Fertina Myanmar, No. (32), Manawhari Street, Dagon (2026)

29/04/2026

ဗုဒ္ဓဘာသာဝင်တို့ အထွဋ်အမြတ်ထားသည့် “ကဆုန်လပြည့် ဗုဒ္ဓနေ့”တွင် ဘေးဘယာ ဝေးကွာ၍ ရွှင်လန်းချမ်းမြေ့ကြပါစေကြောင်း ဖါတီးနား ကိုယ်ဝန်ဆောင်အားဆေးမှ ဆုတောင်းမေတ္တာပို့သအပ်ပါသည်။

21/04/2026

အမွှာကိုယ်ဝန် (Multiple Pregnancy) ပက်သတ်ပြီး ပြောပြပေးမယ်နော်။

👯အမွှာ လို့ ပြောလိုက် ရင် နှစ်မွှာပူး၊ သုံးမွှာပူး၊ ၄ မွှာပူး စသဖြင့် အမွှာ လေးတွေရှိပါတယ်။

ဘယ်လို လူမျိုးတွေမှာ အမွှာသန္ဓေတည် သလဲ?

၁။ အမေ ရဲ့ အသက်အရွယ် (Maternal Age)
အသက် ၃၅ နှစ်အထက် အမျိုးသမီးတွေမှာ အမွှာကိုယ်ဝန်ရနိုင်ခြေ ပိုများပါတယ်။ ခန္ဓာကိုယ်ထဲက Follicle-stimulating hormone (FSH) ပမာဏ မြင့်တက်လာတာကြောင့် တစ်လတည်းမှာ မျိုးဥ တစ်လုံးထက်ပိုပြီး ကြွေနိုင်ခြေ များလာလို့ ဖြစ်ပါတယ်။

၂။ မျိုးရိုးဗီဇ (Family History)
မိခင်လောင်းရဲ့ မိသားစုမျိုးရိုး (အထူးသဖြင့် မိခင်ဘက်က မျိုးရိုး) ထဲမှာ အမွှာရှိခဲ့ရင် အမွှာကိုယ်ဝန်ရဖို့ အခွင့်အလမ်း ပိုများပါတယ်။ ဒါဟာ မျိုးဥတစ်လုံးထက်ပိုကြွေတတ်တဲ့ မျိုးရိုးဗီဇ ကြောင့် ဖြစ်ပါတယ်။

၃။ ခန္ဓာကိုယ် အချိုးအစား (Body Mass Index - BMI)
BMI ၃၀ နှင့်အထက် ရှိတဲ့ အမျိုးသမီးတွေမှာ အမွှာကိုယ်ဝန် ရနိုင်ခြေ ပိုများတယ်လို့ လေ့လာမှုအချို့က ဆိုပါတယ်။ ခန္ဓာကိုယ်ထဲက Insulin-like Growth Factor (IGF) မြင့်မားမှုက မျိုးဥကြွေနှုန်းအပေါ် သက်ရောက်မှု ရှိနိုင်တာကြောင့်ပါ။

၄။ ဆေးပညာအကူအညီဖြင့် ကိုယ်ဝန်ယူခြင်း (Assisted Reproductive Technology - ART)
ဒါကတော့ လက်ရှိကာလမှာ အမွှာကိုယ်ဝန်ဖြစ်စေတဲ့ အဓိကအချက်ပါ။
🐣IVF (In-vitro Fertilisation): သန္ဓေသားလောင်း (Embryo) တစ်ခုထက်ပိုပြီး သားအိမ်ထဲ ထည့်လိုက်တာမျိုးမှာ ဖြစ်တတ်ပါတယ်။
💊Ovulation Induction: မျိုးဥကြွေဆေးများ (ဥပမာ - Clomifene)သောက်သုံး ခြင်းက မျိုးဥ အများအပြားကို တစ်ပြိုင်တည်း ကြွေ အောင်လုပ်ဆောင်လို့ဘဲ ဖြစ်ပါတယ်။

👯အမွှာ သန္ဓေတွေမှာ မျိုးဥနှစ်လုံး ကနေ အမွှာသန္ဓေ ဖြစ်တာ နဲ့ မျိုးဥ တစ်လုံး ကနေ အမွှာ သန္ဓေ ဖြစ်တာ ဆိုပြီး နှစ်မျိုး ရှိပါတယ်။
ဘယ်လိုတွေ ကွာခြားချက်ရှိလဲ ဆိုတာကတော့

၁။ ရုပ်ချင်းတူအမွှာ (Identical Twins / Monozygotic)
ဒါကတော့ မျိုးဥတစ်လုံးတည်းကို သုတ်ပိုးတစ်ကောင်တည်းက ပေါင်းစပ်ပြီးမှ နှစ်ခုကွဲထွက်သွားတာ ဖြစ်ပါတယ်။
🧬မျိုးရိုးဗီဇ တူညီမှု အားဖြင့် သူတို့ဟာ DNA ၁၀၀% နီးပါး တူညီကြပါတယ်။ ဒါကြောင့်လည်း သူတို့ရဲ့ ကျား/မ အင်္ဂါရပ်ဟာ အမြဲတမ်း တူညီနေရတာ ဖြစ်ပါတယ်။ (ဥပမာ - နှစ်ယောက်လုံး ယောင်္ကျားလေး (သို့) နှစ်ယောက်လုံး မိန်းကလေး) ဖြစ်တာမျိုးပါ။
၂။ ရုပ်ချင်းမတူအမွှာ (Dizygotic twin )
ဒါကတော့ မိခင်ဆီက မျိုးဥနှစ်လုံး တစ်ပြိုင်တည်း ကြွေလာပြီး ဖခင်ဆီက သုတ်ပိုးနှစ်ကောင်နဲ့ သီးခြားစီ ပေါင်းစပ်မိတာ ဖြစ်ပါတယ်။
🧬မျိုးရိုးဗီဇ တူညီမှု အားဖြင့် သူတို့ဟာ DNA ၅၀% ခန့်သာ တူညီကြပါတယ်။ ဆိုလိုတာကတော့ သာမန်မောင်နှမအရင်းတွေ တူညီကြတဲ့ နှုန်းအတိုင်းပါပဲ။
👯ဒီလို အမွှာ တွေက ရုပ်ချင်းမတူနိုင်သလို၊ ကျား/မ လည်း ကွဲပြားနိုင်ပါတယ်။ (ကျားတစ်ယောက်၊မတစ်ယောက် အမွှာ ဖြစ်နိုင်သလို၊ နှစ်ယောက် လုံး ကျား/မ တူ အမွှာဖြစ်နေနိုင်ပါတယ် ) မျိုးရိုးဗီဇအရတော့ သူတို့ဟာ မောင်နှမအရင်းတွေ တစ်ပြိုင်တည်း မွေးလာသလိုမျိုးပဲ ဖြစ်ပါတယ်။

