31/01/2019
КРИОКСИ ТРЕТМАН :
Допинг за кожата и неинвазивна мезотерапија
Третманот започнува со дијамантска микродермоабразијa / хигиенски третман на лицето, за да се отстранат нечистотиите, површните кожни мртви клетки, исчистат акните.
Следува криотерапија со течен азот ( на температура од -196 *C ) кој ја лади кожата поради што лумените на крвните садови ќе се стеснат и последователно, ќе се прошират ( реактивна вазодилатација). Зголемената прокрвеност, обезбедува и зголемен дотур на кислород и нутритиенти во кожата. Со ширењето на лимфните или дренажните садови, се забрзува и детоксикацијата или ослободувањето на кожата од метаболните нус продукти.
Продолжуваме со окси терапија или примена на кислород под пластична маска ( 95% заситеност).
Крио и окси или криокси третманот го обезбедува ефектот на неинвазивна мезотерапија (внес на витамини, минерали, хијалурон, колаген, антиинфламаторни агенси во кожата без боцкање). Поради ова, додека е лицето под маска и кога истото се оксигенира, врз кожата се нанесуваат активни состојки одбрани во зависност од потребите на кожата.
Криокси терапијата ги забрзува метаболизамот и детоксикацијата на кожата, го смирува воспалителниот процес (црвенилото, акните), го превенира создавањето проширени капилари, го успорува стареењето на кожата и го стимулира создавањето колаген (се стеснуваат порите, измазнуваат брчките).
Со право, можеме да го препорачаме криокси третманот како допинг терапија за зрела и уморна кожа, како и терапија за проблематична кожа со акни!
Се советува серија од неколку криокси третмани во интервал од една до две недели за вашата кожа да блесне со магичен сјај!
