Panditarama Sayatawgyi - ပဏ္ဍိတာရာမ ဆရာတော်ကြီး

30/04/2026

🌼 ကဆုန်လပြည့်နေ့ သည် ဗုဒ္ဓဘာသာဝင်တို့၏ နေ့ထူးနေ့မြတ်ကြီး ဖြစ်ပေသည်။
𝐏𝐀𝐍𝐃𝐈𝐓𝐀𝐑𝐀𝐌𝐀 𝐒𝐀𝐘𝐀𝐓𝐀𝐖𝐆𝐘𝐈
www.facebook.com/panditaramasayatawgyi

🔸 ဘုရားအလောင်းတော် သုမေဓာရှင်ရသေ့သည် ဤဘဒ္ဒကမ္ဘာ၌ လေးဆူမြောက်ဖြစ်သော ဂေါတမအမည်ဖြင့် ဘုရားစင်စစ် ဧကန်ဖြစ်လိမ့်မည်ဟု ဒီပင်္ကရာ မြတ်စွာဘုရားထံမှ နိယတဗျာဒိတ်ကို ကဆုန်လပြည့်နေ့တွင် ခံယူခဲ့သည်။
🔸 မဟာသက္ကရာဇ် ၆၈ ခုနှစ်၊ ကဆုန်လပြည့်နေ့တွင် ဂေါတမဘုရားအလောင်းတော် သိဒ္ဓတ္ထမင်းသားအား ဖွားမြင်တော်မူခဲ့သည်။
🔸 မဟာသက္ကရာဇ် ၁၀၃ ခုနှစ်၊ ကဆုန်လပြည့်နေ့ အရုဏ်တက်ချိန်တွင် ဂေါတမဘုရားအလောင်းတော်သည် သဗ္ဗညုတဉာဏ်တော်ကို ရရှိ၍ ဘုရားဖြစ်တော်မူခဲ့သည်။
🔸 မဟာသက္ကရာဇ် ၁၄၈ ခုနှစ်၊ ကဆုန်လပြည့်နေ့တွင် မလ္လာမင်းတို့၏ အင်ကြင်းဥယျာဉ်၌ ဘုရားရှင် ပရိနိဗ္ဗာန် စံဝင်တော်မူခဲ့သည်။

ဤသို့ ထူးခြားချက် (၄) ရပ်နှင့် ပြည့်စုံသဖြင့် ဗုဒ္ဓဘာသာဝင်အပေါင်းတို့က ကဆုန်လပြည့်နေ့အား ဘုရားနေ့ဟု သတ်မှတ်ခဲ့ကြသည်။ ဘုရားရှင်သည် ဤနေ့ဤအခါ၌ သဗ္ဗညုတရွှေဉာဏ်တော်ကို ရတော်မူရန်အတွက် ဗောဓိပင်အား အမှီပြု၍ တရားအားထုတ်တော်မူခဲ့သည်။ ထို့ကြောင့် ဗုဒ္ဓဘာသာဝင်တို့သည် ဗောဓိပင်အား ရေသွန်းလောင်းခြင်းစသော ကုသိုလ်ကောင်းမှုတို့ကို ပြုလုပ်ကြသည်။

𝐏𝐀𝐍𝐃𝐈𝐓𝐀𝐑𝐀𝐌𝐀 𝐒𝐀𝐘𝐀𝐓𝐀𝐖𝐆𝐘𝐈
www.facebook.com/panditaramasayatawgyi

15/04/2026

🌼 ပဏ္ဍိတာရာမ ဆရာ‌တော်ဘုရားကြီး စံလွန်တော်မူ (၁၀)နှစ် ပြည့်ခဲ့ပါပြီ။ ဆရာတော်ကြီးရဲ့ "ပေါ်ရာအာရုံကိုသာ ရှုမှတ်ပါ" ဆိုတဲ့ တရားစကားဟာ အရမ်းကို ပြည့်စုံလွန်းလှပါတယ် ဆရာတော်ကြီး ဘုရား။ အာရုံတွေနောက်ကို လိုက်ပါမျောပါသွားရင် အာရုံအမှားတွေခေါ်ရာ လမ်းအမှားကို ရောက်သွားနိုင်တာတွေကိုလည်း သတိပြုမိပါတယ် ဆရာတော်ကြီး ဘုရား။

