Ezy Access Urocare

02/09/2021

COVID-19 ဗီဇပြောင်းမျိုးကွဲ "မျူ(Mu)" ဗိုင်းရပ်စ် ၃၉ နိုင်ငံတွင် တွေ့ရှိနေဟု WHO ဆို

ဆွစ်ဇာလန်၊ စက်တင်ဘာ ၂

COVID-19 ဗီဇပြောင်းမျိုးကွဲဗိုင်းရပ်စ်တစ်မျိုးဖြစ်သည့် မျူ(Mu) ဗိုင်းရပ်စ်ကို သြဂုတ်လ ၃၀ ရက်အထိတွင် ကမ္ဘာ့နိုင်ငံပေါင်း ၃၉ နိုင်ငံတွင် တွေ့ရှိနေပြီဖြစ်ကြောင်း ကမ္ဘာ့ကျန်းမာရေးအဖွဲ့ကြီး(WHO)ကပြောသည်။ ယင်းကို B.1.621 မျိုးကွဲဟုလည်းခေါ်သည်။

အဆိုပါ မျူ မျိုးကွဲဗိုင်းရပ်စ်အား ကိုလံဘီယာနိုင်ငံတွင် ၂၀၂၁ ခုနှစ် ဇန်နဝါရီလအတွင်းက ပထမဆုံးစတင်တွေ့ရှိခဲ့ခြင်းဖြစ်သည်။ ကိုလံဘီယာနှင့် အီကွေဒေါနိုင်ငံတို့တွင် ယင်း ဗိုင်းရပ်စ်ကူးစက်မှုများဖြစ်ပွားလျှက်ရှိသော်လည်း ကမ္ဘာသို့ပြန့်နှံ့မှုမှာမူ နည်းပါးနေသေးကြောင်းသိရသည်။

မျူ မျိုးကွဲဗိုင်းရပ်စ်သည် ယခင်တွေ့ရှိပြီးသော မျိုးကွဲဗိုင်းရပ်စ်များထက် ကူးစက်မှုပိုမိုလျှင်မြန်ခြင်း(သို့)ရောဂါဖြစ်ပွားမှုပိုမိုပြင်းထန်ခြင်းတို့ရှိကြောင်း သိပ္ပံပညာရှင်တို့ကဆိုသည်။ လက်ရှိတွင်မူ ကမ္ဘာတစ်ဝန်းဝယ် ဒယ်လ်တာ မျိုးကွဲဗိုင်းရပ်စ်ကူးစက်ခြင်းကို ခံနေကြရသည်။ ဒယ်လ်တာအပြင် အက်ပ်ဆီလွန်(Epsilon)နှင့် လမ်ဘဒါ(Lambda) မျိုးကွဲဗိုင်းရပ်စ်များကိုလည်း တွေ့ရှိပြီးဖြစ်သည်။

ကမ္ဘာ့ကျန်းမာရေးအဖွဲ့ကြီး(WHO)သည် အဆိုပါ COVID-19 မျိုးကွဲဗိုင်းရပ်စ်များ၏ အခြေအနေနှင့် ကူးစက်မှုကို စောင့်ကြည့်လေ့လာလျှက်ရှိကာ လိုအပ်သည့် သတိပေးထုတ်ပြန်ချက်များ ထုတ်ပြန်သွားမည်ဖြစ်ကြောင်းသိရသည်။

ကိုးကား

WHO monitoring new coronavirus variant named Mu

Credit-

28/08/2021

💪

29/12/2020

အားလုံးပဲ မင်္ဂလာပါ။ 🙏

Ezy Access Urocare က ပြန်လည်ကြိုဆိုလိုက်ပါတယ်။

ဒီနေ့ ပြောပြပေးမယ့် အကြောင်းအရာကတော့

ဓါတ်ခွဲခန်းမှာ စစ်ဆေးဖို့အတွက် သင့်ဆီက ဆီးနမူနာတောင်းခံလာတဲ့အခါ

အဖြေမှန်ရနိုင်ဖို့ သင့်ဆီးကို ဆီးနမူနာဗူးထဲ ဘယ်လိုထည့်ပေးသင့်သလဲ???

