logopedski_centar_logosvet

04/12/2025

🎄✨ Зошто да се пријавиш на нашата Новогодишна работилница?

Подготви се за највеселата авантура пред Нова Година! На нашата работилница ќе:

🎁 Создадеш свои новогодишни украси
— светкави, шарени и волшебни, токму како што ти ќе ги замислиш!

☃️ Изработиш рачни подароци
— уникатни, забавни и направени со љубов, совршени за да ги изненадиш најблиските.

🎨 Си ја разбудиш креативноста
— со многу бои, блескави детали и празнична фантазија!

🎅 Се забавуваш со нови другарчиња
— игри, музика, насмевки и вистинска празнична магија!

Доаѓаш, создаваш, се смееш — и си одиш со полни раце од убави спомени!
Пријави се и да ја започнеме празничната магија заедно! 🎉✨

📍Автокоманда
📍Кисела Вода

За подетални информации јавете се на 070-517-440

26/11/2025

Денес успешно го завршија логопедскиот третман пет прекрасни дечиња и навистина беше емотивен ден за нас.
Секој нивен мал напредок, насмевка и успех ни го грее срцето и ни ја потврдува мисијата.
Благодарни сме за довербата и среќни сме што сме дел од нивниот пат на раст и развој.
Со љубов
Логосвет ☘️

19/11/2025

Драги родители
Во духот на празниците и со искрена благодарност за довербата што ни ја укажавте во текот на целата година, со радост ве известуваме дека цел месец декември ќе обезбедиме
БЕСПЛАТНИ логопедски прегледи за вашите најмали.

Ова е наш мал начин да возвратиме на поддршката,
со желба секое дете да добие навремена проценка и насока за правилен развој на говорот и јазикот.

✨ Нека празниците донесат здравје, радост и многу насмевки!
Ви благодариме што сте дел од нашата приказна!
За термини контактирајте не на
📞 070-517-440
📍 Автокоманда
📍Кисела Вода

12/11/2025

30/10/2025

Браво, Марта! 🩵
Денеска затвораш едно поглавје исполнето со труд, насмевки и многу напредок!
Секој збор што го научи, секоја вежба што ја совлада, беше чекор поблиску до оваа голема победа.
Гордa сум на твојата упорност, храброст и желба да растеш.
Продолжи да зборуваш, да се смееш и да блескаш – твојот глас е најубавата музика 🌸🌼🌸

08/10/2025

☘️

05/10/2025

Четири години патувавме заедно низ зборови, игри и мали победи.
Го гледав како расте, како неговиот глас станува посигурен, а насмевката послободна.
Благодарна сум за секој чекор што го направивме заедно.

Мојот најмил Ангел🥺💙

29/09/2025

🎉 Логопедски центар „ЛОГОСВЕТ“ слави 4 години! 🎉

Денес со голема радост и благодарност славиме 4 години од моментот кога ЛОГОСВЕТ ја започна својата мисија – да внесе светлина во светот на зборовите, гласовите и комуникацијата.

Овие четири години беа пат исполнет со многу труд, учење и посветеност. Моето срце е полно со гордост за секоја мала победа и секој напредок што заедно го постигнавме.

Голема благодарност до мојот неверојатен тим☘️.
Ви благодарам за вашата посветеност, поддршка и енергија – без вас оваа приказна немаше да биде толку светла.

На сите деца и семејства кои ни веруваат – ви должиме најголемо БЛАГОДАРАМ.
Вашата доверба и насмевки се нашата најголема мотивација.

Да продолжиме заедно да создаваме мали чуда, збор по збор, глас по глас.
Кон нови успеси и уште многу родендени!!
🎉🎉🎉🎉

12/09/2025

Да се биде логопед и да се работи со деца е вистинска привилегија.
Тоа значи секојдневно да сведочиш на чудото на растењето – да го видиш како од првите несигурни звуци се раѓаат зборови, а од зборовите – самодоверба и насмевки.

Привилегија е да го држиш клучот со кој децата го отклучуваат својот глас, да ги водиш низ нивните мали предизвици и да славиш со нив секоја нова победа, без разлика колку е мала.

Секој ден е потсетник дека токму твојата трпеливост, игра и нежност можат да го променат нечиј свет.
Да бидеш логопед не е само професија – тоа е чест и благослов да им помагаш на децата да проговорат и да ја споделат својата приказна со светот. ☘️☘️☘️

09/09/2025

Вашиот преглед може да го закажете на 070-517-440

📍Автокоманда
📍Кисела вода

#логопед

01/09/2025

Вашиот термин може да го закажете на
📞070-517-440