https://www.facebook.com/100987949509414/

Mudra Pre-School

Home
Myanmar
Dalla
Mudra Pre-School

မိမိ၏ အသည်းကျော် ရင်သွေးငယ်များအား
လုံခြုံ စိတ်ချရသော ပတ်ဝန်းကျင်နှင့်
ချစ်ခင်ကြင်နာမှု အပြည့်ပေးနိုင်သော ဆရာမများ
ရှိရာ MUDRA KID ZONE သို့ လာအပ်ပါရှင့်😍

06/09/2024

18/08/2024

လျောအိမ်လေး အရမ်းလိုချင်ပေမဲ့ စျေးခေါင်ခိုက်နေလို့ ကြည့်နေရတာ။
ကလေးတွေ အတွက် ဘာဖြစ်ဖြစ်ဆိုပြီး ပိတ်ရက် ၂ရက် အိပ်ရေးပျက်ခံ အားစိုက် လုပ်လိုက်တော့လည်း ပြီးသွားတာပါပဲ။
လက်သမား ဆရာ မဟုတ်လေတော့ လက်ရာ မသေသပ်ပေမဲ့ အင်မတန် ခိုင်ခံ့တဲ့ ကစား စရာလေး ဖန်တီးနိုင်ခဲ့ပြီ။
မနက်ဖြန် ကလေးတွေ ပျော်နေတာမြင်ရရင် ပင်ပန်းရကျိုး နပ်ပါပြီလေ။ 😍😍😍

20/07/2024

13/07/2024

ကလေးမိဘတွေ သိသင့်တယ် ထင်တာလေးတစ်ခု ပြောပြချင်ပါတယ်။
မူကြို အရွယ် ကလေးတွေကို စာအရေးသင်ခြင်းဖြင့် ကလေးက စာပိုတော်သွားမယ်၊ ပိုတတ်သွားမယ်လို့ ထင်ကြတဲ့ မိဘတွေ အတော်များများ တွေ့လာရပါတယ်။
၃ နှစ်ကနေ ၄နှစ်အတွင်း ဘက်စုံဖွံ့ဖြိုးမှုမရတဲ့ ကလေးကို ၄ နှစ်ကျော်တာနဲ့ သူများကလေးနည်းတူ စာအရေးတန်းပြီး သင်ချင်လို့ မရပါဘူး။

ဘက်စုံဖွံ့ဖြိုးမှုမှာ အဓိက ပါတဲ့ အာရုံစူးစိုက်မှုဆိုတဲ့ ဖွံ့ဖြိုးမှု မရတဲ့ကလေးကို စာရေးခိုင်းမယ်ဆို ရေးပါလိမ့်မယ်။ သူဘာရေးနေလဲ ဘာလို့ရေးနေရလဲ မသိသလို လက်ရေးက လှလိုက်၊ မလှလိုက် အရွယ် ညီလိုက် မညီလိုက် နဲ့ တစ်ခါလေ စိတ်မရှည်ပဲ စာရွက်တွေပြဲတာ အထိပါ ဖြစ်နိုင်ပါတယ်။

ဘက်စုံဖွံ့ဖြိုးမှု ရပြီးသွားတဲ့ ကလေးကတော့ ၄နှစ်ကျော်ရင် အမြင်တွေ အကုန်ရပြီးသားမို့ အရေးသင်တဲ့ အခါ သူဘာကိုရေးသလဲ သိသလို
က ကြီးဆို ဘယ်နှစ်ခါ ဆွဲရမယ်၊ A ဆို ဘယ်နှစ်ခါ ဆွဲရမယ်၊ ဘယ်က စရေးရမယ် ဆိုတာကို သင်လိုကြားလို့
ရသွားပါပြီ။

ဒီမူကြိုက စျေးသက်သာတယ်၊ ငါ့သားသမီးတုန်းက ဘယ်မှာထားတာ ဘယ်ကကောင်းတယ် ဆိုတာတွေက ခုခေတ်မှာ မရှိတော့ပါဘူး။

