Лекарска комора на Македонија / Oda e Mjekëve të Maqedonisë, "Партизански одреди" бр. 3, Skopje (2026)

12/05/2026

🩺Претседателката на Лекарска комора, проф. д-р Калина Гривчева Старделова, претседателот на Собранието на Лекарска комора д-р Висар Муча и потпретседателот за терцирарно здрваство ас. д-р Алберт Леши учествуваат на 130-то Собрание на Германската медицинска комора (GMA), кое се одржува во Хановер, Германија, од 12-15 мај. Овој значаен настан е клучна платформа за размена на искуства и зајакнување на соработката помеѓу европските лекарски комори и стручни асоцијации.
За време на настанот се дискутираа важни теми поврзани со младите доктори, медицината за лекување на зависности и одговорностите на медицинската професија во однос на превенцијата, грижата и регулативите. Во дискусиите акцент се стави и на важноста на континуираната и конструктивна соработка меѓу лекарските комори и здравствените власти со цел на унапредување на здравствениот систем.
🤝Ова учество ја потврдува посветеноста на нашата Комора на следење на европските трендови во медицината и континуирано застапување за интересите на докторите преку меѓународно вмрежување.

---------------------------------------------

🩺Kryetarja e Odës së Mjekëve, prof. dr. Kalina Grivçeva Stardelova, kryetari i Kuvendit të Odës Mjekësore, dr. Visar Muça dhe nënkryetari për shëndetësi terciare, as. dr. Albert Leshi, po marrin pjesë në Kuvendin e 130-të të Odës së mjekëve Gjermane (GMA), i cili po mbahet në Hanover të Gjermanisë, nga data 12 deri më 15 maj. Ky eveniment i rëndësishëm shërben si një platformë kyçe për shkëmbimin e përvojave dhe forcimin e bashkëpunimit ndërmjet odave mjekësore evropiane dhe shoqatave profesionale.
Gjatë këtij evenimenti u diskutuan tema të rëndësishme që lidhen me: mjekët e rinj, mjekësinë për trajtimin e varësive dhe përgjegjësitë e profesionit mjekësor në raport me parandalimin, kujdesin dhe rregullat ligjore. Në diskutime u theksua posaqërisht edhe mbi rëndësinë e bashkëpunimit të vazhdueshëm dhe konstruktiv ndërmjet odave mjekësore dhe autoriteteve shëndetësore, me qëllim avancimin e sistemit shëndetësor.
🤝 Kjo pjesëmarrje konfirmon përkushtimin e Odës sonë për ndjekjen e trendeve evropiane në mjekësi dhe përfaqësimin e vazhdueshëm të interesave të mjekëve përmes krijimit të rrjeteve ndërkombëtare.

12/05/2026

✨🤝 Честит 12 Мај – Меѓународен ден на медицинските сестри!

Лекарската комора упатува честитки до медицинските сестри оддавајќи признание за нивната благородна мисија и важна улога во македонското здравство.

Овој ден е потсетник дека медицината е тимска работа, а успешното лекување не зависи само од знаењето на поединецот, туку од соработката и меѓусебната доверба на докторот и медицинската сестра.

Медицинските сестри даваат силна поддршка на пациентите, активно учествуваат во третманот и преку тимска работа со докторите придонесуваат за воспоставување на подобар и похуман здравствен систем.

30/04/2026

Резултати од одржани спортски натпревари:

🎯 СТРЕЛАШТВО

Женска категорија:
🥇Златен медал: д-р Лидија Арсовска
🥈Сребрен медал: д-р Даниела Маркоска
🥉Бронзен медал: д-р Ана Мирчевска

Машка категорија:
🥇Златен медал: д-р Толе Битовски
🥈Сребрен медал: д-р Кирил Петковски
🥉Бронзен медал: д-р Александар Каревски

♟️ШАХ
🏆Прво место: д-р Дејан Јанков
🏆Второ место: д-р Вело Марковски
🏆Трето место: д-р Зоран Јовановски

🏓 ПИНГ-ПОНГ:
🥇Прво место: д-р Душко Домазетовски
🥈Второ место: д-р Премтон Хулај
🥉Трето место: д-р Владимир Јовановски

🚵‍♂️ Рекреативната велосипедската тура се одржа во Скопје на 25.04.2026 година. Стартот беше кај Арената „Борис Трајковски“ и се возеше околу Скопје по патека долга 40 километри. Одличните временски услови само го дополнија одличното искуство на учесниците.