ဆိုတာပဲ ဖြစ်ပါတယ်။ အဲ့ဒါဟာ ကုသမှုမှာ အင်မတန် အရေးကြီးပါတယ်။

— ဓါတ်ခွဲခန်းက သင့်ကို ဆီးခံထည့်ဖို့ ပိုးသတ်သန့်စင်ထားတဲ့ ဗူးတဗူးပေးပါမယ်။

— အဲ့ဒီဗူးမှာ သင့်နာမည်၊ အသက် စသဖြင့် ရေးမှတ်ပေးထားရပါမယ်။

— ဓါတ်ခွဲခန်းဝန်ထမ်း (သို့) ဆီးနမူနာဗူးပေးသူက သင့်ဆီးကို ဘယ်အချိန်မှာ

ဘယ်လိုခံပြီး ထည့်ရမလဲဆိုတာ ရှင်းပြပါလိမ့်မယ်။ (ထိုသူက မရှင်းပြရင် မေးပါ)

— မနက်အစောပိုင်းမှာပေါက်တဲ့ဆီးလား၊ ကျပန်းအချိန်မှာပေါက်တဲ့ဆီးလား စသဖြင့်ပေါ့။

— ဆီးနမူနာဗူးကို ဆီးမခံခင် အရင်ကြိုဖွင့်ကြည့်တာမျိုး လုံးဝ မလုပ်ရပါဘူး။

— ဆီးနမူနာယူတော့မယ်ဆိုရင် လက်ကိုသန့်စင်အောင် အရင်ဆေးကြောပါ။

— အိမ်သာခွက်ထဲမှာ ဆီးအနည်းငယ်ကို အရင်ပေါက်လိုက်ပါ။

— ပြီးရင် ခနပြန်အောင့်ထားပြီး ဆီးနမူနာဗူးကို အဖုံးဖွင့်၍ အောက်ခြေမှကိုင်ပါ။

— ဆီးနမူနာဗူးအတွင်း ဆီးပေါက်ထည့်ပါ။ ဗူးနှုတ်ခမ်းသားကို ဘာနဲ့မှ မထိပါစေနဲ့။

— ဆီးအတန်အသင့် ပေါက်ထည့်ပြီးပါက ဗူးအဖုံးကို စနစ်တကျ ပြန်ပိတ်ပါ။

— လက်ကျန်ဆီးကို အိမ်သာခွက်ထဲကုန်အောင်ပေါက်ပြီးပါက လက်ဆေးပါ။

— ဆီးနမူနာဗူးအား ဆီးခံပြီး တစ်နာရီအတွင်း ဓါတ်ခွဲခန်းသို့ ရောက်အောင်ပို့ပါ။

— ချက်ချင်းမပို့နိုင်သေးပါက ဆီးနမူနာဗူးအား ပလစ်စတစ်အိတ်တခုတွင်

သေချာထည့်ပိတ်ပြီး ရေခဲသေတ္တာထဲ ထည့်သိမ်းပါ။ (၂၄ နာရီအတွင်း ပို့ရပါမယ်)