ကလေးတစ်ဦးချင်းဆီ လက်ရေးလှအောင်
အဆွဲအငင်မှန်အောင် စာကို လက်ထပ်သင်မယ်ဆို ကလေး ၁၅ယောက်ထက် ပိုမကိုင်နိုင်ကြပါဘူး။
ငါတို့တုန်းက ကလေးဘယ်နှစ်ယောက်ရှိခဲ့လဲ၊ ဆရာမ ဘယ်နှစ်ယောက်ရှိခဲ့လဲ ၊ ဝါသနာ ဆရာမလား အသပြာ ဆရာမလား ဖေဖေ မေမေတို့ ခွဲခြား သိရတော့မှာပါ။
ကျနော်တို့ ငယ်ငယ်က ဝါသနာ ဆရာ၊ ဆရာမတွေ အလွန်များခဲ့တာကို အမှတ်ရပေးပါ။

ခုခေတ်မှာ အသပြာဆရာမတွေကြောင့်
ပညာရေးက တကယ်တော်တဲ့ကလေး ဘေးရောက်ပြီး
အသပြာတတ်နိုင်တဲ့ကလေး စာမေးပွဲစာရပြီး A+ တွေ ဖြစ်နေတာ မြင်နေကြားနေရပါတယ်။

ကိုယ့်ဆီမှာတော့ KG တွေကို ကလေးဦးရေ ၁၅ယောက် အောက်မှပဲ ဆရာမ ၁ယောက် သီးသန့် သင်စေပါတယ်။
ပညာရေးရဲ့ အခြေခံအုပ်မြစ်ဖြစ်တဲ့ ကလေးဘဝမှာ ဘာကိုမှ အမှားခံလို့ မရလို့ပါ။
၅နှစ်ကျော်ပြီး ခဲတံကိုင်တာမှားတာတွေ၊ အရေးအသား မှားတာတွေ လက်ရေး မလှတာတွေ ကိုယ့်ဆီကို အရွယ်လွန်မှ ရောက်လာတာလေးမြင်မိပြီး စိတ်မကောင်းဖြစ်မိလို့ ရေးခြင်း ဖြစ်ပါတယ်။

ချစ်ခြင်းများစွာဖြင့်
MDKZ

12/07/2024

တစ်နေကုန် ဖုန်းကြည့်၊ you tube ကြည့်ပြီး
မြန်မာစကားတောင် မပြောတတ်ဘဲ ဘိုလိုတွေဘဲ
ပြောတတ်တဲ့ ကလေးတွေ ဒီခေတ်အတော်ပေါလာပါပြီ
သာမန်ကြည့်ရင် ကလေးကတော်လိုက်တာပေ့ါ
တကယ်တော့ screetime များပြီးside effects တွေပိနေတဲ့ ကလေးတွေ ဖြစ်လာတာပါ

သင်တန်းမှာလာတဲ့ အချို့ကလေးတွေ
အသက် ၅ နှစ်ပြည့်ပြီးတာတောင်
ခဲဖျက်တောင် လက်ထဲမြဲအောင် မကိုင်နိုင်တော့တာ
Grip တွေမကောင်းတော့တာ
Body က passive ဖြစ်ပြီး
သေးသေး လီလီ ဖြစ်နေတာတွေ
လက်တွေ့ မြင်နေရပါတယ် …

ဘိုစကားတတ်ဖို့က
တစ်နေ့နည်းနည်း သင်လည်းတတ်ပါတယ်
လောဘမကြီးပါနဲ့
ဖုန်းအပေးလွန်ပြီး
ကလေး physical/ mental abnormal ဖြစ်သွားတာက
ပိုဆိုးပါတယ်

