23/09/2025
မိခင်လောင်းတွေဟာ အလွန်သနားစရာကောင်းပါတယ်။
သူတို့ ခန္ဓာမှာ ဘယ်လောက်ဝေဒနာဖိစီးသည်ဖြစ်စေ သန္ဓေသားကို ညှာကြပါတယ်။
သူတို့ အအေးမိဖျားနာကြတယ်။ တုတ်ကွေးမိကြတယ်။ ကိုယ်ဝန်ဆောင်တွေမှာ virus ဝင်ရင် အနည်းနဲ့ အများပြင်းထန်တတ်သေးတယ်။
ခေါင်းကိုက်ရောဂါ migraine ကလည်း ကိုယ်ဝန်ဆောင်ခါမှ ပိုကြွတတ်သူတွေ အများအပြားရှိတယ်။
ဗိုက်ကကော့လာလို့ ခါးက နာသေးတယ်။
အကိုက်အခဲပျောက်ဆေး၊ အနာသက်သာဆေးအများစုဟာ သန္ဓေသားအတွက်ဘေးမကင်းဘူး။ အထူးသဖြင့် ကိုယ်ဝန်ဦးပိုင်းနဲ့ မွေးခါနီး ၂လ အတွင်းဆို ဘယ်လိုမှ မသုံးသင့်။
သူတို့ဝေဒနာအတွက် အားထားစရာ "ပါရာစီတမော" ကိုသာ လက်လှမ်းမီကြပါတယ်။
" ဒီတမျိုးပဲသောက်ပါ" လို့ ညွှန်းပေးရပါတယ်။
ခုတော့ "ကိုယ်ဝန်သည်တွေ ပါရာစီတမောသောက်ရင် ကလေးမှာ autism ဖြစ်နိုင်တယ်" လို့ လွယ်လင့်တကူ လျောက်ပြောသူတွေ ပေါ်လာပါပီ။
ဒါမျိုးသတင်းတွေက ပေါက်လွယ်ပါတယ်။
မိခင်လောင်းတွေ ကြောက်ပီပေါ့။
ဘာဆေးမှ မသောက်ဝံ့တော့ပဲ ကြိတ်မှိတ်ခံကြတော့မှာပေါ့။
သုတေသနတွေ အကြောင်း သိရှိနားလည်ဖို့က အရပ်သားများအဖို့ လွယ်မှာမဟုတ်ပါဘူး။
သို့ပေမယ့် သုတေသန တခုလောက်တော့ နမူနာ ပြောပြဖို့ ကြိုးစားကြည့်ပါမယ်။
ဆွီဒင်နိုင်ငံမှာ အချိန်ကာလ ၅နှစ်အတွင်းမွေးဖွားတဲ့ ကလေး ၂သန်းကျော်ကို စာရင်းပြုစုပါတယ်။ နောက်ထပ် ၃နှစ်ထပ်စောင့်ကြည့်ပါတယ်။ သုတေသနဟာ စုစုပေါင်း အချိန် ၁၀နှစ်နီးပါးကြာပါတယ်။
ကိုယ်ဝန်ဆောင်ချိန်မှာ ပါရာစီတမောသောက်ခဲ့တဲ့အဖွဲ့နဲ့၊ မသောက်တဲ့ အဖွဲ့ နှိုင်းယှဉ်စောင့်ကြည့်ကြတာပေါ့။
အဖြေက ပါရာစီတမော သောက်တဲ့ အဖွဲ့မှာ autism ကလေးမွေးလာဖို့ ဖြစ်နိင်ခြေ 0.09% မြင့်တယ်လို့ ထွက်ပါတယ်။
မပြီးသေးပါဘူး။
Autism ကလေးတွေရဲ့ မောင်နှမ သားချင်းတွေကို ဆက်လိုက်ရပါတယ်။ ပါရာစီတမောသောက်တာက တိုက်ဆိုင်မှုတခု ဖြစ်နိုင်ချေရှိတယ်မဟုတ်လား။
မျိုးဗီဇနဲ့ ပတ်ဝန်းကျင်စေ့ဆော်မှုတွေကြောင့် autism ဖြစ်နိုင်ချေကို ပြန်နှုတ်ရပါဦးမယ်။
နောက်ဆုံးအဖြေရပါပီ။
ကိုယ်ဝန်ဆောင်မိခင်များ ပါရာစီတမောသောက်သုံးခြင်းကြောင့် မွေးဖွားလာသောကလေးများတွင် autism ဖြစ်နှုန်း အမှန်တကယ် တိုးမြင့်လာသည်ဟု မတွေ့ရှိရပါ။
အသေးစိတ် စိတ်ဝင်စားသူများ မူရင်းသုတေသနကိုဖတ်ပါ။
Ahlqvist VH, Sjöqvist H, Dalman C, et al. Acetaminophen Use During Pregnancy and Children’s Risk of Autism, ADHD, and Intellectual Disability. JAMA. 2024;331(14):1205–1214. doi:10.1001/jama.2024.3172
Question Does acetaminophen use during pregnancy increase children’s risk of neurodevelopmental disorders?
Findings In this population-based study, models without sibling controls identified marginally increased risks of autism and attention-deficit/hyperactivity disorder (ADHD) associated with acetaminophen use during pregnancy. However, analyses of matched full sibling pairs found no evidence of increased risk of autism (hazard ratio, 0.98), ADHD (hazard ratio, 0.98), or intellectual disability (hazard ratio, 1.01) associated with acetaminophen use.
Sibling control analyses found no evidence that acetaminophen use during pregnancy was associated with children’s risk of autism, ADHD, or intellectual disability. This suggests that the small increase in children’s risk of neurodevelopmental disorders associated with acetaminophen use observed in statistical models without sibling control may have been due to unmeasured confounding. In addition, sibling control analyses did not identify a dose-response association between acetaminophen and neurodevelopmental disorders.
မှတ်ချက်
၁။ သားဖွားမီးယပ်ဆရာဝန်များဟာ ကိုယ်ဝန်ဆောင်မိခင်လောင်းကို ဆေးဝါးညွှန်ကြားရာတွင် အလွန်သတိရှိကြပါတယ်။ ယုံကြည်စိတ်ချစွာ ကုသမှုခံယူနိုင်ပါတယ်။ မိမိသဘောဖြင့် ဆေးဝါး အသုံးပြုခြင်းများ လျော့နိုင်လေ ကောင်းလေပါ။
၂။ ဆေးပညာရှင် မဟုတ်သူများက ဖြန့်ဝေသော ပညာပေး ဆိုသည်များကို အထူးသတိပြုပါ။
၃။ သုတေသနပေါင်း မြောက်များစွာရှိပါတယ်။ အားကောင်းတဲ့ နမူနာ တခုကိုသာ အရပ်သား နားလည်အောင် ဖေါ်ပြထားပါတယ်။
၄။ ရည်ရွယ်ချက် - မိခင်များ လိုအပ်တာထက်ပို၍ စိတ်မဖိစီးစေလို။
Crd Mu co
MEGA Health Care Training Center
