27/10/2025
ဆီးချို ရှိသူ၊ ဝိတ်လျော့ နေသူတွေ အတွက် ကော်ဖီ ဘယ်လိုဖျော်သင့်လဲ။ ☕☕
ကော်ဖီကြိုက်တတ်သူတွေ အတွက် ကျန်းမာရေးနှင့် ညီညွတ်သော ကော်ဖီဖျော်နည်း မျှဝေချင်ပါတယ်။ ကော်ဖီမှုန့် သက်သက်မှာ ကယ်လိုရီ လုံးဝမပါဝင်ပါဘူး။ pure coffee သက်သက်ကြောင့် ဝိတ် မတက်စေပါ။ ကော်ဖီဖျော်တဲ့အခါ ထည့်တဲ့ သကြား၊ နို့ဆီ၊ နွားနို့၊ နို့စိမ်း ပါဝင်မှုပေါ် မူတည်ပြီးပဲ သွေးချို/ ကယ်လိုရီ တက်စေပါတယ်။
3In1 Coffe mix ထုတ်တွေနဲ့၊ ဆိုင်ဖျော် coffee တွေမှာတော့ သကြား၊ နို့ဆီ၊ creamer တွေ ထည့်ထားတော့ သောက်ပြီးရင် သွေးချိုတက်စေပါတယ်။ ဝိတ်ချနေတဲ့သူတွေအတွက်ဆိုလည်း ကယ်လိုရီတက်စေတယ်။
အိမ်မှာပဲ ကော်ဖီမှုန့်၊ နွားနို့၊ ဆီးချိုသကြားတို့နဲ့ဖျော်သောက်ပါ။ ဒီပုံမှာ ပြည်တွင်းဖြစ်ထွက်ကုန်ဖြစ်တဲ့ Ever Win Coffee မှုန့် ကို သုံးထားပါတယ်။ အဆီထုတ်မထားတဲ့ ရိုးရိုးနွားနို့ကို သုံးထားပါတယ်။ သွေးတွင်း ကိုလက်စထရော များတဲ့သူဆို အဆီထုတ်ထားတဲ့ low fat milk, non fat milk က ပိုသင့်တော်ပါတယ်။
ပါဝင်ပစ္စည်းများနှင့်ပြုလုပ်ပုံ
☕ Pure Coffee မှုန့်
🥛 နွားနို့ ထမင်းစားဇွန်း 3 ဇွန်း
🫙 ဆီးချိုသကြားခဲ 2 ခဲ
ဒီလို ဖျော်ထားတဲ့ ကော်ဖီတခွက်မှာ ကယ်လိုရီ (၂၅) ခန့်ပဲပါဝင်ပါတယ်။ Glycemic load အနေ့နဲ့ GL (1) လောက်ပဲ တက်ပါမယ်။ အဆီထုတ်နွားနို့နဲ့ ဖျော်ရင် ကယ်လိုရီ (၂၀) လောက်ပဲပါဝင်လို့ ကယ်လိုရီ ပိုနည်းတယ်။
ကော်ဖီနှင့် ကျန်းမာရေး အစွမ်းသတ္တိများ
✅ ကော်ဖီမှာ antioxidant အစွမ်းသတ္တိ ရှိတယ်။ အိုမင်းရင့်ရော်ခြင်းကိုကာကွယ်ပေးတယ်။
✅ တချို့သော ကင်ဆာရောဂါဖြစ်ပွားမှုကို လျော့နည်းစေတယ် (ဥပမာ သားအိမ်ကင်ဆာ၊ ဆီးကျိတ်ကင်ဆာ)
✅ ကော်ဖီတွင် Riboflavin (vitamin B2), Pantothenic acid (vitamin B5), Manganese and potassium ဓါတ်များကြွယ်ဝပါသည်။
✅ metabolism တက်စေလို့ ကိုယ်လေးချိန် မတက်အောင် ထိန်းပေးတယ်။
✅ ကော်ဖီတွင်ပါဝင်သော Caffine ဓါတ်သည် ဦးနှောက်အတွင်းရှိ dopamine , norepinephrine ဓါတ်များကို များစေသည့်အတွက် တက်ကြွနိုးကြားစေပြီး၊ အာရုံစူးစိုက်မှုနှင့် မှတ်ဥာဏ်ကောင်းစေပါသည်။
✅ ကော်ဖီသောက်သုံးမှုသည် အမျိုးအစား ၂ ဆီးချိုဖြစ်ပွားမှုကို ၂၃-၆၇ % အထိ လျှော့ကျစေပါသည်။ (ဆီးချိုမဖြစ်သေးသူများတွင် ဆီးချိုဖြစ်ဖို့ အခွင့်လျော့နည်းစေသည်။ ဆီးချိုဖြစ်ပြီးသူများ ကော်ဖီကြောင့် ဆီးချို မပျောက်ပါ။)
✅ ပါကင်ဆန်ရောဂါ (Parkinson) ဖြစ်ပွားမှုကို ၃၂- ၆၀ %အထိလျှော့ကျစေပါသည်။ Alzheimer's ရောဂါ ဖြစ်ပွားမှုကိုလည်း လျော့နည်းစေသည်။
✅ နယ်သာလန်တွင် လူပေါင်း 4 သောင်းကျော်ကို ဆယ်နှစ်ကျော်စောင့်ကြည့်ပြီး ပြုလုပ်ခဲ့တဲ့ သုတေသနအရ တနေ့ကို လက်ဖက်ရည်/ ကော်ဖီ သုံးခွက်နှင့် အထက် သောက်သုံးသူများမှာ ဆီးချိုရောဂါဖြစ်ဖို့ 42% လျော့နည်းကြောင်း တွေ့ရပါတယ်။
✅ သတိပြုရန်မှာ သုတေသနများအရ ဆီးချိုရှိသူများ coffee အများကြီးသောက်လျင် ကော်ဖီတွင်ပါဝင်သော caffine ဓာတ် သည် Insulin sensitivity ကို ကျစေသဖြင့် ဆီးချိူတက်စေပါသည်။ ဆီးချိုရှိလျင် တနေ့ကို ကော်ဖီ (၂) ခွက်ထက် ပိုမသောက်သင့်ပါ။
✅ ဆီးချိုမရှိသူများ တနေ့ကို coffee ၄ ခွက်ထက် ပိုမသောက်သင့်ပါ။ ကော်ဖီတွင်ပါဝင်သော Caffine ဓာတ်ကြောင့် ရင်တုန်ခြင်း၊ နှလုံးခုန်မြန်ခြင်း၊ အိပ်မပျော်ခြင်းများ ဖြစ်စေနိုင်ပါတယ်။
Dr Nora
MBBS
MSc Clinical Nutrition
Ref:
1. Coffee and tea consumption and risk of type 2 diabetes; S. van Dieren, C. S. P. M. Uiterwaal, Y. T. van der Schouw, D. L. van der A, J. M. A. Boer, A. Spijkerman, D. E. Grobbee & J. W. J. Beulens
2. diabetes.co.uk/food/coffee-and-diabetes.html