♦️♦️♦️♦️♦️♦️

မိဘများအချိန်ပေးပြီးဖတ်ပေးပါရန်💕💕💕

ယနေ့မှစ ကလေးငယ်များကိုဖုန်းဖြတ်ကြပါရန်။မည် မည်သူမှ ဖုန်းမပြရန်တောင်းဆိုချင်ပါသည်။

ဖုန်းနဲ့ ငြိမ်တယ်
ကလေး၏ လူမှု့ဘ၀ပါ ငြိမ်သွားစေနိုင်ပါတယ်။
ကလေးများကို ငြိမ်နေဖို့ ဖုန်း TV လုံး၀မပေးပါနှင့်။

Phone, Tablet, Games, TV, ကာတွန်း စသည့်
Screen Time ၏ ဆိုးကျိုးများ

ဦးနှောက်အားရုံကြော ပုံမှန်အလုပ်မလုပ်ခြင်း။
လူတွေနဲ့ စကားပြောဆက်သွယ်မှုမလုပ်နိုင်ခြင်း။
မှတ်ဥာဏ်သာကောင်းပြီး ပုံမှန်မတွေးခေါ်နိုင်ခြင်း။
နေ့စဉ် အီးသေးကိစ္စပင် မတောင်းဆိုတတ်ခြင်း။
ထမင်းဟင်းအာဟာရကို ပုံမှန်ကလေးများလို မစားတတ်ခြင်း၊
လိုချင်တာ ဖြစ်ချင်တာ မတောင်းတတ်ခြင်း။
စိတ်ကစင့်ကလျားဖြစ်နေခြင်း။
ကိုယ်ခန္ဓာကို မထိန်းချူပ်နိုင်ခြင်း။
ခံစားမှုကို မဖော်ပြတတ်ခြင်း ။
အမြဲ ဂဏာမငြိမ်ခြင်း။
အိပ်စက်နိုင်မှုမရှိခြင်း၊

ကလေးငယ်စဉ်မှာ မိသားစုများ မအားလပ်လို့ ကလေးအား
Phone, Tablet, Games, TV, ကာတွန်း စသည့်တို့ဖြင့်
ငြိမ်နေအောင် အချိန်ကုန် အဖော်ပြုစေပါက
ကလေးသည် လူမှု့ဘ၀တွင် အခက်အခဲများစွာ ရင်ဆိုင်နိုင်ဖို့ ကလေးမိသားစုများ အဆင်သင့်ပြင်ထားပါ။

ယနေ့ သင်မအားလပ်မှုသည်
သင်ကလေး၏ လူမှု့ဘ၀ကို ပေးဆပ်ရပါလိမ့်မည်။

ကလေးများ ငယ်စဉ်မှာ သင်အားအောင်လုပ်ပါ။
သင့်ကလေးကို အဖေါ်အဖြစ် အုပ်ထိန်းသူအဖြစ်
နေ့စဉ် သင်ကြားကစားပေးပါ။

ကလေးများကို ငြိမ်နေဖို့ ဖုန်း TV လုံး၀မပေးပါနှင့်။
ကလေး၏ လူမှု့ဘ၀ပါ ငြိမ်သွားစေနိုင်ပါတယ်။

မိသားစုအတော်များများထဲက
၅နှစ်အောက် ကလေးတွေ ဒီပြသနာတွေနဲ့
ရင်ဆိုင်နေရပါတယ်။

နေ့စဉ်နဲ့အမျှ ဒီလိုကလေးတွေကို တွေ့ရတာများလာတော့
ရင်ထဲ စိတ်မကောင်းလွန်းလို့ပါ။

ကလေးက စကားသိပ်မပြောဘူး
မိဘက မအားလို့
အဖိုးအဖွားတွေ မရှိလို့ မထိန်းနိုင်လို့
ကလေးထိန်းနဲ့ပဲထားရလို့
ဘယ်သူမှ ကလေးနား နေချိန်မပေးနိုင်လို့
အကြောင်းပြချက်များစွာသည်
ကလေးဘ၀ကို တကယ်ပင် ငြိမ်သွားစေတာပါပဲ။

