ЈЗУ УК за дерматологија-Скопје; University clinic of dermatology-Skopje

19/05/2025

И ДЕЦАТА МОЖЕ ДА ИМААТ ПРОБЛЕМ СО РАК НА КОЖА ВО ИДНИНА!
Во склоп на кампањата Еуромеланома 2025, во амбулантите на ЈЗУ Универзитетска Клиника за дерматологија - Скопје на 02.06.2025 (понеделник) и 03.06.2025 (вторник) од 11:00 - 15:00 часот, дерматолозите ќе вршат бесплатни прегледи на сомнителните промени на кожата за карцином (дамки, бемки) кај заинтересираните пациенти.
Универзитетската Клиника за дерматологија во Скопје традиционално се придружува на Европските активности во рамките на кампањата Еуромеланома 2025 со цел подигнување на свеста на населението и здравствените работници за превенција и рано откривање на меланомот и другите кожни карциноми во нашата земја.
Кампањата Еуромеланома оваа година се фокусира на едукација на децата и родителите за важноста на правилната заштита од Сонцето, со посебен акцент на акутните и хроничните опасности од штетните УВ зраци
Сончевите изгореници во детството го зголемуваат ризикот за развој на меланом и други кожни карциноми!
Само една сончева изгореница во детството го зголемува двојно ризикот од рак на кожа во животот!
Затоа сите имаме одговорност да ја подигнуваме свеста заедно и да учиме здрави навики од најмали нозе.
Мотото на кампањата Еуромеланома за оваа година носи важна порака:
ЧУВАЈТЕ ЈА ИДНИНАТА НА ДЕЦАТА СО ПРАВИЛНА ЗАШТИТА НА НИВНАТА КОЖА!

15/01/2025

ГОДИШНА НАУЧНА КОНФЕРЕНЦИЈА НА УНИВЕРЗИТЕТСКАТА КЛИНИКА ЗА ДЕРМАТОЛОГИЈА
Почитувани колеги,
Ни претставува особена чест да ве поканиме на научна конференција во организација на Универзитетската клиника за дерматологија
Конференцијата ќе се одржи под мотото
75 ГОДИНИ МАКЕДОНСКА ДЕРМАТОЛОГИЈА
Оваа година Конференцијата е посветена на инфламаторните и автоимуните дерматози.
Имаме цел да ги обединиме дерматолозите и лекарите од другите медицински гранки, чиј имаат интерес се преклопува со клиничката дерматологијата.
Настанот ќе се одржи на 28ми февруар и 1ви март, 2025 год. во хотелот Лимак во Скопје.
Срдечен поздрав
Проф. д-р Катерина Дамевска Претседател на Организациониот одбор
Повеќе информации, вклучително и упатствата за апстракти и научната програма на нашата веб страна: https://dermatologija.org.mk/mk/

04/06/2024

https://www.facebook.com/euromelanoma2024.mk

Пан-европска кампања и извор на информации за рак на кожата, негова превенција и ран третман.

04/06/2024

‼ Поканете ги вашите најблиски и придружете ни се на настанот Еуромеланома, во среда (05 јуни) на Сквер Јадран, Скопје - Центар со почеток од 11:00 часот.
По повод одбележувањето на Европската превентивна кампања за борба против ракот на кожата ЕУРОМЕЛАНОМА 2024, дерматолозите во нашата земја ги реализираат бесплатните прегледи на сомнителните дамки на кожата, со цел информирање и подигнување на јавната свест за борба против ракот на кожата како потенцијално излечив.
Што да очекувате на настанот кој ќе се одржи во среда?
🔴Бесплатни прегледи на промени сомнителни за рак на кожа од специјалисти дерматолози
На настанот посетителите ќе имаат можност да добијат консултативен бесплатен преглед од страна на специјализиран дерматолог, кој ќе даде и совети околу следните чекори кои треба да се преземат.
🔴Присуство на покровителите на кампањата со промотивни штандови со информативно-едукативен материјал и подароци за сите присутни, на кои ќе можат да се информираат многу повеќе за превенција и рана детекција на рак на кожа
🔴Едукација за правилна заштита на кожата!
Ве очекуваме!

