25/09/2025
Денес, по повод Меѓународниот ден на фармацевтите, сакаме да оддадеме признание на Фармацијата како една од најважните и цивилизациски најстарите струки која стои во служба на човештвото а воедно и на Фармацевтите кои играат клучна улога во чувањето и унапредувањето на човечкиот живот веќе илјадници години.
Во ерата на консумеризам и се поголемата комерцијализација на здравјето, кога достапноста на (дез) информации им сервира на луѓето брзи и не ретко погрешни третмани и препарати, аптеката и аптекарот се последниот браник за пациентот. Тие се тие кои ги прашувате за помош пред да одите на лекар а и откако ќе добиете дијагноза. Аптекарите се најдостапните здравствени работници кои секој ден го вложуваат своето знаење, постојана надградба и стручност во обезбедувањето на правилна и рационална употреба на лекови, гранични препарати и додатоци во исхраната.
И покрај уназадувањето на аптекарството како облик на здравствена заштита на граѓаните ние сме мотивирани и ќе продолжиме да бидеме непроценлив ресурс во здравствениот систем.
