What are the opening hours?

Monday 08:00 - 20:00 Tuesday 08:00 - 20:00 Wednesday 08:00 - 20:00 Thursday 08:00 - 20:00 Friday 08:00 - 20:00

http://www.gestaltmacedonia.com/

Живата соба, Емил Зола 4, Skopje (2026)

27/04/2026

Дали ти се случува и покрај земањето медикаменти, позитивно размислување или практикување на техники за смирување…

Анксиозноста повторно да се враќа?

Ако одговорот е ДА, веројатно се прашуваш

„Зошто?“ “Каде грешам?“

Една од причините е тоа што често зад анксиозноста стои нешто што долго време го потиснуваме.

- потреби што не ги задоволуваме
- емоции што не ги изразуваме
- граници што не ги поставуваме

На пример:

Сакаме одмор… но продолжуваме да работиме за да не разочараме некого.

Чувствуваме страв или тага… но ги задржуваме во себе за да не изгледаме слаби.

Сакаме да кажеме „не“… но се согласуваме со другите за да не нѐ оживеат како себичен/на.

Што се случува со тек на време?

Кога подолго време се потиснуваме во нас се создава постојана внатрешна тензија.

Од една страна во има нешто што сака да се изрази.
Од друга страна го потиснуваме.

Но таа енергија не исчезнува.

Само се појавува во друга форма како:
👉 срцебиење
👉 стегање во градите
👉 немир
👉 постојани стравови и анксиозност

Затоа анксиозноста не е наш непријател.

Таа е сигнал дека нешто во нас долго време не е слушнато.

Се додека не го слушнеме сигналот кој нѝ го праќа - таа ќе продолжи да се враќа.
Затоа целта не е да ја оттурнеме со медикаменти, позитивни мисли, алкохол или премногу работа.

Туку да ѝ се приближиме.

Да разбереме:

👉 што се обидува да нѝ каже
👉 што потиснуваме
👉 што нѝ е навистина потребно

Доколку сакаш можеш да прочиташ повеќе како да ја слушнеш пораката што анксиозноста сака да ти ја испрати преку симптомите:

https://www.gestaltmacedonia.com/post/anksioznosta-kako-poraka

Напомена: Третманот со медикаментозна терапија некогаш е неопходна и дава многу поефикасни резултати кога се комбинира со психотерапија.

24/04/2026

Денес станувам порано отколку било кој друг ден оваа седмица. Имам чувство дека се разбудив со намера.

И онака ден по ден го пишувам писмото за луѓето кон кои имам навистина длабоко сочувство.

Благодарен сум на Творецот за сонцето кое ќе го има во текот на овој ден, а мојата благодарност ја засилува моментот, бидејќи ова го мислам во време на почеток на зимата.

Идеален момент е да отпатува конечно и ова писмо до посакуваното место, а тоа е зградата на вечните соништа. Местото каде што одамна требаше да пристигне оваа порака;

____________________________

Здраво, за сите вас.

Здраво и до сите вас кои поради одредени причини не можете да ме слушнете.

Ве поздравувам вака тивко, со надеж во мојот глас, која се надевам ја чувствувате.

Tагата која исклучително умеам да ја откривам на лицето на другите луѓе, ја забележувам сè почесто и кај вас.

Нешто кое особено ми е важно да ви го кажам е дека нејзината боја не е толку лоша.

Да, искрен сум, бојата на тагата е дури и убавa,карактеристична на свој начин.

Затоа немојте во ниеден случај да размислувате дека таа е неприфатлива и лоша.

Тажни сме секогаш кога не успеваме да го постигнеме она чувство кое што нè прави среќни.

Тажни сме многу пати и во присуство на среќа, бидејќи знаеме дека таа среќа е моментална, бргу ќе замине од нас и повторно ќе се обоиме во боите на тагата.

Тогаш чувствуваме среќа или радост но паралелно и тага, но нејзината боја е нијансирана и затоа нашето внимание е понастрана од неа.