ကလေးကို ကလေးမိသားစုက ကူညီမှ ဖြစ်မှာပါ။

ကလေးကို ချစ်ရင် ကလေးနဲ့အတူ အချိန်ကုန်လွန်ပါစေ
ကလေးနဲ့အတူ ကလေးလို ဆော့ကစားပါ။
ကလေးနဲ့အတူ ပြေးလွှားခုန်ကစားပါ။
ကလေးနဲ့အတူ ပြောဆိုငြင်းခုံကာ ကစားပါ။
သင်ကလေးသည် ပုံမှန်ထက် ထူးချွန်နေပါလိမ့်မည်။

သင့်ကလေးကို တကယ်ချစ်သလား။
အထပ်ထပ် အခါခါ မိမိကိုယ်ကို မေးကြည့်ပါ။
သင့်ကလေးကို သင်ချစ်ပေးပါ။

လူတိုင်း မိသားစုတိုင်း ဘ၀အခက်အခဲများစွာ ရင်ဆိုင်ရပါတယ်
ဘယ်လောက်ကြီးသော ရည်မှန်းချက် နဲ့ အခက်အခဲရှိရှိ
သင့်ကလေးဘ၀ကို စတေးမခံပါနဲ့။

တကယ်ချစ်ပေးပါ❤❤❤

30/06/2024

စိတ်ပိုင်းဆိုင်ရာ၊ ကိုယ်ပိုင်းဆိုင်ရာ ကျန်းမာရေး ကောင်းမွန်စေရန်နှင့် ပျော်ရွှင်ဖွယ်ကလေးဘဝ ရရှိစေရန် အပြ...

09/06/2024

ဆရာဇော်၏ အင်္ဂလိပ်စာ
အထူး အတန်းသစ်များအား ၈လပိုင်း ၃ရက်နေ့တွင်
စတင်ဖွင့်လှစ် သင်ကြားမည် ဖြစ်ပါမည်။
😍ယခုမှစ၍ နာမည်စာရင်း ပေးသွင်းနိုင်ပါပြီ😍
၆ ယောက်လျှင် တစ်ဝိုင်းဖြင့် အထူး သီးသန့် သင်ကြားပေးမည် ဖြစ်ပါသည်။
အသက် ၁၀ နှစ်မှ စ၍ လက်ခံ သင်ကြားပေးပါသည်။
သင်တန်းဖွင့်ရက် ။ ။ စနေ၊ တနင်္ဂနွေ။
သင်တန်း အချိန် ။ ။(မနက် ၈ နာရီမှ ၁၀နာရီ) ။
(မနက် ၁၀ နာရီ မှ ၁၂ နာရီ) ။
(ညနေ ၁ နာရီမှ ၂ နာရီ) ။
သင်တန်းကြေး ။ ။ ၃ လစာ (၁၀၀၀၀၀) အပြီး
ပေးသွင်း ရပါမည်။

နေရာ။ ။ဆရာစံ လမ်းမကြီး၊ စက်မြေရပ်ကွက်၊ ဒလ။

03/06/2024

Mudra Disco Music Club ရဲ့
သင်တန်းနည်းပြ ဆရာမလေးပါ😍😍😍

31/05/2024

Screentime များတဲ့ ကလေးလေးတွေဟာ မူကြိုမှာ၊ ကျောင်းမှာ ပြဿနာတချို့ ကြုံရတတ်ပါတယ်။ ဘာကြောင့်လဲဆိုရင် …

