https://www.bcaremedicalcenter.com/

B.Care Medical Center Hospital - Myanmar, 29 Moo 6 Phahonyothin Road, Sai Mai, Bangkok (2025)

30/05/2025

ဆီးပူညောင်းကျရောဂါဆိုတာ လိင်မှတစ်ဆင့် ကူးစက်တတ်တဲ့ ရောဂါတစ်မျိုးဖြစ်ပါတယ်။

ဆီးပူညောင်းကျရောဂါ ဖြစ်လာပြီဆိုရင် အမျိုးသားတွေမှာ …
👦 ဆီးသွားနေစဥ် ပူလောင်ခြင်းကို ခံစားရခြင်း၊
👦 လိင်အင်္ဂါမှ အဖြူရောင် (သို့) အဝါရောင် (သို့) အစိမ်းရောင် အရည်ဆင်းခြင်း၊
👦 ဝှေးစေ့များ ‌ရောင်ရမ်းခြင်း၊ နာကျင်ခြင်း စတဲ့ လက္ခဏာတွေကို ခံစားရတတ်ပါတယ်။

အမျိုးသမီးတွေမှာဆိုရင်တော့ …
👧 ဆီးသွားတဲ့အခါ နာကျင်ခြင်း၊
👧 ဓမ္မတာလာချိန်မဟုတ်ဘဲ သွေးဆင်းခြင်း၊
👧 တင်ပါးဆုံအတွင်းပိုင်း (သို့) ဝမ်းဗိုက်မှ နာကျင်ခြင်း စတဲ့လက္ခဏာတွေ ကြုံတွေ့ရတတ်ပါတယ်။

ဒီလက္ခဏာတွေကို ခံစားရပြီဆိုရင်တော့ ဆရာဝန်နဲ့ပြသပြီး ဆရာဝန်ညွှန်ကြားတဲ့ဆေးတွေကို ဆေးပတ်လည်အောင် သောက်သုံးခြင်းဖြင့် အရှင်းပျောက်ကင်းနိုင်ပါတယ်။ 💊

ဆီးပူညောင်းကျရောဂါမဖြစ်အောင် ကြိုတင်ကာကွယ်နိုင်တဲ့ နည်းလမ်းတွေကတော့ …
🔸 လိင်ဆက်ဆံတဲ့အခါ ကွန်ဒုံးသုံးပါ။
🔸 Partner အသစ် ဒါမှမဟုတ် Partner များစွာနဲ့ လိင်ဆက်ဆံသူဆိုရင် ဆီးပူညောင်းကျရောဂါစစ်ဆေးခြင်း ပုံမှန်ပြုလုပ်ပါ။
🔸 ဆီးပူညောင်းကျရောဂါ လက္ခဏာရှိသူနဲ့ လိင်ဆက်ဆံခြင်းကို ရှောင်ပါ။
🔸 တစ်ဦးတစ်ယောက်မှာ ဆီးပူညောင်းကျရောဂါဖြစ်ပွားနေပြီဆိုရင် ကိုယ့်ရဲ့ Partner ပါ ကုသမှု ခံယူဖို့ လိုအပ်ပါတယ်နော်။

ဆီးပူညောင်းကျရောဂါဟာ စောစီးစွာ သိမယ်ဆိုရင် အလျင်အမြန်ပဲ ပျောက်ကင်းအောင် ကုသနိုင်တာကြောင့် ဖြစ်လာခဲ့မယ်ဆိုရင် ဆရာဝန်နဲ့ အမြန်ဆုံး ပြသကြဖို့ အကြံပေးချင်ပါတယ်။ ❗

#ဆီးပူညောင်းကျရောဂါ

26/05/2025

🏥 B.Care Medical Center ဟာ ကျန်းမာရေး ပြဿနာအမျိုးမျိုးကို တစ်နေရာတည်းမှာ ပျောက်ကင်းအောင် ကုသမှုပေးနေတဲ့ နေရာတစ်ခုဖြစ်ပါတယ်။

ကုသမှုတိုင်းအတွက် စျေးနှုန်းသင့်တင့်အောင် စီစဥ်ပေးထားတဲ့အပြင် လူနာတိုင်း အဆင်ပြေစေဖို့အတွက် အလျင်းသင့်ရင် သင့်သလို ပုံမှန်စျေးနှုန်းထက် များစွာသက်သာတဲ့ ကျန်းမာရေးစောင့်ရှောက်ကုသမှု Package တွေကိုလည်း စီစဥ်ပေးထားပါတယ်နော်။ ❤️‍🩹

လာရောက်ကုသမှုခံယူသူတိုင်းအတွက် အပိုကုန်ကျစရိတ်တွေမရှိဘဲ နွေးထွေးပျူငှာတဲ့ ဂရုစိုက်မှုတွေ၊ ကျွမ်းကျင်တဲ့ ကုသမှုတွေကို ပေးစွမ်းရင်း ရောဂါတိုင်း ပျောက်ကင်းသက်သာအောင် စွမ်းဆောင်ပေးချင်တာ B.Care Medical Center Hospital ရဲ့ ရည်ရွယ်ချက်ပါ။ 🤗