Сите вие кои сонувавте за убави мигови, хармонични односи и благосостојба во животот,а сè повеќе ја почувствувавте спротивната страна на монетата, оставете ја загриженоста која што лукаво ви се припои на грбот.

Затоа, мили мои пријатели, не бојте се од вакви тонови и нијанси, или што е можно поретко вметнувајте ги на вашите слики од денот.

Ве сакам.

Автор на текстот е Мирослав Трајковски.
Наш пријател и учесник во онлајн програмата за справување со анксиозност.

Повеќе за делата на Мирослав

21/04/2026

Често мислиме дека анксиозноста доаѓа одеднаш и „без причина“.

Но вистината некогаш е подлабока.

Позади неа стои тивок механизам кој се активирал многу одамна.

Како?

Преку трауматичните искуства во минатото.

Ако сме растеле со постојано казнување, занемарување или терор— тие искуства не остануваат само лоши спомени.

Туку нов начин на гледање на светот и себеси.

После такви искуства почнуваме:

- Да го гледаме светот како опасно место,
- Да живееме во постојан страв дека нешто лошо ќе се случи
- Да веруваме дека нешто не е во ред со нас

Постојано се плашиме:

Да се доближиме до другите

Да згрешиме

Да се изразиме

Да бидеме напуштени

Да бидеме понижени

Да се разболиме

Да патуваме

Кога излегуваме надвор не забележуваме дека сме нереално исплашени, туку мислиме дека се околу нас е опасно.

Кога ќе добиеме критика не ја гледаме како сугестија за подобрување, туку како уште еден доказ дека не вредиме.

Но, ова може да се промени.

Со само-рефлексија и поддршка од психотерапевт можеме да станеме скептични за ваквите погледи на светот и себеси.

Да ги ставиме на тапет токму во сегашниот момент.

Да истражиме дали се целосна вистина или повеќегодишен товар што го носиме од минатото?

А надминувањето на овој товар почнува со еден мал чекор.

Со сомнеж дека можеби:

- не сме безвредни
- не секој не мрази
- светот не е опасно место за живеење

Доколку сакаш можеш да прочиташ како да се справиш со постојаниот страв дека нешто лошо ќе се случи:

https://www.gestaltmacedonia.com/post/kako-segashniot-moment-ja-namaluva-anksioznosta

20/04/2026

Дали често ти се случува ова:

Се будиш и почнува хаосот во глава

👉 се навраќаш на грешки во минатото
👉 замислуваш што сè може да тргне наопаку во денот

И колку и да се трудиш да се вратиш во сегашноста,
мислите повторно се враќаат.

Емоциите се засилуваат.
Телото реагира со симптоми.

А ти се чувствуваш заглавено. Небезбедно и исцрпено.

И дополнително чувствуваш вина дека ги пропушташ најубавите моменти од животот.

Но, проблемот не е во тоа што имаш анксиозни мисли, емоции или симптоми.

Туку во тоа што се обидуваш да се ослободиш од нив.

• Да ги снема
• Да ги „избркаш“

А токму тоа ги прави уште посилни.

Но, постои друг начин:

👉 Да го смениш односот со нив.

- наместо да бегаш ➜ да бидеш со нив
- наместо да ги бркаш ➜ да разбереш зошто се тука

Токму тогаш почнува промената.

Кога престануваш да се бориш
почнуваш да чувствуваш повеќе
мир, сигурност и контрола.

На следната работилница ќе работиме на ова:

Практично, чекор по чекор ќе научиш:

• како да се вратиш во сегашниот момент
• како да го смениш односот со анксиозноста од борба кон прифаќање
• како да дознаеш што навистина стои зад неа

👉 Резервирај го твоето место:
https://www.gestaltmacedonia.com/mokjta-na-segashniot-moment

18/04/2026

Самото нарекување на емоциите „непријатни“ е првата препрека кон нивно смирување.

Кога им даваме негативно значење, суптилно сакаме да ги елеминираме.

Да се ослободиме од нив.

Но, се додека ги отфрламе тие ќе се враќаат посилни.

