27/06/2025
🫀နှလုံးရောဂါ လက္ခဏာများ အကြောင်း🫀
နှလုံးရောဂါဟာ အသက်အရွယ်မရွေး အဖြစ်များသော ရောဂါဖြစ်ပြီး နှလုံးရောဂါကြောင့် သေဆုံးသူ လူဦးရေများလည်း မြင့်မားလာပါတယ်။
နှလုံးကြီးခြင်း၊ နှလုံးသွေးကြောကျဉ်းခြင်း၊ နှလုံးသွေး ကြောကျယ်ခြင်းနှင့် နှလုံးအဆီဖုံးခြင်းစသည့် နှလုံးနှင့်သက်ဆိုင်သော ရောဂါများဖြစ်ပွားနေသည့်အလျောက် ရောဂါအစပျိုးနိုင်မည့် လက္ခဏာ များကိုလည်း သိထားသင့်ပါတယ်။
🫀 ရင်ဘတ်အောင့်ခြင်း
ရင်ဘတ်အောင့်ခြင်းသည် နှလုံးရောဂါ၏ လက္ခဏာ တစ်ခုဖြစ်နိုင်ချေရှိပါတယ်။ သို့သော် ရင်ဘတ်အောင့်တိုင်းလည်း နှလုံးရောဂါဖြစ်နိုင်ချေ မဟုတ်သလို၊် အခြားသော လက္ခဏာအခြေအနေအမျိုးမျိုးကြောင့်လည်း ဖြစ်တတ်ပါတယ်။ ရင်ဘတ်အောင့်တာ မိနစ်ပိုင်းအတွင်း မပျောက်သွားဘဲ အဆက်မပြတ် ပိုဆိုးလာမှသာ နှလုံးရောဂါအတွက် စိုးရိမ်စရာ လက္ခဏာမျိုး ဖြစ်ပါတယ်။
🫀ရင်တလှပ်လှပ်ခုန်ခြင်း
စိတ်လှုပ်ရှားလွန်းခြင်း၊ စိတ်တုန်လှုပ်ခြင်း စသည့် လက္ခဏာများကြောင့်ဖြစ်ပြီး နှလုံးခုန်နှုန်းကို အလွန်မြင့်မားစေပါတယ်။ ပုံမှန်နှလုံးခုန်ခြင်းထက် ပိုမိုမြန်ဆန်လွန်းခြင်းဟာ ပုံမှန်မဟုတ်သော နှလုံးခုန်ခြင်းမျိုး ဖြစ်တာကြောင့် နှလုံးရောဂါရဲ့ လက္ခဏာတစ်ရပ်ထဲမှာ အပါအဝင်ဖြစ်ပါတယ်။
🫀မူးဝေခြင်း
မူးဝေခြင်းတိုင်းသည် နှလုံးရောဂါရဲ့ လက္ခဏာမဟုတ်ပါဘူး။ သွေးဖိအားကျခြင်း၊ သွေးတိုးခြင်း၊ ရေဓာတ်ခမ်းခြောက်ခြင်း၊ ဆီးချို ရောဂါ၊ သိုင်းရွိုက်ရောဂါ၊ အစာအိမ်နှင့် အူလမ်း ကြောင်းရောဂါ၊ အသည်းရောင်ရောဂါ၊ ကျောက်ကပ်ရောဂါ၊သွေးအားနည်းခြင်း၊ အာရုံကြော အားနည်းခြင်း စတာတွေကြောင့် မူးဝေအော့အန် တတ်ပါတယ်။ ဒါ့အပြင် နှလုံးသွေးကြောနှင့်ဆိုင်သော ရောဂါဖြစ်နိုင်ချေကြောင့် ခေါင်းပေါ့သလိုခံစားရကာ အခန်းလည်နေသလိုဖြစ်နေခြင်း၊ မူးဝေခြင်း၊ သတိမေ့ခြင်း စသည့်လက္ခဏာမျိုး ဖြစ်တတ်တာကြောင့် မပေါ့ဆဘဲ နီးစပ်ရာဆေးရုံ၊ ဆေးခန်းတွင် ပြသကာ တိကျတဲ့ရောဂါအဖြေ ရှာသင့်ပါတယ်။
🫀မောပန်းနွမ်းနယ်ခြင်း