ယေဘူယျ အားဖြင့်ပြောရင် အမွှာ တွေမှာရုပ်ချင်းမတူ အမွှာ( Dizygotic twin ) က ၇၀% လောက်ရှိပြီး၊ ရုပ်ချင်းတူအမွှာ ( monozygotic twin ) က ၃၀% လောက်ရှိပါတယ်။

💭အမွှာ ကိုယ်ဝန်တွေမှာ အချင်း နဲ့ ရေမွှာအိတ် ဘယ်လို တွေ ရှိလည်း ဆိုတာ က်ုယ်ဝန် ရလာဒ် ကို ကြည့်ဖို့ အတွက် အရေးကြီးပါတယ်။ အချင်း ၂ ခု ၊ ရေမွှာအိတ်လည်း ၂ ခု နဲ့ အမွှာ တွေက ဆိုးကျိုး အနည်းဆုံး အမွှာ တွေဘဲ ဖြစ်ပါတယ်။

👯ရုပ်ချင်း မတူအမွှာ တွေမှာ ကိုယ်ပိုင် အချင်း၊ ကိုယ်ပိုင်ရေမွှာအိတ်ပိုင်ဆိုင် ကြပါတယ်။
ရုပ်ချင်းတူအမွှာအချို့မှာ ကိုယ်ပိုင် အချင်း၊ ကိုယ်ပိုင် ရေမွှာ အိတ် ပိုင်ဆိုင် ပြီး၊ ၂၀% မှာတော့ အချင်း ၁ ခု နဲ့ ရေမွှာအိတ် ၂ ခု ပိုင်ဆိုင် ပြီး၊ ၁% မှာတော့ အချင်း ၁ ခု ရေမွှာအိတ် ၁ ခု တည်း ပ်ိုင် ဆိုင် တတ်ကြပါတယ်။

နောက်အပါတ်တွေမှာ လည်း အမွှာ ကိုယ်ဝန် နဲ့ ပါတ်သက်ပြီး ဆက်လက် ပြောပြပေးသွားပါမယ်။

အမွှာ ကိုယ်ဝန် နဲ့ ပါတ်သက်ပြီး သိလိုတာတွေ ကို comment (သို့) cb ကနေ မေးမြန်း နိုင်ပါတယ်။

By: Dr. Fertina
#မေမေ့ရဲ့ ပထမဆုံးလက်ဆောင်မွန်

20/04/2026

အာထရာဆောင်း ( ultrasound )ကို ပုံမှန်ထက် ပိုရိုက်ဖို့ လိုအပ်လား???

အာထရာဆောင်းကို ပုံမှန်ထက် ပိုရိုက်ဖို့လိုအပ်တဲ့ အခြေအနေတွေ ရှိပါတယ်။ အဓိကအားဖြင့် မိခင်နဲ့ ကလေးရဲ့ ကျန်းမာရေးကို အနီးကပ် စောင့်ကြည့်ဖို့ လိုအပ်တဲ့အခါမျိုးမှာ ခဏခဏ ရိုက်ရလေ့ရှိပါတယ်။
၁။ ကိုယ်ဝန်ဆောင်စဉ်အတွင်း (Prenatal)
ပုံမှန်ကိုယ်ဝန်ဆောင်တစ်ဦးဟာ ကိုယ်ဝန်ဆောင်ချိန် ၉ လ အတွင်းမှာ
၃ ကြိမ် မှ ၄ ကြိမ်ခန့် ရိုက်ရလေ့ရှိပေမဲ့ အောက်မှာပြောပြပေးမယ့် အခြေအနေတွေမှာတော့ ခဏခဏ ရိုက်ဖို့ လိုအပ်ပါတယ်။
အဲ့ဒီအခြေအနေတွေကတော့
👶ကလေးဖွံ့ဖြိုးမှု နှေးခြင်း (IUGR): ကလေးရဲ့ အရွယ်အစားက ကိုယ်ဝန်ပတ်လမ်းထက် သေးနေရင် ကလေးဆီ သွေးရောက်တာ မှန်မမှန်နဲ့ ကြီးထွားနှုန်းကို စစ်ဆေးဖို့ အတွက် ရိုက်ရပါတယ်။ ကလေးကြီးထွားနှုန်းကို စစ်ဆေးဖို့ အတွက် ၂ ပတ် တစ်ကြိမ် ရိုက်ပြီး ကလေးဆီ အချင်းက သွေးရောက်ရှိတာစစ်ဆေးဖို့အတွက်တော့ အပတ်စဉ် ရိုက်ရတတ်ပါတယ်။
👶အချင်းနေရာ မမှန်ခြင်း (Placenta Previa): အချင်းက သားအိမ်ဝမှာ ပိတ်နေရင်ကိုယ်ဝန်ရင့်လာတာနဲ့အမျှ အချင်းနေရာ ပြောင်း၊ မပြောင်း စစ်ဆေးဖို့ လိုပါတယ်။ ဒါ့အပြင် အချင်းက သားအိမ်အသားထိ စိုက်ဝင်နေတာလား (သို့မဟုတ်) ဆီးအိမ်ထဲ ထိ စိုက်ဝင်နေတာ သိဖို့ Doppler USG တွေရိုက်ဖို့ထိ လိုအပ်ပါတယ်။
MRI လို့ခေါ်တယ့် သံလိုက်ဓာတ်မှန် ရိုက်ဖို့လိုတယ့် အခြေအနေ မျိုးလည်းရှိတတ်ပါတယ်။
💧ရေမြွာရည် အနည်း/အများ: ရေမြွာရည် နည်းလွန်းခြင်း သို့မဟုတ် များလွန်းခြင်းရှိရင် ကလေးရဲ့ ဘေးကင်းမှုကို စောင့်ကြည့်ဖို့ ခဏခဏ ရိုက်ရပါတယ်။
👯အမြွှာကိုယ်ဝန် : အမြွှာ (သို့မဟုတ်) သုံးမြွှာပူး ကိုယ်ဝန်ဆောင်တွေမှာ ကလေးတွေရဲ့ ကြီးထွားမှု ညီ ၊ မညီ စစ်ဆေးဖို့ ၂ ပါတ်တစ်ခါ ရိုက်ရပါတယ်။ အမြွှာ ကိုယ်ဝန်တွေမှာ ဖြစ်တတ်တယ့် အမွှာတွေ သွေးမျှဝေတယ့် စနစ် မမျှတ တာတွေ စောင့်ကြည့်ဖို့ ခဏခဏ ရိုက်ရတတ်ပါတယ်။
👩မိခင်မှာ ရောဂါအခံရှိခြင်း: မိခင်မှာ သွေးတိုးရောဂါ၊ ဆီးချိုရောဂါ၊ သွေးအားနည်းရောဂါ ရှိရင် ကလေးရဲ့ ကြီးထွား ဖွံ့ဖြိုးမှု မှာ သက်ရောက်မှုရှိမရှိ သိနိုင်ဖို့ ခဏခဏ စစ်ဆေးရပါတယ်။
🐣ကလေးလှုပ်ရှားမှု နည်းခြင်း: မိခင်က ကလေးလှုပ်တာ နည်းတယ်လို့ ခံစားရရင် ကလေးရဲ့ အခြေအနေ (Biophysical Profile) ကို USG နဲ့ စစ်ဆေးရပါတယ်။
အစိုးရိမ်လွန်ပြီး ၂ပါတ်မှ တစ်ခါရိုက်သင့်တာကို ၁ပါတ်နဲ့ ရိုက်တာမျိုး တွေ မလုပ်သင့်ပါဘူး။ ထိရောက်အကျိုးရှိ မှုမရှိဘဲ စိုးရိမ်မှုကိုဘဲ ပိုမို လွန်ကဲစေတတ်လို့ပါ။

