28/07/2024
ПЗУ ЛАСЕРОПУНКТУРА е ординација за физикална терапија која работи во соработка со Фондот за здравство, т.е. со упати од матичен доктор. Во последно време сѐ повеќе пациенти имаме од фирми кои плаќаат за ДОПОЛНИТЕЛНО ЗДРАВСТВЕНО ОСИГУРУВАЊЕ, па тие пациенти имаат можност да си рефундираат за платениот износ во нашата ординација за што им ги обезбедуваме сите барани документи од осигурителните компании. Обврска на пациентот е само да си го слика и испечати упатот (или направи фотокопија пред да дојде во нашата ординација) зашто ние го задржуваме упатот, а некои осигурителни компании го бараат како доказ дека пациентот бил соодветно упатен на физикална терапија од својот матичен доктор. Не е потребна препорака за физикална терапија од други специјалисти, доволно е мислењето на матичниот доктор дека е потребна терапија и ние изготвуваме извештај од нашата ординација со што ја потврдуваме потребата од истата.
Инаку ординацијата е отворена во 2005 година и од тогаш работиме со закажување на термини за кои се придржуваме, а истото го бараме и од нашите пациенти да го почитуваат договореното за да не им доцни почетокот на терапијата на следните пациенти. Просториите се климатизирани во лето и загреани во зимските месеци за да има идеални услови за терапија на пациентите, а и работа на физиотерапевтите. Ординацијата има сопствен паркинг и се наоѓа на приземје, па има можност и за тешко подвижни пациенти да бидат донесени со инвалидска количка.
Во досегашните 20 години работа пациентите нѐ препознаваат како ординација која добро се справува со болни состојби во рбетниот столб, лумбаго, лумбо-ишијалгија, дископатии, дискус хернии, спондилози, цервико-брахијални синдроми, но и гонартрози, коксартрози, хумероскапуларни периартрити, состојби после скршеници на коски, набиеници, ортопедски операции, спортски повреди и др. дијагнози во доменот на физикалната терапија.
Локација: ул. Лондонска бр.10, ламела 3, локал 7, Тафталиџе, Скопје (помеѓу Топлификација Запад и Студентски дом Гоце Делчев).
Find local businesses, view maps and get driving directions in Google Maps.