Diaverum North Macedonia

20/11/2025

🌍 Диаверум Македонија со гордост учествуваше на 20ти BANTAO Конгрес, организиран од Балканската асоцијација за нефрологија, дијализа, трансплантација и вештачки органи, кој се одржа во Темишвар од 13 до 15 ноември 2025 година. Овој конгрес претставува едно од најзначајните регионални собирања на нефролошки експерти, каде се разменуваат најновите научни сознанија и клинички практики.

🔬 Нашиот тим имаше чест да презентира истражување со наслов:
“Improving Dialysis Care: A Single-Center Comparison of Post-Dilution Hemodiafiltration and Standard Hemodialysis”, изработено од д-р Елена Митрова како главен автор, во соработка со коавторите д-р Дитка Ивановска и д-р Надица Мисовска.

💡 Истражувањето ги прикажува резултатите од споредбата помеѓу пост-дилуциона хемодиафилтрација и стандардна хемодијализа, со фокус на подобрување на квалитетот на дијализна терапија и здравствените исходи кај пациентите.

👩‍⚕️👨‍⚕️ Присуството на Диаверум Македонија на овој конгрес ја потврдува нашата континуирана посветеност кон развој на професионалните кадри, имплементација на најсовремени третмани и активно следење на светските стандарди во нефрологијата.

✨ Учеството на нашите експерти претставува можност за градење нови партнерства, зајакнување на регионалната соработка и унапредување на медицинската пракса во делот на дијализата.

📚 Овој научен придонес не само што ја зацврстува позицијата на Диаверум како лидер во квалитетна грижа, туку и ја нагласува важноста на континуираното истражување за подобрување на животот на пациентите.

👏 Честитки до целиот тим за професионалната посветеност, трудот и меѓународното претставување!

17/11/2025

🌍 Оваа година, за прв пат, Диаверум Глобал ги обедини своите професионалци од областа на маркетинг и комуникации од четири континенти – од Бразил до Малезија и Сингапур, Кина, Саудиска Арабија, Мароко, Обединетото Кралство, Португалија… и секако, Македонија.

💬 Настанот претставуваше уникатна можност за сите учесници да споделат искуства, креативни решенија и успешни приказни, кои ја потврдуваат силата на комуникацијата во градењето доверба и препознатливост на Диаверум во светот.

📢 Преку серија панел-дискусии и интерактивни работилници, учесниците дискутираа за новите трендови во дигиталната комуникација, значењето на транспарентноста и човечката поврзаност во здравствените пораки и начини на подигање на свеста за бубрежното здравје.

🇲🇰 Македонија ја претставуваше Анета Стамкова, специјалист за комуникации, која го сподели искуството од нашата земја во подигање на јавната свест за здравјето преку бројни едукативни и општествено одговорни активности.

🌿 Таа говореше и за успешните соработки со здруженија на пациенти и граѓански организации, кои заедно со тимовите на Диаверум придонесуваат за подобра информираност, поддршка и благосостојба на пациентите во нашата заедница.

💡 Конференцијата ја потврди клучната улога на комуникацијата во здравството – да биде глас што инспирира, едуцира и поврзува луѓе ширум светот.

✨ Горди сме што дел од оваа глобална приказна е и нашата земја, со својот глас, идеи и посветеност кон истата мисија – вистинска грижа за луѓето.

14/11/2025

Светски ден на дијабетес 💉 🩸

Дали знаевте дека хроничната бубрежна болест (ХББ) и дијабетесот често се појавуваат заедно? Дијабетесот всушност претставува еден од главните ризик фактори за развој на ХББ, а советите за здрав начин на живот кои помагаат при контрола на ХББ се совпаѓаат и со грижата за дијабетесот:

✅Следете здрав начин на исхрана со намален внес на сол, шеќери и нездрави масти.
✅Вежбајте редовно, колку што можете, за да одржувате здрава телесна тежина и да ја подобрите чувствителноста на инсулин.
✅Земајте ги сите препишани терапии според упатството од вашиот лекар – вклучително и оние за контрола на крвниот притисок, шеќерот, холестеролот и други состојби.
✅Правете редовни лекарски прегледи за следење на функцијата на бубрезите и општата здравствена состојба.
✅Aко пушите, побарајте помош за да престанете. Пушењето може да ја влоши функцијата на бубрезите и да го зголеми ризикот од компликации при дијабетес.
✅Пијте количина вода прилагодена на вашата здравствена состојба, според советите од вашиот здравствен тим, за да им помогнете на бубрезите да функционираат правилно.

❗️Секогаш консултирајте се со вашиот здравствен тим за индивидуални совети и планови за третман.

