Висока медицинска школа - Битола, Bitola (2026)

22/01/2026

Објавен конкурс за Студентски правобранител на УКЛО 🎓

https://uklo.edu.mk/blog/konkurs-za-izbor-na-studentski-pravobranitel-na-uklo-2026/

#укло #уклостуденти #уклостудент

26/12/2025

Во рамки на меморандумот за соработка помеѓу Високата медицинска школа – Битола и СОУ „Таки Даскало“ – Битола, учениците од насоката Техничар за козметичка нега и убавина, заедно со студенти од Високата медицинска школа – Битола реализираа едукативно предавање и практична демонстрација на тема масажа на грб, врат и лице. Едукацијата беше предводена од Харис Амедовски, демонстратор при Високата медицинска школа – Битола кој преку стручно излагање и практична работа ги запозна учесниците со основните принципи, техники и значењето на масажата во козметичката и здравствената пракса. Предавањето опфати теоретски и практичен дел, со акцент на анатомско-физиолошките основи, правилна техника на изведба, безбедна примена и ефектите од масажата врз мускулатурата, циркулацијата и релаксацијата.

17/12/2025

Денес се одржа Универзитетската студентска конференција, организирана од Универзитетот „Св. Климент Охридски“ – Битола, во соработка со Colors Alliance на која активно учество зедоа и студенти од Високата медицинска школа – Битола. Со свои истражувачки трудови се претставија три студенти: Самира Реџепоска презентираше на тема Evaluation of patient safety culture using the SOPS instrument among healthcare professionals под менторство на пред. д-р Анѓелка Јанкуловска, Теодора Ѕвездакоска на тема Occupational stress, burnout, and support strategies among nurses под менторство на пред. д-р Анѓелка Јанкуловска и Марија Талеска на тема Rehabilitation as a lifetime therapy for people with disabilities под менторство на пред. м-р Денис Арсовски. По презентациите следуваше квалитетна и конструктивна дискусија, која уште еднаш го потврди високото ниво на знаење, критичко размислување и академска зрелост на нашите студенти. Горди сме на нивната посветеност, труд и успешна презентација, како и на континуираниот развој на научно-истражувачката работа на Високата медицинска школа – Битола.

10/12/2025

Ректорскиот колегиум на Универзитетот „Св. Климент Охридски“ – Битола ги додели универзитетските награди за научни постигнувања за академската 2024/2025 година. Во категоријата „Најплоден научник“ за академската 2024/25, второто и третото место ги дели пред. м-р Денис Арсовски, каде со вкупно 6 објавени научни трудови во списанија референцирани во Scopus базата на податоци, заслужено се најде меѓу најистакнатите истражувачи на Универзитетот.
Во категоријата „Пофалници за забележителни научни резултати“ за академската 2024/25, пофалница беше доделена на проф. д-р Гордана Ристевска Димитровска од Високата медицинска школа – Битола, која оствари вкупно 3,5 поени врз основа на два научни труда објавени во списанија индексирни во Scopus. Високата медицинска школа – Битола со особена чест и гордост ги истакнува успесите на своите наставници, кои со својот посветен труд, научна продуктивност и меѓународна видливост придонесуваат за унапредување на науката, квалитетот на наставата и угледот на нашиот Универзитет. Честитки на добитниците за заслуженото признание и благодарност за континуираниот придонес во развојот на научноистражувачката дејност!

04/12/2025

Под организација и менторство на пред. д-р Анѓелка Јанкуловска, студентите од прва година при Високата медицинска школа – Битола, во рамки на проектот „Промоција на здравје“, реализираа едукативни активности во ОУ „Стив Наумов“ и ОУ „Кирил и Методиј“. Едукацијата опфати над 150 деца, кои преку интерактивни активности и практични вежби се запознаа со важноста на здравата исхрана и развивањето правилни навики уште од најрана возраст, основните групи на храна и нивната улога во растот, развојот и енергијата, поттикнување на активен и здрав стил на живот, како и со едноставна, неинвазивна проценка на индекс на телесна маса (BMI) со цел едукација и развивање свест за нормална и здрава телесна тежина. По проценката на BMI, пред. м-р Даниела Петковска активно ги поттикнуваше децата на редовна физичка активност, нагласувајќи ја важноста од движење, игра и спорт за здрав раст и правилен моторен развој. Настанот беше реализиран со поддршка од Виталиа, кои придонесоа за промоција на здравите навики кај најмладите. Овој проект претставува значаен чекор кон подигање на свеста за здравјето кај децата и зајакнување на улогата на превенцијата во заедницата.

04/12/2025

Денес во ОУРЦ „Кочо Рацин“ – Битола, по повод Меѓународниот ден на лицата со попреченост се одржа панел-дискусија посветена на перспективата, иновацијата и заедничката акција во унапредувањето на едукацијата и рехабилитацијата. Како претставник од Високата медицинска школа – Битола присуствуваше пред. м-р Денис Арсовски кој активно придонесе со стручни согледувања и примери од праксата. Под мотото „Биди промена, биди поддршка“, панелот обедини експерти од образованието, здравството, локалната самоуправа и рехабилитацијата, кои преку конструктивна дискусија ги споделија своите искуства и предлози за подобрување на инклузивните практики и интерсекторската соработка.
Овој настан уште еднаш покажа дека вистинскиот напредок се гради преку заедништво, професионализам и искрена посветеност на сите институции кои се грижат за развојот и благосостојбата на децата.

