13/02/2023
သွေးပေါင်ချိန် တက်တယ်ဆိုတာ ဘာလဲ?
ခန္ဓာကိုယ်အတွင်း သွေးလွှတ်ကြောများထဲသို့ သွေးစီးဆင်းတဲ့အားကို blood pressure (သွေးပေါင်ချိန်) လို့ သတ်မှတ်ပါတယ်။ သွေးတွေက သွေးလွှတ်ကြောထဲသို့ ပုံမှန်ထက်များတဲ့ ဖိအားနှင့် စီးဆင်းတဲ့အခါမှာတော့ Hypertension လို့ခေါ်တဲ့ သွေးတိုးရောဂါ ဖြစ်လာပါတယ်။
သွေးတိုးရောဂါဖြစ်စေတဲ့ အကြောင်းအရင်းများစွာ ရှိပါတယ်။ အချိန်အတော်ကြာတဲ့အထိ သွေးပေါင်ချိန်အရမ်းမြင့်တက်နေပါက အခြားကျန်းမာရေးပြဿနာများကိုလည်း ခံစားရစေနိုင်ပါတယ်။ မထိန်းချုပ်နိုင်လောက်အောင် မြင့်မားနေတဲ့ သွေးပေါင်ချိန်က သင့်ကို လေဖြတ်ခြင်း၊ နှလုံးရောဂါ၊ နှလုံးဖောက်ခြင်းနှင့် ကျောက်ကပ်ပျက်ဆီးခြင်းတို့ ခံစားရနိုင်ချေလည်း ပိုမြင့်မားစေပါတယ်။
သွေးတိုးရောဂါ (၂) မျိုးရှိပါတယ်။
1. Primary Hypertension
သွေးပေါင်ချိန်မြင့်မားခြင်းရဲ့ အကြောင်းအရင်းကို ရှာမတွေ့နိုင်တာကြောင့် primary hypertension ကို essential hypertension လို့လည်း ခေါ်တတ်ကြပါတယ်။ ဒီလို သွေးပေါင်ချိန်မြင့်တက်လာဖို့ နှစ်ပေါင်းများစွာ အချိန်ယူရပြီး အဖြစ်အများဆုံး သွေးတိုးရောဂါလည်း ဖြစ်ပါတယ်။ သင့်ရဲ့ လူနေမှုပုံစံ၊ ပတ်ဝန်းကျင်နှင့် အသက်အရွယ်အလိုက် သင့်ခန္ဓာကိုယ် ပြောင်းလဲပုံတို့ကြောင့် ဖြစ်တဲ့ သွေးတိုးရောဂါတစ်မျိုးလည်း ဖြစ်ပါတယ်။
2. Secondary Hypertension
ကျန်းမာရေးပြဿနာတစ်ခုခု သို့မဟုတ် ဆေးဝါးတစ်မျိုးမျိုးကြောင့် ဖြစ်တဲ့ သွေးတိုးရောဂါကိုတော့ secondary hypertension လို့ ခေါ်ပါတယ်။ Secondary hypertension ဖြစ်စေတဲ့ အကြောင်းအရင်းတွေထဲမှာတော့ အောက်ပါတို့ ပါဝင်ပါတယ်:
ကျောက်ကပ်ပြဿနာများ
Sleep apnea (အိပ်ပျော်နေစဉ် အသက်ရှူကျပ်ခြင်း)
Thyroid သို့ adrenal ဂလင်း ပြဿနာများ
အချို့သော ဆေးဝါးများ
သွေးတိုးရောဂါရဲ့ လက္ခဏာများ
သွေးတိုးရောဂါရှိတဲ့ လူအမ်ားစုမွာ ရောဂါလက္ခဏာ မတွေ့ရတတ်ပါဘူး။ ဒါကြောင့်လည်း တစ်ခါတစ်ရံမှာ အသံတိတ် လူသတ်သမား လို့ ခေါ်ကြပါတယ်။ ဒါကြောင့် သင့်ရဲ့ သွေးပေါင်ချိန်ကို ပုံမှန်စစ်ဆေးဖို့ အရမ်းအရေးကြီးပါတယ်။
