27/02/2026
Сводот на стапалото е динамична структура која постојано се движи при одење и при сите активности кога сме на нозе.
При стоење и движење, оптоварувањето од подлогата се пренесува од стапалото нагоре низ телото, и од неговата функција зависи како ќе се организира работата на останатите зглобови и самото држење на телото.
Секако, постојат исклучоци каде корективни влошки или ортопедски чевли се индицирани – како дел од други заболувања (често невролошки состојби); при силна болка кога е потребно привремено растеретување на одредена структура, или кај изразени ригидни и структурални деформитети.
Но и во тие случаи, тие треба да бидат пропратени со соодветна програма на вежби.
Овој пост главно се однесува на флексибилно рамно стапало, каде истражувањата покажуваат дека активен пристап – преку специфични вежби за мускулите на стапалото и постепена изложеност на босонога обувка – може да придонесе за подобра функција и контрола, во споредба со само пасивно носење ортопедски влошки.