Не затоа што се проблем, туку затоа што носат порака од нас за нас.

👉 Лутината може да е сигнал дека не сме поставиле граници
👉 Стравот потреба да се заштитиме
👉 Тагата знак дека нешто ни значело

Кога пораката на емоцијата ќе биде прифатена и слушната - таа почнува да се смирува.

Токму затоа свесниот контакт со емоциите е првиот чекор кон нивно смирување.

Тоа значи дека:

👉Не ги осудуваме како непријатни
👉Не ги потиснуваме како непосакувани
👉Ги слушаме што имаат да кажат

Зошто да не стапиш во свесен контакт со своите емоции токму сега и овде?

Препознај ја емоцијата

Дај ѝ име. Кажи: „Сега чувствувам ____“.

Остани со емоцијата без да ја етикетираш како непријатна.

Понатаму забележи:
„Каде ја чувствувам емоцијата во телото?“
“Каква форма и боја има емоцијата во телото?”
“Како би изгледала емоцијата ако ја замислам?”

Ова ќе ти помогне да стапиш во контакт со емоцијата, наместо да си целосно обземен/а од неа.

2. Слушни ја емоцијата

Замисли дека емоцијата стои пред тебе.
Можеш да земеш тефтер и да ги запишеш нејзините одговори.

Прашај ја:
Што сака оваа емоција да ми каже?
Дали се крие некоја моја потреба позади оваа емоција?

3. Забележи како се чувствуваш сега
Дали има промена ?
Дали емоцијата се намали, зголеми или остана иста?
Дали доби некои интересни одговори од неа?

--------------------------------

Со оваа едноставна практика учиме дека емоциите не мора да бидат пречка - туку дел од нашиот пат кон повеќе автентичност, мир и слобода.

Доколку сакаш можеш да прочиташ како потиснувањето на своите емоции води кон анксиозност, немир и стрес.

https://www.gestaltmacedonia.com/post/kontakt-so-sebe-prviot-cekor-kon-pomiren-zivot

Искуси мирен ден 😺

15/04/2026

Сакаш да живееш во сегашноста, но постојано си во анксиозни мисли како:

"Ќе ми се случи нешто лошо"
"Ќе изгубам контрола"
"Ако не згрешев - ќе беше се поинаку"

Мисли што ти го окупираат умот и полека ти ги одземаат:

👉 најубавите моменти
👉 фокусот
👉 енергијата
👉 сонот

Се обидуваш да ги смириш — но колку повеќе се трудиш,
толку повеќе се враќаат.

И полека почнуваш да се обвинуваш себеси.
Да мислиш дека проблемот е во тебе.

Но…можеби проблемот не е во тебе, ниту во мислите.

Можеби ти недостасува нов пристап како да се справиш со нив кога ќе се појават.

На оваа искуствена работилница ќе го научиш токму тоа.

Што да направиш кога ќе се појават непријатните мисли, емоции или симптоми - за да ги смириш побрзо и да бидеш поприсутен/а во сегашниот момент.

Резервирај го твоето место на:

https://www.gestaltmacedonia.com/mokjta-na-segashniot-moment

🎁 Сите учесници добиваат:
👉 Работна книга со прашања за рефлексија
👉 4 водечки аудио вежби
👉 Пристап до почетните модули од онлајн програмата за справување со анксиозност

12/04/2026

Велигденското јајце нè потсетува дека во сите нас постои потенцијал.

Потенцијал да живееме мирно, среќно и автентично.

Но, често тој потенцијал е потиснат од школката што сами си ја чуваме.

Од уверувањата кои си ги наметнуваме како:

- Не смеам да правам грешки, морам да сум совршен работник
- Не смеам да одморам, морам да сум силен/а
- Не смеам да кажам не, морам да сум тука за сите
- Не смеам да изразам емоции, морам да сум силен/а

Овие уверувањата се нашата школка.