15/11/2025

Денес се одржа UKLO Annual International Scientific Conference – AISC 2025 во организација на Универзитет „Св. Климент Охридски“ – Битола, на тема Мултидисциплинарен пристап кон целите за одржлив развој.
На конференцијата пред. м-р Денис Арсовски го презентираше научниот труд Мултидимензионален модел за психомоторна рехабилитација и инклузивно образование кај деца со церебрална парализа изработен во коавторство со проф. д-р Наташа Чичевска Јованова, проф. д-р Горан Ајдински и м-р Габриел Живковиќ.
Проф. д-р Викторија Продановска-Стојчевска учествуваше со сопствен научен труд на тема Корелација помеѓу функционалната способност и ризикот од паѓање кај институционализирани стари лица изработен во коавторство со проф. д-р Тања Јовановска, проф. д-р Изабела Филов, пред. м-р Денис Арсовски, пред. д-р Анѓелка Јанкуловска и пред. м-р Даниела Петковска. Конференцијата претставува значајна платформа за размена на научни резултати и промоција на интердисциплинарната соработка во согласност со современите стандарди и целите за одржлив развој.

14/11/2025

Високата медицинска школа – Битола, предводена од директорката проф. д-р Тања Јовановска и заменик-директорката проф. д-р Викторија Про дановска Стојчевска, остварија службена посета во Топличка академија струковних студија – Прокупље, Република Србија.

📄 При оваа посета беше потпишан Меморандум за долгогодишна научна, техничка, образовна и апликативна соработка, кој отвора нови можности за заеднички научно-истражувачки и развојни проекти, учество на меѓународни студентски конференции, професионални студентски посети, размена на експерти и гостински предавања, соработка во стручната и практичната настава и организирање курсеви, обуки и размена на искуства.

🤝 Овој Меморандум претставува голем чекор кон продлабочување на регионалната академска соработка и создавање нови можности за студентите и кадарот од двете институции. Горди сме на новите партнерства и чекорите кои ги правиме за унапредување на високото образование на здравствените работници. 💙📚

12/11/2025

Денес Високата медицинска школа – Битола имаше чест да ја угости Н.В. Екселенција Џианг Сјаоџијан (Jiang Xiaoyan), Амбасадор на Народна Република Кина во Република Северна Македонија, придружувана од проф. д-р Горан Илиќ, проректор за наука при Универзитетот „Св. Климент Охридски“ – Битола. Гостите беа пречекани од пред. д-р Анѓелка Јанкуловска, пред. м-р Денис Арсовски, пред. м-р Даниела Петковска и виш пред. д-р Златко Лозановски. На средбата се дискутираше за можностите за идно партнерство меѓу Република Северна Македонија и Народна Република Кина во областа на здравството и образованието, со фокус на развој и усовршување на медицинскиот кадар, размена на знаења, како и создавање иницијативи за подобрување на стручните компетенции на здравствените работници. Посетата претставува голем чекор во унапредувањето на академската и професионалната соработка помеѓу двете земји, во духот на заемно почитување, пријателство и заеднички развој на современо и квалитетно образование.

29/10/2025

Денес беше потпишан Меморандум за соработка помеѓу Високата медицинска школа – Битола и Центар за поддршка на лица со интелектуална попреченост – ПОРАКА.
Овој значаен чекор претставува основа за заеднички активности во областа на образованието, практичната обука и социјалната инклузија на лицата со интелектуална попреченост. На настанот присуствуваа проф. д-р Тања Јовановска, директорка на Високата медицинска школа – Битола, Јулијана Трајчевска, претседател на ЦПЛИП – ПОРАКА Битола и пред. м-р Денис Арсовски. Со потпишувањето на овој договор се создаваат услови студентите од студиската програма физиотерапевт да ја изведуваат својата практична настава во Центарот „ПОРАКА“, каде ќе стекнуваат реални искуства во работа со лица со интелектуална попреченост и ќе придонесуваат кон нивната рехабилитација и социјална интеграција.
Републичкиот центар за поддршка на лица со интелектуална попреченост – ПОРАКА е оформен во 1963 година и веќе над 60 години претставува матична организација која се залага за достоинствен живот и еднакви можности на лицата со интелектуална попреченост и нивните семејства. Како мрежа од локални организации низ целата држава, ПОРАКА активно учествува во создавање и унапредување на законите, политиките и програмите поврзани со човековите права на лицата со попреченост, а е и еден од главните промотори на Конвенцијата на ОН за правата на лицата со попреченост во нашата држава.

22/10/2025

На 22 октомври 2025, во месецот кога е денот посветен на менталното здравје, на ВМШ се одржа трибина со наслов "Менталното здравје-универзална димензија на човековото постоење, предизвици, перспективи".Трибината беше организирана од проф.д- р Изабела Филов, при што низ интерактивна работа се разговарање за клучните прашања поврзани со менталното здравје.Главниот заклучок на трибината е:"Менталното здравје се движи кон интегративен, превентивен и технолошки поддржан модел.Перспективата не е само лекување на болести, туку и градење на општество кое ја вреднува психолошката благосостојба како основна човекова потреба."

20/10/2025

Студентката Giada Vegni,SUSSPI DEASS, Mano, Switzerland, реализира двонеделна студентска размена во рамките на Европската сестринска мрежа(European Nursing Module) на Високата медицинска школа Битола.Содржините на оваа размена беа организирани од проф.д-р Изабела Филов, координатор нa ЕNM.И овојпат се потврди дека сестринството во здравствениот систем во Северна Македонија и покрај сите предизвици и потешкотии, се одликува со квалитет, етичност и исклучителна посветеност кон пациентите, атрибути кои беа препознаени и наликуваат на швајцарскиот модел на сестринство.

Висока медицинска школа - Битола

22/01/2026

26/12/2025

17/12/2025

10/12/2025

04/12/2025

04/12/2025

15/11/2025

14/11/2025

12/11/2025

29/10/2025

22/10/2025

20/10/2025

Address

Website

Alerts

Shortcuts

Share

Category