Poraka Nasa Kumanovo

Home
Poraka Nasa Kumanovo

ПОРАКА НАША е граѓанско родителска организација која ги застапува правата и интересите на лицата со интелектуална попреченост.

Здружението Регионален центар за лица со интелектуална попреченост ПОРАКА НАША од Куманово во 2006 оформи дневен центар за лицата со интелектуална попреченост чија прогрма е насочена кон развивање на вештини за самостојно живеење на лицата со интелектуална попреченост, едукативни активности, работно-окупациони активности и организирање на слободното време.
Директни корисници на проектот се 21 возр

асно лице со умерена и тешка интелектулна попреченост од мулти-етнички состав и нивните семејства. Имплементацијата на различни активности за подигање на јавната свест во однос на потребите, потенцијалите и способностите на лицата со интелектуална попреченост ја опфаќа општата популација од локалната заедница вклучувајќи и субјекти во заедницата (здруженија, поединци, бизнис заедница, јавни установи и служби и НВО и др.).
Истровремено, дневниот центар ќе обезбеди поддршка за семејствата преку опфаќање на нивните членови со интелектуална попреченост за одреден период од денот, овозможувајќи им подобри услови за успешно семејно функционирање и можности за вработување на родителите, како би допринеле за зголемување на семејниот буџет. Предвидените активности во дневниот центар треба воедно да дадат резултати за поефективна инклузија на лицата со интелектуална попреченост во пошироката заедница. Функционирањето на оваа сервисна служба треба да резултира со нејзино проширување како и со отварање и на други алтернативни сервисни служби во локалната заедница и во регионот.
Визијата на Здружението е обезбедување на севкупна општествена грижа и третман на лицата со интелектуална попреченост и нивните семејства на ниво на општините:Куманово, Липково и Старо Нагоричане, но и пошироко на територија на РМ .

Долгорочните цели на Здружението за обезбедување на еднаков третман на лицата со интелектулана попреченост и нивните семејства се:

• Почитување на човековите права на лицата со интелектуална попреченост;
• Вклученост во општеството и учество во секојдневниот живот;
• Недискриминација на лицата со интелектуална попреченост и нивните семејства;
• Поттикнување на лицата со интелектуална попреченост за самостојно живеење;
• Самостојност на лицата со интелектуална попреченост како корисници на услуги;
• Економска, социјална, здравствена и правна заштита на лицата со интелектуална попреченост и нивните семејства;
• Социјална правда, социјална интеграција и инклузија.

Своите цели и задачи здружението ги остварува преку утврдена Програма за работа, односно преку следниве активности:
- Организирање на конкретни програмски активност;
- Спроведување на заеднички проекти;
- Организирање на конференции, семинари, обуки и друг вид на активности;
- Поттикнување на иницијативи кај надлежните органи и институции во насока на остварување на целите на Здружението;
- Медијација;

13/08/2025

МЕСЕЧНИ ДОНАЦИИ И ДЕЛ ОД ПРОГРАМСКИТЕ АКТИВНОСТИ НА КОРИСНИЦИТЕ ОД ПОРАКА НАША
(јули/август 2025)

Топлото време, како и на сите други, ни донесе предизвици за имплементирање на повеќе социјални активности, но не ни пречи секојдневно да ги извршуваме останатите практични и когнитивни активности за развивање на вештините за самостојно живеење, а со дел од корисниците поинтензивно да работиме индивидуални проценки и активности за професионална рехабилитација преку кои продолжуваат да ги усовршуваат своите работни способности- со цел да станат поконкурентни на пазарот на трудот.

📍 Изминатиот период, беше финализирана и целосната поправка и реконструкција на влезните врата на дневниот центар.

📍 Голема благодарност до нашите долгогодишни пријатели и редовни месечни донатори:
-"Селман Туризам"
- "Арис Куманово"
- "Елида Маркети"
- "Форма дооел"
- "Бучен Козјак"
- "Визиана Mg"
- "Чичко Ефто (Ресторан Бастион)"
- " К-нет"
чии производи се користат исклучиво за потребите на корисниците со умерена и тешка интелектуална попреченоcт и полесно функционирање на Центарот за рехабилитација и реинтеграција на лица со попреченост кој што ги застапува правата и интересите на корисниците и нивните семејства.