ဒီလောက်ဆို ဘာကြောင့် USG ခဏခဏ ရိုက်ရလဲ ဆိုတယ့် အခြေအနေ တွေကို သိရှိသွားပြီး လို့ ယူဆ ပါတယ်။
USG ရိုက်တာနဲ့ ပက်သတ်ပြီး သိချင်တာတွေကို Dr Fertina အား CB (သို့) comment ကနေ တဆင့်မေးမြန်း နိုင်ပါတယ်။

By: Dr. Fertina
#မေမေ့ရဲ့ ပထမဆုံးလက်ဆောင်မွန်

20/04/2026

ကိုယ်ဝန်ဆောင်မိခင် တော်တော်များများ စိုးရိမ်တတ်ကြတဲ့ အာထရာဆောင်း (USG) ခဏခဏ ရိုက်ရင် ဓာတ်ရောင်ခြည် သင့်တတ်လား၊ အကြိမ်အရေအတွက် အားဖြင့် ဘယ်နှစ်ကြိမ်ရိုက်သင့်လဲ ဆိုတယ့် အကြောင်းအရာလေးကို ဆွေးနွေးပေးပါမယ်။
🍀တိုတိုနဲ့ ရှင်းရှင်းပြောရရင် အာထရာဆောင်း (USG) ရိုက်ခြင်းဟာ ဓာတ်ရောင်ခြည် (Radiation) မဟုတ်ပါဘူး။ ဒါကြောင့် ကလေးကို ဓာတ်ရောင်ခြည်သင့်မှာကို လုံးဝ စိုးရိမ်စရာမလိုပါဘူး။

ဘာကြောင့်လဲဆိုရင်
📠USG က ဓာတ်ရောင်ခြည် မဟုတ်ပါ
X-ray (ဓာတ်မှန်) ဒါမှမဟုတ် CT scan ( ကွန်ပြူတာဓာတ်မှန်) တွေမှာသာ အန္တရာယ်ရှိနိုင်တဲ့ Ionizing Radiation (ဓာတ်ရောင်ခြည်) ပါဝင်တာပါ။
USG ကတော့ High-frequency Sound Waves (အသံလှိုင်း) ကို အသုံးပြုတာဖြစ်ပါတယ်။ အသံလှိုင်းက ကလေးဆီကို သွားရိုက်ပြီး ပြန်လာတဲ့ ပုံရိပ်ကို ဖန်သားပြင်မှာ ကြည့်တာဖြစ်လို့ အန္တရာယ်မရှိပါဘူး။
🖥️ခဏခဏရိုက်ရင် ဘာဖြစ်မလဲ?
သိပ္ပံနည်းကျ လေ့လာမှုတွေအရ ဆေးဘက်ဆိုင်ရာ လိုအပ်ချက်ကြောင့် USG ရိုက်ခြင်းဟာ မိခင်နဲ့ ကလေးအပေါ် ဆိုးကျိုးသက်ရောက်မှု မရှိဘူးလို့ ဆိုပါတယ်။ ဒါပေမဲ့လည်း
💧မလိုအပ်ဘဲ မရိုက်သင့်ပါဘူး
💧Thermal Effect (အပူစွမ်းအင်): အသံလှိုင်းဟာ တစ်နေရာတည်းမှာ အကြာကြီး ထိတွေ့နေရင် အပူစွမ်းအင် အနည်းငယ် ထွက်နိုင်ပါတယ်။ ဒါပေမဲ့ ဆေးရုံ၊ ဆေးခန်းတွေမှာသုံးတဲ့ USG စက်တွေနဲ့ ကျွမ်းကျင်တဲ့ အာထရာဆောင်းဆရာဝန်တွေက ဒီဘေးထွက်ဆိုးကျိုး မရှိအောင် စနစ်တကျ ထိန်းသိမ်းရိုက်ကူးပေးတာ ဖြစ်ပါတယ်။
🖥️ဒါဆို ဘယ်နှစ်ကြိမ်အထိ ရိုက်လေ့ရှိသလဲ?
ပုံမှန်အားဖြင့် ကျန်းမာရေးကောင်းမွန်တဲ့ ကိုယ်ဝန်ဆောင်တစ်ဦးဟာ အနည်းဆုံး ၂ ကြိမ် ကနေ ၄ ကြိမ် အထိ ရိုက်လေ့ရှိပါတယ်။
🖥️ဘယ်လို ကာလ အတွင်းရောက်ရင်ရိုက်သင့်သလဲ?
ကိုယ်ဝန်ဆောင်ကာလအတွင်း အရေးကြီးဆုံး ရိုက်သင့်တဲ့ အချိန်တွေကတော့ -
🐣ပထမအကြိမ် (Dating Scan) - (၁၁ပတ် မှ ၁၄ ပတ်အတွင်း)မှာ
👶ကလေးနှလုံးခုန်သံ ရှိ၊ မရှိ စစ်ဆေးတာ
👶ကလေး အရေအတွက် (အမြွှာ ဟုတ်၊ မဟုတ်) ကြည့်တာ
👶Due Date (မွေးဖွားမည့်ရက်) ကို အတိကျဆုံး တွက်ချက်ဖို့ အတွက် ရိုက်လေ့ရှိပါတယ်။
🐣ဒုတိယအကြိမ် (Anomaly Scan) - (၁၈ ပတ် မှ ၂၂ ပတ်အတွင်း):
👶ဒါဟာ အရေးကြီးဆုံး Scan ပါ။ ကလေးရဲ့ အင်္ဂါအစိတ်အပိုင်းတွေ (ဦးနှောက်၊ နှလုံး၊ ကျောက်ကပ်၊ ခြေလက်) စုံ၊ မစုံနဲ့ ပုံမှန်ဟုတ်၊ မဟုတ်ကို အသေးစိတ် စစ်ဆေးပါတယ်။ အချင်း တည်နေရာကိုလည်း ကြည့်ဖို့ရိုက်လေ့ရှိပါတယ်။
🐣တတိယအကြိမ် (Growth Scan) - (၂၈ ပတ် နောက်ပိုင်း):
🌻ကလေး အလေးချိန်နဲ့ ဖွံ့ဖြိုးမှု မှန်၊ မမှန်၊ ရေမြွှာရည် အနည်းအများနဲ့ ကလေးအနေအထား ကို ကြည့်ဖို့ရိုက်လေ့ရှိပါတယ်။
ဒါပေမယ့်လည်း အချို့ ကိုယ်ဝန်ဆောင်အမျိုးသမီးတွေမှာ ကိုယ်ဝန်ဆောင်တစ်လျှောက် မှာ
၅ ကြိမ်၊ ၁၀ ကြိမ် ဒါမှမဟုတ် လိုအပ်ရင် အပတ်စဉ် ရိုက်ရတာမျိုး ရှိတတ်ပါတယ်။ ဒါဟာ ကလေးအတွက် ဘာမှ အန္တရာယ်မရှိတာကြောင့် ဆရာဝန်က လိုအပ်လို့ ရိုက်ခိုင်းတဲ့အခါ စိတ်အေးအေးထားပြီး ရိုက်နိုင်ပါတယ်။