# # # ပထမဆုံးထွက်တဲ့ဆီးကို မလိုချင်တာက

သင့်ဆီးလမ်းကြောင်းနဲ့ င်္အဂါစပ်မှာ ပုံမှန်အတိုင်းရှိနေတတ်တဲ့

ဘက်တီးရီးယားပိုးတွေ ဆီးနမူနာမှာ ရောပါလာမှာ စိုးရိမ်လို့ပါ။

# # # ဗူးနဲ့ ဗူးအဖုံး နှုတ်ခမ်းသားနဲ့ အတွင်းပိုင်းကို ဘာနဲ့မှမထိစေချင်တာကလည်း

ဒီသဘောအတိုင်းပါပဲ လက်နဲ့အခြားနေရာက ဘက်တီးရီးယားတွေ ရောပါမှာ စိုးလို့ပါ။

# # # သာမန်အခန်းအပူချိန်မှာ ဆီးနမူနာကို အကြာကြီးထားရင်

အခြားမလိုလားအပ်တဲ့ ဘက်တီးရီးယားတွေ ဆီးနမူနာမှာ ပေါက်လာနိုင်ပါတယ်။

အဲ့ဒီအကြောင်းအချက်တွေကြောင့် ဆီးနမူနာယူရင်

သင့်အနေနဲ့ အထက်ပါအတိုင်း စနစ်တကျ လိုက်နာလုပ်ဆောင်သင့်ပါတယ်။

ဒါမှသာ ဓါတ်ခွဲအဖြေဟာ အမှန်ရပြီး သင်ကော၊ ဆရာဝန်ပါ ပျော်ရွှင်ကြရမှာဖြစ်ပါတယ်။

👉 👉 👉 လာမယ့် အပတ်မှာတော့ —

ဆီးနမူနာ ဓါတ်ခွဲအဖြေကနေ ဘာတွေသိနိုင်သလဲ ဆိုတာကို

အကြမ်းဖျဉ်းအားဖြင့် အများနားလည်အောင် ပြောပြပေးပါ့မယ်။

အားလုံးပဲ စိတ်ဝင်စားတယ်ဆိုရင်—

https://www.facebook.com/drurovlogs/ Page လေးကို

Like & Follow လုပ်ထားပေးပါ။ 👍

သိချင်တာ၊ မေးချင်တာ၊ ရေးပေးစေချင်တာရှိရင်

comment မှာ ရေးပေးခဲ့ပါ။

ကျေးဇူးတင်ပါတယ်၊ အားလုံးပဲ ကျန်းမာပျော်ရွှင်ကြပါစေ။ 🙏

📎 photo credit - Original Uploader

18/10/2020

အားလုံးပဲ မင်္ဂလာပါ။ 🙏

Ezy Access Urocare က ပြန်လည်ကြိုဆိုလိုက်ပါတယ်။

ဒီနေ့ ပြောပြပေးမယ့် အကြောင်းအရာကတော့

#ဆီးနှင့်ကျောက်ကပ် ခွဲစိတ်ဆရာဝန်နဲ့ ပထမဆုံး တွေ့ဆုံပြသတဲ့အခါ

သင့်ကို ဘာတွေလုပ်မှာလဲ???

သင့်ဖက်က ဘာတွေပြင်ဆင်ထားသင့်သလဲ??? ဆိုတာပဲ ဖြစ်ပါတယ်။

၁။ ဆီးရောဂါဆရာဝန် (Urologist) တွေဟာ လူ့ခန္ဓာကိုယ်ရဲ့ အနူးညံ့ဆုံးနေရာကို ထိတွေ့ကုသဖို့ ကြိုးစား လေ့ကျင့်ထားတဲ့သူတွေဖြစ်တဲ့အတွက် စိတ်ထားနူးညံ့ပြီး စိတ်ရှည်သဘောကောင်းကြပါတယ်။ အဲ့ဒီအတွက် ဆွေးနွေးတဲ့အခါ သင့်အနေနဲ့ မလိုအပ်ဘဲ ကြောက်နေဖို့ မလိုပါဘူး။

၂။ ဆွေးနွေးတဲ့အခါ သင်သိချင်တဲ့ အချက်အလက်တွေ ကြိုတင်ပြင်ဆင်ထားရင် အချိန်ကုန်သက်သာတဲ့ အပြင် ပိုမိုထိရောက်တဲ့ အကျိုးခံစားရမှာ ဖြစ်ပါတယ်။