28/05/2024

Скопје
➡️ ЈЗУ Клиника за Дерматологија - 27, 28, 29, 30, 31 Мај 2024 од 10–13 ч
➡️ ЈЗУ Градска општа болница 8-ми Септември /др Весна Трајкова/ - 28, 29 Мај 2024 од 12–13 ч
➡️ ЈЗУ Здравствен дом – Железничар /др Радмила Ончева/ - 29, 30 Мај 2024 од 17.30–19 ч
➡️ ЈЗУ Здравствен дом - Скопје - Поликлиника Ѓорче Петров /др Александра Перовска/ 27 и 30 Мај 2024 од 12–13 ч, 31 Мај 2024 /термин со закажување на тел. 02 2031022/
➡️ ПЗУ Меа Медика - 30 Мај 2024 од 9–15 ч
➡️ ПЗУ Дерма Естетик - 28, 29 Мај 2024 од 13–15 ч
➡️ Аџибадем Систина реализирани прегледи на 11 Мај 2024
➡️ Клиничка болница Жан Митрев Скопје - 30 Мај 2024 со закажување на тел 2 3091 500
➡️ ПЗУ Др Анчевски - 27, 28 Мај 2024 со закажување на тел 2 3216 608 и 075 280875
➡️ ПЗУ Др. Искра - 27 Мај 2024 од 13-14 ч
➡️ ПЗУ Дерма Нова - 30, 31 Maj 2024 od 10-16 ч со закажување на тел 2 5233772 и 075 425122
• Тетово
➡️ ЈЗУ Клиничка болница - 29 Мај 2024 од 12–15 ч
• Гостивар
➡️ ЈЗУ Општа болница - Гостивар /др Мирјана Ќипријаноска/ на 30 Мај 2024 од 8–14 ч /др Даландише Демири Сулејмани/ - 31 Мај 2024 од 8-14 ч
• Кичево
➡️ ЈЗУ Општа болница /др Лулије Ибраими-Јахја/ - 31 Мај 2024 од 11-14 ч
• Штип
➡️ ЈЗУ Клиничка болница - 31 Мај 2024 од 9-14 ч
• Неготино
➡️ Дерматолошки центар МН Дерм - 27 Мај 2024 од 10–18 ч
• Крива Паланка
➡️ ЈЗУ Здравствен дом - 27, 28, 29 Мај 2024
• Радовиш
➡️ ПЗУ Дерма М Др. Лукарова - 31 Мај 2024 од 15–17 ч
• Гевгелија
➡️ ЈЗУ Општа болница со проширена дејност - 30,31 Мај 2024 од 11-14 ч

14/03/2024

Со двата најсовремени апарати ласери кои треба да делуваат во лекување на одредени појави на кожа...

11/03/2024

✅ На ЈЗУ Клиника за дерматологија - Скопје, обезбедивме најнови и најсовремени ласери за дерматохирургија, рејувенација (обнова) на кожата (CO2RE system laser - Candela) и капиларни и венски лезии ( PDL Laser - Candela VBeam Perfecta).
👉 Со ласерите ќе работи експертски тим од лекари - специјалисти дерматовенеролози, одбрани од Клиниката.
👉 Дел од услугите ќе бидат на фондот, останатите приватни услуги ќе бидат 20% пониски од конкурентните цени на пазарот во Македонија.

Услуги кои ќе бидат на фондот:

📌 Со PDL Laser (Candela VBeam Perfecta)

1. Port wine stain кај малолетни деца (до 18 годишна возраст),
2. Еритем и Телеангиектазии кај Dg. DLE и SLE во регија на лице,
3. Упорни – рефрактерни на конвенционлна терапија вирусни промени на кожа кај деца вo регија на лице (Verrucae Plana и Moluscum contagiosum),
4. Хемангиоми кај малолетни деца (до 18 годишна возраст).

📌 Со CO2RE system laser (Candela)

1. Rhinophyma,
2. Eпидермални и дермални невуси во регија на лице,
3. Sebaceous hyperplasia, Xanthelasma и Syringoma.

Останатите индикации за терапевтски процедури и естетски интервенции, не само за разубавивање, туку за стекнати неправилности на кожата во текот на животот и нивно отстранување ќе бидат, исто така, овозможени за сите граѓани.

Со двата најсовремени апарати ласери кои треба да делуваат во лекување на одредени појави на кожа...

31/05/2023

06/05/2022

Ве покануваме на настанот под мотото „ДА СЕ ЗАШТИТИМЕ ОД СОНЦЕТО, ДА СПРЕЧИМЕ РАК НА КОЖА!“ кој ќе се одржи на популарната Школка во Градскиот Парк во Скопје на 15.05.2022 (Недела) од 09:00 до 14:00 часот.
На настанот ќе бидат организирани бесплатни клинички и дермоскопски прегледи од наши колеги доктори кои работат во оваа област. Настанот е подржан од Министерство за Здравство, Здружението на дерматовенеролози на Македонија и ЈЗУ УК за дерматологија - Скопје.
Генералн покровител е Биодерма.

Ве очекуваме на заедничко дружење и акција за подгање на јавната свест за ракот на кожа и влијанието на сонцето врз кожата.

21/03/2022

21/03/2022