အချုပ်အားဖြင့်ဆိုရင်:
USG ဟာ ဓာတ်ရောင်ခြည် မဟုတ်တဲ့အတွက် ကလေးမှာ အင်္ဂါချို့ယွင်းတာ ဒါမှမဟုတ် ဉာဏ်ရည်ထိခိုက်တာမျိုး လုံးဝ မဖြစ်စေပါဘူး။
ကိုယ်ဝန်ဆောင်ချိန်မှာ Ultrasound (USG) ရိုက်ခြင်းဟာ မိခင်နဲ့ ကလေး ကျန်းမာရေးအတွက် အရေးကြီးပါတယ်။

သိလိုတာတွေ ကို Dr Fertina ကို cb (သို့) comment ကနေ တဆင့် မေးမြန်းနိုင်ပါတယ်။

By: Dr. Fertina
#မေမေ့ရဲ့ ပထမဆုံးလက်ဆောင်မွန်

30/03/2026

ကိုယ်ဝန်ဆောင်စဉ်မှာ တွေ့ရများတယ့် ရောဂါ တစ်ခုကို ပြောပြပေးမယ်နော်
အဲ့ဒါ သွေးအားနည်းရောဂါ (Anaemia in Pregnancy) ဘဲဖြစ်ပါတယ်။

🩸သွေးအားနည်းတယ်ဆိုတာ သွေးထဲမှာ ဟေမိုဂလိုဘင် (Hb) လို့ခေါ်တယ့် သွေးနီဥတွေ နည်းနေလို့ ဘဲ ဖြစ်ပါတယ်။

‼️ဘာကြောင့် သွေးအားနည်းရတာလဲ? 💊သံဓာတ်ချို့တဲ့ခြင်း (Iron Deficiency): ဒါက ကိုယ်ဝန်ဆောင်မိခင်တွေမှာ အဖြစ်အများဆုံးပါ။ကလေးအတွက်ရော မိခင်အတွက်ပါ သံဓာတ်ပိုသုံးရလို့ ဖြစ်ပါတယ်။ ကိုယ်ဝန်ဆောင်အကြိမ် အရေအတွက် များလာတာနဲ့ သွေးအားနည်းတာ ပိုပို ဖြစ်လာတတ်ပါတယ်။
💊ဖောလစ်အက်ဆစ် ချို့တဲ့ခြင်း (Folate Deficiency): ဆဲလ်အသစ်တွေ တည်ဆောက်ဖို့ ဖောလစ်အက်ဆစ် လိုအပ်ပါတယ်။
💊ဗီတာမင် B12 ချို့တဲ့ခြင်း: အသားငါး သိပ်မစားသူတွေမှာ ဖြစ်တတ်ပါတယ်။
💊အခြားအကြောင်းရင်းများ: သွေးယိုစိမ့်ခြင်း၊ သွေးကင်ဆာ သို့မဟုတ် မျိုးရိုးလိုက် သွေးရောဂါများ (Thalassemia)။
Thalassaemia လို့ ခေါ်တယ့် သွေးရောဂါ တွေလည်း ကိုယ်ဝန်ဆောင်မိခင်တွေမှာ အတွေ့များတယ့် အခြေအနေ တစ်ခုဖြစ်တယ်ဆိုတာ သတိပြုရမှာဘဲ ဖြစ်ပါတယ်။

👀သွေးအားနည်းရင် ဘယ်လို လက္ခဏာတွေ ခံစားရတတ်သလဲ?
သွေးအားနည်း ရောဂါဖြစ်တယ့် သူတွေမှာ - အရမ်းမောပန်းလွယ်တာ၊ အားမရှိတာ။
• ခေါင်းမူးတာ၊ မျက်စိပြာတာ။
• ရင်တုန်တာ၊ အသက်ရှူမဝတည။
• အသားအရောင် ဖြူဖျော့လာတာ ဖြစ်လာပါတယ်။

🤰ဘယ်လို ကုသမှုနှင့် ကာကွယ်မှု တွေ လုပ်လို့ရလဲ?
ကုသမှု အနေနဲ့ ကတော့ သွေးအားနည်းရတယ့် အကြောင်းအရင်းပေါ် မူတည်ပြီး ကုထုံး လမ်းညွှန်ချက်တွေရှိပါတယ်။
ဥပမာ အနေ နဲ့ သံဓာတ်အားနည်းရင် သံဓာတ်ကြွယ်ဝတယ့် အစားအစာ စားပေးတာ၊ သံဓာတ်အားဆေးသောက်တာ၊
Thalassaemia လို သွေးရောဂါဆို သွေးသွင်းကုသရတာ မျိုးဖြစ်ပါတယ်။
ဘယ်လိုတွေ လုပ်ဆောင်လို့ရလဲ ဆိုရင်တော့
၁။ အစားအသောက်ပြောင်းလဲပေးတာ : အသား၊ ငါး၊ အသည်း၊ အစိမ်းရင့်ရောင်ရှိသော ဟင်းသီးဟင်းရွက်နှင့် ပဲအမျိုးမျိုးကို ပိုစားပေးရပါမယ်။
၂။ သံဓာတ်အားဆေး (Iron Supplements): ဆရာဝန်ညွှန်ကြားချက်အတိုင်း သံဓာတ်အားဆေး ကို သောက်ရပါမယ်။
: သံဓာတ်အားဆေးကို ဗီတာမင် C (လိမ္မော်ရည်၊ သံပရာရည် )နဲ့ တွဲသောက်ရင် စုပ်ယူမှု ပိုကောင်းစေပါတယ် ။ ဒါ့အပြင် ဘာမှ မစားရသေးခင်သောက်ရင် ပိုကောင်းပါတယ်။ လက်ဖက်ရည်/ကော်ဖီနဲ့ တွဲသောက်ရင်တော့ စုပ်ယူမှု လျော့နည်းစေပါတယ်။
၃။ သွေးသွင်းကုသတာ :သွေးနီဥ ပမာဏ အရမ်းနည်းသွားရင် ၊ ဒါမှမဟုတ် မွေးခါနီးအချိန်မှာ သွေးသွင်းဖို့ လိုအပ်နိုင်ပါတယ်။

