Alkaloid AD Skopje

Alkaloid AD Skopje www.alkaloid.com.mk

Во годината кога „Алкалоид“ одбележува значаен компаниски јубилеј, свој личен јубилеј – 40 години посветена работа – сла...
29/04/2026

Во годината кога „Алкалоид“ одбележува значаен компаниски јубилеј, свој личен јубилеј – 40 години посветена работа – слави и Страшо Арсовски, дел од Службата за обезбедување и заштита.

Од првиот работен ден, обележан со чувство на одговорност и на сериозен предизвик, до денес, Страшо растел заедно со компанијата, следејќи ги нејзиниот развој, технолошките промени, зголемената одговорност и потребата од ефикасност.

Иако годините донеле промени и нови начини на работа, непроменети останале одговорноста, меѓусебната почит и силното чувство на припадност.

Горди сме што во јубилејната година ги славиме луѓето кои со својата посветеност се темел на стабилноста и континуитетот на „Алкалоид“.

#АлкалоидСкопје #ЗдравјетоПредСе

Денеска ѝ се придружуваме на глобалната заедница во одбележувањето на Светскиот ден за безбедност и здравје при работа.В...
28/04/2026

Денеска ѝ се придружуваме на глобалната заедница во одбележувањето на Светскиот ден за безбедност и здравје при работа.

Во АЛКАЛОИД денес безбедноста значи повеќе – таа опфаќа и физичка заштита и психолошка благосостојба.

Во фармацевтската, хемиската и во козметичката индустрија, каде што прецизноста, квалитетот и одговорноста се од суштинско значење, одржувањето највисоки стандарди за безбедност и здравје при работа е од клучна важност. Тоа подразбира создавање здрава, поддржувачка и безбедна работна средина, во која благосостојбата и сигурноста на вработените се подеднакво важни.

Преку интегрирање иновации, дигитализација и континуирана обука, но и преку јакнење на културата на грижа, почит и отворена комуникација, се стремиме да создадеме работна средина во која секој вработен ќе се чувствува заштитено, почитувано и мотивирано.

Затоа што силната култура на безбедност го штити она што е најважно – нашите вработени.

#АлкалоидСкопје #ЗдравјетоПредСè

Над 10 години соработка со UNIDO, Организација на Обединетите нации за индустриски развој.По обуките и преговорите започ...
27/04/2026

Над 10 години соработка со UNIDO, Организација на Обединетите нации за индустриски развој.
По обуките и преговорите започнати во 2015 година, на 1 април 2016 АЛКАЛОИД и UNIDO потпишаа договор за соработка, со кој АЛКАЛОИД стана партнер-компанија на Обединетите нации во областа на енергетската ефикасност, обновливите извори на енергија и енергетскиот менаџмент. Со ова АЛКАЛОИД стана една од првите компании во фармацевтската индустрија во светот со ваков статус.

Изминатата деценија преку ова партнерство се развија голем број активности и иницијативи за подобрување на енергетската ефикасност, воспоставување систем за енергетски менаџмент и примена на обновливи извори на енергија, што резултираше и со сертификатот ISO 50001 за систем за енергетски менаџмент на трите производствени локации во Македонија.

Во рамките на соработката, вработени од АЛКАЛОИД се здобија со статусот национални експерти во повеќе области поврзани со оптимизација на енергетските системи, со што АЛКАЛОИД е единствена компанија во Македонија и пошироко со експерти во сите овие области.

#АлкалоидСкопје #ЗдравјетоПредСѐ

25/04/2026

Кога инфлуенсерите беа во VHS-ерата, тоа изгледаше вака.
Риловите се викаа економско-пропагандна програма (ЕПП). Немаше skip. Немаше scroll. Маркетинг без алгоритми. Стил и шарм без филтри.
Уживајте во изборот 🌼
Година: 1986>
🎶 Калиопи група

#АлкалоидСкопје #90години #ЗдравјетоПредСе

Црна Гора e традиционално важен стратешки пазар за „Алкалоид“.Претставници на висока владина делегација од Црна Гора пре...
24/04/2026

Црна Гора e традиционално важен стратешки пазар за „Алкалоид“.