За сите други информации преку Инфо центарот на Порака Наша 📋 или нарачки на персонализирани шолји и алуминиумски флаши со слика и текст по ваш избор кои корисниците ги изработуваат во рамки на програмските активности наменети за нивната професионална рехабилитација, контакт преку поштенското сандаче на нашата ФБ страна; Инстаграм профил ; e-mail: poraka.nasa@yahoo.com или директно во дневниот центар.

Ви благодариме за секоја искажана лична и општествена одговорност, донација, нарачка, иницијатива, посета, покана за настан или гости, но пред се за секое дружење или интерес на СИТЕ ВАС, кои со својот допринос овозможувате полесна и поактивна интеграција на лицата со умерена и тешка интелектуална попреченост во тековните општествени процеси.

Така градиме поинклузивно општество еднакво за сите.
❤️

11/08/2025

Во петок го прославивме роденденот на нашиот Даце.
Драги Даце, ти посакуваме многу здравје, среќа и радост. Нека секој ден ти биде исполнет со насмевки и убави моменти! 🎉🎂

21/07/2025

На 18.07. претставници од Центарот за рехабилитација и реинтеграција „Порака Наша“ присуствуваа на настанот – „Работна средба на Локалниот економско-социјален совет (ЛЕСС)“.

Членовите на ЛЕСС, заедно со надворешни претставници од Агенцијата за вработување, невладиниот сектор и Занаетчиската комора, денеска во просториите на Општина Куманово ја одржаа третата средба за оваа година.

На средбата, претставниците од „Порака Наша“ ги претставија своите производи кои ги изработуваат лица со интелектуална попреченост – персонализирани чаши и алуминиумски шишиња за вода, изработени со помош на машина за сублимација. Со надеж за проширување на својата дејност, тие ја искористија оваа можност за да најдат потенцијални соработници – компании кои би купувале производи од нив или би понудиле простор во рамки на својата фирма каде што нивните производи би можеле да се продаваат.
Оваа иницијатива доби голема поддршка од сите присутни.

21/07/2025

Среќен роденден Марјан! Нека ти живот биде исполнет со насмевки, љубов и убави моменти. Ти посакуваме многу здравје, среќа и успех во сè што ќе посакаш! 🎂🎉

27/06/2025

ПРОЛЕТНИ И ЛЕТНИ ПРОГРАМСКИ АКТИВНОСТИ, ДОНАЦИИ, ПОСЕТИ И ПРОФЕСИОНАЛНА РЕХАБИЛИТАЦИЈА ВО ПОРАКА НАША -Мај/ Јуни 2025

Корисниците со умерена и тешка интелектуална попреченост од Порака Наша, вредни и неуморни во извршување на своите дневни активности предвидени според програмата на Центарот за рехабилитација и реинтеграција Порака Наша Куманово.

📌Голема благодарност до сите наши редовни месечни донатори, кои секојдневно обезбедуваат оброк за корисниците за време на нивната пауза.
Гостилница "Дома"
- Ресторан "Галерија" Касапски круг
- Ресторан "Помодоро"
- Cook house "Агора"
- Ресторан "Баба Цана"
од каде што дел од корисниците секојден самостојно си го подигаат обезбедениоѕ оброк.

📌Голема благодарност до "Визиана" и чичко Ефто кои секој месец им обезбедуваат минерална вода и природни сокови.

📌Голема благодарност и до нашата пријателка Фани од Пицерија " Ониро" која на корисниците им донира ручек од нивните омилени јадења од нивните производи.

📌Пред и по паузата за ручек, корисниците топлото време го користат за расчистување на надворешниот дел од дневниот центар каде што во престојниот период го поминуваат поголемиот дел од своето време.

📌Поголем дел од времето го поминуваат на активности наменети за нивната професионална рехабилитација, особено користење на термо преса за чаши и алуминиумски флаши, кои овој месец имаа прилика да ги презентираат и за време на ликовниот камп "АСНОМ" на кој учестуваа оваа недела.