Со нив нѝ е удобно и безбедно. Но, на долг рок почнуваат да ги гушат нашите автентични потреби и не заглавуваат во незадолство, анксиозност, заглавеност, немир и лутина. Нѝ го сокриваат светот и не гледаме што сè е достапно надвор од нив.

Но, најголемите промени почнуваат со една мала пукнатина во школката.

Со еден мал сомнеж во уверувањата кои сме си ги поставиле. Со нова свесност за тоа што правиме со себеси.

Запрашај се:

- Што најчесто правам затоа што „така треба“ или “морам”?
- Што би се случило ако еден ден не ги направам овие работи?
- Кој би разочарал или налутил ако не ги направам овие работи?
- Што ќе се случи ако “Мора” и “Треба” ги заменам со “Сакам” или “Не сакам”?

Можеби овој Велигден е можност да го скршиш своето јајце.
Својата школка и уверувањата кои долго те држат во анксиозност.

Кои уверувања си подготвен/а да ги пуштиш овој Велигден?

Нека овој Велигден биде ден за твојата преродба.
Ден кога ќе почнеш да живееш повторно мирно, слободно и автентично.

Искуси убави празнични моменти. Сакај се себе и своите блиски. 🐣

Доколку сакаш можеш да прочиташ повеќе за Внатрешниот критичар кој може да биде школката која не оддржува во анксиозност, незадоволство и немир.

https://www.gestaltmacedonia.com/post/vnatresniot-kriticar-motorot-na-anksioznosta

08/04/2026

Кога чувствуваме страв често не го препознаваме како мисла, туку веруваме дека е факт.

И кога е силен, толку сме споени со него што не можеме да разликуваме:

👉 дали навистина има опасност
👉 или сме во замислени сценарија

Но, ако му пристапиме со љубопитност, меѓу нас и него се појавува мал простор.

Во тој простор наместо да бидеме целосно обземени во него можеме:

- да разликуваме дали стравот е факт или само мисла
- да разбереме зошто толку често се појавува

Кога ќе се појави стравот направи ја оваа кратка вежба.
Можеш да земеш тефтер и да ги запишуваш одговорите.

1. Препознај го стравот
Кога ќе почувствуваш страв не бегај од него.
Забележи:

Сега чувствувам страв во мене и се плашам дека _________

Понатаму забележи:
„Каде го чувствувам стравот во телото?“
“Каква форма и боја има стравот во телото?”
“Како би изгледал стравот ако го замислам?”

Ова ќе ти помогне да стапиш во контакт со стравот, наместо да си целосно обземен/а од него.

2. Дијалог со стравот
Замисли го стравот како седи спроти тебе и постави му неколку прашања

Кога и зошто се појави во мојот живот?
Од што се обидуваш да ме заштитиш?
Што ќе се случи ако не ме штитиш повеќе?

На крајот заблагодари му се и провери како се чувствуваш сега.

Дали има промена ?
Дали стравот се намали, зголеми или остана ист?
Дали доби некои интересни одговори од него?
______________________________

Кога ќе ги разбереш твоите стравови добиваш нови свесности за нив:

- Дали се навистина реални или се замислени сценарија.
- Зошто се појавуваат толку често.

Така стекнуваш поголема самодоверба дека можеш да се справиш со нив без да те котролираат.

Со тек на време почнуваш да живееш помирно, послободно и похрабро.

Доколку сакаш да прочиташ повеќе на оваа тема посети го нашиот блог на следниот линк:

https://www.gestaltmacedonia.com/post/kako-da-se-spravime-so-stravovite

06/04/2026

Што ќе се промени кај тебе по работилницата?

Ќе научиш што да направиш кога ќе се појави анксиозноста.

Како да се смириш побрзо и да имаш повеќе мир во сегашниот момент.

Резервирај го твоето место на следниот линк:
https://www.gestaltmacedonia.com/mokjta-na-segashniot-moment

Сите учесници добиваат:
👉 Работна книга со прашања за рефлексија
👉 4 водечки аудио вежби
👉 Пристап до почетните модули од онлајн програмата за справување со анксиозност

05/04/2026

Често анксиозноста ја доживуваме како сенка, товар, кошмар, крадец на моменти.

