22/08/2024
Со љубов ве поканувам на четиридневно патување низ внатрешниот универзум и ве повикувам со благодарност да зачекориме во есента, сезоната на зрелоста, мудроста и изобилието и со заедничка цел и чиста намера да се разбудиме позрели, помудри, побогати и повистински.
Концептот, како и до сега, е интимен, во прилог на тоа да создадеме безбеден простор и соодветна атмосфера за што попродуктивна работа и поавтентично искуство.
Програмата која ултимативно е насочена кон будење на повисока, свежа свест и освестување на нашиот полн потенцијал се состои од јога асани, техники за дишење и контрола на животната енергија, техники за концентрација и медитација, техники за освестување и менаџирање на емоциите и несвесните ментални програми, предавања, разговори, работилници и многу други алатки кои имаат цел да ни овозможат да создадеме здрав и свесен однос со своето тело, да продреме зад ограничувањата на умот, да стекнеме подлабок контакт со нашата вистинска природа и да стигнеме до точка на поголемо прифаќање и љубов за себе и другите, а со тоа и до послободно и похармонично постоење .
Ќе го уживаме сонцето, ќе се поврземе со природата и себе, ќе уживаме во прошетки на светата планина Олимп и покрај морскиот брег, ќе изградиме прекрасни сеќавања и ќе стекнеме вредно знаење и искуство кое ќе го примениме во секојдневното живеење.
Ќе го прочистиме и хармонизираме физичкото тело со едноставна, избалансирана вегетаријанска и веганска храна.
Пристигаме на 27.09. петок приквечер и официјално започнуваме со програмата во 20:00 часот, а завршуваме на 30.09, понеделник, до 14:00.
За сите дополнителни прашања, контактирајте ме во порака.
Со љубов,
Искра 🤍