လှုပ်ရှားမှုများပြုလုပ်စဉ် အလိုအလျောက် မောပန်းနွမ်းနယ်ခြင်း၊ အားအင်များ ကုန်ခမ်းနေသလို ခံစားနေရပြီး နေ့ခင်းဘက် အမြဲလိုလို အိပ်ငိုက်နေခြင်းများဟာ နှလုံးရောဂါလက္ခဏာအဖြစ် ယေဘုယျအားဖြင့် သတ်မှတ်နိုင်ပါတယ်။ ဒါ့အပြင် ညဘက်အိပ်ချိန် မမှန်ခြင်း၊ အိပ်မပျော်ခြင်းစသည့် အိပ်ချိန်နှင့်ပတ်သတ်ပြီး ပုံမှန်မဟုတ်ခြင်းဟာလည်း နှလုံးရောဂါလက္ခဏာရဲ့ အကြောင်းရင်းများ ဖြစ်ပါတယ်။
🫀အသက်ရှူမဝခြင်း
အသက်ရှုမဝခြင်းဟာ နှလုံးရောဂါလက္ခဏာများထဲတွင် အပါအဝင်ဖြစ်ပါတယ်။ စိတ်ဖိစီးမှုများခြင်း၊ အ၀လွန်ခြင်း၊ မောပန်းခြင်းကြောင့် အသက်ရှုမဝခြင်းမျိုး ဖြစ်တာဖြစ်ပါတယ်။ အသက်ရှုမဝခြင်းဟာ သွေးထဲရှိ ကာဗွန်ဒိုင်အောက်ဆိုဒ်များ နည်းသွားခြင်း ဖြစ်တာကြောင့် ထိုသို့သော ခံစားမှုမျိုး မကြာခဏ ဖြစ်လာပါက ကျန်းမာရေး စစ်ဆေးမှုများကို ခံယူသင့်ပါတယ်။
အထက်ပါ လက္ခဏာများဖြစ်လာမယ်ဆိုရင် သင့်အနေနဲ့ ကျန်းမာရေး စစ်ဆေးမှုများကို လျင်မြန်စွာ ပြုလုပ်သင့်ပါတယ်။ ဒါ့အပြင် သင်ခံစားရတဲ့ ဝေဒနာဟာ နှလုံးရောဂါမှန်း မသေချာလျှင်လည်း ဆရာ၀န်နှင့် ပြဖို့လိုအပ်ပါတယ်။ နောက်ဆက်တွဲအနေနဲ့နှလုံးရောဂါကို ဖြစ်စေတဲ့ ကိုယ်လက်လှုပ်ရှားမှု မရှိခြင်း၊ ဆေးလိပ်၊ အရက်၊ အဆီအဆိမ့်နှင့် စိတ်ဖိစီးမှုများကို လျှော့ချသင့်ကြောင်း အကြံပြုအပ်ပါတယ်။
ပဲခူးမြို့ရှိ ဒေါ်ခင်နု အထူးကုဆေးခန်းတွင် နှလုံးနှင့်ပက်သက်သော ရောဂါများကို နှလုံးအထူးကုသမားတော်ကြီး ဒေါက်တာမောင်မောင်ဌေးမှ စမ်းသပ်ကြည့်ရူ ကုသပေးလျက်ရှိပါသည်။
⭐️နှလုံးအထူးကုသမားတော်ကြီး
🔹ဒေါက်တာမောင်မောင်ဌေး
M.B, B.S, M.Med. (Int.Med), M.Med.Sc(Int.Med),
MRCP(UK), M.Acad MED (UK), Fellowship in Interventional Cardiology (Korea), (India) ရန်ကုန်မြို့။
⏰ စနေနေ့
ဆရာဝန်ကြီးဖြင့် ပြသနိုင်ရန် အောက်ပါဖုန်းနံပါတ်များသို့ ဆက်သွယ်ကာ ကြိုတင် Booking များ ရယူနိုင်ပါတယ်ရှင့်
☎️- 09 266505033, 09 266505088,
#နှလုံးရောဂါလက္ခဏာများ, #ဒေါ်ခင်နုဆေးခန်း, , , , ,