အချို့လူတွေကတော့ ခေါင်းကိုက်ခြင်း၊ နှာခေါင်းသွေးယိုခြင်းနှင့် သွေးပေါင်ချိန်တိုးပြီး အသက်ရှူမဝခြင်းတို့ကို ခံစားရတတ်ကြပါတယ်။ သို့သော်လည်း အဆိုပါ လက္ခဏာများက အခြားရောဂါများကို ညွှန်ပြနေတာလည်း ဖြစ်တတ်ပါတယ်။ များသောအားဖြင့် သွေးပေါင်ချိန်ဟာ အချိန်အတော်ကြာတဲ့အထိ အရမ်းမြင့်တက်နေတဲ့အခါမျိုးမှာ ဒီလို ရောဂါလက္ခဏာတွေ ခံစားရမှာဖြစ်ပါတယ်။
သွေးတိုးစေတဲ့ အကြောင်းအရင်းများ
အစားအသောက်၊ ဆေးဝါး၊ လူနေမှုပုံစံ၊ အသက်အရွယ်နှင့် မျိုးရိုးဗီဇတို့က သွေးတိုးစေတဲ့ အကြောင်းအရင်းတွေထဲမှာ ပါဝင်ပါတယ်။ ဆရာဝန္က သင့်သွေးတိုးရောဂါရဲ့ အကြောင်းအရင်းကို ကူညီရှာပေးနိုင်သလို သွေးပေါင်ချိန်တက်စေတဲ့ လူသိမ်ားတဲ့ အချက်တွေကိုလည်း အောက်မှာဖော်ပြပေးထားပါတယ်:
ဆား၊ အဆီနှင့် cholesterol မ်ားတဲ့ အစားအသောက်။
ကျောက်ကပ်နှင့် ဟော်မုန်းပြဿနာများ၊ ဆီးချိုရောဂါ၊ cholesterol မြင့်မားခြင်းတို့လို နာတာရှည်ရောဂါများ။
အထူးသဖြင့် သင့်မိဘ သို့မဟုတ် နီးစပ်ရာဆွေမျိုးများမှာ သွေးတိုးရောဂါရှိနေခြင်း။
ကိုယ်လက်လှုပ်ရှားမှု နည်းပါးခြင်း။
အသက်ကြီးခြင်း (အသက်ကြီးလာလေ သွေးတိုးရောဂါဖြစ်နိုင်ချေ များလေ ဖြစ်ပါတယ်)။
အဝလွန်ခြင်း။
အချို့သော ကိုယ်ဝန်တားဆေးများနင့် အခြားဆေးဝါးများ။
စိတ်ဖိစီးမှု။
ဆေးလိပ်နှင့် အရက် အလွန်အကျွံ သောက်ခြင်း။
သွေးတိုးရောဂါရှိကြောင်း ဘယ်လိုစစ်ဆေးမလဲ?
သွေးတိုးရောဂါကို စစ်ဆေးဖို့အတွက် ဆရာဝန်ဆီ သွားတိုင်း စစ်ဆေးလေ့ရှိတဲ့ blood pressure monitor (သွေးပေါင်ချိန်တိုင်းကိရိယာ) ကို သုံးပါတယ်။
ပုံမှန်သွေးပေါင်ချိန်က အပေါ်သွေး 120 ထက်နည်းပြီး အောက်သွေး 80ထက် နည်းပါတယ်။
Prehypertension (ကနဦးသွေးတိုး) ဆိုလျှင် အပေါ်သွေး 120-139 ကြားရှိပြီး အောက်သွေး 80-89 ကြားရှိပါတယ်။
သွေးတိုးရောဂါ အဆင့်၁အတွက် အပေါ်သွေး 140-159 ရှိပြီး အောက်သွေး 90-99 ရှိပါတယ်။
သွေးတိုးရောဂါ အဆင့်၂မှာတော့ အပေါ်သွေး 160ကျော်ပြီး အောက်သွေး 100နှင့်အထက်မှာ ရှိပါတယ်။
သွေးပေါင်ချိန်များလေ ခဏခဏစစ်ဆေးဖို့လိုလေ ဖြစ်ပါတယ်။ အသက်၁၈နှစ်ပြည့်ပြီးတဲ့အခါ ၂နှစ်ကို အနည်းဆုံး တစ်ကြိမ်တော့ သွေးပေါင်ချိန်စစ်ပေးသင့်ပြီး အရင်က သွေးတိုးခဲ့ဖူးရင်တော့ ပိုပြီးမကြာခဏ စစ်ဆေးပေးသင့်ပါတယ်။
သွေးတိုးရောဂါမှ ကာကွယ်လို့ရနိုင်သလား?