Но, таа не е наш непријател.

Туку сигнал.

Порака од нашето тело и ум дека долго време нешто сме потиснувале:

👉 емоција
👉 потреба
👉 граница

И додека ја потиснуваме –таа повторно ќе се враќа.

Но…

ако го смениме односот со неа – има шанса да се смири.

Кога ќе се појави анксиозноста пробај ја оваа кратка вежба:

1. Застани за момент
Забележи - дали се бориш со неа?

2. Смени го односот со анксиозноста
Наместо да се бориш со неа - покани ја да биде тука со тебе.

Како на гостин кажи ѝ:
“Океј. Можеш да бидеш тука колку што ти е потребно.”

Почувствувај ја разликата кога се бориш со неа и кога ја прифаќаш.

3. Без обид да ја менуваш љубопитно забележи

Каде ја чувствуваш анксиозноста во телото? - Во градите стомакот, грлото?

Опиши ја нејзината форма или боја во телото?

Како би изгледала ако ја замислиш ?

-----------------------------------

Како се чувствуваш сега?

Дали анксиозноста се намали, зголеми или остана иста?

Преку оваа вежба направи нов однос со анксиозноста во сегашниот момент.

Од потиснување кон прифаќање.
Од оттурнување кон љубопитно забележување.

Така креираме услови за да разбереме зошто се појавува.

👉 Тоа е клучно за справување со анксиозноста.

На следната работилница на 22.04. ќе работиме токму на ова:

Ќе научиш како да развиеш нов однос со анксиозноста кој ќе ти помогне:

- поефикасно да ги смируваш симптомите и стравовите
- да разбереш зошто се појавуваат толку често
- да почувствуваш поголема контрола, мир и сигурност

👉 Резервирај го твоето место на:
https://www.gestaltmacedonia.com/mokjta-na-segashniot-moment

03/04/2026

Често знаеме да кажеме дека минатото не може да се врати.
Иднината не може да ја контролираме.
Па затоа најдобро е да живееме во сегашниот момент.

Но вистината е дека ние постојано живееме во сегашниот момент.

Само што често сме во мислите за минатото или иднината —
во сегашниот момент.

Несвесно и по автоматизам.

И токму тогаш пропуштаме да откриеме што сѐ друго е можно во сегашниот момент.

------------------------------------------

Сегашниот момент е единствена прилика да направиме промена во нашето живеење.

На пример

Можеме да ги донесеме искуствата од минатото во сега и тука - за да разбереме повеќе за нив.

Не за да ги истражуваме — туку да увидиме какво значење им даваме денес?

- Ако неуспеал бракот — дали заради тој еден настан јас сум целосно неуспешен/а?
- Ако добијам отказ — дали сум губитник засекогаш?
- Ако повредам некого — дали сум “виновен/а” за цел живот?

Кога целосно се идентификуваме со овие значења — носиме огромен товар од минатото во сегашниот момент.

Товар кој нè спречува да ги видиме новите можности, потенцијалот и правото на квалитетен живот во сегашниот момент.

Товар кој нè држи заглавени во анксиозност, тага, каење.
Некаде помеѓу минатото и сегашниот момент.

Но, токму во сегашниот момент можеме да се одвоиме од тој товар од минатото.

Да разбереме дека тоа е само едно искуство во животот — но не и цел наш идентитет.

Неуспешен брак е едно искуство
Отказ е еден настан
Грешка е само момент

Ниту едно од овие искуства - не сме целосно ние.

Тие се само една гранка која не го дефинира целото дрво.

Овие свесности нѐ водат да откриеме нови потенцијали од себеси и што друго е можно во сегашниот момент.

Да разбереме дека:

- Не сме целосно неуспешни и дека имаме потенцијали за нови успеси.
- Имаме право на грешка, но и да растеме и бидеме подобри.
- Не сме само виновни - туку можеме да бидеме и сочуствителни и грижливи луѓе.