🌸 "ကြားတာတွေကို မှတ်၊ မြင်တာတွေကို မှတ်၊ စိတ်ကူးကြံစည်တာတွေကို မှတ်၊ အနံ့ရတာတွေကို မှတ်၊ သိတာတွေကို မှတ်၊ ဝေဒနာတွေကိုလည်း မှတ်၊ ဒုက္ခဖြစ်ဖြစ် သုခဖြစ်ဖြစ် အကုန်မှတ်၊ အထိအတွေ့တွေကိုလည်း မှတ်၊ ပစ္စုပ္ပန်တည့်တည့်ရှုပြီး ပေါ်ရာအကုန် ရှုမှတ်မှသာ လောကရဲ့ဒဏ်တွေကို ကြံ့ကြံ့ခံနိုင်ပြီး လမ်းမှန်ရောက်နိုင်မယ်" ဆိုတဲ့ ဆရာတော်ကြီးရဲ့ တရားတွေကို ပြန်လည်ကြားနာ အမှတ်ရရင်း ဆရာတော်ဘုရားကြီးရဲ့ ဂုဏ်ကျေးဇူးတွေကို ရှိခိုးကန်တော့လိုက်ရပါတယ် ဆရာတော်ကြီး ဘုရား။ 🙏🏻🙏🏻🙏🏻

www.facebook.com/panditaramasayatawgyi

April 16, 2026.

09/02/2026

🌷 (၃)နှစ်ပြည့်ခဲ့ပြီ။

🍂 ဆရာတော်အရှင်သုနန္ဒ(မြစ်သား) - သက်တော်(၄၁)နှစ်၊ ၀ါတော်(၂၁)နှစ်၊ သာသနဓဇဓမ္မာစရိယ (M.A Sirilanka) သည် ၂၀၂၃ ခုနှစ်၊ ဖေဖော်ဝါရီလ (၉)ရက်နေ့၊ ဘန်‌ကောက်စံတော်ချိန် နံနက် (၁၀.၅၉) မိနစ်အချိန်၌ ထိုင်းနိုင်ငံ၊ ဘန်ကောက်မြို့၊ ပါအိုလိုဆေးရုံတွင် ဆေးကုသမှုခံယူရင်း ဘဝနတ်ထံ ပျံလွန်တော်မူပါသည်။

Panditarama Sayatawgyi - ပဏ္ဍိတာရာမ ဆရာတော်ကြီး

စာရေးသူနဲ့ အမှတ်တရတွေများစွာ ရှိခဲ့သော ဆရာတော်တစ်ပါးဖြစ်ပါတယ်၊ အမှတ်တရများဆို စာရေးသူရဲ့ လက်ဦးကမ္မဌာနာစရိယဆရာတော် ဖြစ်တဲ့ အရှင်သုနန္ဒဟာ ပဏ္ဍိတာရာမဆရာတော်ကြီးရဲ့ အနီးကပ်တပည့်ရင်းဖြစ်သလို (၂၀၁၀ ခုနှစ်ဝန်းကျင်) စာရေးသူ စတင်တရားအားထုတ်ခဲ့စဉ် ရွှေတောင်ကုန်းပဏ္ဍိတာရာမ တရားရိပ်သာရဲ့ တရားပြဆရာတော်တစ်ပါးလည်း ဖြစ်ပါတယ်။ ပဏ္ဍိတာရာမဆရာတော်ကြီး အားကိုးရတဲ့ လက်ရုံးဖြစ်တဲ့အပြင် စကားကိုလည်း ပြတ်ပြတ်သားသားပြောတတ်တဲ့ အကျင့်ရှိသူတစ်ဦးလည်း ဖြစ်ပါတယ်။