ဒ့ါကြောင့် ကျန်းမာရေးအတွက်ဆို အစစအရာရာ စိတ်ချမ်းသာချင်ရင် B.Care Medical Center Hospital ကိုသာ အရောက်လာခဲ့ကြဖို့ ဖိတ်ခေါ်လိုက်ပါတယ်နော်။ 🥰

23/05/2025

သည်းခြေဆိုတာ အသည်းရဲ့ အောက်ခြေမှာရှိတဲ့ အဆီတွေကို အဓိက ခြေဖျက်ပေးတဲ့ ကိုယ်တွင်းအင်္ဂါတစ်ခုဖြစ်ပါတယ်။

ဒါ့ကြောင့် သည်းခြေအိတ်မှာ သည်းခြေကျောက်တည်တဲ့အခါ ဇီဝကမ္မဖြစ်စဥ်တွေကို ကမောက်ကမဖြစ်စေပြီး ဆိုးရွားတဲ့ နောက်ဆက်တွဲ ကျန်းမာရေး ပြဿနာတွေကို ကြုံတွေ့ရနိုင်တာကြောင့် အချိန်မီ ကုသမှု ခံယူဖို့ လိုအပ်တယ်နော်။ ❗

♦️ အဝလွန်တဲ့အခါ …
♦️ ကိုယ်အလေးချိန်ရုတ်တရက် ကျဆင်းသွားတဲ့အခါ …
♦️ ကိုယ်ဝန်‌ဆောင်ချိန် ဟော်မုန်းအပြောင်းအလဲတွေ များတဲ့အခါ …
♦️ သွေးပေါင်ချိန် မြင့်လွန်းတဲ့ ဆီးချိုရောဂါသည်တွေမှာ …
♦️ သည်းခြေကျောက်တည်ဖူးတဲ့ မျိုးရိုးရှိတဲ့အခါတွေမှာ သည်းခြေကျောက်တည်ခြင်း ဖြစ်နိုင်ချေ မြင့်မားပါတယ်။

▪️ ညာဘက်ဝမ်းဗိုက်အပေါ်ပိုင်း (သို့) နောက်ကျောဘက်တွင် ရုတ်တရက် စူးစူးရှရှနာကျင်ခြင်း၊
▪️ အဆီများတဲ့ အစားအစာတွေ စားပြီးနောက်မှာ ပျို့အန်ခြင်း၊
▪️ လေပွခြင်း (သို့) အစာမကြေခြင်း စတဲ့ လက္ခဏာတွေကို မကြာခဏကြုံတွေ့ရမယ်ဆိုရင် သည်းခြေကျောက်တည်ခြင်း ဖြစ်နိုင်တဲ့အတွက် အမြန်စစ်ဆေးဖို့ လိုအပ်ပါတယ်။

သည်းခြေကျောက်တည်ခြင်းက တစ်ခါတစ်ရံမှာ ဆေးသောက်ရုံနဲ့လည်း ပျောက်ကင်းနိုင်သလို၊ တစ်ခါတစ်ရံမှာ ခွဲစိတ်ကုသမှ ပျောက်ကင်းသွားတတ်ပါတယ်။ ဘယ်လိုပဲဖြစ်စေ အချိန်မီသိပြီး အမြန်ဆုံး ပျောက်ကင်းအောင် ကုသနိုင်မယ်ဆိုရင်တော့ အကောင်းဆုံးပါပဲနော်။ 🥰

#သည်းခြေကျောက်တည်ခြင်း

19/05/2025

အူကျခြင်းဆိုတာ ကိုယ်တွင်းအင်္ဂါတစ်ခု (သို့) တစ်ရှူးတစ်ခုကို ထိန်းပေးထားတဲ့ ကြွက်သားအားနည်းလာတဲ့အခါ ထိုကိုယ်တွင်းအင်္ဂါ (သို့) တစ်ရှူးက နေရာမှန်မှာ မရှိတော့ဘဲ ဖောထွက်လာခြင်းကို ခေါ်ပါတယ်။

အစပိုင်းမှာတော့ သတိမူစရာမလိုတဲ့လက္ခဏာတစ်ခုလို့ ထင်ရပေမယ့် မကုသဘဲထားမယ်ဆိုရင်တော့ ပြင်းထန်တဲ့ နောက်ဆက်တွဲပြဿနာတွေကို ခံစားရနိုင်တယ်နော်။