📌Изработените чаши и термоси за вода се достапни за нарачка по ваша желба, преку официјалните социјални медиуми на ЗРЦЛИП "Порака Наша" за кои објавувавме и ќе објавуваме и понатаму кога ќе започнат со поинтензивна работа на термо преса за маици и торби.

📌Голема благодарност и до Претседателката на Советот на Општина Куманово, Ивана Ѓорѓиевска која што лично од нив купи чаша изработена за време на кампот на тема уметност и инклузија.

📌Голема благодарност до Center for Youth Activism "KRIK" кој ни подари примерок од нивните изработки изработени од нивните корисници.

📌Голема благодарност до сите вас кои ја поддржувате работата на Центарот за рехабилитација и реинтеграција на лица со попреченост "Порака Наша" со вашата соработка, активности, предлози, донации и пред се покани за социјални активности преку кои корисниците се интегрираат во актуелните случувања и настани низ нашиот град и пошироко.

📌ЗА СИТЕ НАРАЧКИ НА ЧАШИ, АЛУМИНИУМСКИ ФЛАШИ (ТЕРМОСИ ЗА ВОДА) ИЛИ ДРУГИ НАРАЧКИ ПО ВАША ЖЕЛБА, ПОТРЕБНО Е СЛИКА, ТЕКСТ, КОИ МОЖАТ ДА СЕ НАРАЧААТ ПРЕКУ ФБ ПРОФИЛ (Poraka Nasa Kumanovo), e-mail: poraka.nasa@yahoo.com, Инстаграм профил : poraka.nasa или директно во дневниот центар.

Со секоја нарачка, корисниците имаат прилика да ги развиваат уште повеќе своите работни вештини и да станат поконкурентни на пазарот на трудот.

25/06/2025

ПОРАКА НАША НА 15-то ИЗДАНИЕ НА ЛИКОВЕН КАМП "АСНОМ" 2025

Традиционално како и секоја година, корисниците од Центар за рехабилитација и реинтеграција на лица со попреченост "Порака Наша" беа повикани да учествуваат на ликовен камп "АСНОМ", кој ова лето се одржа во ресторан "Грација", со поддршка на Фондација за култура и спорт - Куманово, под покровителство на Општина Куманово.

Петнаесеттото издание на ликовната колонија, овој пат се одржа 3 дена, започнувајќи во понеделник од 08:00 часот до денешното затворање на годинешната уметничка манифестација во 19:00 часот.
Освен корисници на Порака Наша, учестуваа и над 30 ученици од општинските основни и средни училишта, кои изработуваа дела во 3 техники: сликарство, монотипија и дизајн во област на улитарен предмет, под менторство на ликовните педагози.

📌Денеска, на последниот ден, благодарение на нашите домаќини, корисниците од Порака Наша имаа прилика да претстават и дел од нивните изработки од центарот- специјално дизајнирани и изработени чаши на тема уметност и инклузија кои се на продажба.

Творбите на сите учесници беа изложени во 18:00 часот пред сите присутни гости, а во име на Општина Куманово, Претседателката на Советот на Општина Куманово, Ивана Ѓорѓиевска официјално ја отвори изложбата и на сите учесници им додели "Благодарници" за учеството и нивниот придонес.

📌Како и секоја година, традиционално, сите уметнички дела изработени за време на ликовниот камп, ќе бидат донирани за потребите на корисниците од Порака Наша од каде што потоа сите заинтересирани лица, ќе можат да не контактираат и да купат слика или друга изработка директно од самите корисници.

Голема благодарност до сите учесници кои секогаш се отворени за дружење со корисниците со интелектуална попреченост, до сите членови на тимот кој што е дел од организирањето на самиот настан, и секако до Фондацијата за култура и спорт- Куманово, која никогаш не не одминува и традиционално не кани на ликовниот камп " АСНОМ" и на сите други настани во кои корисниците на Порака Наша можат да учествуваат.