🚫မကုသဘဲ ထားရင် ဘာဖြစ်မလဲ?
🤰မိခင်အနေနဲ့ မွေးဖွားစဉ် သွေးသွန်ရင် အသက်အန္တရာယ် ရှိနိုင်ပါတယ်။ ကူးစက်ရောဂါ ပိုဖြစ်လွယ်ပါတယ်။ သွေးအားနည်းနေလျှင် သွေးသွန်ဖို့ အခွင့်အလမ်းလည်းများပါတယ်။
👶ကလေးအနေနဲ့ : ပေါင်မပြည့်ဘဲ မွေးခြင်း၊ လမစေ့ဘဲ မွေးခြင်းနှင့် ကလေးကြီးထွားမှု နှေးကွေးခြင်းတို့ ဖြစ်နိုင်ပါတယ်။

သွေးအားနည်းရောဂါနဲ့ ပတိသတ်ပြီး သိိလိုတာတွေကို Dr Fertina အား cb or comment ကနေတဆင့် မေးမြန်းလို့ရပါတယ်

By: Dr. Fertina
#မေမေ့ရဲ့ ပထမဆုံးလက်ဆောင်မွန်

30/03/2026

‼ကိုယ်ဝန်ဆောင်မေမေတို့ သိလိုသမျှကို Dr. Fertina ကို မေးမြန်းနိုင်ပါပြီ‼
ကိုယ်ဝန်ဆောင်ကျန်းမာရေးနှင့် ပက်သက်တဲ့ မေးခွန်းလေးတွေကို အားမနာတမ်း
မေးမြန်နိုင်ဖို့အတွက် Dr. Fertina က ဖြေပေးဖို့ အဆင်သင့်ဖြစ်နေပါပြီ...
(ကိုယ်ဝန်ဆောင်မေမေတို့ သိလိုသမျှ မေးခွန်းလေးတွေကို comment / Chat box တို့မှာ မေးမြန်းနိုင်မှာဖြစ်ပါတယ်)
Fertina Myanmar Page လေးကို Like & Follow လုပ်ထားဖို့ မမေ့ကြနဲ့နော်။

30/03/2026

"မေမေတစ်ယောက်ရဲ့ ပင်ပန်းမှုတွေကို Fertina က နားလည်ပါတယ်"
ကိုယ်ဝန်ဆောင်တယ်ဆိုတာ အမျိုးသမီးတစ်ယောက်ရဲ့ ဘဝမှာ အလှပဆုံးအချိန်ဖြစ်သလို၊ စိန်ခေါ်မှု အများဆုံး အချိန်လည်း ဖြစ်ပါတယ်။ မနက်ခင်း နိုးနိုးချင်း ပျို့အန်တာ၊ အစားအသောက် ပျက်တာ၊ တစ်ကိုယ်လုံး ညောင်းညာပြီး ပင်ပန်းနေတာမျိုးတွေကို မေမေတိုင်း ကြုံရတတ်ပါတယ်။
ဒီလိုအချိန်မှာ မေမေလည်း ကျန်းမာချင်သလို၊ ဗိုက်ထဲက ရင်သွေးလေးကိုလည်း အာဟာရ အပြည့်အဝ ပေးချင်တာ မိခင်တိုင်းရဲ့ ဆန္ဒပါပဲ။ Fertina (ဖါတီးနား) က မေမေတို့ရဲ့ ဒီလို အခက်အခဲတွေကို ကူညီပေးဖို့ အနားမှာ ရှိနေပါတယ်။
German Nutrition Society ရဲ့ ထောက်ခံချက်အတိုင်း ဖော်စပ်ထားတာမို့ Fertina မှာ မေမေတို့အတွက် လိုအပ်တဲ့ အားအင်တွေသာမက၊ သားသားမီးမီးလေးတွေရဲ့ ဉာဏ်ရည်နဲ့ ဖွံ့ဖြိုးမှုအတွက် Omega-3 (DHA) ကိုပါ အချိုးကျကျ ထည့်သွင်းပေးထားပါတယ်။

"မေမေ စိတ်ချမ်းသာမှ ရင်သွေးလေးလည်း ပျော်ရွှင်မှာမို့... Fertina နဲ့အတူ ဒီခရီးစဉ်လေးကို အကောင်းဆုံး ဖြတ်သန်းလိုက်ရအောင်လားရှင်"

#မေမေ့ရဲ့ပထမဆုံးလက်ဆောင်မွန်

30/03/2026

ကိုယ်ဝန်ဆောင်ချိန်မှာ မိခင်လောင်းတော်တော်များများ ခံစားရလေ့ရှိတယ့် ခါးနာတာနဲ့ ဆီးစပ်ကိုက် တယ့် ဝေဒနာ အကြောင်း ပြောပြပေးသွားမှာဘဲ ဖြစ်ပါတယ်။
ဘာကြောင့်လဲ ဆိုရင် ခန္ဓာကိုယ်ထဲမှာ ပြောင်းလဲမှုတွေ ဖြစ်ပေါ်နေတာကြောင့်ဘဲ ဖြစ်ပါတယ်။

