin’ny andro harivariva.

💡 𝗛𝗮𝘇𝗮𝘃𝗮𝗻𝗮 𝗺𝗮𝗻𝗴𝗮 : mamokatra hazavana manga (𝘭𝘶𝘮𝘪𝘦̀𝘳𝘦 𝘣𝘭𝘦𝘶𝘦) ny efijery, izay mety hanimba ny torimaso, ary mahatonga fahanterana aloha loatra amin’ny masontsika (𝑐𝑎𝑡𝑎𝑟𝑎𝑐𝑡𝑒 𝑠𝑦 𝐷𝑀𝐿𝐴 𝑡𝑜𝑛𝑔𝑎 𝑎𝑙𝑜ℎ𝑎 𝑙𝑜𝑎𝑡𝑟𝑎).

🧠 Ho an’ny ankizy : raha mihoatra loatra ny fijerena efijery dia mety hanakana ny fivoaran’ny sainy sy ny fahitany, hampitombo ny mety hisian’ny 𝒎𝒚𝒐𝒑𝒊𝒂, manakorontana ny torimasony ary mahatonga azy tsy afaka mifantoka tsara amin'ny fianarany.

✅ Torohevitra tsotra :

⏱️ Miato isaky ny 20 minitra (fitsipika 20-20-20 : mijery zavatra lavitra 6 metatra mandritra ny 20 segondra).

👀 Miezaha mikipy matetika.

😴 Aza mampiasa efijery adiny iray alohan’ny hatory.

🌞 Aleo mampiasa hazavana voajanahary, ary atao mifanaraka @ fahazavana manodidina ny fahazavan'ny ny efijery.

👨‍⚕️ Ny fiarovana ny masonao dia fiarovana ny fahasalamanao.
-----------------------------------------------------------------
Aza adino ny mizara sy manaraka ny pejy Dr. Ophtal'Maso

28/05/2025

🌿 Inona no atao hoe 𝗣𝗧𝗘𝗥𝗬𝗚𝗜𝗢𝗡 ? 🌿

Ny ptérygion dia fihitaran'ilay 𝗳𝗼𝗻𝗼𝗺𝗮𝘀𝗼 manarona ny mason’olombelona (𝘤𝘰𝘯𝘫𝘰𝘯𝘤𝘵𝘪𝘷𝘦) , ka iny no lasa mitombo mankany amin’ny rakotrandromaso (𝘤𝘰𝘳𝘯𝘦̄𝘦).

🔍 𝗔𝗵𝗼𝗮𝗻𝗮 𝗻𝗼 𝗮𝗵𝗮𝗳𝗮𝗻𝘁𝗮𝗿𝗮𝗻𝗮 𝗮𝘇𝘆 ?

Amin'ny fiandohany dia misy pentina fotsy maniry amin’ny zoron’ny maso, matetika eo amin’ny zorony anatiny (akaikin’ny orona), ary mitombo mihitatra ilay fivontosana ka mety hivadika mena sady manantona ny faritra afovoany eo rakotrandomaso.

Mahatonga soritraretina isakarazany: masomaso maina, mangidihidy, tsy mahazaka hazavana, mangirifiry...
Rehefa reraka na miaritory na tratry ny masoandro sy rivotra no tena miseho ireo soritraretina ireo ary mivadika mena mihitsy ilay maso.

Rehefa mitombo lehibe loatra dia mety ho takona ny fahitana ⚠️

☀️ 𝗜𝗻𝗼𝗻𝗮 𝗻𝗼 𝗺𝗲𝘁𝘆 𝗺𝗮𝗵𝗮𝘁𝗼𝗻𝗴𝗮 𝗮𝘇𝘆 ?

Mbola tsy fantatra mazava ny fototry ny pterygion, fa ireo tatao-pahavoazana (𝘧𝘢𝘤𝘵𝘦𝘶𝘳𝘴 𝘥𝘦 𝘳𝘪𝘴𝘲𝘶𝘦) no efa hitan'ny fikarohana:

- Maso tratran'ny 𝗵𝗮𝗶𝗻𝗮𝗻𝗱𝗿𝗼 be matetika (ultra-violet)
- Maso tratran'ny 𝗿𝗶𝘃𝗼𝘁𝗿𝗮, 𝘃𝗼𝘃𝗼𝗸𝗮 sy 𝘀𝗲𝘁𝗿𝗼𝗸𝗮 maharitra
- Fanaovana asa/raharaha maharitra ela any ivelany (ohatra: tantsaha, mpanjono, mpamily fiara)
- 𝗙𝗼𝘁𝗼𝘁𝗮𝗿𝗮𝘇𝗼

🛡️ 𝗔𝗵𝗼𝗮𝗻𝗮 𝗻𝗼 𝗳𝗶𝘀𝗼𝗿𝗼𝗵𝗮𝗻𝗮 𝗮𝘇𝘆 ?