Благодариме од срце и се гледаме наскоро. ❤️

24/06/2025

ПОРАКА НАША НА ОБУКА НА ТЕМА ‘’ УПРАВУВАЊЕ СО УСЛУГИТЕ И ПОТРЕБИТЕ БАЗИРАНИ НА ЗАЕДНИЦАТА’’ ОРГАНИЗИРАНА ОД CENTER FOR YOUTH ACTIVISM KRIK КОЈА СЕ ОДРЖА НА 17 -18 ЈУНИ 2025 ВО ДОЈРАН

Втората обука од серијата обуки во рамки на проектот КОРДИАЛ се одржа на 17 и 18 јуни во хотел Романтик, Дојран, 2025.
Дводневната обука се одржа на тема „Управување со услугите и потребите базирани на заедницата“ која беше наменета за претставници на организации на лица со попреченост и други актери вклучени во процесите на социјална инклузија.

Освен Порака Наша, од Куманово учествуваа и две учеснички од тимот на Здружение за лица со посебни потреби Прогрес.

Учесниците дискутираа за:
📌Историјата на деинституционализација во РСМ
📌Улогата на приватните и државните даватели на услуги
📌Акциски планови за подобрување на постоечките сервиси во заедницата

Дијалог, вмрежување со други локални организации од другите градови, заедничко учење и дискутирање за Националните стратегии усвоени во нашата земја од 2000-та наваму, беа една од успешните цели кои организациите кои што работат подолг временски период и новите веќе лиценцирани или организациите заинтересирани да го поминат тој процес ги остварија преку предвидените активности и неформалните дискусии и размена на искуства во текот на двата дена!

📌Благодарност до КРИК за организирање на обуката, за логистичката поддршка на сите учесници и најмногу од се- за иницијативата и овозможените услови- претставници од повеќе организации низ земјата да бидат на едно место, да ги разменат своите искуства и идеи за личен развој и идна понатамошна соработка помеѓу себе.

Проектот Cordial – Creating Opportunities Regionally for Disability Inclusion Actions and Legislation, е финансиран од Европската Унија, а координиран од Caritas Srbije и во партнерство со: Caritas Bosne i Hercegovine, Caritas Kosova, Македонски Каритас, Caritas Crne Gore, The Union of Organizations of Persons with Disabilities of BiH, Center for Youth Activism KRIK, Forum mladih sa invaliditetom - Youth with Disabilities Forum, Caritas Italiana

📌Повеќе за самиот проект, на страната на Center for youth activism KRIK.
https://www.facebook.com/CYA.KRIK

📌Повеќе за Здружение за лица со посебни потреби Прогрес од Куманово кое нуди повеќе видови на услуги за лица со попреченост во Куманово
https://www.facebook.com/profile.php?id=100092521353235

19/06/2025

ПОРАКА НАША НА ЗАВРШЕН НАСТАН ВО РАМКИ НА ПРОЕКТОТ ‘’РЕГИОНАЛНА СОРАБОТКА ЗА ПОДОБРА СОЦИЈАЛНА ИНКЛУЗИЈА НА ЛОКАЛНО НИВО’’ ОДРЖАН ВО ДРАЧ, АЛБАНИЈА НА 10 И 11 ЈУНИ 2025

На 10 и 11 јуни, во Драч Албанија се одржа дводневен завршен регионален настан на кој се сумираа резултатите и споделија искуства кои ги имаа Асоцијациите на општини и општините учеснички и даватели на услуги од Западен Балкан, во рамките на тригодишниот проект “Регионална соработка за подобра социјална инклузија на локално ниво“, кој го имплементираше НАЛАС со финансиска поддршка на ГИЗ, а во партнерство со Асоцијациите на општини.

📌Општините Куманово и Делчево како пилот општини од земјата беа претставени со своите добри пракси и иновативни под услуги кои ги воведуваат во рамките на концептите кои ги развија во проектот, со цел подобра социјална инклузија на корисниците, лицата со посебни потреби во своите локални заедници.