ဘာတွေက အဓိက ဖြစ်စေသလဲ?
၁။ ဟော်မုန်း အပြောင်းအလဲများခြင်း
ကိုယ်ဝန်ဆောင်ချိန်မှာ ထွက်လာတယ့် ဟော်မုန်းအချို့ က ကလေးမွေးတဲ့အခါ လွယ်ကူအောင် တင်ပါးဆုံရိုး ဆက်ကြောင်းတွေနဲ့ အရွတ်တွေကို ပျော့ပြောင်းအောင် လုပ်ပေးတာပါ။ ဒါပေမဲ့ အဲဒီလို ပျော့သွားတဲ့အခါ ခါးရိုးနဲ့ တင်ပါးဆုံပိုင်းမှာ တည်ငြိမ်မှု လျော့နည်းသွားပြီး နာကျင်မှုကို ဖြစ်စေပါတယ်။
၂။ ခန္ဓာကိုယ် အနေအထား ပြောင်းလဲခြင်း
ဗိုက်ထဲမှာ ကလေးလေး ကြီးထွားလာတာနဲ့အမျှ ခန္ဓာကိုယ်ရဲ့ ဗဟိုချက် (Center of Gravity) က ရှေ့ကို ရောက်သွားပါတယ်။ ဒါကို ဟန်ချက်ညီအောင် ခန္ဓာကိုယ်ကို နောက်ကို ပြန်ဆွဲထားရတဲ့အတွက် ခါးရိုးအောက်ပိုင်း ကြွက်သားတွေပေါ်မှာ ဝန်ပိပြီး ခါးနာလာရတာပါ။
၃။ ကိုယ်အလေးချိန် တက်လာခြင်း
ကိုယ်ဝန်လရင့်လာတာနဲ့အမျှ တက်လာတဲ့ ကိုယ်အလေးချိန်ကို ခြေထောက်နဲ့ ခါးရိုးက ထမ်းထားရပါတယ်။ ဒါက ခါးရိုးနဲ့ အဆစ်အမြစ်တွေအပေါ် ဖိအားဖြစ်စေပြီး ခါးနာရတာဘဲ ဖြစ်ပါတယ်။
၄။ စိတ်ဖိစီးမှု (Stress)
စိတ်ဖိစီးတဲ့အခါ ကြွက်သားတွေ တင်းမာလာတတ်ပါတယ်။ ကိုယ်ဝန်ဆောင်ချိန်မှာ ခါးပိုင်းက ကြွက်သားတွေဟာ ပိုပြီး ထိခိုက်လွယ်တာကြောင့် စိတ်ဖိစီးမှုကြောင့်လည်း နာကျင်မှု ပိုဆိုးတတ်ပါတယ်။

🤰ကိုယ်ဝန်လရင့်လာတာ နဲ့ အမျှ ဆီးစပ်ကိုက် တယ့် ဝေဒနာကို အတော်လေး ခံစားလာရပါလေ့ရှိကြပါတယ်။

ဆီးစပ် ဒါမှမဟုတ် ပေါင်ခြံနားက နာတာ ဘာကြောင့်ဖြစ်ရတာလဲ ဆိုရင်
🦴တင်ပါးဆုံရိုး ပွခြင်း: ရှေ့မှာပြောခဲ့တဲ့ ဟော်မုန်းအပြောင်းအလဲ ကြောင့် ဆီးစပ်အရိုးအဆစ်တွေ အရမ်းလျော့ရဲသွားတဲ့အခါ လမ်းလျှောက်ရင် ဒါမှမဟုတ် လှုပ်ရှားရင် နာကျင်တတ်ပါတယ်။
👶ကလေးခေါင်း ဖိခြင်း: ကိုယ်ဝန်နောက်ဆုံးပတ်တွေမှာ ကလေးခေါင်းက တင်ပါးဆုံထဲ ဆင်းလာတဲ့အတွက် ဆီးအိမ်နဲ့ ဆီးစပ်ရိုးပေါ်မှာ ဖိအားဖြစ်ပြီး နာကျင်တတ်ပါတယ်။

သက်သာစေဖို့ ဘာလုပ်သင့်သလဲ?
🐣 မတ်မတ်ထိုင်ပါ၊ မတ်မတ်ရပ်ပါ။ အိပ်ရင် ဘေးစောင်းအိပ်ပြီး ခြေထောက်ကြားမှာ ခေါင်းအုံးခုပါ။
👡ဖိနပ်: ဒေါက်ဖိနပ် မစီးပါနဲ့။ အောက်ခံပြား အိအိညက်ညက်ပါတဲ့ ဖိနပ်အပြားကိုပဲ ရွေးစီးပါ။
🏋️အလေးအပင်: အလေးအပင် မတာ ရှောင်ပါ။ တစ်ခုခု ကောက်ချင်ရင် ခါးကိုမကုန်းဘဲ ဒူးကိုညွှတ်ပြီး ကောက်ပါ။
🤰ခါးစည်းပတ်တီး: ကိုယ်ဝန်ဆောင်တွေအတွက် သီးသန့်ထုတ်ထားတဲ့ ခါးထောက်ပံ့ပေးတဲ့ ဗိုက်စည်း (Maternity Support Belt) ကို အသုံးပြုနိုင်ပါတယ်။
💊ဆေးအနေ နဲ့ အကိုက်အခဲ ပျောက်ဆေး ပါရာစီတမော သောက်လို့ရပါတယ် ။

🚫🚫🚫လရင့်လာတာနဲ့ အမျှ နေလို့ မကောင်း တယ့် အခါ ဗိုက်ပြင်ဖို့ တိုက်တွန်းလေ့ရှိကြပါတယ်။ ဗိုက်ပြင်တာကို လုံးဝ(လုံးဝ) မလုပ်သင့်ပါဘူး။ ဗိုက်ပြင်တာဟာ ကောင်းကျိုးတခုမှ မပေးဘဲ ဆိုးကျိုး တွေ နဲ့ ကလေးအတွက် အရမ်းအန္တရာယ်များပါတယ် ။

သိလိုတာတွေ က်ို Dr Fertina အား comment (သို့) messenger မှတဆင့် မေးမြန်း နိုင်ပါတယ်။
By: Dr. Fertina
#မေမေ့ရဲ့ ပထမဆုံးလက်ဆောင်မွန်

18/03/2026

"မေမေလောင်းလေးတို့အတွက် အားကိုးထိုက်ဆုံး... Fertina ကိုယ်ဝန်ဆောင်အားဆေး"
ကိုယ်ဝန်ရှိပြီဆိုတာနဲ့ ဘာတွေစားရမလဲ၊ ဘယ်အားဆေးက အကောင်းဆုံးဖြစ်မလဲဆိုပြီး ဝေခွဲမရ ဖြစ်နေပြီလား? မေမေတို့ရဲ့ စိုးရိမ်ပူပန်မှုတွေကို Fertina (ဖါတီးနား) က အဖြေပေးပါလိမ့်မယ်။
Fertina ကို ဘာကြောင့် အားကိုးသင့်တာလဲ?
သူက သာမန်အားဆေးတစ်မျိုးတည်း မဟုတ်ဘဲ မေမေတို့အတွက် မရှိမဖြစ်လိုအပ်တဲ့ ဗီတာမင် (၁၁) မျိုး၊ သတ္တုဓာတ် (၆) မျိုးနဲ့ ရင်သွေးလေးရဲ့ ဦးနှောက်ဖွံ့ဖြိုးပြီး ဉာဏ်ရည်ထက်မြတ်စေမယ့် Omega-3 (DHA) တို့ကိုပါ စနစ်တကျ ပေါင်းစပ်ထုတ်လုပ်ထားလို့ပါ။ ဆေးဗူးတွေ အများကြီး သောက်နေစရာမလိုဘဲ Fertina တစ်မျိုးတည်းနဲ့တင် ပြည့်စုံစေမှာပေါ့။
ဒါတင်မကသေးပါဘူး... မွေးဖွားပြီး နို့တိုက်မိခင်ဘဝအထိ မိခင်နို့ရည်ကို အာဟာရ ပိုမိုပြည့်ဝစေလို့ ကလေးငယ်ရဲ့ ဖွံ့ဖြိုးကြီးထွားမှုကို များစွာ အထောက်အကူပြုပါတယ်။ မေမေတို့အတွက်လည်း မွေးဖွားပြီးစ အနာကျက်မြန်စေရုံသာမက၊ အသားအရေကို စိုပြေဝင်းပစေလို့ “တစ်သားမွေး၊ တစ်သွေးလှ” ဆိုတဲ့အတိုင်း မိခင်ဘဝရဲ့ အလှပဆုံးအချိန်တွေကို Fertina က ဖန်တီးပေးမှာပါ။
မိခင်ဘဝရဲ့ အစဦးခရီးလမ်းမှာ Fertina က မေမေတို့အတွက် ယုံကြည်စိတ်ချရဆုံး အဖော်မွန် ဖြစ်နေမှာပါရှင်။