အူကျခြင်းဖြစ်နေတယ်လို့ သိစေနိုင်တဲ့ လက္ခဏာတွေကတော့ …
▪️ ဝမ်းဗိုက် (သို့) ပေါင်းခြံအနီးက အရေပြားအောက်တွင် ဖောင်းထွက်နေသော အလုံးတစ်ခုရှိခြင်း၊
▪️ ခန္ဓာကိုယ်ကို ကုန်းလိုက်ချိန်၊ ပစ္စည်းတစ်ခုခုမချိန်၊ ချောင်းဆိုးလိုက်ချိန်တွေမှာ နာကျင်မှုကို ခံစားရခြင်း၊
▪️ ဝမ်းဗိုက်တွင် ဖိအားတစ်ခုရှိနေခြင်း (သို့) အားနည်းခြင်း (သို့) လေးလံခြင်း တစ်မျိုးမျိုးကို ခံစားနေရခြင်း၊
▪️ ဖောင်းထွက်နေသောနေရာတွင် ပူလောင်ခြင်း၊ ကိုက်ခဲခြင်းကို ခံစားရခြင်း၊
▪️ အစာပြန်ဆန်တက်ခြင်း (သို့) ရင်ဘတ်အောင့်ခြင်းတို့ကို ခံစားရခြင်း စတာတွေ ဖြစ်ပေါ်နိုင်ပါတယ်။

အူကျခြင်း ဘာကြောင့် ဖြစ်လဲဆိုရင် …
🔸 အလေးအပင်တွေကို ပုံစံမမှန်ဘဲ မခြင်း၊
🔸 နာတာရှည်ဝမ်းချုပ်ခြင်း (သို့) ဝမ်းသွားတဲ့အခါ အလွန်အားစိုက်ညှစ်ရခြင်း၊
🔸 အချိန်ကြာရှည်စွာ ချောင်းဆိုး၊ နှာချေခြင်း၊
🔸 ကိုယ်ဝန်ဆောင်ခြင်း (သို့) အဝလွန်ခြင်း၊
🔸 ယခင်ခွဲစိတ်မှုဒဏ်ရာ (သို့) မွေးရာပါ ကြွက်သားအားနည်းခြင်း စတဲ့ အကြောင်းအရာတွေကြောင့် အူကျခြင်း ဖြစ်ပေါ်ရတာပါ။

အူကျခြင်းလက္ခဏာတွေကို ကြုံတွေ့ရပြီဆိုတာနဲ့ အချိန်မဆွဲဘဲ အမြန်ဆုံး ကျွမ်းကျင်ဆရာဝန်နဲ့ ပြသကြဖို့ အကြံပေးပါရစေ။ အချိန်နှောင်းသွားတဲ့အခါ မလိုအပ်တဲ့ နောက်ဆက်တွဲ ပြဿနာတွေကိုပါ ကြုံတွေ့ရနိုင်တာကြောင့် လျစ်လျူမရှုဘဲ ဂရုတစိုက်ကုသကြဖို့ ထပ်မံ တိုက်တွန်းလိုက်ပါတယ်နော်။ 🥰

#အူကျခြင်း

16/05/2025

🥵 အပူလျှပ်ခြင်းဟာ အသက်သေဆုံးသည်အထိ အန္တရာယ်ဖြစ်စေနိုင်ကြောင်းကို အသေးစိတ်ပြောပြထားပြီးပါပြီ။

ကြိုတင်ကာကွယ်ခြင်းဟာ ကုသခြင်းထက် ပိုမိုကောင်းမွန်တာကြောင့် အပူလျှပ်ခြင်းမဖြစ်အောင် အောက်ပါနည်းလမ်းတွေနဲ့ ကြိုတင်ကာကွယ်ကြရအောင်နော်။

🥛 တစ်နေ့ကို ရေ (၃) လီတာခန့် သောက်သုံးပေးပါ။
☀️ နေပြင်းချိန်မှာ နေရောင်ခြည်နဲ့ တိုက်ရိုက်ထိတွေ့ခြင်းကို ရှောင်ပါ။
👗 ပေါ့ပါးပြီး အရောင်ဖျော့သော အဝတ်အစားများကိုသာ ဝတ်ဆင်ပါ။
☂️ အပြင်သွားတိုင်း ထီး၊ ဦးထုပ်၊ နေကာမျက်မှန်တို့ ဝတ်ဆင်ပြီး SPF 30 အနည်းဆုံးပါဝင်သော Sunscreen လိမ်းဖို့လည်း မမေ့ပါနဲ့။
🚫 အလွန်ပူပြင်းချိန်မှာ ပြင်းထန်သော ကိုယ်လက်လှုပ်ရှားမှုများ မပြုလုပ်ပါနဲ့။

ရာသီဥတုပူပြင်းချိန်မှာ ဒီနည်းလမ်းတွေအတိုင်း နေထိုင်မယ်ဆိုရင်တော့ အပူလျှပ်ခြင်းမဖြစ်အောင် အပြည့်အဝကာကွယ်နိုင်မယ်ဆိုတာ သေချာပါတယ်နော်။ 🥰