၃။ ဆရာဝန်က မေးမြန်းတဲ့အခါ သင့်ခံစားချက်ကို အမှန်အတိုင်းနဲ့ တိုက်ရိုက်တည့်တိုး ယဉ်ကျေးစွာ ဖွင့်ဟပြောပြတတ်ဖို့ လိုပါတယ်။ ရှက်တာ/ကြောက်တာ၊ အားနာတာ၊ ဝေ့ဝိုက်အပိုပြောတာ၊ ထိန်ချန်ထားတာတွေက ကုသမှုမှာ နားလည်မှုအလွဲတွေ ဖြစ်စေနိုင်ပါတယ်။

၄။ ဆီးပြဿနာအတွက် ပြသဖို့ ပထမဆုံး ရက်ချိန်းရယူပြီးတဲ့အခါ သင့်ရဲ့ ရေသောက်နှုန်း၊ ဆီးသွားနှုန်း (အချိန်နာရီ၊ အကြိမ်ရေ၊ ပမာဏ)လေးတွေကို စနစ်တကျ မှတ်သားထားသင့်ပါတယ်။ အဲ့ဒါကို ဆီးရောဂါဆရာဝန်တွေက စိတ်ဝင်စားပါတယ်။ (Bladder diary) လေးနဲ့ ပြသရင် ဆွေးနွေးရတာ ပိုလို့ အကျိုးရှိပါလိမ့်မယ်။

၅။ ဆွေးနွေးပြီးတဲ့အခါ လိုအပ်ရင် သင့်ရဲ့ ကျင်ချောင်း/ မိန်းမကိုယ်၊ စအိုတဝိုက်စတဲ့ နေရာတွေကို ကြည့်ရှုစမ်းသပ်တာ လုပ်နိုင်ပါတယ်။ အသက်ကြီးတဲ့ (၅၀ကျော်) အမျိုးသားတွေမှာ ဆီးကျိတ်ကို စမ်းသပ်ဖို့ စအိုထဲလက်ညိုးထည့်ပြီး စမ်းသပ်ခံရနိုင်ပါတယ်။ အဲ့ဒီအတွက် သင့်ရဲ့ တကိုယ်ရည် သန့်ရှင်းရေးကို သေချာလုပ်သွားသင့်ပါတယ်။

၆။ ဆွေးနွေးတာ၊ လိုအပ်ရင်စမ်းသပ်တာ ပြီးရင်တော့၊ သင့်ရဲ့ ကျောက်ကပ်အခြေအနေ၊ ဆီးလမ်းကြောင်းအခြေအနေကို ပိုမိုသိရှိနိုင်ဖို့ သွေးဖောက်စစ်တာ၊ ဆီးနမူနာရယူပြီး စစ်ဆေးတာ၊ ဓါတ်မှန်ရိုက်တာ၊ အာထရာဆောင်းရိုက်တာတွေ လုပ်နိုင်ပါတယ်။ အဲ့ဒီအတွက် သင်ဟာ (ဆီးမထိန်းနိုင်/ ဆီးထွက်ကျနေတတ်တဲ့ ရောဂါရှိသူမဟုတ်ရင်) ဆရာနဲ့ မပြခင် ဆေးခန်းရောက်မှ ဆီးသွားလိုက်တာမျိုး မလုပ်မိဖို့ လိုပါတယ်။

*** ဆီးနမူနာ ရယူစစ်ဆေးဖို့နဲ့ အာထရာဆောင်းကြည့်ဖို့အတွက် သင့်ဆီးအိမ်ထဲမှာ ဆီးပမာဏ အတိုင်းအတာတခု ရှိနေဖို့ လိုပါတယ်***

၇။ ရောဂါအကြောင်း ပိုမိုသိရှိနိုင်ဖို့အတွက် နောက်ထပ် လိုအပ်လာခဲ့ရင် နောက်ရက်ချိန်းတွေမှာ ပိုမိုအဆင့်မြင့်တဲ့ စမ်းသပ်မှုတွေ လုပ်ရပါမယ်။ ဥပမာ-