Повеќе информации на овој линк: https://lkm.org.mk/mk/record/33/1075/odrzhani-natprevari-vo-strelashtvo-shakh-i-ping-pong

Комисијата за спортски активности на Лекарската комора ги поканува сите доктори кои се нејзини членови да се пријават на престојните спортски активности:

⚽️ ФУДБАЛ - 9 мај во Штип.
⛰️ ПЛАНИНАРЕЊЕ - 16 мај на падините на Водно,Скопје.
🏀 КОШАРКА - 17 мај во Скопје
🎾 ТЕНИС - 05-06 јуни во Кочани.

ПРИЈАВУВАЊЕТО е во тек и може да се направи:
✔️ Кај координаторите на секој спорт поединечно
✔️ Кај д-р Љупчо Милановски, претседател на Комисијата за спортски активности.
✔️ Преку порака на Facebook-страната на ЛКРСМ.

Контакти може да најдете на овој линк: https://lkm.org.mk/mk/record/33/1061/najava-za-8-sportski-aktivnosti---prijavuvanjeto-e-vo-tek

25/04/2026

🩺 Претседателката на Лекарската комора, проф. д-р Калина Гривчева Старделова, го отвори 27-миот Симпозиум на Здружението на лекари по општа и семејна медицина (ЗЛОМ), кој се одржува во Скопје од 24-27 април.

🏥 Со овогодинешната тема „Четири системи – една индивидуа“, Симпозиумот ја става во фокус суштината на модерната медицина: лекување на пациентот како целина, а не само на болеста.

„Во време на сè поголема супспецијализација, вие – лекарите од примарното здравство – останувате клучниот столб кој го гледа пациентот како целина, а не како збир на дијагнози. Пациентот не се набљудува само преку еден орган или дијагноза, туку како интегрирана целина од меѓусебно поврзани системи. Холистичкиот пристап кој го промовирате преку анализа на респираторниот, кардиоваскуларниот, дигестивниот и урогениталниот систем, е единствениот пат до вистинско здравје. Лекарската комора останува ваш партнер и силен поддржувач во сите ваши заложби за подобро, похумано и посигурно здравство“, истакна проф. д-р Гривчева Старделова.

👏 На учесниците на Симпозиумот им посакуваме плодна работа, инспиративни дискусии и успешна размена на искуства во деновите што следат!

24/04/2026

📢 „Здравјето на децата е нашиот најголем влог во иднината и фундамент на едно здраво општество. Лекувањето на најмладите пациенти е доверено на педијатрите и тоа носи посебна тежина, емоција и одговорност, бидејќи квалитетот на нивната здравствена заштита е огледало на нашиот целокупен здравствен систем. Лекарската комора останува ваш цврст партнер и поддржувач на континуираната медицинска едукација, а ваквите стручни собири се темелот на кој го унапредуваме квалитетот на медицината во нашата земја“, истакна претседателката на Лекарската комора, проф. д-р Калина Гривчева Старделова, на свеченото отворање на 4. Меѓународен конгрес на Здружението за педијатриска респираторна медицина - ПЕДИАРЕС.

🔹Во своето поздравно обраќање пред еминентни стручњаци од земјата и странство, проф. д-р Гривчева Старделова зборуваше и за тоа дека пулмолошката патологија кај децата зема сè поголем замав и респираторните заболувања стануваат доминанта во секојдневната клиничка и амбулантска пракса. Поздравни обраќање пред присутните имаа и проф. д-р Аспасија Софијанова, претседатрел на Здружението на педијатри, како и проф. д-р Татјана Јаќоска претседател на ПЕДИАРЕС.

🏥 Конгресот, кој се одржува од 24 до 26 април во Деканатот на Медицинскиот факултет во Скопје, опфаќа суштински теми како цистична фиброза, ретки болести, имунодефициенции и инфекции на долните респираторни патишта, атопии и алергии, туберкулоза, интензивно лекување.

🩺🏆Упатуваме честитки до организацискиот одбор и претседателката на ПЕДИАРЕС, проф. д-р Јаќовска, за успешно организираниот настан кој поставува нови стандарди во детската здравствена заштита.

🧬 Градиме мостови за подобра педијатриска грижа!

23/04/2026

🛡️ Вакцините се ефикасни за секоја генерација!

Лекарската комора на РСМ, како активен член на европската Коалиција за вакцинација ја поддржува Европската недела на имунизација.

Имунизацијата не е само личен избор, туку заедничка одговорност за заштита на нашето здравје, нашите семејства и идните генерации. Во свет каде дезинформациите и лажните вести се секојдневие, Комората стои цврсто зад науката и докажаната ефикасност на вакцините.