𝐎𝐯𝐞𝐫𝐬𝐭𝐢𝐦𝐮𝐥𝐚𝐭𝐢𝐨𝐧 𝐟𝐫𝐨𝐦 𝐒𝐜𝐫𝐞𝐞𝐧𝐬
TV, iPad, Tablet, Phone တွေရဲ့ Screen ထဲက အရောင်အသွေးစုံလင်မှု၊ မြန်ဆန်မှု၊ လက်နဲ့ပွတ်လိုက်တဲ့ခဏလေးမှာ ပြောင်းလဲနိုင်မှု စတဲ့အရာတွေဟာ ကလေးရဲ့အမြင်အကြားအာရုံတွေကို တရားလွန်လှုံ့ဆော်ပေးသလို ဖြစ်နေခဲ့ပါတယ်။ ကျောင်းတက်/မူကြိုတက်တဲ့အခါမှာတော့ မူကြိုက ဆရာ/ဆရာမတွေရဲ့ အပြုအမူတွေ၊ လှူပ်ရှားမှုတွေက Screen ထဲကအရာတွေလောက် မမြန်ဆန်၊ အရောင်မစုံ၊ လျှပ်တပြက် မဖြစ်နိုင်တဲ့အတွက် ကလေးက ကျောင်းမှာ ပျင်းပါတယ်။ အဲဒါကြောင့် ကျောင်း Activities တွေမှာ လိုက်မလုပ်တာမျိုး ဖြစ်တတ်ပါတယ်။

𝐑𝐞𝐝𝐮𝐜𝐞𝐝 𝐀𝐭𝐭𝐞𝐧𝐭𝐢𝐨𝐧 𝐒𝐩𝐚𝐧
Screentime များလွန်းတဲ့အခါ အာရုံစူးစိုက်နိုင်မှုလည်း လျော့ကျပါတယ်။ အဲဒါကြောင့် Classroom Activities တွေ လိုက်လုပ်နိုင်ဖို့၊ ဆရာ/ဆရာမရဲ့ ညွှန်ကြားချက်တွေ လိုက်နားထောင်ဖို့ အခက်အခဲဖြစ်နိုင်ပါတယ်။

𝐒𝐨𝐜𝐢𝐚𝐥 𝐒𝐤𝐢𝐥𝐥𝐬 𝐃𝐞𝐟𝐢𝐜𝐢𝐭
Screentime ဟာ ကလေးတွေ အတူစကားပြောခြင်း၊ အတူကစားခြင်းကို အစားထိုးလိုက်တဲ့အတွက် လူမှူဆက်ဆံရေးဖွံ့ဖြိုးမှုကို ထိခိုက်စေပါတယ်။ အဲဒါကြောင့်ပဲ လူကြားထဲ သင့်တင့်လျောက်ပတ်အောင် မနေတတ်၊ သူငယ်ချင်းတွေနဲ့အတူ မကစားတတ်၊ အလှည့်ကျစောင့်ရတာတွေ မစောင့်နိုင်၊ အဖွဲ့အစည်းနဲ့လုပ်ရတာတွေ မလုပ်ချင် စသဖြင့် ဖြစ်တတ်ကြပါတယ်။

𝐂𝐨𝐠𝐧𝐢𝐭𝐢𝐯𝐞 𝐈𝐦𝐩𝐚𝐜𝐭
တချို့ Educational App တွေက ကလေးအတွက် အသုံးဝင်တာမှန်ပေမဲ့ သင့်တော်တာထက် Screentime ပိုများတဲ့အခါ ဉာဏ်ရည်ဖွံ့ဖြိုးဖို့ အထောက်အကူဖြစ်စေတဲ့ စိတ်ကူးယဉ်ကစားနည်းတွေ၊ လက်နဲ့ထိတွေ့ ကစားရတဲ့ ကစားနည်းတွေ၊ ပုံပြင်ဖတ် စာအုပ်ဖတ်ခြင်းတွေ မလုပ်တတ်တော့ပါဘူး။