Така се раѓаат нови можности за помирен, посреќен и поавтентичен живот во сегашниот момент - можности кои биле прикриени од сенката на товарот од минатото.

На следната искуствена работилница ќе го истражуваме токму тоа:

Како да забележиш што сè е возможно во сегашниот момент – за полесно да се справиш со мислите за минатото и иднината.

Повеќе информации на:
https://www.gestaltmacedonia.com/mokjta-na-segashniot-moment

01/04/2026

Денес е 1ви април - денот на шегата.

Ден кога ставаме маски.

Ден кога не е баш чудно да излеземе во костим на принц, пеперутка, вештерка или вампир.

Но под тие маски, често носиме други.

Маски кои ги облекуваме повторно штом заврши денешниот маскембал.

Маски кои се баш прифатливи за општеството и можеме да ги носиме секој ден.

1. Маската “Јас сум добар/а со сите”

Ја носиме за да:

Избегнеме конфликт.
Не почувствуваме вина.
Не изгледаме “себични”.

Но, цената која ја плаќаме е потиснување на своите потреби, лутината и границите.

Тоа тивко се претвора во стрес и анксиозност.

2. Маската “Не сум доволно добар/а”

Ја носиме за да:

Нè заштити од неуспех.
Од критика.
Од нова болка и чувство дека не сме доволно добри.

Но плаќаме со:

Одложуање на целите.
Брзо откажување од амбициите.
Чекаме совршен момент - кој никогаш не доаѓа.

Тоа води кон живот во кутија.
Сигурен, но претесен.
Со постојано незадоволство и апатија.

3. Маската “Сè е во ред и кога не е”

Маска која ја покрива тивката борба во нас.

Ја носиме за да:

Не изгледаме слаби.
Не нè осудат и отрфлат.
Држиме сè под контрола.

Но тивкото “Сè е ок” води кон повеќе анксиозност и изолираност.

4. Маската “Ќе издржам”

Маска која нè турка: “Само уште малку”.

Ја носиме за да:

Не изгледаме слабо.
Не ги разочараме другите.
Не застанеме и почувствуваме што има под површината.

Додека телото веќе одамна сигнализира со замор, стегање во градите, главоболка и срцебиење - ние правиме чекор повеќе.

Тоа води кон хроничен замор, стрес и анксиозност.
-----------------------------------

Најчесто овие маски за прват сме ги ставиле некаде далеку во минатото.

Како начин преку кој сме научиле да се заштитиме, да функционираме, да преживееме во минатото.

Но проблемот е што тие сеуште несвесно се активираат — во сегашниот момент.

Иако се невидливи - носат огромен товар и нè ограничуваат.

Како тешки ланци кои секогаш ги понесуваме со себеси кога излегуваме од дома.

Ланци на кои толку многу сме се навикнале - што не ни забележуваме дека се на нас во сегашниот момент.

И токму во сега и тука имаме можност:

да ги забележиме старите маски
да ги разбереме
да се запрашаме дали сè уште нѝ се потребни
да ги пуштиме тивко да си одат.

На следната искуствена работилница ќе работиме токму на ова:

1. Како да ги препознаеме овие автоматски реакции научени од минатото
2. Како да бидеме со нив — без да нè контролираат
3. Како да создадеме повеќе избор во сегашниот момент

Резервирај го твоето место на:
https://www.gestaltmacedonia.com/mokjta-na-segashniot-moment

Попуст за сите пријавени денес 01.04.

Живата соба

27/04/2026

24/04/2026

21/04/2026

20/04/2026

18/04/2026

15/04/2026

12/04/2026

08/04/2026

06/04/2026

05/04/2026

03/04/2026

01/04/2026

Address

Opening Hours

Telephone

Website

Alerts

Contact The Practice

Shortcuts

Share

Category

Monday	08:00 - 20:00
Tuesday	08:00 - 20:00
Wednesday	08:00 - 20:00
Thursday	08:00 - 20:00
Friday	08:00 - 20:00