02/04/2026
💙 По повод Светскиот ден на бубрегот, Диаверум организираше низа активности насочени кон нашите пациенти, но и кон пошироката јавност, со цел подигнување на свеста и унапредување на здравјето во заедницата.
🩺 Во Кочани и Визбегово, нашите колеги реализираа акции за мерење крвен притисок и шеќер во крвта, поставени на достапни локации - трговски центар во Кочани и пазарчето во Бутел, каде голем број граѓани имаа можност да направат основни здравствени проверки.
📚 Во Штип и Струмица, преку соработка со здруженија на пензионери, беа организирани едукативни презентации и мерења на крвен притисок, при што се споделуваа корисни совети за превенција и грижа за здравјето.
👩⚕️ Во Гевгелија беа спроведени бесплатни лекарски прегледи, овозможувајќи навремена детекција и советување за пациентите.
🏥 Дополнително, во Железара беа организирани бесплатни прегледи за членови на семејства на пациенти со полицистични бубрези.
💬 Особено внимание привлече и иницијативата „Ѕидот на убави зборови“, каде пациентите и вработените имаа можност да споделат мисли, пораки и искуства поврзани со бубрежните заболувања и третманите.
🤝 Во Скопје, во соработка со хуманитарната организација „Свети Спас“, беа спроведени бесплатни комплетни прегледи за социјално ранливи категории граѓани. Нашите доктори и медицински сестри извршија ехо прегледи, дадоа стручни совети, додека лабораторискиот тим реализираше крвни анализи, овозможувајќи сеопфатна грижа за оваа група.
🌟 Во Куманово, колегите придонесоа со едукативни активности и кратки здравствени прегледи за општинската администрација, дополнително зајакнувајќи ја врската со локалната заедница.
🙏 Реакциите беа исклучително позитивни - граѓаните, пациентите и јавноста изразија голема благодарност за посветеноста, едукацијата и достапноста на здравствените услуги.
👏 Голема благодарност до сите наши колеги кои секоја година несебично се вклучуваат во одбележувањето на Светскиот ден на бубрегот, покажувајќи што значи вистинска грижа на дело. Заедно правиме вистинска разлика! 💪💙