တရားအားထုတ်ခါစယောဂီတို့ရဲ့ ထုံးစံအတိုင်း ကနဦးမှာ တရားစခန်းကို အိမ်ဦးနဲ့ကြမ်းပြင်လို ဝင်လိုက်ထွက်လိုက်ဖြစ်မယ့်အစ ပထမဆုံးအကြိမ်မှာကိုပဲ ဆရာတော်အရှင်သုနန္ဒနဲ့ ဆုံခဲ့ရတယ်၊ ဆရာတော်ဟာ စာရေးသူရဲ့ အကိုကြီးအရွယ်ပဲရှိမယ်လို့ ထင်ပါတယ်၊ ဆရာတော်ဟာ ငယ်ရွယ်သူပီပီ ခုမှအားထုတ်ခါစ ဂယောင်ချောက်ခြားဖြစ်နေတဲ့ စာရေးသူကို အတော်များများနားလည်ပေးပြီး တရားဘက်ပါလာအောင် ချော့တစ်ခါ ခြောက်တစ်လှည့် သိမ်းသွင်းနိုင်သူပါ။

"မောင်--- " ရောက်လာပြန်ပြီလားကွဆိုတဲ့ စကားသံကို ကြားရရင် တရားစခန်းကို ဘယ်နှစ်ကြိမ်လောက် ဝင်လိုက်ထွက်လိုက် လုပ်နေသလဲ စာဖတ်သူတို့ ရိပ်စားမိမယ်ထင်ပါတယ်၊ ရောက်လာတိုင်းလည်း နွေးနွေးထွေးထွေးကြိုဆိုဖေးမပါတယ်၊ သင်ပြညွှန်ကြားပါတယ်၊ ဆရာတော်ဟာ စကားကို ပြတ်ပြတ်သားသားပြောတတ်ပေမယ့် မာန်မာနမရှိပါ၊ တရားစခန်းက ထွက်ပြီဆိုရင် ပြန်ခါနီးကျ ဆရာတော်က သူသိချင်တာတွေ မသိတာတွေကို စာရေးသူကို မေးလေ့ရှိပါတယ်၊ သာသနာအတွက် အထောက်အကူဖြစ်မယ့် Computer နဲ့ပက်သတ်တာဖြစ်စေ အခြားအကြောင်းအရာဖြစ်စေ မေးလေ့ရှိပါတယ်၊ တခြားပြင်ပအကြောင်းအရာတွေတော့ ပြောလေ့မရှိပါ။

တစ်ခါ ယောဂီတွေကို ဆရာတော်အရှင်သုနန္ဒ တရားစစ်တော့ စာရေးသူရဲ့ မိတ်ဆွေရော စာရေးသူရော (၅)ယောက်လောက်ရှိပါမယ်၊ စာရေးသူရဲ့မိတ်ဆွေက ရှေ့နေပါ၊ ရှေ့နေပီပီ စကားကလည်းတတ် စာဖတ်အားကလည်းကောင်းဆိုတော့ တရားလျှောက်တဲ့အချိန်မှာ ဆရာတော်အရှင်သုနန္ဒကို သူဖတ်ထားတဲ့ စာအုပ်တွေထဲကအတိုင်း လျှောက်ပါတော့တယ်၊ အဲ့ဒီအခါ ဆရာတော်လည်း "ဦးဇင်းကို စာတွေဖတ်မပြပါနဲ့ ယောဂီ၊ မြင်တာသိတာကို မြင်တဲ့သိတဲ့အတိုင်း ရိုးသားစွာလျှောက်ပါ" လို့ ပြန်မိန့်ပါတယ်၊ ဆရာတော်ဟာ စာပေအရာမှာလည်း နှံ့စပ်ကျွမ်းကျင်ပါတယ်၊ ဘယ်လောက်အပြောကောင်းကောင်း ဆရာတော်ဟာ တကယ်အလုပ်လုပ်လားမလုပ်လား ကောင်းစွာသိပါတယ်၊ အခုတော့ အဲ့ဒီမိတ်ဆွေရှေ့နေ့လည်း ဆုံးသွားတာ (၃)နှစ်ကျော်ပါပြီ။