(က) ဆီးလမ်းကြောင်းကို ပိုပြီးမြင်ရမယ့် ဆေးထိုးဓါတ်မှန်ရိုက်တာ၊

(ခ) ကွန်ပြူတာဓါတ်မှန်ရိုက်တာ၊

(ဂ) ဆီးအိမ်အတွင်း မှန်ပြောင်းဖြင့် ကြည့်ရှုစစ်ဆေးတာ၊

(ဃ)ဆီးအိမ်ကြွက်သားရဲ့ အလုပ်လုပ်ပုံ/ဆီးအိမ်တွင်းဖိအားသက်ရောက်ပုံ/ညှစ်အား/ ထွက်လာတဲ့ဆီးရဲ့အရှိန်အဟုန်/ ပမာဏ စတာတွေကို စစ်ဆေးတာ၊

(င) ကျောက်ကပ်ရဲ့ စစ်ထုတ်အား/လုပ်ငန်းဆောင်တာ/ဒါဏ်ရှိမရှိ ရေဒီယိုသတ္တုကြွဒြပ်စင်တခု အသုံးပြုပြီး အသေးစိတ်ကြည့်ရှုတာ

— စသဖြင့် လိုအပ်ရင် လိုအပ်သလို ဆက်လုပ်သွားရပါမယ်။

၈။ ရောဂါကုသကြတဲ့အခါ လူနာနဲ့ ဆရာဝန်ဆက်ဆံရေးဟာ သိပ်အရေးကြီးပါတယ်။ စိတ်ရှည်ရတယ်၊ သည်းခံကြရတယ်၊ ယုံကြည်ပေးကြရပါတယ်။

၉။ အချို့ရောဂါတွေက တခါကုလိုက်ရုံနဲ့ ပြီးပေမယ့် တချို့ရောဂါများကျတော့ stage procedure ကုထုံးအဆင့်လိုက် နှစ်ကြိမ် သုံးကြိမ် ကုရတာ ရှိပါတယ်။ ပျောက်ကင်းအောင် ကုသပေးလို့ရနိုင်တဲ့ရောဂါမျိုး ရှိသလို သက်သာအောင်ပဲ ကုသပေးလို့ရတဲ့ ရောဂါများလည်း ရှိနေပြန်ပါသေးတယ်။

၁၀။ ဒါတွေကြောင့် ဆီးရောဂါဆရာဝန်တယောက်နဲ့ ပြသတော့မယ်လို့ ဆုံးဖြတ်တဲ့အခါ—

✅ မိတ်ဆွေတယောက်လို ယုံကြည်စွာလက်တွဲပါ။

✅ သင့်ရဲ့ အကြာင်းအရာတွေကို ပွင့်လင်းစွာ တိုင်ပင်ပါ။

✅ သင့်ရောဂါအကြောင်းကို သိပ္ပံနည်းကျ နားလည်သိမြင်ဖို့ ကြိုးစားပါ။

✅ အထင်/အမြင်၊ ဖြစ်နိုင်/မဖြစ်နိုင် ရှင်းလင်းအောင် ဆွေးနွေးပါ။

✅ ရက်ချိန်းမှန်ဖို့နဲ့ ကုထုံးအရ လမ်းညွှန်ချက်တွေကို သေချာလိုက်နာပါ။

👉 👉 👉 လာမယ့် အပတ်မှာတော့ —

ဓါတ်ခွဲခန်းမှာ စစ်ဆေးဖို့အတွက် သင့်ကို ဆီးနမူနာတောင်းခံလာတဲ့အခါ အဖြေမှန်ရနိုင်ဖို့