13/11/2025

🌍 На 4 ноември 2025 година, во Малме, се одржа годишната Patient Experience конференција. Ова е настан што ги обединува координаторите и претставниците на овој глобален проект од сите Диаверум земји во светот. Конференцијата претставува место за размена на идеи, искуства и најдобри практики, со една заедничка цел: да се подобри секој аспект од искуството на пациентите кои секојдневно се потпираат на нашата грижа.

💬 Преку динамични работилници и панел-дискусии, учесниците споделија инспиративни примери за тоа како емпатијата, слушањето и разбирањето можат да го трансформираат процесот на лекување и да создадат атмосфера на доверба и почит.

🇲🇰 Македонија беше гордо претставена од нашата медицинска сестра Светлана Цветкова, координатор на програмата Patient Experience за нашата земја. Таа одржа одлична презентација за активностите што нашиот тим ги реализираше, фокусирани на едукација и подигање на свеста за бубрежното здравје.

🤝 Овие меѓународни собири ја потврдуваат посветеноста на Диаверум кон заедничка мисија - постојано подобрување на животите на пациентите преку знаење, иновација и вистинска грижа.

11/11/2025

✨ Оваа година, глобалните Диаверум награди, моментот кога ја славиме инспирацијата, компетентноста и пасијата, се одржаа во родното место на нашата компанија, во Малме, Шведска 🇸🇪. Настанот, беспрекорно организиран, беше вистински празник на вредностите што ги обединуваат сите Диаверум професионалци ширум светот.

🎥 Со особено внимание беа проследени емотивните видеа посветени на минатогодишните победници. Нашето видео предизвика момент на гордост, тишина и емоции, симбол на човечноста и посветеноста кои ја дефинираат нашата мисија.

💖 Имавме и дополнителна причина за радост. Нашиот тим од Кочани стана финалист во категоријата „Вистинска грижа“. Тие ја покажаа суштината на грижата која не запира на прагот на дијализните центри, туку продолжува и надвор, во заедницата, меѓу пациентите и нивните семејства. Иако не ја понесоа главната награда, за нас тие остануваат вистински победници. Тие се симбол на човечка топлина, професионализам и посветеност.

🏆 На нашиот тим предводен од генералниот директор Димитар Клисаровски, му беше укажана и можност, како минатогодишен победник, да ја додели наградата на овогодинешните добитници. Овие моменти се потсетник дека вистинската сила на Диаверум лежи во луѓето. Оние што секојдневно прават разлика во животите на пациентите. 💪

04/11/2025

Вистинската грижа не е задача, таа е повик, таа е избор, таа е начин на размислување и делување.

Нашиот тим, Диаверум Македонија, добитникот на наградата во категоријата True Care на глобалните Диаверум награди за 2024, ги живее вредностите на Диаверум секојдневно, комбинирајќи ги со компетенции, страст и инспирација, како би направиле разлика во животот на пациентите.
Проследете ја нашата приказна .
👇👇👇
Тим кој води напред со срцето. ❤️

24/10/2025

👩‍⚕️ Mедицинската сестра Магдалена Величковска го претстави Диаверум Македонија на 21-от Национален симпозиум со меѓународно учество, кој се одржа во Охрид од 16 до 18 октомври, во организација на ЗМСТАМ. 🌊📚
💡 Магдалена настапи со исклучително актуелна тема: „Дигиталната трансформација на клиничките процеси во дијализата“, прикажувајќи како современите технологии значително го подобруваат секојдневниот тек на работа и грижата за пациентите.
🔬 Нејзината презентација истакна конкретни примери на иновативни решенија што ја олеснуваат комуникацијата меѓу медицинскиот тим, ја зголемуваат прецизноста во третманите и придонесуваат за поголема безбедност и удобност на пациентите.
🌍 Преку вакви учества, тимот на Диаверум континуирано го споделува своето знаење и искуство, но и учи од колегите од различни земји, следејќи ги најновите глобални трендови во медицината и дијализата.
💙 Ваквите настани претставуваат можност за размена на искуства, инспирација и поттик за сите здравствени професионалци кои се стремат кон подобра и посовремена грижа за пациентите.
👏 Благодарност до Магдалена за нејзината посветеност и професионален придонес.
Таа е вистински пример за вредностите што ги негува Диаверум! 🌟

23/10/2025

20/10/2025

Горди сме што нашиот тим повторно ја претстави Диаверум Македонија на европската сцена на знаење и грижа! 🌍
Нашите колешки Елисавета Стојанова, Светлана Цветкова и Билјана Јосифова, под водство на директорката на медицински сестри Сокица Геговска, активно учествуваа со свои трудови на престижниот настан организиран од European Dialysis and Transplant Nurses Association / European Renal Care Association – одржан во Порто, од 11 до 14 октомври 2025 година, во Centro De Congressos da Alfândega Do Porto.

