28/01/2022
Како да третирате настинки и грип во домашни услови?
🤒Настинките и грипот од секогаш биле здодевни за третирање и нè спречувале во вршење на нашите секојдневни обврски и рутина.
❗️⌛️Иако сите би сакале да ги пребродиме преку ноќ, за жал, современата медицина сè уште не измислила начин за тоа да се случи. Иако треба да го оставиме телото само да се избори со настинката, постојат неколку начини како може да му помогнете за тоа да го стори малку побрзо.
💦Течности, течности, течности! Пијте многу вода, сокови, чаеви, јадете супи за да спречите дехидрација на телото. Кога сте настинати (а особено кога имате висока температура), губите многу течности. Кога се губи вода (или сте дехидрирани), сите функции на организмот стануваат сè помалку ефективни. Затоа, за да се надомести губитокот на вода и да се помогне со исфрлање на токсините од организмот, многу е важно да внесувате доволно течности.
😴Одмор! Наспијте се за да му помогнете на својот имун систем да се бори со инфекцијата. Одморот и сонот се важни кога сте настинати затоа што телото така е во можност да посвети повеќе ресурси за да се бори со настинката/грипот, отколку на другите активности кои инаку би ги правеле.
🥦Здрава исхрана! Внесувајте многу витамини, железо и минерали за да го зајакнете имунитетот. Дополнително, внесувајте и додатоци во исхраната кои се наменети за зајакнување на имунитетот.
💊За олеснување на симптомите, може да употребувате и лекови без рецепт кои намалуваат болка и/или телесна температура.