သင့်ဆီးကို ဆီးနမူနာဗူးထဲ ဘယ်လိုထည့်ပေးသင့်သလဲ??? ဆိုတာပဲ ဖြစ်ပါတယ်။

အားလုံးပဲ စိတ်ဝင်စားတယ်ဆိုရင်—

https://www.facebook.com/drurovlogs/ Page လေးကို

Like & Follow လုပ်ထားပေးပါ။ 👍

ကျေးဇူးတင်ပါတယ်၊ အားလုံးပဲ ကျန်းမာပျော်ရွှင်ကြပါစေ။ 🙏

📎 photo credit - Original Uploader

10/10/2020

အားလုံးပဲ မင်္ဂလာပါ။ 🙏

Ezy Access Urocare က ပြန်လည်ကြိုဆိုပါတယ်။

ဒီနေ့ ပြောပြပေးမယ့် အကြောင်းအရာကတော့

သင် ဘာတွေခံစားရရင် ဆီးရောဂါဆရာဝန်နဲ့ တွေ့ဆုံဆွေးနွေးသင့်သလဲ???

ဆိုတာပဲ ဖြစ်ပါတယ်။

⏰ အဲဒါတွေကတော့—

၁။ ဆီးသွားရင် သွေးရောင်တွေပါတယ်

၂။ ဆီးသွားရင် ပူတယ်/ အောင့်တယ် ဆရာ

၃။ မကြာခဏ ဆီးသွားချင်နေတယ်/ မထိန်းနိုင်ဘူး

၄။ ချောင်းဆိုးရင်/ ရယ်လိုက်ရင် ဆီးထွက်ကျတယ်

၅။ ဆီးက ထိန်းလို့ကိုမရဘူး အလိုလိုထွက်နေတာ ဆရာ

၆။ ညဘက်ဆီးသွားများတယ် အိပ်လို့ကို မရဘူး

၇။ ကျမ မိန်းမကိုယ်က တစ်ဆို့တစ်ဆို့နဲ့ တခုခုထွက်ကျနေသလိုပဲ

၈။ ကျနော် အမတ်မဖြစ်တော့တာ ကြာပြီဆရာ ကယ်ပါအုံး! 🤥

၉။ ခါးအောင့်/ ဆီးပူပြီး ဖျားဖျားနေတယ် ဆရာ

၁၀။ ဆီးသွားရ ခက်လာတယ်ဆရာ အရင်ကနဲ့ မတူတော့ဘူး။

စတဲ့ ရောဂါလက္ခဏာတွေ သင့်မှာ ရှိနေပြီ/ ရှိလာပြီဆိုရင်

#ဆီးနှင့်ကျောက်ကပ် ခွဲစိတ်အထူးကုပညာရှင် (ဆီးရောဂါဆရာဝန် Urologist)နဲ့

အမြန်ဆုံး သွားရောက်တိုင်ပင် ဆွေးနွေးဖို့ လိုအပ်နေပါပြီ။

👉 👉 👉 လာမယ့် အပတ်မှာတော့ —

ဆီးရောဂါဆရာဝန်နဲ့ ပြသတဲ့အခါ သင့်ကိုဘာတွေလုပ်မှာလဲ???

ဆိုတာပဲ ဖြစ်ပါတယ်။

အားလုံးပဲ စိတ်ဝင်စားတယ်ဆိုရင်—

https://www.facebook.com/drurovlogs/ Page လေးကို

Like & Follow လုပ်ထားပေးပါ။ 👍

ကျေးဇူးတင်ပါတယ်။ 🙏

📎 photo credit - Original Uploader

08/10/2020

Care with passion.