#မေမေ့ရဲ့ပထမဆုံးလက်ဆောင်မွန်

18/03/2026

မွေးဖွားဆောင်တွေမှာ ကလေးရေမွှာနည်း လို့ ဆေးရုံ တက်ရောက်မှု ခံယူရတယ့် မိခင် ရာခိုင်နှုန်းကလည်း မနည်းလှပါဘူး။

ကိုယ်ဝန်ဆောင်ချိန်မှာ ရေမွှာရည် အတက်အကျရှိတာက သဘာဝပါ။
ရေမွှာရည်ဟာ သန္ဓေသားလေး လှုပ်ရှားရလွယ်ကူစေဖို့၊ အပူချိန်ထိန်းညှိပေးဖို့နဲ့ အဆုတ်ဖွံ့ဖြိုးဖို့အတွက် အရေးကြီးပါတယ်။

ကိုယ်ဝန်အပတ်ရေအလိုက် ရေမွှာရည်ပမာဏ ဘယ်လို ပြောင်းလဲသွားလဲ ဆိုတာနဲ့ ပက်သတ်ပြီး ပြောပြပေးသွားပါမယ်။
၁။ ကိုယ်ဝန်အပတ်ရေအလိုက် ရေမွှာရည် ပမာဏ အပြောင်းအလဲ
ကိုယ်ဝန်အစောပိုင်းမှာ ရေမွှာရည်ဟာမိခင်ရဲ့ ကိုယ်ခန္ဓာကနေ ထုတ်လုပ်ပေးပေမဲ့ ကိုယ်ဝန် ဒုတိယသုံးလပတ်လောက်မှာတော့ ကလေးရဲ့ ဆီးကနေ ရေမွှာရည် အဓိကဖြစ်လာပါတယ်။ကလေးက ရေမွှာရည်ကို မျိုလိုက် ဆီးကနေ စွန့်လိုက် နဲ့ ရေမွှာရည် ပမာဏ တစ်ခု ကို ထိန်းထားလေ့ရှိပါတယ်
🙈ကိုယ်ဝန် ၁၀ ပတ်ခန့် မှာ ၃၀ml ခန့် (အနည်းငယ်သာ ရှိသေးသည်)
🐣ကိုယ်ဝန် ၂၀ပတ်ခန့်: ၃၀၀ml ခန့်
🐣ကိုယ်ဝန် ၃၀ ပတ်: အများဆုံးအချိန် ဖြစ်ပြီး ၆၀၀ ml
🐣ကိုယ်ဝန် ၃၈ ပတ်ခန့် : ၁၀၀၀ ml ခန့်အထိ ရှိတတ်ပါတယ်။
🐣ကိုယ်ဝန် ၄၀ ပတ် (မွေးခါနီး): 6၀၀ ml ခန့်သို့ ပြန်လည် လျော့နည်းသွားတတ်ပါတယ်။

၂။ ရေမွှာရည်ကို ဘယ်လိုတိုင်းတာလို့ရသလဲ???
ဆရာဝန်တွေက Ultrasound (တယ်လီဗေးရှင်းဓာတ်မှန်) ရိုက်တဲ့အခါ AFI (Amniotic Fluid Index) ဆိုတဲ့ စနစ်နဲ့ တိုင်းတာလေ့ရှိပြီး ယူနစ်အရ စင်တီမီတာ ( cm )အနေ နဲ့ ဖော်ပြလေ့ရှိပါတယ်။

၃။ သတိထားရမည့် အချက်များ
ရေမွှာရည် ပုံမှန်မဟုတ်တာ (နည်းလွန်းတာ သို့မဟုတ် များလွန်းတာ) က ဘာကြောင့်ဖြစ်မလဲ ?
💧ရေမွှာရည် နည်း တာက အချင်းပြသနာကြောင့ ဆိုရင် အချင်းကနေ ကလေးဆီ အာဟာရရောက်တာ အားနည်းမယ်။
ကလေး ကျောက်ကပ်ကြောင့် ရေမွှာရည် အားနည်းတာလား? သို့မဟုတ် ရေမွှာပေါက်နေတာလား ?
💧ရေမွှာရည် များတာက မိခင်မှာ ဆီးချိုရှိနေတာကြောင့်လား? သို့မဟုတ် ကလေးရဲ့ အစာမျိုတဲ့စနစ် ပြဿနာရှိနေတာကြောင့်လား ?
💧ဒါမှ မဟုတ် ကလေးမှာ မိခင်မှာဝမ်းတွင်းထဲ က သွေးအားနည်း ရောဂါဖြစ်နေတာလား?
💧မွေးရာပါ ချို့ယွင်းချက် ရှိနေတာကြောင့်လား? ဆိုတယ့် အကြောင်းရင်းများစွာ ရှိပါတယ်။
၄။ ဆောင်ရန်/ရှောင်ရန် တွေအနေနဲ့
💦ရေများများသောက်ပါ: ရေဓာတ်ပြည့်ဝခြင်းက ရေမွှာရည်ပမာဏကို ပုံမှန်ဖြစ်အောင် ကူညီပေးပါတယ်။
💦ရေဆင်းလျှင် သတိထားပါ: ဗိုက်ထဲကနေ အရည်တွေ စိမ့်ထွက်လာရင် ရေမွှာပေါက်တာ ဖြစ်နိုင်လို့ ဆေးရုံ ချက်ချင်းသွားရောက်ဖို့လိုအပ်ပါတယ်။