13/05/2025

အခုလို အလွန်ပူပြင်းတဲ့ နွေရာသီမှာ အပူလျှပ်ခြင်း မဖြစ်အောင် အထူးဂရုပြုရပါမယ်။ ❗

☀️ ရာသီဥတုပူပြင်းမှုကြောင့် ခန္ဓာကိုယ်အပူချိန် 40°C ထက်ကျော်လွန်တဲ့အခါ အပူလျှပ်ခြင်း ဖြစ်ပေါ်တတ်ပါတယ်။ ခန္ဓာကိုယ်မှာ ရေဓာတ်ခမ်းခြောက်လာတဲ့အခါ ပြင်ပကလာတဲ့ အပူတွေကို မလျှော့ချနိုင်တော့ဘဲ အပူလျှပ်ခြင်းကို ဦးတည်စေပါတယ်။

🙍‍♂️ အလွန်ပူပြင်းတဲ့ ရာသီဥတုမှာ ပြင်းထန်တဲ့ ကိုယ်လက်လှုပ်ရှားမှုကို ပြုလုပ်သူတွေ၊
🙍‍♂️ အလွန်ပူပြင်းတဲ့ ဒေသတွေမှာနေထိုင်ပြီး ရေဓာတ်အလုံအလောက်မရရှိသူတွေဟာ အပူလျှပ်ခြင်းကို အများဆုံး ကြုံတွေ့ကြပါတယ်။

အပူလျှပ်ခြင်း ဖြစ်ပေါ်တဲ့အခါ …
♦️ ချွေးမထွက်ဘဲ ခန္ဓာကိုယ်တစ်ပြင်လုံး ခြစ်ခြစ်တောက်ပူကာ အရေပြားတွေ နီးမြန်းနေမယ်။
♦️ ပင်ပန်းနွမ်းနယ်ပြီး အသက်ရှူမြန်နေမယ်။
♦️ ပြင်းထန်တဲ့အခါ တက်ခြင်း၊ သတိမေ့မြောခြင်းတွေအထိ ဖြစ်နိုင်ပါတယ်။

ဒါ့ကြောင့် ဒီလို လက္ခဏာတွေ ကြုံတွေ့နေရပြီဆိုရင် …
🥛 အရင်ဆုံး ရေများများသောက်ပါ။
🌳 အရိပ်ရပြီး လေဝင်လေထွက်ကောင်းတဲ့နေရာမှာ အနားယူပါ။
💦 အဝတ်အစားတွေကို ချွတ်ပြီး ရေပတ်တိုက်ပေးပါ။
🏥 ဒီလို ရှေးဦးပြုစုမှုတွေ ပြုလုပ်ပြီးပြီဆိုရင်တော့ နီးစပ်ရာ ဆေးရုံ၊ ဆေးခန်းကို အမြန်ဆုံးခေါ်ဆောင်သွားပေးပါ။

အပူလျှပ်ခြင်းကြောင့် အသက်သေဆုံးမှုတွေ နှစ်စဥ်နှစ်တိုင်း ဖြစ်ပေါ်နေတာကြောင့် လုံးဝ မပေါ့ဆကြဖို့ သတိပေးလိုက်ပါတယ်နော်။ ❗

29/04/2025

☀️ နွေရာသီရဲ့ ပူပြင်းမှုကို ရင်ဆိုင်ရမယ့်အချိန် ရောက်ရှိလို့လာပြန်ပါပြီ။

အလွန်ပြင်းလှတဲ့ အပူရှိန်ကြောင့် အပူလျှပ်ခြင်း၊ ရေဓာတ်ခမ်းခြောက်ခြင်း၊ နေလောင်ခြင်းတွေ များစွာ ကြုံတွေ့ကြပြီး အသက်ဆုံးရှုံးတဲ့အထိ ဖြစ်ပွားနိုင်တာကြောင့် သတိချပ်စရာ ဆောင်ရန်၊ ရှောင်ရန်လေးတွေကို ပြောပြပေးချင်ပါတယ်။ ❕

🥛 ခန္ဓာကိုယ်ကို ရေဓာတ်ပြည့်ဝနေအောင် ရေများများသောက်ပါ။

☂️ အပြင်သွားတဲ့အခါ ပေါ့ပါးချောင်ချိတဲ့ အဝတ်အစားတွေ၊ အရောင်ဖျော့တဲ့ အဝတ်အစားတွေကို ဝတ်ဆင်ပြီး ဦးထုပ်နဲ့ ထီးကို ဆောင်းပါ။

🧴 နေလောင်ဒဏ်မှ ကာကွယ်နိုင်‌အောင် အနည်းဆုံး SPF 30 ပါဝင်တဲ့ Sunscreen ကို လိမ်းသွားပါ။

🚫 မနက် (၁၀) နာရီမှ ညနေ (၄) နာရီအတွင်း ပြင်းထန်တဲ့ Outdoor Activities တွေ ပြုလုပ်ခြင်းကို ရှောင်ပါ။