📌Голем интерес кај колегите од регионот имаше за воведената пракса за рехабилитација и реинтеграција преку работно ангажирање на лицата со лесна и умерена телесна попреченост во „Порака Наша“ Куманово. Претставничка од нашето Здружение, Фросина Симоновска-Антевски, ги престави активностите кои беа спроведени кај нас, која е всушност уште една под услуга во “Порака Наша“ важна за нашата само одржливост.
Станува збор за печатење на репрезентативни материјали(стаклени и порцелански чаши, шишиња за вода, торбички) од страна на корисниците со помош на вработените на преса која беше обезбедена од проектот за вклучување на родовата димензија во социјалните услуги.

Од Општина Делчево пак програмите за образование на лица со попреченост кои ќе бидат стандардизирани и акредитирани од Центарот за образование на возрасни побудија интерес кај колегите кои дознаа повеќе за постапката за стандардизација и акредитација на програми за образование на возрасни. Она што е иновативно е дека ваква програма за образование за возрасни за лица со попреченост во нашата земја немало до сега.

За првпат, „Бравура Кооператива“ од Делчево разви програма која ќе им овозможи на нивните корисници, но и на други од Источниот регион да се стекнат со вештини и знаења во шиење на горна облека, и со тој сертификат кој ќе го стекнат по завршена обука да станат конкурентни на пазарот на труд и со тоа да се осамостојуваат и добиваат некој дополнителен приход. Секако, претходно ќе им се направи стандардизирана индивидуална работна проценка на корисниците, за што во рамките на овој проект беа преведени и локализирани стандардизираните инструменти за проценка на работна способност кај лицата со попреченост: Индекс на работна способност – ИРС; Стандардизиран инструмент за проценка на конкретна работна способност – ПРИ и Стандардизиран инструмент МОХОСТ.

📌Вработените од двата даватели на услуги од Куманово и Делчево: “Порака Наша“ и “Бравура Кооператива“ добија и обуки од експерт за како да ги користат овие инструменти кои за првпат се воведуваат кај нас. Претставниците од овие две општини и даватели на услуги зборуваат и за другите активности кои ги спроведоа во нивните општини во рамките на овој проект како што е социјалното мапирање и размена на искуства преку Кластер за учење.

📍Повеќе за самиот проект во кој учествуваа повеќе општини од другите земји : ЗЕЛС кој е имплементирачки партнер на проектот “Регионална соработка за подобра социјална инклузија на локално ниво“ користејќи креативни форми на претставување на резултатите ги презентираше пред сите земји учеснички на табла во т.н. „маркет на производи“. ЗЕЛС се престави со двата модели за децентрализација на Центрите за социјална работа кои беа изработени со експертска поддршка како дел од проектната компонента „Застапување на Асоцијациите“. Кај посетителите на „маркетот“ односно таблата за презентирање претставничката од ЗЕЛС зборуваше за чекорите кои претходеа пред да се добијат овие два модели за децентрализација во кој се содржани препораки за продолжување со целосна фискална децентрализација, со што на крај треба да резултира со усвоен позиционен документ на ЗЕЛС за целосна децентрализација и кој е усогласен со позициониот документ на НАЛАС за социјална инклузија и миграција. Колешките и колегите од другите асоцијации побараа ЗЕЛС да ги сподели овие модели за децентрализација и со нив, но и да разменуваат искуства и понатаму во оваа област кога би се работеле на продолжување на децентрализацијата во нивните земји со цел усогласување на одредени области кои се од корист на крајните корисници во општините од сите земји од Западен Балкан.

📍Претставничката од ЗЕЛС исто така претстави и за искуствата и знаењата кои ги стекнаа и другите општини кои учествуваат во 5-те настани за размена на искуства од Кластерот за учење, а кои се однесуваат на развивање на социјални услуги согласно потребите на општините и спроведените социјални мапирања во општините каде тоа е направено. Во контекст на социјално мапирање и методологијата која беше користена во рамките на овој проект од пилот општините во сите земји учеснички се потврди корисноста и значајноста на оваа метода за утврдување на потребите на општините во областа на социјалната заштита на еден унифициран и стандардизиран начин. Сите општини се согласни дека оваа активност од проектот треба да продолжи да се менаџира од страна на Асоцијациите на општини и да се промовира и кај централните власти.

