09/08/2025
Dear narcissist, i ignore you like a boss! 😎
A t’ka ndodhë najherë dikush me t’dashtë e me t’vlerësue për vlerat e atributet e tua si njeri, deri n’mbivlerësim, e masnej n’fund t’ditës me t’ba me u ndje si paçavër për po t’njejtat gjana që t’ka vlerësue?
Epo, nëse përgjigja asht po, atëherë ta dish se ki t’bajsh me nji narcisist! 🤷🏻♀️
Pothujse çdo marrëdhënie me nji narcist nisë me disa shenja paralajmëruese si ato maposhtë. ⬇️
Nëse i vëren me kohë, asht ma e lehtë me i injorue e me i shpërfillë ato. Mirëspo, nëse jeni përkushtue emocionalisht, atëherë këto nuanca t’vogla mund t’përshkallëzohen shpejt në nji humnerë toksike.
1. Entuziazmi
Derisa nuk njiheni mirë, gjithçka e re rreth teje asht super entuziaste për ta, lavdatat e t’qënit super special s’kanë me mungue prej anës tyne ndaj teje (janë profi për këtë gja 😅). Por, kjo veç derisa t’ketë studju mjaftueshëm, masnej përbuzja ka me nisë mu nga elementet vlerësuese ma parë.
2. Diçka nuk asht n’rregull
Shumica e narcisistëve nisin n’mënyrë t’pavetëdijshme ta ulin vetëvlerësimin tuej dhe luhasin ndjenjën tuej t’sigurisë qysh n
fazën tuej fillestare t’njohjes.
Ata lehtë edhe mund t’ju krahasojnë apo mund t’vlerësojnë tjerë njerëz që ti t’ndjehesh i/e vogël ose i përçmuem. Sjelljet e tyne mund t’ju bajnë konfuz ngase edhe shpesh s’ke me pasë mundësi me gjykue sjelljet e tyne objektivisht (se ndjenjat e reagimet e tyne janë hova-hova). Gjithsesi, mos prit kurrë që ata me i pranue këto t’bama e kanë me i mohue n’momentin që kanë me u përballë me nji realitet t’tillë.
Shpesh ka me u ndi i/e frustrueme e ke menisë me dyshu n’mos jeni tepër reaktiv ose po i shihni gjanat shumë thellë. E besa keni me mendue që jeni ju ata që e bani dinamikën e gjanave t’vështirë.
Kujdes, trupi asht memoria ma e “keqe” ngase ai i memorizon përjetimet e ndërdijshme ngase ka për qëllim me i kthye herë pas here nëse diçka ose dikush na kërcënon mbijetesën tonë. Na e ndiejmë atë ndjesi bezdisëse n’zorrë. V’noja veshin!
3. Ankthi i vazhdueshëm
N’praninë e nji arcisisti, asht normale t’ndiheni sikur po ecni n’lëvozhgat e veve. Po se n’çdo gja që ban ose thue mund t’shkaktojë nji stuhi t’paparashikueme.🌪
Ngjashëm, s’ki me kuptue kurrë se çka i ban ata t’lumtun ngase mood-i i tyne mund luhatet n’varësi t’ditës apo ngjarjeve.
Për shkak t’kësaj, ju mund t’keni nji ndjenjë t’rritun ankthi. 😰 Kjo ndjesi ka tendencën me ju ba edhe ma hipervigjilentë ndaj reagimeve të tyne dhe keni me e gjetë veten tue plotësue çdo kërkesë a nevojë të tyne që bomba mos me shpërthye.🌋
Me kalimin e kohës, kjo ka me rezultue me humbje t’identitetit, t’krenarisë e deri n’zherësim t’vetvetes, t’u vazhdue me i shpërfillë nevojat e preferencat tueja veç me ju shmang zemërimit t’tyne. 🤦🏻♀️
4. Mosrespektimi i kufijve
Ata gjithmonë kanë me pritë që ju me ia përshtatë nevojat e tua atyne, biles deri edhe n’asgjësim. Gjithçka që don ti asht e parandsishme, gjithçka çka thue ti s’asht kurgjo interesant, çdo kërkesë e jotja asht absurde! Pra, veç imagjinoje nji skenar si ky. Huuuh! 🙆🏻♀️
Sidoqoftë, mosrespektin e kufijve s’ke me pasë veç emocional, po edhe fizik e financiar. Biles ki me harrue që ekzistojnë kufijtë personal e që ata na japin siguri e mbrojtje t’nënkuptueme.
Mos harro pra, nëse dikush i injoron, i sfidon ose i shkel qartë këta kufij n’fillim, kjo ka me u spiralizue n’mënyrë progresive shumë shpejt. Çeli sytë! 👀
Asht e drejtë themelore me pasë hapsinën personale e kushdo që nuk jua toleron individualitetin tuej asht kohë e humbun, kushdo qoftë madhnia e tij. 🗽
5. Manipulim delikat
Narcizistët marrin at’ që dojnë përmes forcave t’fuqishme t’manipulimit. Sidoqoftë, zor ke me kuptue këtë manipulim se nuk asht gjithmonë aq i dukshëm manipulimi i tyne se ka me u mbështjellë me nji fasadë fisnikërie a bujarie. Biles aq duket e pafajshme saqë ki me pasë ndjesinë se a mos jam t’u u çmend! 🤯
Po përveç pafajësisë, komplimentet hiperbolizuese i kanë specialitet. 🤩
Iu lulëzonë fytyra t’u lajkatue për me t’bindë ose me t’detyru me i pa gjanat qysh ata dojnë ose me i ba gjanat që ata i pëlqejnë.
Manipulimin munden me e mveshë edhe n’hajgare e n’tallje. P.sh t’qeshin e t’kritikojnë për shijen tande n’filma a n’muzikë, ose punën a profesionin tand, sikur s’ka qenë zgjidhje fort e mençme kjo e jotja.
E, nëse eventualisht e ke kuptue turbullinë e mjegullinë e shkaktueme prej tyne, hakmarrja e tyne a ka me shkue deri n’pikën kur ke me u ndij i/e zhveshun prej krenarisë tande, i/e çarmatosun, i/e dështueme e pa nji grimcë vetëvlerësimi.
Kthjellu! Mos lejo t’jesh lodra as kafsha shtëpiake e askujt!
Nëse je ballafaque ngjashëm me njerëz t’tillë, thuej bashkë me mue…”Dear narcissist, i ignore you like a boss!” 🥳✊
🌓
Besarta Fazliu Shatri