𝐃𝐞𝐩𝐞𝐧𝐝𝐞𝐧𝐜𝐲 𝐨𝐧 𝐈𝐧𝐬𝐭𝐚𝐧𝐭 𝐆𝐫𝐚𝐭𝐢𝐟𝐢𝐜𝐚𝐭𝐢𝐨𝐧
Screen ထဲက ဂိမ်းတွေဟာ ကလေးတွေရဲ့အောင်မြင်မှုကို ချက်ချင်းမြင်ရစေပါတယ်။ ဂိမ်းတစ်ခုပြီးဆုံးတာနဲ့ သူနိုင်/မနိုင်ဆိုတာ စက္ကန့်မလပ် ချက်ချင်းသိရပါတယ်။ အပြင်လောကမှာတော့ တစ်ခုခုလုပ်ပြီးရင် အဖြေက အဲဒီလောက်မြန််မြန်မရဘဲ စိတ်ရှည်ရှည်စောင့်ရတာမျိုးတွေ ရှိပါတယ်။ အဲဒီအခါမျိုးမှာ ကလေးက စိတ်မရှည်တော့ပါဘူး။

ကလေးလေးတွေကို Screentime လျှော့ခိုင်းတဲ့အခါမှာ ကလေးအချင်းချင်း အတူကစားနိုင်ဖို့ စီမံပေးဖို့ကလည်း အရေးကြီးပါတယ်။ သူ့အတွက် ကစားဖော်ရှိဖို့လိုပါတယ်။ Screentime ကို ချက်ချင်းဖြတ်တာထက် ဖြေးဖြေးချင်း လျှော့သွားပြီး နောက်ဆုံးမှာ တနေ့ကို ၁ နာရီ (သို့မဟုတ်) ၂ နာရီဆိုတဲ့ သတ်မှတ်ချက်အတွင်း ဝင်အောင်ကြိုးစားရမှာ ဖြစ်ပါတယ်။ အဲဒီလိုမှသာ ကလေးက ကျောင်းမှာပိုပြီး အဆင်ပြေလာမှာပါ။

Jessica Mozart
May 30, 2024 (Thursday)

✅ လွတ်လပ်စွာ Share နိုင်ပါသည်။
⚠️ Copy ပြန်တင်ခြင်း ခွင့်မပြုပါ။

Address

Sayar San Street
Dalla

Telephone

+959421162701

Website

facebook.com

Alerts

Be the first to know and let us send you an email when Mudra Pre-School posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Mudra Pre-School:

Videos

Mudra Disco Music Club ရဲ့ သင်တန်းနည်းပြ ဆရာမလေးပါ😍😍😍

ကလေးကို လွတ်လွတ်လပ်လပ်နဲ့ အေးအေးဆေးဆေး ဆော့စေချင်တယ်ဆို ပြည်လမ်း၊ စိန့်ဂျွန်း မှတ်တိုင်နားက စိန်ဂေဟာ ပထမ ထပ်မှာ ရှိတဲ့ ကစားကွင်းလေးကို ညွှန်းပါတယ်။ Air con အေးအေးလေးနဲ့ လာဆော့တဲ့ ကလေးလည်း နဲတာမို့ အတော်လေး အဆင်ပြေတဲ့ နေရာပါ။ဝင်ကြေးလေးက ၁၀၀၀ တည်းမို့ ကလေးတွေလည်း ဆော့၊ ကိုယ်လည်း အေးဆေးနား😍😍😍

Mudra Kid Zone ရဲ့ ပထမဆုံး ကျောင်းဆင်းပွဲ အမှတ်တရ😍😍😍

Sat & Sun English 4skills class

#YouCut

၃နှစ်ကတည်းက မူကြိုထားတဲ့ကလေး။ ဘယ်အချိန်စာမေးမေး အကုန်ရနေပြီ။

အလှည့်ကျ တန်းစီးတတ်စေရန်နှင့် ကိုယ်ကာယ ကြံခိုင်မှု စစ်ဆေးခြင်း 😍😍

ကလေးတွေအတွက် သီတင်းကျွတ် မီးပုံးလက်ဆောင်။ တီချယ်လေးတွေ ရဲ့ တီထွင်ဖန်တီးမှုနဲ့စေတနာကြောင့် ပျော်ရွှင်နေသော သားသား မီးမီးလေးများ😍😍🥰🥰🥰