🍉 ဖရဲသီး၊ သခွားသီး၊ လိမ္မောသီးတို့လို အရည်ရွှမ်းတဲ့ အသီးတွေကို များများစားပေးပါ။

🪭 ခန္ဓာကိုယ် အပူချိန် လျော့ကျဖို့အတွက် ပန်ကာ၊ aircon တို့ကို အသုံးပြုပါ။

❗မူးဝေခြင်း၊ ချွေးထွက်လွန်ခြင်း၊ ပျို့အန်ခြင်း၊ ကြွက်သားနာကျင်ခြင်း၊ မူးမေ့ခြင်းတို့ ကြုံတွေ့ရပါက အရိပ်ရှိရာကို အမြန်သွားပြီး ရေသောက်ခြင်း၊ အေးမြတဲ့အချိန်ထိ အနားယူခြင်းတို့ ပြုလုပ်ပေးရပါမယ်။

နွေရာသီရဲ့ အပူဒဏ်ကို မပေါ့ဆကြဖို့ သတိပေးရင်း ဘေးအန္တရာယ်များ ကင်းဝေးကြပါစေကြောင်း B Care Medical Center မှ ဆန္ဒပြုလိုက်ပါတယ်နော်။ 🥰

28/04/2025

Irritable Bowel Syndrome (IBS) ဆိုတာကတော့ ဗိုက်နာခြင်း၊ လေထခြင်း၊ ဝမ်းမမှန်ခြင်းတို့ကို ဖြစ်စေပြီး အူလမ်းကြောင်း အစာခြေစနစ်ကို ဒုက္ခပေးနေတဲ့ ရောဂါတစ်မျိုးဖြစ်ပါတယ်။ လူတိုင်းမှာ အချိန်မရွေး IBS ဖြစ်ပေါ်နိုင်ပြီး အူလမ်းကြောင်းကို ရေရှည်ဆိုးကျိုးမဖြစ်စေပေမယ့် နေ့စဥ်ဘဝကိုတော့ အတော်လေး အနှောင့်အယှက်ပေးပါတယ်။

▪️ မတည့်တဲ့ အစားအစာတွေကို စားမိတဲ့အခါ
▪️ စိတ်ဖိစီးမှုနဲ့ စိုးရိမ်ပူပန်မှုတွေ များတဲ့အခါ
▪️ ဟော်မုန်းအပြောင်းအလဲတွေ ဖြစ်ပေါ်တဲ့အခါ
▪️ အူလမ်းကြောင်းထဲက Bacteria တွေ ကမောက်ကမဖြစ်တဲ့အခါ
▪️ ဦးနှောက်နဲ့ အစာအိမ်ကြား ဆက်သွယ်မှု လွဲမှားတဲ့အခါ
▪️ ပုံမှန်မဟုတ်တဲ့ အူလှုပ်ရှားမှုတွေဖြစ်တဲ့အခါတွေမှာ IBS ဖြစ်ပေါ်လာတတ်ပါတယ်။

IBS မကြာခဏ ဖြစ်တတ်တဲ့ လူတွေအနေနဲ့ …
▫️ အစပ်၊ caffeine နဲ့ နို့ထွက်ပစ္စည်းတွေကို ရှောင်ပါ။
▫️ အမျှင်ဓာတ်များတဲ့ အစားအစာတွေကို စားပေးပါ။
▫️ ရေများများသောက်ပါ။
▫️ စိတ်ဖိစီးမှုကို လျှော့ချပါ။
▫️ ပုံမှန် အားကစားပြုလုပ်ပေးပါ။

ဒီအချက်တွေကို လိုက်နာမယ်ဆိုရင်တော့ IBS မကြာခဏဖြစ်ခြင်းကနေ သက်သာပြီး နေ့စဥ်ဘဝမှာ IBS ကြောင့် စိတ်အနှောင့်အယှက်ဖြစ်ရတာမျိုး မရှိတော့မှာ အသေအချာပါပဲ။ ✨

27/04/2025

🧠 ဦးနှောက်နဲ့ အာရုံကြော ကျန်းမာရေးမကောင်းတဲ့အခါ လူတစ်ယောက်ရဲ့ ဘဝကို ဖျက်ဆီးပစ်နိုင်တဲ့အထိ ဆိုးကျိုးများတာကြောင့် မဖြစ်ခင်ကတည်းက ကြိုတင်ကာကွယ်နိုင်မယ်ဆိုရင်တော့ အကောင်းဆုံးပါပဲ။

ဦးနှောက်နဲ့ အာရုံကြောစနစ်ထဲက မူမမှန်ခြင်းတွေကို တိတိကျကျ သိရှိနိုင်ဖို့အတွက် MRI Brain Scan နဲ့ စစ်ဆေးကြည့်ရမှာ ဖြစ်ပါတယ်။