By: Dr. Fertina
#မေမေ့ရဲ့ ပထမဆုံးလက်ဆောင်မွန်

17/03/2026

"မေမေဖြစ်ဖို့ ပြင်ဆင်နေပြီလား? Fertina နဲ့အတူ စတင်လိုက်ပါ"
ရင်သွေးလေးကို စောင့်မျှော်နေတဲ့ မေမေလောင်းတို့အတွက် သားသား၊မီးမီးလေးတွေ ကျန်းမာစွာ သန္ဓေတည်နိုင်ဖို့က အဓိကပါပဲ။
Fertina (ဖါတီးနား) မှာ ပါဝင်တဲ့ ဗီတာမင် နှင့် သတ္တုဓါတ်များစွာ က အမျိုးသမီးတွေရဲ့ မျိုးအောင်နိုင်စွမ်းကို မြှင့်တင်ပေးပြီး သားဥ ကျန်းမာရေးကို အထူးအထောက်အကူပြုပေးပါတယ်။ ဒါ့အပြင် Folic Acid (600) mcg အပြည့်အဝ ပါဝင်တာကြောင့် သန္ဓေသား စတင်တည်ဆောက်ချိန်မှာ ချို့ယွင်းချက်မရှိဘဲ ဖွံ့ဖြိုးလာအောင် ကူညီပေးမှာပါ။
Selenium နဲ့ Zinc ကဲ့သို့ သတ္တုဓာတ်တွေကလည်း မျိုးအောင်နှုန်းကို ပိုမိုအားကောင်းစေလို့ ကလေးရရှိနိုင်ခြေကို မြင့်မားစေပါတယ်။

"အနာဂတ်ရဲ့ ရင်သွေးလေးအတွက် မေမေတို့ဘက်က အကောင်းဆုံး ပြင်ဆင်မှုက Fertina ပါ။"

#မေမေ့ရဲ့ပထမဆုံးလက်ဆောင်မွန်

28/02/2026

ရေမွှာရည် က ကလေး ကြီးထွားဖွံ့ဖြိုးမှုမှာ ဘယ်လို အခန်း ကဏ္ဍက လုပ်ဆောင်ပေးသလဲ?
ရေမွှာရည်ဟာ ဗိုက်ထဲကကလေးရဲ့ အသက်ရှူစနစ်၊ အစာခြေစနစ်နဲ့ ကိုယ်လက်အင်္ဂါ ဖွံ့ဖြိုးမှုတွေအတွက်
မရှိမဖြစ် လိုအပ်တဲ့ အခန်းကဏ္ဍကနေ ပါဝင်နေပါတယ်။

ကလေးကြီးထွားဖွံ့ဖြိုးမှုမှာ ရေမွှာရည် ရဲ့ လုပ်ဆောင်မှုတွေကို ရှင်းပြပေးသွားပါမယ်။
🫁အဆုတ် ဖွံ့ဖြိုးမှု
ဒါဟာ အရေးကြီးဆုံးအချက်ထဲက တစ်ခုပါ။ ကလေးဟာ ဗိုက်ထဲမှာရှိစဉ် ရေမွှာရည်ကို ရှူသွင်း၊ ရှူထုတ် လုပ်နေရပါတယ်။ ဒီလိုလုပ်ခြင်းက အဆုတ်ထဲက လေအိတ်လေးတွေကို ပွင့်စေပြီး အဆုတ်ကို ကျယ်လာစေပါတယ်။ ရေမွှာရည် နည်းလွန်းရင် ကလေးမွေးလာတဲ့အခါ အသက်ရှူလမ်းကြောင်းဆိုင်ရာ အခက်အခဲတွေ ကြုံရနိုင်ပါတယ်။
💪ကိုယ်လက်အင်္ဂါနဲ့ ကြွက်သား ဖွံ့ဖြိုးမှု
ရေမွှာရည်ဟာ ကလေးကို အရည်ထဲမှာ ကူးခတ်လှုပ်ရှားခွင့် ပေးထားပါတယ်။ ကလေးက လက်ခြေတွေကို လှုပ်ရှားခြင်း၊ ကန်ခြင်းတွေ ပြုလုပ်နိုင်မှသာ သူတို့ရဲ့ အရိုးနဲ့ ကြွက်သားတွေက သန်မာထွားကြိုင်းလာမှာ ဖြစ်ပါတယ်။
👅အစာခြေစနစ် လေ့ကျင့်ခန်း
ကိုယ်ဝန် ဒုတိယသုံးလပတ်လောက်မှာ ကလေးက ရေမွှာရည်ကို စတင် မျိုချပါတယ်။ ဒါဟာ ကလေးရဲ့ အစာအိမ် နှင့် အူလမ်းကြောင်း ဖွံ့ဖြိုးဖို့အတွက် လေ့ကျင့်ခန်း လုပ်ပေးနေတာ ဖြစ်ပါတယ်။
🪬အကာအကွယ်ပေးခြင်း
•မိခင် ဗိုက်ကို တစ်ခုခုနဲ့ တိုက်မိတာ၊ ထိမိတာမျိုးဖြစ်ရင် ရေမွှာရည်က shock absorber အဖြစ် ဆောင်ရွက်ပြီး ကလေးကို တိုက်ရိုက်ထိခိုက်မှုမရှိအောင် ကာကွယ်ပေးပါတယ်။
• ရေမွှာရည်ထဲမှာ ပိုးမွှားတွေကို တိုက်ထုတ်နိုင်တဲ့ ပဋိပစ္စည်း (Antibodies) တွေ ပါဝင်တာကြောင့် ကလေးကို ကူးစက်ရောဂါတွေကနေ ကာကွယ်ပေးပါတယ်။
🌡️အပူချိန်နှင့် ချက်ကြိုးကို ထိန်းညှိပေးခြင်း
• ရေမွှာရည်က ကလေးအတွက် အမြဲတမ်း နွေးထွေးနေစေမယ့် ပတ်ဝန်းကျင်တစ်ခုကို ဖန်တီးပေးထားပါတယ်။
• ချက်ကြိုးမညပ်အောင် ကာကွယ်ခြင်း: ရေမွှာရည် ရှိနေတဲ့အတွက် ကလေးရဲ့ ကိုယ်ခန္ဓာနဲ့ သားအိမ်နံရံကြားမှာ ချက်ကြိုး (Umbilical Cord) က ညပ်မသွားဘဲ ကလေးဆီ အာဟာရနဲ့ အောက်ဆီဂျင် ပုံမှန်ရောက်ရှိအောင် ကူညီပေးပါတယ်။
အချုပ်အားဖြင့်ဆိုရရင် ရေမွှာရည်ဟာ ကလေးကြီးထွားဖွံ့ဖြိုးမှုမှာ အင်မတန်မှ အရေးကြီးတယ့် အစိတ်အပိုင်း တစ်ခုဘဲ ဖြစ်ပါတယ်။

By: Dr. Fertina
#မေမေ့ရဲ့ ပထမဆုံးလက်ဆောင်မွန်

Fertina Myanmar

29/04/2026

21/04/2026

20/04/2026

20/04/2026

30/03/2026

30/03/2026

30/03/2026

30/03/2026

18/03/2026

18/03/2026

17/03/2026

28/02/2026

Address

Website

Alerts

Shortcuts

Share

Category