- Manao 𝐬𝐨𝐥𝐨𝐦𝐚𝐬𝐨 miaro amin’ny masoandro rehefa any ivelany
- Mampiasa solomaso mba hiarovana amin’ny vovoka na rivotra
- Manasa maso (serum) rehefa avy mivoaka any ivelany

💊 𝗔𝗵𝗼𝗮𝗻𝗮 𝗻𝘆 𝗳𝗶𝘁𝘀𝗮𝗯𝗼𝗮𝗻𝗮 𝗮𝘇𝘆 ?

- Raha mbola kely: mampiasa 𝐟𝐚𝐧𝐚𝐟𝐨𝐝𝐲 sy 𝐬𝐨𝐥𝐨𝐦𝐚𝐬𝐨 mba hampiato azy sy tsy hitomboany
- Raha lehibe sy manelingelina ny fahitana: mila 𝐟𝐚𝐧𝐝𝐢𝐝𝐢𝐚𝐧𝐚 hanesorana azy

📌 Tsara ho fantatra : 𝗧𝘀𝘆 𝗵𝗼𝗺𝗮𝗺𝗶𝗮𝗱𝗮𝗻𝗮 ny ptérygion, fa mila tsaboina ara-potoana raha mitombo satria mety hanimba ny fahitana.

-------------------------------------------------------------------

Raiso ho zava-dehibe ny fahasalaman’ny masonao ! Raha mahatsikaritra fiovana na fikorontanana amin’ny masonao👀 manantona dokotera 👩‍⚕️ mpitsabo maso.
𝗔𝘇𝗮 𝗮𝗱𝗶𝗻𝗼 𝗻𝘆 𝗺𝗶𝘇𝗮𝗿𝗮 𝘀𝘆 𝗺𝗮𝗻𝗮𝗿𝗮𝗸𝗮 𝗻𝘆 𝗽𝗲𝗷𝘆 Dr. Ophtal'Maso

18/01/2025

🔷" Hanao contrôle aho Dokotera fa lany degré ty solomasoko ty a"

Matetika no miteny an'io ny olona tonga mijery maso. Koa ampahafantarina antsika ary fa
🔰TSY MISY izany solomaso LANY DEGRÉ izany
🔰TSY MISY izany solomaso LANY DATY izany

🔷 Ny puissance amin'ny fitaratry ny solomaso dia tsy miova mihitsy, rehefa +1.00 iny dia +1.00 mandrakizay.
🔷 Ny masonao no mety miova ka mitaky puissance hafa, noho izany mila miova vera ny solomasonao.

______________________________

⚠️Aza adino ny mizara sy manaraka ny pejy Dr. Ophtal'Maso

17/12/2024

Mateti-pitranga ary tsy voatery hoe tsy ara-dalàna akory ny zaza rehetra izay mi.njola maso (bala maso na gila) mandritra ireo volana voalohany amin'ny fiainany .

✅ Rehefa iny vao teraka iny ny zaza dia mbola tsy tomombana tanteraka ny rafi-masony, ary tsy mbola manana ny fahaiza-manao tanteraka izy ka misy ny ankabeazany mbola tsy afaka mampifantoka ny fahitan'ny masony roa ho amina zavatra iray. Mianatra sy mivoatra tsikelikely ny fahitàny mandritra ireo volana voalohany.

👉🏼 Manomboka amin'ny faha 6 volana ny zaza vao tena afaka mifikitra tanteraka ny fahitàny ka mijery zavatra iray sy mifehy ny fihetsik'ireo masony amin'ny fomba mitovy.

✅ Ilaina foana anefa ny mitondra ny zaza minjola maso hojeren'ny dokotera maso mba hahafahana manaraka ny fivoarany sy mitily sao misy fihenan'ny fahitàny.
⚠️ Maro ny antony mety mahatonga maso njola, misy amin'izany ny mety hiteraka fahajambana, ka ny fitondrana azy hozahan'ny dokoteran'ny maso ihany no ahafahana manao fitiliana.
_________________________________
Zarao. Araho ny pejy Dr. Ophtal'Maso

Address

Route Nationale N°2
Antananarivo
102

Opening Hours

Monday	09:00 - 00:00
Tuesday	14:00 - 17:00
Wednesday	09:00 - 00:00
Thursday	14:00 - 17:00
Friday	09:00 - 12:00
Saturday	09:00 - 00:00

Website

facebook.com

Alerts

Be the first to know and let us send you an email when Dr. Ophtal'Maso posts news and promotions. Your email address will not be used for any other purpose, and you can unsubscribe at any time.

Shortcuts

Want your practice to be the top-listed Clinic in Antananarivo?