#ဆရာအလုပ်ဆိုတာ စာသင်ရတဲ့ အလုပ်က မလွယ်ပါ။ ကိုယ်ကိုယ်တိုင် စာသင်တဲ့ နယ်ပယ်ထဲ၊ ထဲထဲဝင်ဝင် ရောက်လာလေလေ၊ စာသင်တဲ့ အလုပ်အပေါ်မှာ ပိုပြီး တာဝန်ကြီးတယ်လို့ ခံယူလာဖြစ်လေလေ ဖြစ်လာတယ်။ စာသင်တဲ့ အလုပ် က၊ တကိုယ်လုံး နဲ့ လုပ်ရတယ်။ စာသင်ဖို့အတွက်၊ ဦးနှောက်လည်း သုံးရတယ်။ နှလုံးသားလည်း ပါရတယ်။ ကိုယ်ကာယကလည်း အားစိုက်ရတယ်။ ဥပမာ၊ စာသင်တဲ့ အချိန်တခုတည်းကိုပဲ ကြည့်ပါ။ စာသင်ချိန်မှာ၊ ဦးနှောက်လည်း တရပ်စပ် အလုပ် လုပ် နေရတယ်။ ဒီလိုပဲ ပါးစပ်က နေလည်း တတွတ်တွတ် ပြောနေရတယ်။ စာသင်နေရင်း လက်ဟန်၊ ခြေဟန် တွေ… က ၊ ဟိုလှုပ် ဒီလှုပ်။ တကိုယ်လုံးက လှုပ်ဖို့ လိုရင် လှုပ်နေရတယ်။ Body language နဲ့လည်း သင်ရ၊ နှုတ်ကလည်း အားထုတ်နေရတယ်။ ဒီကြားထဲမှာ၊ ဆရာတစ်ယောက်ဆိုတဲ့ အသိစိတ်က လူကို လွှမ်းမိုးနေတယ်။ နှလုံးသားကနေ၊ သင်ယူသူတွေ နားလည်ရဲ့လား။ သူတို့ နာ

ကစားရင်းသင်၊ ကဗျာဆိုရင်း သင်။

တနေ့တာ ကိုယ်လက်လှုပ်ရှား။

#မိဘ၊ဆရာ အစည်းအဝေးပွဲ။ #ပညာတန်ဆောင် မူကြို ဆရာဖြစ် သင်တန်းကျောင်းမှ သင်တန်းနည်းပြ ဆရာမကြီး ဒေါ်မြမြဝင်း ၏ မူကြိုပညာရေး အရေးကြီးပုံအကြောင်း ဆွေးနွေးမှု မှတ်တမ်း။ # အပိုင်း (၅)

#မိဘ၊ဆရာ အစည်းအဝေးပွဲ။ #ပညာတန်ဆောင် မူကြိုဆရာဖြစ် သင်တန်းကျောင်းမှ သင်တန်းနည်းပြ ဆရာမကြီး ဒေါ်မြမြဝင်း ၏ မူကြိုပညာရေး အရေးကြီးပုံအကြောင်း ဆွေးနွေးမှု မှတ်တမ်း။ # အပိုင်း (၄)

# #မိဘ၊ဆရာ အစည်းအဝေးပွဲ။ #ပညာတန်ဆောင် မူကြိုဆရာဖြစ် သင်တန်းကျောင်းမှ သင်တန်းနည်းပြ ဆရာမကြီး ဒေါ်မြမြဝင်း ၏ မူကြိုပညာရေး အရေးကြီးပုံအကြောင်း ဆွေးနွေးမှု မှတ်တမ်း။ # အပိုင်း (၃)