Деновите беа исполнети со знаење, инспирација и чувство на заедништво како вистинско потсетување на причината зошто оваа професија не е само работа туку е мисија која се живее. 💙

Нашата колешка, мед. сестра Светлана Цветкова, ја сподели својата работа посветена на едукативните сесии во училиштата - активности што ги охрабруваат децата и младите да развиваат здрави навики, правилна исхрана и грижа за бубрежното здравје.
Дополнително, мед. сестра Билјана Јосифова презентираше труд кој ја нагласи важноста на персонализираните акциски планови за нега, внимателно прилагодени на индивидуалните потреби на секој пациент - пристап што овозможува поквалитетна и поефикасна грижа. 🌿
На крај, мед. сестра Елисавета Стојанова го претстави својот постер, посветен на значењето на навремената и континуирана грижа за пациентите, како и тимската посветеност која создава разлика во секој ден од нивното лекување.
Сите презентации беа топло прифатени и предизвикаа голем интерес кај учесниците. 🍎👩‍⚕️

Особено сме горди што нашата директорка на медицинските сестри, Сокица Геговска, беше учесник и претставник на Диаверум Глобал симпозиумот, носејќи со себе инспирација и нови знаења кои ќе придонесат за уште подобра нега и развој на професијата. 💙

Со вакви професионалци во нашиот тим, инспирацијата да продолжиме со споделување знаење, искуство и хуманост секогаш продолжува 🙌
Заедно, создаваме подобра грижа и посветеност што се чувствува! ❤️

08/10/2025

🌍 И оваа година заедно на 4 континенти! 🌍
✨ Diaverum for Health предизвикот и оваа година ги обедини сите учесници низ светот преку активности посветени на: интелектуална 📚, физичка 🏃‍♂️, ментална 🧘‍♀️, еколошка 🌱 и социјална 🤝 благосостојба.
💚 Во Диаверум Македонија со голема гордост се вклучивме со повеќе од 20 различни активности на различни теми и локации. Од овој предизвик ќе ги издвоиме убавата дружба 🎉, јакнењето на натпреварувачкиот дух 💪 и создавањето на позитивна енергија ✨.
🚶‍♀️🏃‍♂️ Секој наш заеднички чекор беше мал придонес кон голема цел: подобро здравје и севкупна благосостојба. Без разлика дали стануваше збор за пешачење 🚶‍♂️, трчање 🏃‍♀️, вежбање 🏋️ или креативни активности 🎨, сите заедно оставивме трага во глобалниот предизвик.
📸 Насмевките и моментите забележани на фотографиите се најдобрата потврда за постигнатата цел. Тие се сведоштво дека кога работиме заедно, не само што ја градиме нашата лична благосостојба, туку и заеднички ја зајакнуваме културата на грижа и поддршка.
🌟 Дополнително, овој предизвик ни овозможи да се запознаеме подобро едни со други, да размениме идеи и да научиме како малите секојдневни активности можат да направат големи промени.
💡 Овие искуства не само што го поттикнуваат личниот развој, туку и ја зајакнуваат нашата тимска енергија и создаваат чувство на припадност.
🌟 Диаверум Македонија и понатаму ги охрабрува своите вработени да го негуваат активниот и позитивен начин на живеење, бидејќи вистинската грижа започнува од нас самите. 💚

05/10/2025

🏃‍♀️✨ Диаверум Македонија, повторно со срце на стартот.
И оваа година нашиот тим со голема посветеност учествуваше на Скопскиот маратон, трчајќи за здравје и во чест на нашите пациенти! 🎉

👟 Со 60 учесници, ја освоивме скопската патека и уште еднаш покажавме дека духот на единство и грижа што секојдневно го вложуваме во нашата работа, го носиме и на трката. 💙💪

🏁 Секој километар што го поминавме беше симбол на истрајноста и силата што ја споделуваме со пациентите на дијализа, испраќајќи порака на поддршка и надеж.

👏 Нашата мотивација беше препознаена – публиката не заштеди со аплаузи и охрабрувања, кои ни дадоа уште повеќе енергија да стигнеме до целта. Тоа е доказ дека кога сме заедно, можеме да победиме секој предизвик! 🫶🎽

🌟 Диаверум Македонија и оваа година ја потврди својата посветеност на здравјето, солидарноста и активниот живот.
Заедно трчаме за подобро утре! 💖