MRI Brain Scan ကို ဘယ်လို အခြေအနေမှာ စစ်ဆေးသင့်လဲ ❓

ပုံမှန်မဟုတ်သော လက္ခဏာတွေဖြစ်တဲ့ …
ရုတ်တရက် ပြင်းထန်စွာခေါင်းကိုက်ခြင်း
နာတာရှည်ခေါင်းကိုက်ဝေဒနာကို ခံစားနေရခြင်း
အခြားသောဝေဒနာများပါ တွဲပါလာ‌သော ခေါင်းကိုက်ခြင်း
ပုံမှန်ဖြစ်နေကျနှင့်မတူသော ခေါင်းကိုက်ခြင်း တွေကို ကြုံတွေ့နေရမယ်ဆိုရင်တော့ MRI Brain Scan နဲ့ စစ်ဆေးကြည့်ဖို့ လိုအပ်ပါတယ်။
လူနာတွေအနေနဲ့ စျေးနှုန်းသက်သာစွာ စစ်ဆေးနိုင်ဖို့အတွက် B Care Medical Center ကနေ MRI Brain Scan Promotion လေးကိုလည်း ပြုလုပ်ပေးထားပါတယ်။ ပုံမှန်စျေးနှုန်း (၁၃,၂၀၀) ဘတ်ကနေ ယခုလျှော့စျေးအနေနဲ့ (၉,၉၀၀) ဘတ်တည်းနဲ့ ဒီဇင်ဘာလ (၃၁) ရက်နေ့အထိ ပြုလုပ်နိုင်မှာ ဖြစ်ပါတယ်။

ဦးနှောက်နဲ့ အာရုံကြောစနစ်ထဲက မူမမှန်ခြင်းတွေကို B Care Medical Center က MRI Brain Scan နဲ့အတူ အဖြေရှာလိုက်ကြရအောင်နော်။ 🥰

📌 ဒီ Package လေး ဝယ်ယူပြီးတာနဲ့ လိုက်နာပေးရမယ့် စည်းမျဉ်းစည်းကမ်းတွေနဲ့ အခြေအနေတွေကတော့…
✔ ဒီ Package တွင် ရောဂါစစ်ဆေးခြင်းနဲ့ ပတ်သက်တဲ့ ဆရာဝန်ခများ ပါဝင်ပြီးသား ဖြစ်ပါတယ်။
✔ ဒီ Package တွင် ဆေးဝါးနဲ့ ဆရာဝန်အကြံပြုသော အပို စစ်ဆေးချက်များအတွက် ကုန်ကျစရိတ်များ မပါဝင်ပါ။
✔ ဒီ Package တွင် ရောဂါကုသမှုနဲ့ အရေးပေါ်ခွဲစိတ်မှုများအတွက် ကုန်ကျစရိတ်များ မပါဝင်ပါ။
✔ ဒီ Package လျှော့ဈေးကို အခြား လျှော့ဈေးတွေနဲ့ တွဲသုံးလို့ မရပါ။
✔ Package ဝယ်ယူပြီးတာနဲ့ အခြား Package တွေနဲ့ ပြောင်းလဲတာ၊ ငွေပြန်အမ်းတာမျိုးတွေ မပြုလုပ်ပေးပါ။
✔ Package နဲ့ပတ်သက်ပြီး အခြားတစ်စုံတစ်ရာ ပြောင်းလဲမှုတွေကို ကြိုတင်အသိမပေးဘဲ ဆေးရုံဘက်မှ ပြောင်းလဲ ပိုင်ခွင့်ရှိပါတယ်။
✔ (၃၁.၁၂.၂၀၂၅) ရက်နေ့အထိသာ လျှော့စျေးရရှိမှာ ဖြစ်ပါတယ်။

26/04/2025

ကလေးငယ်လေးတွေမှာ allergy တွေ ကြုံတွေ့ရတဲ့အခါ သူတို့ကိုယ်တိုင်လည်း နေထိုင်ရ သက်သောင့်သက်သာမရှိသလို မေမေတွေလည်း စိတ်မချမ်းသာဖြစ်ရပြီပေါ့။

ကလေးငယ်လေးတွေမှာဆိုရင် …
▪️ အစားအသောက်ကြောင့်ဖြစ်သော Food Allergies
▪️ အရေပြားပေါ်တွင် ဖြစ်တတ်သော Atopic Dermatitis
▪️ အသက်ရှူလမ်းကြောင်း ရောင်ရမ်းခြင်းကြောင့်ဖြစ်သော Asthma
▪️ နှာရည်ယိုခြင်း၊ နှာမွှန်ခြင်းတို့ကို ဖြစ်စေသော Allergic Rhinitis
▪️ မျက်လုံး နီခြင်း၊ ယားခြင်းတို့ကို ဖြစ်စေသော Allergic Conjunctivitis စတဲ့ allergy (၅) မျိုးကို တွေ့ရ အများဆုံးပါပဲ။

🔹 အစားအသောက်ကြောင့်ဖြစ်တတ်တဲ့ Food Allergies တွေကတော့ ပင်လယ်စာ၊ နို့ထွက်ပစ္စည်း၊ မြေပဲ စသဖြင့် မထည့်တဲ့ အစားအစာတစ်မျိုးမျိုးကို စားမိရာကနေ ဖြစ်တာကြောင့် မိဘတွေအနေနဲ့ ကလေးငယ်တွေကို အစားအစာအသစ်တစ်ခု စတင်ကျွေးတော့မယ်ဆိုရင် နည်းနည်းချင်းစီကနေစကျွေးပြီး ကလေးငယ်ရဲ့ တုံ့ပြန်မှုကို သေချာ စောင့်ကြည့်ဖို့ လိုအပ်ပါတယ်နော်။

