PZU Dr.Lidija Kostic Manceva-semejna medicina

12/02/2026

Како да препознаете кога возрасен или постар член на семејството има итна потреба од лекар? 🚨

Кај повозрасните лица симптомите понекогаш се тивки, а состојбите можат брзо да се влошат. Затоа е важно да знаеме кога не треба да чекаме.

⚠️ Итна медицинска помош е потребна ако забележите:

🫀 Болка или притисок во градите
Особено ако се шири кон рака, врат или грб можно е да се работи за срцев проблем.

🧠 Нагла конфузија, тешкотии со говор или слабост на една страна од телото
Може да укажува на мозочен удар, па во овие случаи времето е клучно.

😮💨 Отежнато дишење
Чувство на гушење, свирење во градите или забрзано дишење.

🌡 Висока температура со треска и слабост
Кај постари лица може да сигнализира сериозна инфекција.

🤕 Пад со повреда на глава или колк
Дури и ако лицето вели дека е добро, потребни се лекарски преглед и проценка.

💧 Нагла дехидратација или одбивање течности
Особено ако е проследено со замор или намалена свест.

🩸 Ненадејно крварење или силна болка во стомакот.

📉 Нагло влошување на хронична состојба
Дијабетес, срцеви заболувања, висок притисок. Секоја нагла промена во овие случаи бара внимание.

💡 Кај постарите лица симптомите често се атипични, слабост, поспаност или губење апетит може да бидат единствениот знак дека нешто сериозно се случува.
✨ Подобро е да реагирате навреме, отколку да чекате состојбата да се влоши

09/02/2026

08/02/2026

27/01/2026

075 58 29 58 ( do Sitimol)

17/01/2026

03/01/2026

Грипот е акутна респираторна ВИРУСНА инфекција.
Започнува нагло и ги вклучува следниве симптоми:
✅ висока температура (често до 39-40 °C)
✅ силна главоболка
✅ болки во мускулите и зглобовите
✅ екстремна малаксаност
Продолжува со:
✅ сува кашлица
✅ грло што гребе или боли
✅ општа лоша состојба

Одговори на вашите најчести прашања во врска со грипот:

1. Колку дена трае?
- до целосно оздравување поминуваат 7-14 дена. Сувата кашлица може да продолжи уште две недели по оздравувањето.

2. Колку дена ќе имам температура?
- вообичаено фебрилноста трае 2-4 дена

3. Кога да се јавам за повторен преглед?
- доколку високата температура продолжи и после четвртиот ден, или доколку по 2-3 дена афебрилен период повторно добиете висока температура
- доколку настане влошување на кашлицата, имате болка во гради или отежнато дишење.
- доколку чувствувате вртоглавица
- доколку имате претерана мускулна болка и малаксаност
- доколку сте дехидрирани
- имате бледо или дури сино пребоена кожа, усни, нокти- во овој случај веднаш без одложување се јавувате на преглед

4. Кои се ризични пациенти за компликации?
- деца под 2 годишна возраст
- возрасни над 65 години
- пациенти од било која возрасна група со други хронични заболувања
- трудници
- обезни пациенти

5. Дали ако “на време” земам антибиотик нема да спуштам на гради?
- на време земен антибиотик е антибиотик земен поради компликација на грипот со секундарна бактериска инфекција. Значи редоследот е: комплкикација, па антибиотик. Антибиотиците немаат превентивно дејство!

6. Колку долго сум заразен за околината?
- контагиозноста е највисока првите 3-4 дена, а потоа се намалува. Вообичаено трае 7 дена. Сепак одредени категории пациенти можат да бидат контагиозни и подолго од 7 дена.
Затоа кога сте болни изолирајте се една недела.

7. Како полесно да го поминам грипот?
- многу одмор
- многу течности
- лесна храна
- антипиретик само при температура над 38,5 и во соодветна доза.
- оддржување на соодветна влажност на просториите во кои претстојувате и нивно редовно проветрување
- инхалации со топла пареа помагаат за сувата надразнителна кашлица, исто како и топли чаеви со мед, пастили за шмукање. Антитусици и инхалации со небулизер само во консултација со лекарот што ве следи.

Трпение! Грипот трае. Не постои магичен лек со кој ќе оздравите за 24 часа.

17/12/2025

pred novogodisni 50 %popusti
Na tretmani fizikalna terapija
Laser+Magnet th+pregled od Dr.fizijatar.