08/10/2020

အားလုံးပဲ မင်္ဂလာပါ။ 🙏

Ezy Access Urocare က ကြိုဆိုပါတယ်။

ဒီနေ့ ပြောပြပေးမှာကတော့ ဆီးနှင့်ကျောက်ကပ်ခွဲစိတ်ကုပညာရှင် (Urologist) ဆိုတာ

ဘာလဲဆိုတဲ့ အကြောင်းပဲ ဖြစ်ပါတယ်။

ဆီးနှင့်ကျောက်ကပ်ခွဲစိတ်ကုပညာရှင် (တနည်းအားဖြင့်) ဆီးရောဂါဆရာဝန်ဆိုတာ

လူ့ကိုယ်အင်္ဂါအစိတ်အပိုင်းတွေထဲက —

၁။ ကျောက်ကပ်၊

၂။ ဆီးပို့ပြွန်၊

၃။ ဆီးအိမ်၊

၄။ ဆီးကျိတ်၊

၅။ ဆီးလမ်းကြောင်းစတဲ့ ဆီးစွန့်တဲ့စနစ်တွေ၊

၆။ အမျိုးသားမျိုးပွါးမှုဆိုင်ရာ အင်္ဂါအစိတ်အပိုင်းတွေနဲ့

၇။ Adrenal Gland စတာတွေကို

အထူးပြုသင်ကြားလေ့လာထားတဲ့ ဆရာဝန်တွေပဲ ဖြစ်ပါတယ်။

အဲဒီကိုယ်အင်္ဂါအစိတ်အပိုင်းတွေမှာ ဖြစ်လာတဲ့ ရောဂါအမျိုးမျိုးကို —

၁။ တွေ့ဆုံဆွေးနွေးခြင်းနဲ့ စမ်းသပ်ခြင်း။

၂။ ခေတ်မီနည်းစနစ်များဖြင့် ရောဂါရှာဖွေခြင်း။

၃။ ဆေးပေးကုသခြင်းနဲ့ ကျန်းမာရေးပညာပေးခြင်း။

၄။ ဆီးလမ်းကြောင်းမှတဆင့် မှန်ပြောင်းဖြင့် ကုသခြင်း။

၃။ ဝမ်းဗိုက်တွင် အပေါက်ငယ်ကလေးများဖောက်၍ ခွဲစိတ်ကုသခြင်း။

၄။ သမားရိုးကျနည်းဖြင့် ခွဲစိတ်ကုသခြင်း။

စတဲ့ ရောဂါရှာဖွေမှုနဲ့ ကုသမှုနည်းလမ်းပေါင်းစုံကိုလည်း

စနစ်တကျ လေ့ကျင့်သင်ကြားထားတဲ့ ဆရာဝန်တွေပဲ ဖြစ်ပါတယ်။

👉 👉 👉 လာမယ့် အပတ်မှာတော့ —

ဘယ်အချိန်မှာ / ဘာကြောင့် ဆီးရောဂါဆရာဝန်နဲ့ တွေ့ဆုံဆွေးနွေးသင့်သလဲ???

ဆိုတာကို ပြောပြပေးပါ့မယ်။

အားလုံးပဲ စိတ်ဝင်စားတယ်ဆိုရင်—

Ezy Acess Urocare @ Page လေးကို

Like & Share လုပ်ထားပေးပါ။ 👍

ကျေးဇူးတင်ပါတယ်။ 🙏

📎 photo credit - Original Uploader

07/10/2020

07/10/2020

အားလုံးပဲ မင်္ဂလာပါ။ 🙏

Ezy Access Urocare က ကြိုဆိုပါတယ်။

၁။ မိတ်ဆွေတို့အတွက် ဆီးနှင့်ကျောက်ကပ်ဆိုင်ရာ ရောဂါတွေအကြောင်း သိကောင်းစရာလေးတွေကို ကျန်းမာရေးဗဟုသုတအဖြစ် မျှဝေပေးမယ့် Vlog လေးတခု ဖြစ်ပါတယ်။

၂။ ဆီးရောဂါခံစားနေရတဲ့ သူတွေအတွက်လည်း ဆီးရောဂါဆရာဝန်ကြီးတွေနဲ့ အလွယ်တကူ တွေ့ဆုံမေးမြန်း ဆွေးနွေးနိုင်ဖို့ သီးသန့်အစီအစဉ်များလည်း ရှိပါတယ်။

အားလုံးပဲ စိတ်ဝင်စားတယ်ဆိုရင်—

Ezy Acess Urocare @ Page လေးကို

Like & Share လုပ်ထားပေးပါ။ 👍

ကျေးဇူးတင်ပါတယ်။ 🙏

📎 photo credit - Original Uploader