30/04/2026
Вчера во ЈЗУ Општа болница Велес имавме еден навистина значаен и убав момент – момент што значи нов почеток за многу мали животи и поголема сигурност за идните мајки 💙
Со посетата на Project HOPE, нашето Гинеколошко-акушерско одделение доби вредна донација што директно ќе влијае на квалитетот на здравствената грижа. Новите родилни и мајчински кревети, пациент монитори и монитор за новороденчиња, вакум екстрактори, инкубатор, вормер апарат за затоплување и фототерапија, аспиратор, како и ехо и ЦТГ апарат, заедно со дополнителна опрема и инструменти за операциона сала со мобилно светло, значат подобри услови таму каде што започнува животот.
Зад оваа донација стои силна меѓународна поддршка – Project HOPE Germany, со главен донатор Sternstunden e.V., како и Bärenherz Stiftung, BD (Becton Dickinson) Philips, кои заеднички вложуваат во подобро здравство и посигурна иднина.
На настанот присуствуваа и се обратија Michael Dreger, Peter Zisse, Влатко Ужевски, Petra Drexler, Јовица Андовски и Сашо Клековски, испраќајќи силна порака дека вложувањето во здравството е вложување во иднината.
Овие моменти нè потсетуваат дека зад секоја опрема стои една поголема приказна – приказна за грижа, поддршка и заедништво.
Благодарни сме што не сме сами во мисијата да обезбедиме подобри услови за нашите пациенти.