📍И двете тела имаа голем придонес во знаења и политички во креирањето на политиките на ЗЕЛС во однос на децентрализацијата на социјалната заштита. Како претставнички на Мрежата за социјална заштита на настанот учествуваа од општините Кавадарци, Штип и Кочани.

📍Последниот, втор ден од настанот беше посветен на предизвиците и следните чекори кои се планираат за продолжување на овој проект во кој ќе се вклучат и од Република Црна Гора и Република Хрватска, покрај Косово, Албанија, Република Српска, Босна и Херцеговина и Македонија

16/06/2025

ВИДОВИ И ЦЕНИ НА ИЗРАБОТКИТЕ КОИ КОРИСНИЦИТЕ ОД ПОРАКА НАША ГИ ИЗРАБОТУВААТ ЗА ВРЕМЕ НА НИВНИОТ ПРЕСТОЈ ПО ВАША ЖЕЛБА

За сите претстојни настани, матури, венчавки, родендени, честитки, инспиративни мисли, цитати, убави спомени, корисниците со умерена и тешка интелектуална попреченост од Порака Наша Куманово ги изработуваат по ваша желба.

Потребно е да испратите слика, текст, ваша идеја во поштенското сандаче на нашата ФБ страна, е:маил: poraka.nasa@yahoo.com или нашиот Инстаграм профил: poraka.nasha.

Благодариме за сите досегашни нарачки. ❤️

📌Професионалната рехабилитација го забрзува процесот на унапредување и усвојување на самостојни вештини за работа на корисниците со интелектуална попреченост со што стануваат поконкурентни на пазарот на трудот.

16/06/2025

НАРАЧКИТЕ НА 100 ПЕРСОНАЛИЗИРАНИ АЛУМИНИУМСКИ ФЛАШИ ИЗРАБОТЕНИ САМОСТОЈНО ОД КОРИСНИЦИТЕ НА ПОРАКА НАША ГОТОВИ И ИСПОРАЧАНИ ДО НАШИТЕ ПРИЈАТЕЛИ И СОРАБОТНИЦИ ОД НАЛАС (NALAS, Network of Associations of Local Authorities of South East Europe)

Нарачаните 100 персонализирани алуминиумски флаши од страна на нашите драги пријатели и соработници од НАЛАС, со кои ја започнавме соработката преку проектот "Регионална соработка за подобра социјална инклузија на локално ниво- Regional cooperation for better social inclusion at local level" подржан од GIZ North Macedonia- ЗАВРШЕНА И ИСПОРАЧАНА до финалниот настан кој минатата недела се одржа во Тирана, Албанија.

Една од компонентите на проектот за чии резултати дополнително ќе објавиме, беше набавка на машини за професионална рехабилитација и реинтеграција на лицата со умерена и тешка интелектуална попреченост од Порака Наша, преку набавка на термо преси за чаши, алуминиумски флаши, преса за маици и слично, на кои корисниците вредно и трпеливо се учеа самостојно да ги употребуваат, користат и изработуваат персонализирани производи според нарачани дизајни и по ваша желба.

Благодариме од срце. ❤️
Вредно, трпеливо и упорно.

03/06/2025

ПОРАКА НАША НА KICK-OFF НАСТАНОТ НА ПРОЕКТОТ ''CORDIAL- CREATING OPPRTUNITIES REGIONALLY FOR DISABILITY INCLUSION ACTIONS AND LEGISLATION'' ВО EUROPHOUSE СКОПЈЕ- ОРГАНИЗИРАН ОД ЦМА ''КРИК''

Вчера, 02 јуни 2025 година, во Europe House Скопје, Порака Наша Куманово беше дел од настанот кој што Center for Youth Activism KRIK/Крик, заедно со Македонски Каритас, го одржа kick-off настанот „Cordial: Инклузија без граници“.

На настанот се одржа панел-дискусија на тема „Вклученост на граѓански организации во процесот на градење политики со цел социјална и економска инклузија на лица со попреченост“.

