30/03/2026
Влегуваме во четвртиот месец од оваа година, со пролетна енергија, раздвижување и динамични работилници 🧚 Најава за првата половина на април:
🔸 Внатрешна пролет: интермодална работилница
Што во мене е подготвено да расцути?
Работилница инспирирана од циклусите во природата, премин кон пролетта и обнова во природата. Преку водено движење, работа со бои, метафори и зборови ќе ја следиме внатрешната виталност - ќе истражуваме каде чувствуваме живот, што нè храни и што сакаме во нас да расте во наредниот период.
Пријава и детали: https://forms.gle/4AJ5UcmYYfMkHAzo6
🔸 „Небулози“ е 8 неделна програма за личен развој со експресивно пишување и одмотување на мислите во комбинација со други модалитети на израз (фотографија, цртање, сликање и сл.). Програмата предвидува вкупно 30 часа групна работа во комбинација со самостојни задачи и е наменета за возрасни лица. Имаме уште некое место, рокот за пријава е 1 април.
Пријава и детали: https://forms.gle/U58HRekRR6e7htWV6
🔸 Водена имагинација: Водената имагинација е повеќе од техника за релаксација, таа е простор да се слушнеме себеси преку слика и активација на сите сетила, да си дадеме можност за артикулација на внатрешното искуство на начин кој можеби не можеме да го опишеме со зборови. Патуваме на заеднички места, простори, можни и невозможни. Пријава во порака.
🔸 Хаос: работилница каде што ништо не е под конец, дозвола за грда уметност, дојди и направи неред. Тука „убавото“ не е цел. Ова е простор за ослободување од перфекционизам, за експериментирање без правила и за дозволување на спонтаното да излезе на површина. Ќе работиме со различни материјали и со сласт ќе правиме грешки. Пријава во порака.