ဆရာတော် ရွှေတောင်ကုန်းပဏ္ဍိတာရာမမှာ သီတင်းမသုံးတော့ပေမယ့်လည်း ဆရာတော်နဲ့အဆက်အသွယ်မပြတ်ဘဲ အမြဲသာကြောင်းမာကြောင်း Phone/Message အဆက်အသွယ်ရှိနေခဲ့ပြီး "မောင်--- တို့လှူတိုင်း အမြဲဝမ်းသာအားရရှိကြောင်း" အမြဲမိန့်တတ်သလို ညီလိုသားလိုတပည့်လိုလည်း ဆုံးမစကားဆိုတတ်ပါတယ်။

ခုတော့ ဆရာတော်အရှင်သုနန္ဒလည်း ငယ်ငယ်ရွယ်ရွယ်နဲ့ ပျံလွန်တော်မူလေပြီ၊ ‌ကောင်းရာမွန်ရာကိုသာ အမြဲ ဟောပြောညွှန်ကြားတတ်ပြီး ဝိပဿနာတရားတွေကို စဉ်ဆက်မပြတ်အားထုတ်၊ သတိအမြဲကြီးတဲ့ ဆရာတော်အရှင်သုနန္ဒ ကောင်းရာမွန်ရာကို သေချာရောက်မှာပါ။ ဆရာတော်ရဲ့အပေါ်မှာ ကာယကံ၊ ဝဇီကံ၊ မနေကံ ကံသုံးပါးတို့ဖြင့် သိ၍ဖြစ်စေ မသိ၍ဖြစ်စေ ပစ်မှားကျူးလွန်ခဲ့မိသည်များ ရှိသော် ဝန်ချတောင်းပန်ရှိခိုး ကန်တော့ပါတယ် ဆရာတော်အရှင်သုနန္ဒဘုရား။

ပုထုစဉ်တွေအတွက်ကတော့ မနက်ဖန်ဆိုတာ မသေချာပေမယ့် နောက်ဘဝကတော့ သေချာနေပါသေးတယ်။

Panditarama Sayatawgyi - ပဏ္ဍိတာရာမ ဆရာတော်ကြီး

20/01/2026

🌷 ပဏ္ဍိတာရာမ ဆယ်မိုင်ကုန်း တောစခန်းရိပ်သာ

🔸 ပဏ္ဍိတာရာမဆရာတော်ဘုရားကြီးရဲ့ ကြီးမားတဲ့မေတ္တာတွေ ခြုံလွှမ်းထားတဲ့ နေရာ။
🔸 ယောဂီ သူတော်ကောင်းများ ခေတ္တနားခိုခွင့်ရတဲ့နေရာ။
🔸 ယောဂီများ တရားအားထုတ်မှု အဆင်ပြေစေရန် ဆရာတော်များ၊ ဝန်ဆောင်ရဟန်းများ၊ ဆရာကြီးဆရာလေးများနှင့် ဝေယျာဝစ္စမိသားစုများမှ စောင့်ရှောက်ပေးသောနေရာ။
🔸 အေးချမ်းတိတ်ဆိတ်ပြီး တရားအားထုတ်ရန် သင့်တင့်မျှတတဲ့ နေရာ။

🌳 Panditarama Forest Meditation Center
January 19, 2026 (Photos)

16/01/2026

🌷 အနန္တကျေးဇူးတော်ရှင် ပဏ္ဍိတာရာမ ရွှေတောင်ကုန်းဆရာတော်ဘုရားကြီး၏ ကျေးဇူးဂုဏ် ထုတ်ဖော်ပူဇော်ပွဲနှင့် သောဠသမ (၁၆)ကြိမ်မြောက် ဝိညူ သဗြဟ္မစာရီ ဓမ္မမိသားစု ဆုံစည်းပွဲ ဖိတ်ကြားလွှာ