Клучните заложби на Коалицијата вклучуваат:

✅ Вакцините безбедно ги заштитуваат луѓето, семејствата и заедниците и продолжуваат да ја чуваат нашата иднина.
✅ Здравствените работници треба да се обучени за јасна и сочувствителна комуникација за вакцините, помагајќи им на семејствата кои се колебливи или имаат прашања да се чувствуваат информирани, сослушани и сигурни во нивните одлуки за имунизација.
✅ Да се зајакне разбирањето на јавноста за науката која стои зад безбедноста и ефикасноста на вакцините.
Заедно со водечките европски медицински асоцијации работиме на сузбивање на митовите и обезбедување на правичен пристап до вакцинација за сите.

📢 Да носиме информирани одлуки! Вакцинацијата е најуспешната медицинска алатка која спасува животи со децении.

👉 Прочитајте го целото соопштение на Лекарската комора на овој линк https://shorturl.at/ffoEf.

----------------------------------------------------------------

🛡️ Vaksinat janë efikase për çdo gjeneratë!

Oda e Mjekëve e RMV, si anëtare aktive e Koalicionit Evropian për Vaksinim, mbështet javën Evropiane të Imunizimit.

Imunizimi nuk është vetëm një zgjedhje personale, por një përgjegjësi e përbashkët për mbrojtjen e shëndetit tonë, familjeve tona dhe gjeneratave të ardhshme. Në një botë ku dezinformatat dhe lajmet e rreme janë të përditshme, Oda qëndron fuqishëm pas shkencës dhe efikasitetit të dëshmuar të vaksinave.

Përpjekjet kryesore të Koalicionit përfshijnë:

✅ Vaksinat mbrojnë në mënyrë të sigurt njerëzit, familjet dhe komunitetet dhe vazhdojnë të ruajnë të ardhmen tonë.
✅ Punonjësit shëndetësorë duhet të jenë të trajnuar për komunikim të qartë dhe empatik rreth vaksinave, duke ndihmuar familjet që hezitojnë ose kanë pyetje të ndihen të informuara, të dëgjuara dhe të sigurta në vendimet e tyre për imunizim.
✅ Të forcohet mirëkuptimi i opinionit publik për shkencën që qëndron pas sigurisë dhe efikasitetit të vaksinave.

Së bashku me asociacionet kryesore mjekësore evropiane, punojmë në luftimin e miteve dhe sigurimin e qasjes së drejtë në vaksinim për të gjithë.

📢Të marrim vendime të informuara! Vaksinimi është mjeti mjekësor më i suksesshëm që shpëton jetë prej dekadash.

👉 Lexoni gjithë komunikatën e Odës së Mjekëve në këtë link https://shorturl.at/7Hucs

21/04/2026

🎓 Лекарската комора упатува честитки до проф. д-р Светозар Антовиќ по повод неговиот реизбор за декан на Медицинскиот факултет при Универзитетот „Св. Кирил и Методиј“ во Скопје.

Континуитетот во раководењето со најстарата и најзначајната медицинска образовна институција во нашата држава е потврда за досегашната успешна работа, посветеност и визија за унапредување на медицинската едукација.

Му посакуваме на деканот успешен нов мандат, исполнет со нови проекти, меѓународни успеси и уште поголеми достигнувања кои ќе го подигнат стандардот на македонското здравство и наука.

🤝 Продолжуваме да градиме заеднички мостови за професијата!

19/04/2026

Проф. д-р Калина Гривчева Старделова, претседателка на Лекарската комора, се обрати на отворањето на Првиот симпозиум на Здружението на приватни лекари на Р. Македонија, што се одржува во Струга од 17 до 19 април 2026 година.

„Овој настан е симбол на еден нов почеток, на здружена енергија и на јасна визија за унапредување на здравствената заштита во нашата земја, во што вие, лекарите од приватниот сектор, како носители на еден од столбовите на нашиот здравствен систем, имате есенцијална улога. Токму затоа, Лекарската комора секогаш ќе биде ваш партнер и поддржувач. Нашата цел е заедничка – да обезбедиме услови во кои секој лекар ќе може да работи достоинствено, според највисоките етички и стручни стандарди, и да добие валоризација за својот труд. Овој симпозиум е важен бидејќи овозможува размена на знаење и мрежно поврзување, како простор каде што можеме да ги споделиме нашите искуства, да учиме едни од други и да изградиме цврсти мостови на соработка и заедничко дејствување“, истакна проф. д-р Гривчева Старделова на отворањето на настанот.