Претставници на висока владина делегација од Црна Гора предводена од министерот за здравство д-р Војислав Шимун, Бранко Крвавац, главен советник на претседателот на Владата на Црна Гора и Александар Богавац, директор на ЗУ „Апотеке Црна Гора Монтефарм“ остварија официјална работна посета на „Алкалоид“ АД Скопје, со фокус на зајакнување на соработката.

Во рамките на посетата, чиј домаќин беше Генералниот директор и Претседател на УО г. Живко Мукаетов, делегацијата имаше можност да се запознае со деветдецениското постоење и успешно работење на компанијата, финансиските резултати, деловните активности, како и со производствените перформанси и производственото портфолио.

Прочитајте повеќе на bit.ly/4955oLu

#АлкалоидСкопје #ЗдравјетоПредСе

Започнете го денот со мал ритуал за добро утро.Чајот од ѓумбир на Good Nature е совршен почеток на денот – топол, аромат...
23/04/2026

Започнете го денот со мал ритуал за добро утро.

Чајот од ѓумбир на Good Nature е совршен почеток на денот – топол, ароматичен и полн со природна свежина што те буди нежно, но сигурно.

Само неколку тивки минути, шолја во раката и денот започнува во вистинскиот ритам.
Со Good Nature утрата добиваат нова енергија.

#АлкалоидСкопје #ЗдравјетоПредСè

Денеска ја славиме планетата што ни дава живот и ја потврдуваме нашата посветеност за да ја заштитиме.Во АЛКАЛОИД одржли...
22/04/2026

Денеска ја славиме планетата што ни дава живот и ја потврдуваме нашата посветеност за да ја заштитиме.
Во АЛКАЛОИД одржливоста не е само стратегија, туку секојдневна практика.

Преку системски пристап спрема заштитата на животната средина, континуирано ја намалуваме потрошувачката на енергија и вода, инвестираме во обновливи извори, го унапредуваме управувањето со отпадот и промовираме циркуларни решенија.
Изминатите години постигнавме значајни подобрувања – од зголемување на рециклирањето и намалување на отпадот до развој на одржливи пакувања и проекти за намалување на јаглеродниот отпечаток.

Веруваме дека секоја мала промена создава големо влијание. Затоа продолжуваме да ги поттикнуваме и вработените и заедницата да прават избори кои ја штитат природата и кои поддржуваат подобра иднина.

Заедно можеме да создадеме поодржлив свет.

Да ја чуваме Земјата секој ден.

#АлкалоидСкопје #ЗдравјетоПредСè

„Алкалоид“ АД Скопје објавува оглас за: Систем администратор во одделот Системски процеси и корпоративен бекап систем - ...
21/04/2026

„Алкалоид“ АД Скопје објавува оглас за: Систем администратор во одделот Системски процеси и корпоративен бекап систем - Информатичка технологија и телекомуникации

Аплицирајте на: bit.ly/48INez4

#АлкалоидСкопје #ЗдравјетоПредСе #ЛуѓетоПредСе #Алкариера

Од скромните почетоци во 1936 до моќната современост во 2026 – приказна вткаена со визија, истрајност и врвна посветенос...
20/04/2026

Од скромните почетоци во 1936 до моќната современост во 2026 – приказна вткаена со визија, истрајност и врвна посветеност.

Од само 2 погона и 15 храбри визионери, до импресивни 14 современи погони и 3018 врвни професионалци – „Алкалоид“ денес е симбол на континуиран раст, развој и доверба.

Девет децении посветена работа, непоколеблива страст и бескомпромисен квалитет – темели врз кои се гради иднината.

Го негуваме наследството, ја создаваме иднината – посилни, похрабри и поиновативни од кога било.