🔹 အရေပြားပေါ်မှာ ဖြစ်တတ်တဲ့ Atopic Dermatitis ကတော့ ပတ်ဝန်းကျင်က လေဒဏ်၊ ရေဒဏ်၊ အဝတ်အထည်စသဖြင့် ထိတွေ့ရတဲ့ အရာတွေကြောင့် ဖြစ်တတ်ပါတယ်။ ဒီလိုဖြစ်တဲ့အခါ အနံ့ပါတဲ့ အသုံးအဆောင်တွေ၊ အချို့သော အဝတ်အထည်တွေ၊ ဖုန်မှုန့်တွေနဲ့ မထိတွေ့မိအောင် ဂရုစိုက်ဖို့ လိုအပ်ပါတယ်။

🔹 Asthma ကတော့ ဖုန်မှုန့်တွေ၊ ပန်းဝတ်မှုံတွေ၊ အိမ်မွေးတိရစ္ဆာန်တွေရဲ့ အမွေးတွေကို ရှုရှိုက်မိတဲ့အခါ အသက်ရှူလမ်းကြောင်း ရောင်ရမ်းမှုကြောင့် ဖြစ်တတ်တဲ့ allergy တစ်မျိုးဖြစ်ပါတယ်။ ဒါ့ကြောင့် မိဘတွေအနေနဲ့ အိမ်အတွင်းပိုင်းမှာရှိတဲ့ ပစ္စည်းတွေနဲ့ လေထုကို သန့်သန့်ရှင်းရှင်းထားဖို့ လိုအပ်ပါတယ်။

🔹 Allergic Rhinitis ကလည်းပဲ ဖုန်မှုန့်တွေ၊ ပန်းဝတ်မှုံတွေ၊ အိမ်မွေးတိရစ္ဆာန်တွေရဲ့ အမွေးတွေကြောင့် နှာရည်ယိုခြင်း၊ နှာမွှန်ခြင်းတို့ကို ဖြစ်စေတဲ့ allergy တစ်မျိုးဖြစ်ပါတယ်။ ဒီ allergy ကို မကြုံတွေ့ရအောင် အိမ်ထဲမှာ ‌air purifier တပ်တာ၊ လက်ကိုမကြာခဏဆေးပေးတာမျိုးတွေ ပြုလုပ်လို့ရပါတယ်။

🔹 Allergic Conjunctivitis ကလည်းပဲ ဖုန်မှုန့်တွေ၊ ပန်းဝတ်မှုံတွေ၊ အိမ်မွေးတိရစ္ဆာန်တွေရဲ့ အမွေးတွေကြောင့် မျက်လုံး နီခြင်း၊ ယားခြင်းတို့ကို ဖြစ်စေတဲ့ allergy တစ်မျိုးပါ။ ဒါ့ကြောင့် အိမ်ထဲမှာပဲဖြစ်ဖြစ်၊ အိမ်ပြင်ထွက်တဲ့အခါမှာပဲဖြစ်ဖြစ် ကလေးငယ်ရဲ့ မျက်လုံးကို allergy ဖြစ်စေတဲ့ အရာတွေနဲ့ မထိတွေ့မိဖို့ ဂရုစိုက်ရပါမယ်။

ကလေးငယ်လေးတွေဟာ အထိအခိုက်မခံနိုင်တာကြောင့် ဖေဖေ၊ မေမေတို့အနေနဲ့ သေသေချာချာဂရုစိုက်ကြဖို့ လိုတယ်နော်။ 💙👶

25/04/2025

🦟 ငှက်ဖျားရောဂါဟာ ခြင်ကိုက်ခြင်းကြောင့် ဖြစ်ပေါ်လာတဲ့ အထူးသတိပြုသင့်သော ရောဂါတစ်မျိုးဖြစ်ပါတယ်။

အဖျားကြီးခြင်း၊ ချမ်းတုန်ခြင်းကနေစပြီး ပြင်းထန်တဲ့ နောက်ဆက်တွဲရောဂါဝေဒနာတွေကိုခံစားရနိုင်တာကြောင့် မဖြစ်ခင်မှာ ကြိုတင်ကာကွယ်နိုင်မယ်ဆိုရင်တော့ အကောင်းဆုံးပါပဲ။ ဒါ့ကြောင့် ငှက်ဖျားရောဂါကို ဘယ်လိုနည်းလမ်းတွေနဲ့ ကြိုတင်ကာကွယ်နိုင်လဲဆိုတာ ကြည့်လိုက်ကြရအောင်။ ❗