Пред присутните на свеченото отворање се обрати и претседателката на Здружението на приватни лекари, д-р Лилија Чолакова-Дервишова. Ова Здружение повеќе од три децении претставува важен столб во професионалната заедница и брои околу 1.400 членови – доктори од различни специјалности.

17/04/2026

Лекарската комора ја поздравува одлуката на Министерството за здравство донесена во соработка со медицинските факултети од Скопје, Тетово и Штип, од септември годинава да се воведат нови програми за специјализации по општа хирургија и интерна медицина. Со измените на програмите овие две специјализации се кратат од шест на пет години, а се воведува и нов концепт во курикулумите, со цел да се создадaт специјалистички кадри кои на секундарно ниво ќе може да одговори на најголем дел од здравствените потреби на пациентите, а терцијарното здравство ќе може да се посвети на третман на најтешките случаи.

„Иницијативата за измени на програмите произлезе од Лекарската комора, бидејќи повеќе години наназад имавме сериозни разговори со докторите од секундарно здравство и здруженија на пациентите за проблемите со кои се соочуваат. Преку соработка со коморите од другите држави се разгледаа и меѓународните искуства во овој сегмент и се утврди дека треба да се направат реформи. Позитивниот одговор на нашата иницијатива од страна на Министерството за здравство, како и одличната соработка со факултетите овозможи да дојдеме со решението што носи придобивки и за докторите и за пациентите, за што сакам да изразам благодарност до сите кои беа вклучени во процесот “, истакна претседателката на Лекарска комора, проф. д-р Калина Гривчева Старделова на прескоференцијата што се одржа во Министерството за здравство.

Во интерната медицина се воведува засилена практична обука, со акцент на ургентна медицина и интензивна нега, како и задолжителна обука за POCUS (point-of-care ултразвук), како стандардна вештина. Дополнително, се дефинираат минимални практични интервенции и се зголемува автономијата на специјалистите, со цел создавање кадар способен самостојно да управува со комплексни и итни состојби на секундарно ниво.

Во општата хирургија се воведува петгодишен, европски усогласен курикулум со широка хируршка основа и мултисистемски пристап. Се унапредува и системот на тријажа и се создава основа за натамошна супспецијализација.

14/04/2026

📖 НОВ БРОЈ НА VOX MEDICI!

🔍Во новиот број на Vox Medici може да прочитате повеќе содржини меѓу кои и:

📌Тема на бројот:
Унапредување на ортопедско - трауматолошката дејност на ЈЗУ УК ТОАРИЛУЦ и развој на спиналната хирургија.

📌Наши гости во Vox Medici кои нè прават горди:
Спец. д-р Сандра Цилевска, трауматолог: Со упорност се постигнуваат целите и се надминуваат пречките.

📌Актуелно:
Нова интервентна процедура во Специјализираната болница за кардиоваскуларни заболувања во Охрид.

📌Македонско здравство:
Национален PACS/RIS систем: Клуч за ефикасна и достапна радиолошка дијагностика.

📌Од агол:
Лекарите во очите на јавноста: Промена на перцепциите за нивната улога.

📌Докторите низ уметноста:
Разговор со спец. д-р Милчо Мисоски: Поезијата е точката на обединување на науката и уметноста.

🌐 Електронското издание на весникот е достапено на овој линк https://shorturl.at/C4GWz.

📍 Каде да го најдете вашиот печатен примерок?

Печатеното издание на весникот Vox Medici се дистрибуира до клиниките, институтите, клиничките болници, општите и специјализирани болници и здравствени домови, како и до поголемите приватни здравствени установи.

Дистрибуцијата на весниците за докторите од примарната здравствена заштита и помалите приватни специјалистички ординации е регионална, организирана според општинските одбори, преку координаторите на ЗПЛРМ. Список по градови и здравствени установи од каде овие лекари може да подигнат весник е достапен на линкот https://shorturl.at/HowH7.

🏛️Примероци на Vox Medici се достапни и во просториите на Лекарска комора.

12/04/2026

Честит Велигден на сите верници кои денес го чествуваат најголемиот празник во христијанството.

Лекарската комора ви посакува добро здравје, спокој и благосостојба на сите. Христос Воскресна!

Лекарска комора на Македонија / Oda e Mjekëve të Maqedonisë

12/05/2026

12/05/2026

30/04/2026

25/04/2026

24/04/2026

23/04/2026

21/04/2026

19/04/2026

17/04/2026

14/04/2026

12/04/2026

Address

Website

Alerts

Contact The Practice

Shortcuts

Share

Category