03/12/2025

🌼 သံလွင်လမ်း၊ ဗဟန်းမြို့နယ်၊ ရန်ကုန်မြို့ရှိ ပဏ္ဍိတာရာမ ရွှေတောင်ကုန်း သာသနာ့ရိပ်သာကြီးမှာ ဝိပဿနာတရားအားထုတ်ဖူးတဲ့ ရဟန်းတော်များ၊ ဆရာလေးများနှင့် ယောဂီသူတော်စင်များ အမှတ်ရစရာ နေရာများ

December 1, 2025.

03/12/2025

🏵️ ပဏ္ဍိတာရာမ ရွှေတောင်ကုန်း သာသနာ့ရိပ်သာ (ဗဟန်း၊ ရန်ကုန်)ရှိ ရဟန်း‌တော်များ၊ ဆရာလေးများ၊ ယောဂီ(အမျိုးသား၊ အမျိုးသမီး)တို့ မနက် 3am မှ ည 9pm အထိ ရုပ်နာမ်ဖြစ်ပျက်တရားများအား မပြတ်ရှုမှတ်အားထုတ်ရာ ဓမ္မာရုံ။

December 1, 2025.

03/12/2025

🌷 ပဏ္ဍိတာရာမ ဆရာတော်ဘုရားကြီး သက်တော်ထင်ရှားရှိခဲ့စဉ် ပဏ္ဍိတာရာမ ရွှေတောင်ကုန်း သာသနာ့ရိပ်သာ(ဗဟန်း၊ ရန်ကုန်)၌ သီတင်းသုံးခဲ့သော အဆောင်။

December 1, 2025.

01/10/2025

🏵️ နမော တဿဘဂဝတော
အရဟတော သမ္မာသမ္ဗုဒ္ဓဿ

🔸 "ဦးပဏ္ဍိတဟာ တောစခန်းမှာ သာသနာပိုင်ဖြစ်အောင် ပြုလုပ်နေတာ၊ သိပ်ကောင်းတာပဲ" ဆိုပြီး ရွှေဥမင် ဆရာတော်ဘုရားကြီးဟာ ပဏ္ဍိတာရာမ ဆရာတော်ဘုရားကြီးကို မိန့်တော်မူခဲ့ပါတယ်။

🔸 ထို့အတူ ပဏ္ဍိတာရာမ ဆရာတော်ဘုရားကြီးသည် ၎င်းထံချဉ်းကပ်လာကြသော ရဟန်းရှင်လူအပေါင်းတို့ကိုလည်း "မြတ်စွာဘုရား အလိုတော်နှင့်အညီ ကိုယ့်ရဲ့နှလုံးသားထဲမှာ ဓမ္မစေတီတည်သွားပြီးတော့ စိတ်ချနိုင်လောက်တဲ့အထိ သာသနာပိုင်ဖြစ်အောင်၊ ကိုယ်ပိုင်သာနာဖြစ်အောင် ကြိုးစားအားထုတ်ကြပါ"ဟု မိန့်မှာတော်မူခဲ့ပါသည်။

🌷 Panditarama Sayatawgyi
#ပဏ္ဍိတာရာမ #ပဏ္ဍိတဘိဝံသ
#ပဏ္ဍိတာရာမဆရာတော်ကြီး
October 1, 2025

21/07/2025

🥀 ဘီးလင်းဆရာတော်ကြီး၏ ရုပ်ကလာပ်အား ရန်ကုန်ရွှေတောင်ကုန်းကျောင်းမှ ပဲခူးဆယ်မိုင်ကုန်းကျောင်းသို့ ပြောင်းရွှေ့အပူဇော်ခံ (Live, Repost)