25/02/2026
🌺 ПРОЦЕСОТ НА ИЗРАБОТКА НА ДЕКОРАТИВНИ МИРИЗЛИВИ СВЕЌИ, ЧАШИ, МАГНЕТИ И ДРУГИ ПРОИЗВОДИ КАКО ДЕЛ ОД АКТИВНОСТИТЕ ЗА ПРОФЕСИОНАЛНА РЕХАБИЛИТАЦИЈА НА ЛИЦАТА СО ИНТЕЛЕКТУАЛНА ПОПРЕЧЕНОСТ ОД ПОРАКА НАША КУМАНОВО 🌺
Корисниците со интелектуална попреченост од Порака Наша Куманово, продолжуваат секој ден да изработуваат нови производи, како дел од програмата за нивна професионална рехабилитација.
Во пресрет на уште еден меѓународен празник, 8ми март-Денот на жената, покрај другите програмски активности за самостојно живеење, тие секојдневно изработуваат нови декоративни и креативни производи и ги усовршуваат своите работоспособни вештини.
🔖Изработката на креативни производи и ракување со соодветните машини и материјали значително влијае врз нивната професионалната рехабилитација, најпрвин преку подобрување на нивните фини моторни вештини, координацијата рака-око и претпазливост; градење на когнитивната издржливост и поттикнување на самодовербата преку достигнувања кои што за нив се видливи и опипливи.
Тие имаат прилика од почеток до крај, преку самиот процес на изработка на било кој од производите, да видат како во неколку чекора, она што го започнале добива облик и потоа таа изработка е спремна и за продажба.
🔖Индивидуалната работа, работата во помали групи, во работна атмосфера која што секој ден се создава во центарот, го намалува чувството на стрес и анксиозност и им дозволува на корисниците не само да ги развиваат и практикуваат, туку со постојана работа и да ги задржат тие вештини кои што се специфични за работата, како што се следење на инструкции и упорност да ја извршат задачата до крај.
🔖Изработката на овие производи бара планирање, меморија, концентрација, решавање на проблеми, трпение, се она што со помош на стручните лица кои насочуваат, потсетуваат и даваат инструкции за секој чекор, понатаму директно ќе влијае, ќе им користи и ги подготвува за нивно идно вработување.
📌Со самото финализирање на изработките, кога корисниците во рака ги држат нивните финални производи: свеќи, чаши, шишиња, магнети, привезоци и други, корисниците чувствуваат посилно чувство на гордост, оствареност, смиреност, што од една страна влијае врз намалувањето на стресот или вознемиреност, а од друга страна ја зголемува и нивната лична самодоверба, и вербата во своите можности и потенцијали како идни работници.
🔖Преку работа во групи во центарот или организирани работилници со други ученици и волонтери, исто така се социјализираат, се учат да работат тимски и да комуницираат појасно и посигурно- што пак директно го намалува личното чувство на изолација и чувството дека се дружат или работат едни со други, одвоени во центарот како лица со попреченост.
Затоа, постојаната и секојдневна работа која што корисниците ја извршуваат за време на нивниот престој во центарот е важна секој ден, а уште поголемо значење има кога самите имаат прилика да ги престават своите професионално изработени производи за време на организираните продажни изложби меѓу своите пријатели и сограѓани.
Лично, со свои зборови, стоејќи зад наместениот штанд, одговарајќи на прашањата кои им се поставуваат и секако самиот акт на продажба.
🔖И секојдевните останати програмски активности; постојаното секојдневно повторување на целокупниот процес на изработка на декоративните производи и подготовките и возбудата пред, за време а особено по завршување на продажната изложба кога самите гледаат како нивниот труд е препознаен и уважен-претставува еден мост до некое идно можно вработување,
На тој начин, целокупниот процес обезбедува и практичен, пријатен начин за учење на работа со раце, што често води до зголемена независност и социјално прифаќање.
🔈Во пресрет на 8ми март- меѓународниот ден на жената, корисниците од Порака Наша, последниот период интензивно изработуваат и производи за празникот, со мотиви карактеристични за овој ден, прикажани преку кратки видеа и слики во албумот, со наведени цени. 🌹🕯️🎁
Ви благодариме на сите кои што постојано ја поддржувате нивната работа со вашите нарачки за персонализирани изработки. 💌
За сите други информации, прашања и нарачки, потсетуваме дека може да си нарачате изработка по ваша желба преку нашите официјални социјални мрежи, лично во дневниот центар или за време на продажните изложби. ❤️
