04/07/2022
#ခါးနာဝေဒနာကို သက်သာစေမယ့် အိမ်တွင်းဆေးနည်းများ
အလေးအပင်မတဲ့အခါပဲဖြစ်ဖြစ်၊ အထိုင်များတဲ့အခါပဲဖြစ်ဖြစ် #ခါးနာဝေဒနာ ခံစားရတတ်ပါတယ်။ လူကြီးလူငယ် အသက်အရွယ်မရွေးခံစားရတတ်တဲ့ ခါးနာဝေဒနာ ပျောက်ကင်းသက်သာဖို့အတွက် သဘာဝနည်းလမ်းကောင်းလေးတွေကို ဝေမျှပေးချင်ပါတယ်။
🔸ရှားစောင်းလက်ပတ်ဖျော်ရည်
ရှားစောင်းလက်ပတ်ဖျော်ရည် ၁၂၅ မီလီလီတာခန့်ကို နေ့စဉ်မှန်မှန်သောက်သုံးပေးလိုက်ပါ။ ဒါမှမဟုတ်ရင်လည်း ထိုရှားစောင်းလက်ပတ်ဂျယ်လ်ကို နာကျင်မှုခံစားနေရတဲ့ ခါးတစ်ဝိုက်မှာ သုတ်လိမ်းပေးလိုက်ပါ။ နေ့စဉ်မှန်မှန် လိမ်းကျံပေးမယ်ဆိုရင် ခါးနာဝေဒနာ သက်သာသွားပါလိမ့်မယ်။
🔸နာနတ်သီးဖျော်ရည်
နာနတ်သီး ၁၁၅ ဂရမ်ကို အတုံးခပ်သေးသေးလေး တုံးထားပြီးနောက် သစ်သီးဖျော်စက်ထဲ ထည့်ထားလိုက်ပါ။ ထို့နောက် ရေ ၂၅၀ မီလီလီတာကို ဖျော်စက်ထဲထည့်ပြီးနောက် ဖျော်စက်ဖွင့်ကာ မွှေပေးလိုက်ပါ။ ထိုဖျော်ရည်ကို နေ့စဉ်မှန်မှန်သောက်သုံးပေးလိုက်ပါ။ ဖျော်ရည်မသောက်ချင်သူများအနေနဲ့လည်း နာနတ်သီးကို စားသုံးပေးနိုင်ပါတယ်။
🔸ကြက်သွန်ဖြူ အသုံးပြုပါ
ကြက်သွန်ဖြူ ၁၀ မြွှာကို ညှက်နေအောင် ထောင်းပေးလိုက်ပါ။ ရရှိလာတဲ့ ကြက်သွန်ဖြူအနှစ်ကို နာကျင်နေတဲ့ ခါးတစ်ဝိုက်ပေါ်သို့ လိမ်းကျံပေးလိုက်ပါ။ ထို့နောက် တဘက်သန့်သန့်တစ်ခုဖြင့် ပတ်ထားပေးလိုက်ပါ။ ၂၅ မိနစ်၊ မိနစ် ၃၀ ခန့်ကြာတဲ့အခါမှာတော့ ရေစိုနေတဲ့အဝတ်စဖြင့် သန့်စင်ပေးလိုက်ပါ။ ဒီနည်းလမ်းအသုံးပြုမယ်ဆိုရင်တော့ အနည်းဆုံး တစ်နေ့နှစ်ကြိမ်ပြုလုပ်ပေးရပါမယ်။
နောက်ထပ်နည်းလမ်းတစ်မျိုးကတော့ မနက်မိုးလင်းတိုင်းမှာ ကြက်သွန်ဖြူ ၂ မြွှာ၊ ၃ မြွှာခန့်ကို ဝါးစားပေးရမှာပဲဖြစ်ပါတယ်။
🔸ဂျင်းလက်ဖက်ရည်နွေးနွေးလေး သောက်သုံးပါ
ရေနွေးပူ တစ်ဖန်ခွက် (၂၅၀ မီလီလီတာ)ထဲသို့ ၂ လက်မအရွယ်အစား ဂျင်းတုံးတစ်တုံးထည့်ကာ ၅ မိနစ်၊ ၁၀ မိနစ်ခန့် စိမ်ထားပေးလိုက်ပါ။ ထို့နောက် အရသာကောင်းမွန်ဖို့ရန်အတွက် ပျားရည်အနည်းငယ်ထည့်ကာ မွှေပေးလိုက်ပါ။ ရေနွေး မအေးခင်မှာ ပူပူနွေးနွေးလေး သောက်သုံးပေးခြင်းအားဖြင့် ခါးနာဝေဒနာကို ကုသပေးလိုက်ပါ။ ဒီဂျင်းလက်ဖက်ရည်ကိုတော့ တစ်နေ့ နှစ်ကြိမ်ခန့် သောက်သုံးပေးလိုက်ပါ။
Credit