#АлкалоидСкопје #ЗдравјетоПредСè

Кога малите рачиња ќе станат валкани, тука се практичните влажни марамчиња Becutan 15/1 – брзо и едноставно решение каде...
18/04/2026

Кога малите рачиња ќе станат валкани, тука се практичните влажни марамчиња Becutan 15/1 – брзо и едноставно решение каде и да сте.

Компактното пакување лесно го собира во чанта или во ранец, па затоа е идеално за прошетки, за на игралиште или за во парк.

- 98 % природни состојки
- Нежни за чувствителната детска кожа
- Практични кога сте во движење

Со Becutan детските авантури може да продолжат без грижи.

#АлкалоидСкопје #ЗдравјетоПредСè

17/04/2026

Скопје, 8 март 1978 година: во Одделот за производство на медицински масти на локалитетот во Автокоманда се произведени првите 3 кг од кремот „Бекутан“. Целата количина ѝ е донирана на локалната градинка.

Денес „Бекутан“ важи за еден од најпрепознатливите македонски брендови во регионот и пошироко. Од само пет фармацевтски формулации за хигиена и нега на детската кожа на почетокот, речиси пет децении подоцна брендот располага со портфолио од над 60 основни типови на производи и повеќе од 100 различни форми на пакувања. Сите производи се клинички и дерматолошки тестирани и се развиваат во соработка со педијатри, неонатолози и со дерматолози.

Покрај на пазарите во регионот, брендот „Бекутан“ е присутен и на дваесетина други меѓународни пазари, меѓу кои се Соединетите Американски Држави, Германија, Швајцарија, Норвешка, Шведска, Велика Британија, Полска, Летонија, Литванија, Малезија, Саудиска Арабија и Обединетите Арапски Емирати.

#АлкалоидСкопје #ЗдравјетоПредСе

„Алкалоид“ АД Скопје четврта година по ред прогласен за победник во категоријата Најпосакуван работодавач „Алкалоид“ АД ...
17/04/2026

„Алкалоид“ АД Скопје четврта година по ред прогласен за победник во категоријата Најпосакуван работодавач

„Алкалоид“ АД Скопје повторно ја доби довербата на јавноста и беше прогласен за најпосакуван работодавач за 2025 година четврти пат по ред, според анкетата на веб порталот „Вработување.ком“.

Наградата, која беше врачена во рамките на манифестацијата организирана од „Вработување.ком“, се базира на национално истражување за перцепцијата и за искуствата поврзани со работодавачите во земјава.

Континуитетот на ова признание за нас има особено значење. Тој зборува за доследноста во начинот на кој ја градиме нашата работна култура – отворена, стабилна и ориентирана спрема луѓето. Во „Алкалоид“ веруваме дека силната организација започнува со здрави вредности, јасни професионални стандарди, високи етички норми и со заемна доверба затоа што успехот на компанијата произлегува од нејзините вработени.

Луѓето се суштината на сè што правиме. Нивната експертиза, мотивираноста и одговорноста се темелот врз кој се развива нашата компанија, па затоа грижата за нивниот професионален и личен напредок останува еден од нашите клучни стратешки приоритети.

Гледајќи напред продолжуваме со јасна визија да создаваме можности, да поттикнуваме иновации и да обезбедуваме работна средина во која знаењето и талентот се препознаваат и се вреднуваат. Нашата цел е „Алкалоид“ и натаму да остане прв избор за младите луѓе кои ја гледаат својата иднина во одговорна и успешна компанија.

#АлкалоидСкопје #ЗдравјетоПредСе

Address

БУлица Александар Македонски бр. 12
Skopje
1000

Telephone

+38923104000

Website

Alerts

Be the first to know and let us send you an email when Alkaloid AD Skopje posts news and promotions. Your email address will not be used for any other purpose, and you can unsubscribe at any time.

Shortcuts

Share

Category