🔸 ခြင်ကိုက်မခံရအောင် ခြင်ထောင်ဖြင့်အိပ်ခြင်း၊ အင်္ကျီလက်ရှည်/ ဘောင်းဘီရှည်တို့ကို ဝတ်ဆင်ခြင်း၊ ခြင်ကိုက်မခံရအောင် ကာကွယ်တဲ့ လိမ်းဆေးလိမ်းခြင်းတို့ကို ပြုလုပ်ပါ။

🔸 ခြင်တွေပေါက်ပွားမှုမရှိအောင် အိမ်ပတ်ဝန်းကျင်က ရေအောင်းနိုင်တဲ့နေရာတွေကို ရှင်းလင်းခြင်း၊ ရေလှောင်ကန်များတွင် ခြင်သေစေသောဆေးများထည့်ခြင်း၊ စပါးလင်ကဲ့သို့ ခြင်ပြေးစေသော အပင်များစိုက်ပျိုးခြင်းတို့ ပြုလုပ်ပါ။

🔸 ဖျားခြင်း၊ ချမ်းတုန်ခြင်း၊ ခေါင်းကိုက်ခြင်းစတဲ့ ငှက်ဖျားရောဂါလက္ခဏာတွေကို ကြုံတွေ့ရတဲ့အခါ ဆရာဝန်နဲ့ အမြန်ဆုံးပြသပါ။

ငှက်ဖျားရောဂါဟာ မပေါ့ဆသင့်တဲ့ ရောဂါတစ်မျိုးဖြစ်တာကြောင့် ကြိုတင်ကာကွယ်ရင်း အထူးဂရုပြုကြဖို့ တိုက်တွန်းလိုက်ပါတယ်နော်။ 🥰

24/04/2025

👩‍🦰 အမျိုးသမီးတစ်ယောက်ရဲ့ ဘဝမှာ ပျော်ရွှင်စွာ နေထိုင်နိုင်ဖို့အတွက် ဘဝမှာ အောင်မြင်မှု ရရုံနဲ့ မလုံလောက်သေးပါဘူး။

ကျန်းမာရေးလည်းကောင်းနေမှ အမှန်တကယ် ပျော်ရွှင်မှုကို ရရှိပိုင်ဆိုင်နိုင်မှာဖြစ်ပါတယ်။ ဒါ့ကြောင့် အမျိုးသမီးတွေအနေနဲ့ …

🔸 ရင်သားကင်ဆာ စစ်ဆေးခြင်း
🔸 သားအိမ်ခေါင်းကင်ဆာ စစ်ဆေးခြင်း
🔸 သားအိမ်ခေါင်းကင်ဆာ ကာကွယ်ဆေး ထိုးနှံခြင်း
🔸 IV Drip
Beauty Glow
Immune Booster
🔸 Eyelid Spa တွေကို ပုံမှန်စျေးနှုန်းထက် သက်သာစွာ ပြုလုပ်နိုင်မယ့် Women’s Health Promotion လေးကို B Care Medical Center ကနေ စီစဥ်ပေးထားပါတယ်။

Promotion ကာလလေးကတော့ ဇွန်လ (၃၀) ရက်နေ့အထိဖြစ်တာကြောင့် အခွင့်ကောင်းကို လက်မလွတ်ရအောင် B Care Medical Center ကို အမြန်ဆုံး အရောက်လာခဲ့လိုက်တော့နော်။ 🥰

📌 ဒီ Package လေး ဝယ်ယူပြီးတာနဲ့ လိုက်နာပေးရမယ့် စည်းမျဉ်းစည်းကမ်းတွေနဲ့ အခြေအနေတွေကတော့…
✔ ဒီ Package တွင် ဆရာဝန်ခ၊ ဆေးဝါးစရိတ်နှင့် ဆေးရုံဝန်ဆောင်ခများ ပါဝင်ပြီးသား ဖြစ်ပါတယ်။
✔ ဒီ Package လျှော့ဈေးကို အခြား လျှော့ဈေးတွေနဲ့ တွဲသုံးလို့ မရပါ။
✔ Package ဝယ်ယူပြီးတာနဲ့ အခြား Package တွေနဲ့ ပြောင်းလဲတာ၊ ငွေပြန်အမ်းတာမျိုးတွေ မပြုလုပ်ပေးပါ။
✔ Package နဲ့ပတ်သက်ပြီး အခြားတစ်စုံတစ်ရာ ပြောင်းလဲမှုတွေကို ကြိုတင်အသိမပေးဘဲ ဆေးရုံဘက်မှ ပြောင်းလဲ ပိုင်ခွင့်ရှိပါတယ်။
✔ (၃၀.၆.၂၀၂၅) ရက်နေ့အထိသာ လျှော့စျေးရရှိမှာ ဖြစ်ပါတယ်။

B.Care Medical Center Hospital - Myanmar

30/05/2025

26/05/2025

23/05/2025

19/05/2025

16/05/2025

13/05/2025

29/04/2025

28/04/2025

27/04/2025

26/04/2025

25/04/2025

24/04/2025

Address

Telephone

Website

Alerts

Contact The Practice

Shortcuts

Share

Category