Панелисти беа: Фатмир Сабриу (Државен секретар, Министерство за социјална политика, демографија и млади), Хамза Амети (Директор, ЈУ Меѓуопштински центар за социјална работа Скопје), Тања Мишовска Стојковска (Раководител на Одделение за лица со пречки во менталниот или телесниот развој, Центар за социјална работа Скопје), Далиборка Златева (Претставник, Мрежа на приватни даватели на социјални услуги) и Мила Карадафова Ангеловска (Извршен директор, Центар за младински активизам КРИК)

Точки на дискусии на панелистите беа :
🔹 Социјалните услуги што ги нудат центрите за социјална работа и приватните даватели: типови услуги, празнини во покриеноста и пречки при спроведувањето
🔹 Соработката со граѓанските организации и приватните даватели: формализирани механизми, клучни фактори за успех и потенцијал за проширување, како и улогата на институциите во таа соработка
🔹 Меѓусекторската соработка: идентификација на клучни сектори за ефективна инклузија, функционална координација меѓу институциите и патеки за премин од неформални кон институционализирани модели на партнерство

За крај, Томислав Микулец ги презентираше идните активности и наредните чекори од проектот Cordial, по што официјалниот дел заврши со коктел и неформално дружење, каде сите присутни имаа можност за размена на контакти и воспоставување нови соработки.
🥂
Проектот Cordial е финансиран од Европската Унија и се спроведува во партнерство со Caritas Srbije, Caritas Bosne i Hercegovine, Caritas Kosova, Македонски Каритас, Caritas Crne Gore, The Union of Organizations of Persons with Disabilities of BiH, Center for Youth Activism КРИК, Forum mladih sa invaliditetom - Youth with Disabilities Forum и Caritas Italiana.

Благодариме за поканата, вмрежување на организациите на локално, национално и регионално ниво, со други даватели на услуги и релевантните институции, унапредување на инклузивните политики и заедничко надминување на предизвиците со кои се соочуваме се заеднички цели не сите.

Повеќе за самата организација Крик, проектот Cordial и нивните активности на ФБ и Инстаграм страната на Center for Youth Activism KRIK/КРИК од Скопје, и нивната web страна: https://www.krik.org.mk/

29/05/2025

ОБУКА ЗА ПРИТИВПОЖАРНА ЗАШТИТА ЗА ВРАБОТЕНИТЕ ВО ПОРАКА НАША

Денеска, на ден 29.05.2025, по работниот ден, вработените во ЗРЦЛИП "Порака Наша" се обучија од областа за противпожарна заштита и евакуација, од страна на професионалната установа " Превентива 2018" од Куманово, која ни изготви план за евакуација, пожарен куќен ред, и правилник за заштита од пожари и експлозии.

По одржаната обука, вработените индувидуално се стекнаа со ПОТВРДА/СЕРТИФИКАТ за завршена обука од областа на ПП заштита, врз основа на Член 24, точка 6 од Законот за безбедност и здравје при работа, издадена од "ДПЗ ПРЕВЕНТИВА 2018" Куманово.

По завршената обука, стекнатите вештини ќе бидат имплементирани со самите корисници со интелектуална попреченост, кои го посетуваат Центарот за рехабилитација и реинтеграција "Порака Наша"

Благодарност до управителот Ивица Јовановиќ, за соработката и професионалноста.

Address

Bajram Shabani Bb

1300

Opening Hours

Monday	08:00 - 15:00
Tuesday	08:00 - 15:00
Wednesday	08:00 - 15:00
Thursday	08:00 - 15:00
Friday	08:00 - 15:00

Website

http://www.zdruzenieporakanasa.org/

Alerts

Be the first to know and let us send you an email when Poraka Nasa Kumanovo posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Poraka Nasa Kumanovo:

Shortcuts

Want your practice to be the top-listed Clinic?

Country:

City:

13/08/2025

11/08/2025

21/07/2025

21/07/2025

27/06/2025

25/06/2025

24/06/2025

19/06/2025

16/06/2025

16/06/2025

03/06/2025

29/05/2025

Address

Opening Hours

Website

Alerts

Contact The Practice

Shortcuts

Share