02/12/2025
#လှုပ်ရှားမှုနည်းသောနေထိုင်ခြင်းကကျန်းမာရေးအပေါ်ဘယ်လိုသက်ရောက်မှုရှိနိုင်သလဲ?
လို့ခေါ်ကြတဲ့လှုပ်ရှားမှုနည်းတဲ့ နေထိုင်မှုပုံစံဟာရေရှည်မှာ ကျန်းမာရေးကို ဆိုးဝါးစွာထိခိုက်နိုင်ပါတယ်။
🟢တီဗီ၊ဖုန်း၊အင်တာနက်၊ကွန်ပြူတာ စတဲ့နည်းပညာ စက်ပစ္စည်းတွေကိုအသုံးပြုရင်း နေ့တစ်နေ့ရဲ့အချိန်တော်တော်များများကို လှုပ်ရှားမှုမရှိဘဲကုန်ဆုံးနေကြတဲ့သူတွေ များပါတယ်။
🟢ဒီလိုကိုယ်လက်လှုပ်ရှားမှုနည်းပါးတဲ့ လူနေမှုပုံစံဟာ ရောဂါတွေကိုဖြစ်စေနိုင်တဲ့ အကြောင်းအရင်းတစ်ခုဖြစ်ပါတယ်။
ကိုယ်လက်လှုပ်ရှားမှုနည်းခြင်းကြောင့်
🟢- ခန္ဓာကိုယ်တွင်းဇီဝကမ္မဖြစ်စဉ်တွေနှေးကွေးလာပြီး၊ အဆီတွေပိုစုစေကာ အဝလွန်ခြင်းဖြစ်စေနိုင်ပါတယ်။
🟢- သွေးလည်ပတ်မှုနှေးကွေးစေပြီး သွေးခဲနိုင်ချေပိုများတာကြောင့် နှလုံးရောဂါ၊ သွေးတိုးရောဂါ၊လေဖြတ်ခြင်းစတာတွေဖြစ်စေနိုင်ပါတယ်။
🟢- ကြွက်သားထုထည်လျော့နည်းခြင်း၊အရိုးများသန်မာမှုမရှိခြင်း၊အရိုးပွလွယ်ခြင်း ဖြစ်စေနိုင်ပါတယ်။
🟢- သွေးတွင်းအင်ဆူလင် တုံပြန်မှုပုံမှန်မဟုတ်ခြင်းကြောင့် ဆီးချိုရောဂါဖြစ်နိုင်ပါတယ်။
🟢- သွေးတွင်းဇီဝကမ္မဖြစ်စဉ်ပုံမမှန်ခြင်းကြောင့် ခန္ဓာကိုယ်တွင်းရောင်ရမ်းခြင်းတွေ ဖြစ်စေနိုင်ပြီး ကင်ဆာရောဂါဖြစ်နိုင်ချေပိုများစေပါတယ်။
🟢- ကိုယ်လက်လှုပ်ရှားမှုနည်းခြင်းဟာ စိတ်ဖိစီးမှုများခြင်း၊စိုးရိမ်ပူပန်မှုများခြင်း၊ စိတ်ကျရောဂါဖြစ်နိုင်ချေများစေပါတယ်။
🟢- သုတေသနစာတမ်းများအရတစ်နေ့လျှင် ၈နာရီနှင့်အထက် လှုပ်ရှားမှုမရှိဘဲထိုင်ခြင်းဟာ အရွယ်မတိုင်ခင်သေဆုံးနှုန်းကို မြင့်တက်စေနိုင်ပါတယ် ။
#လှုပ်ရှားမှုနည်းတဲ့နေ့စဉ်နေထိုင်မှုပုံစံကိုဘယ်လိုပြောင်းလဲကြမလဲ?
🚶- အချိန်ကြာမြင့်စွာထိုင်ပြီးအလုပ်လုပ်ရတဲ့သူတွေအနေနဲ့အနည်းဆုံး၅မိနစ်ခန့် မတ်တပ်ရပ်ခြင်း၊လှုပ်ရှားမှုပြုလုပ်ခြင်းကို မိနစ်၃၀ပြည့်တိုင်း ပြုလုပ်ပေးပါ။
🚶♀️- နေ့လယ်စာစားပြီးချိန်၊ညစာစားပြီးချိန်များမှာ အချိန်ခဏလေးပေးပြီး လမ်းလျှောက်ပေးပါ။
🚶♂️- ဓါတ်လှေကားအသုံးပြုခြင်းအစား လမ်းလျှောက်တက်ခြင်းကိုပြုလုပ်ပါ။
🚶♂️- ကားနဲ့သွားလာနေသူတွေအနေနဲ့ ကိုယ်သွားလိုတဲ့နေရာနဲ့ခပ်လှမ်းလှမ်းနေရာမှာ ကားကိုရပ်ပြီးလမ်းလျှောက်တဲ့အလေ့အကျင့်ကိုပြုလုပ်နိုင်ပါတယ်။
🏃♂️🏊♀️🏋️♀️🚴🧘♂️- လေ့ကျင့်ခန်းပြုလုပ်ခြင်း၊ပြေးခြင်း၊ လမ်းလျှောက်ခြင်း၊ အားကစားတစ်ခုခုပြုလုပ်ခြင်း၊ယောဂလေ့ကျင့်ခန်းပြုလုပ်ခြင်း စတဲ့ ကိုယ်လက်လှုပ်ရှားမှုတစ်ခုခုကို တစ်နေ့လျှင်နာရီဝက်ခန့်ပြုလုပ်ပါ။
🤸♀️- ကြွက်သားများတောင့်တင်းမနေစေရန် အကြောလျော့လေ့ကျင့်ခန်းများကို ပြုလုပ်ပါ။
🚶♀️- တီဗီကြည့်ချိန်မှာတောက်လျှောက်ထိုင်နေခြင်းမျိုးမရှိစေရန် ရုပ်ရှင်အပိုင်းတစ်ပိုင်းပြီးချိန်မျိုးမှာ အချိန်ခဏပေးပြီး လမ်းလျှောက်တာမျိုးပြုလုပ်ပေးပါ။
🚴🚶♂️- အကွာအဝေးသိပ်မဝေးတဲ့နေရာတွေသွားလာမယ်ဆိုရင် ကားအသုံးပြုခြင်းအစား လမ်းလျှောက်ခြင်း၊စက်ဘီးစီးခြင်း ပြုလုပ်ပါ။
✅လှုပ်ရှားမှုနည်းသောနေ့စဉ်နေထိုင်မှုပုံစံကိုပြုပြင်ပြောင်းလဲမယ်ဆိုရင်တော့ ကျန်းမာပြီးသက်တမ်းစေ့နေနိုင်မှာဖြစ်ပါတယ်။
✅ဒါကြောင့်ဒီနေ့ကစပြီး မိမိရဲ့ နေထိုင်မှုပုံစံကိုစတင်ပြောင်းလဲကြည့်ဖို့ တိုက်တွန်းလိုပါတယ်။
⚠️စာများကိုပြန်လည်ကူးယူဖော်ပြခွင့်မပြုပါ။
လွတ်လပ်စွာ share နိုင်ပါတယ်။
Dr.Phyu Phyu Moe
M.B.,B.S (YGN), MRCP (UK)
No.86, Ayarwaddy Street, Ahlone Tsp, Yangon