အကယ်၍ သင့်သွေးပေါင်ချိန် မြင့်မားနေတာက နေထိုင်မှုပုံစံကြောင့် ဖြစ်ရတာဆိုလျှင် အောက်ပါအချက်များကို လိုက်နာခြင်းဖြင့် သွေးတိုးရောဂါဖြစ်နိုင်ချေ နည်းအောင် လုပ်ဆောင်နိုင်ပါတယ်:
ကိုယ်အလေးချိန် လျှော့ခြင်း
ဆေးလိပ်ဖြတ်ခြင်း
စနစ္တက် စားသောက်ခြင်း
လေ့ကျင့်ခန်းလုပ်ခြင်း
အငန်ဓာတ်စားနှုန်းကို လျှော့ချခြင်း
အရက်သောက်နှုန်း လျှော့ချခြင်း
စိတ်အပန်းဖြေနည်းလမ်းများ သင်ယူခြင်း။
အကယ်၍ သင်သောက်တဲ့ဆေးနှင့် ရောဂါများက သွေးပေါင်ချိန်တက်စေတာဆိုလျှင်တော့ သင့်ဆရာဝန်နှင့် တိုင်ပင်ပြီး အခြားဆေးဝါးများ ညွန်းပေးပါလိမ့်မယ်။ ဒါ့အပြင် (ဆီးချိုရောဂါကို ထိန်းသိမ်းခြင်းလို) ရောဂါအခံများကို ကုသခြင်းက သွေးပေါင်ချိန်ကိုလည်း ပြန်လျော့ကျစေနိုင်ပါတယ်။
သွေးတိုးရောဂါကုသနည်း
သွေးတိုးရောဂါဟာ နာတာရှည်ရောဂါတစ်မျိုး ဖြစ်ပါတယ်။ သွေးပေါင်ချိန်မတက်အောင် ဆေးသောက်ပြီး ထိန်းလို့ရပေမယ့် လုံးဝပျောက်သွားအောင် ကုသဖို့ မဖြစ်နိုင်ပါဘူး။ ဒါကြောင့် သွေးတိုးရောဂါရှိသူများအနေဖြင့် ဆရာဝန်ညွှန်ကြားတဲ့အတိုင်း ကုသမှုများနှင့် လူနေမှုပုံစံများကို ဘဝတစ်လျှောက်လုံး လိုက်နာသင့်ပြီး ဆေးစစ်မှုများကို ပုံမှန်လုပ်ဆောင်သွားရပါမယ်။
သွေးပေါင်ချိန်ကျစေဖို့ အကောင်းဆုံးနည်းလမ်းကတော့ သင့်ရဲ့လူနေမှုပုံစံကို ပြောင်းလဲပစ်ဖို့ပဲ ဖြစ်ပါတယ်။ ဒါ့အပြင် သင့်ရဲ့ဆရာဝန်ကလည်း သွေးပေါင်ချိန်ကျစေတဲ့ antihypertensive ဆေးဝါးများကို ညွှန်းပေးပါလိမ့်မယ်။
ကုသမှုရဲ့ ရည်ရွယ်ချက်က သင့်သွေးပေါင်ချိန်ကို ပုံမှန်အခြေအနေရောက်အောင် လျှော့ချပေးဖို့ ဖြစ်ပါတယ်။ သင့်ဆရာဝန်ကလည်း ဘေးထွက်ဆိုးကျိုး မရှိသလောက်နည်းပြီး သောက်ဖို့လွယ်ကူတဲ့ ဆေးဝါးများ ညွှန်းပေးပါလိမ့်မယ်။ သင့်သွေးပေါင်ချိန်ကို ဆေးတွေကသာ ထိန်းထားနိုင်တယ်ဆိုလျှင်တော့ တစ်သက္လုံး ဆေးသောက်ဖို့ လိုအပ်ပါတယ်။
သွေးပေါင်ချိန်ကို ထိန်းဖို့ ဆေးတစ်မျိုးထက်မက လိုအပ္တာဟာ ပုံမှန်ဖြစ်ပါတယ်။ ဆရာဝန်နှင့် မတိုင်ပင်ဘဲ ဆေးသောက်တာ မရပ်လိုက်ပါနှင့်။ နှလုံးရောဂါနှင့် လေဖြတ်နိုင်ချေ ပိုများသွားနိုင်တာကြောင့်ပါ။
မြင့်မားတဲ့ သွေးပေါင်ချိန်နှင့် ဘယ်လိုဆက်လက်နေထိုင်မလဲ?
သွေးပေါင်ချိန်မတက်အောင် ထိန်းသိမ်းဖို့က တစ်သက္လုံး သတိထားသွားရမယ့် အချက်တစ်ခုဖြစ်ပါတယ်။ သင့်ရဲ့ ကိုယ်အလေးချိန်ထိန်းသိမ်းဖို့၊ ကျန်းမာတဲ့ အစာစားဖို့၊ လေ့ကျင့်ခန်းလုပ်ဖို့၊ စိတ်ဖိစီးမှုတွေကို ရင်ဆိုင်ဖြေရှင်းဖို့၊ အရက်နှင့် ဆေးလိပ်ရှောင်ဖို့တို့ကို အမြဲသတိထားနေရမှာပါ။ သွေးပေါင်ချိန်ကိုထိန်းဖို့ ဆေးဝါးလိုအပ်မယ် ဆိုလျှင်လည်း သင့်ဘဝတစ်လျှောက်လုံး လိုအပ်နေမှာပါ။
ဒါ့အပြင် သွေးပေါင်ချိန်ပုံမှန်တိုင်းတာကိုလည်း အသားကျနေဖို့ လိုပါတယ်။ ဆေးခန်းကို ပုံမှန်သွားပြီး တိုင်းရတာမျိုး၊ အိမ်မှာပဲ သွေးပေါင်ချိန် ပုံမှန်တိုင်းပြီး မွတ္ထားက ဆရာဝန္ကို ပြန်ပြရတာမျိုးတွေဟာ သင့်ရဲ့ နေ့စဉ်လုပ်ငန်းဆောင်တာတစ်ခု ဖြစ်လာပါလိမ့်မယ်။
ဆေးဆိုင်နှင့် ဆေးခန်းအချို့မှာ သွေးပေါင်ချိန်သွားတိုင်းနိုင်သလို အိမ်မှာပဲ automated arm blood pressure cuff (သွေးပေါင်ချိန်တိုင်းစက်) ဝယ်ပြီးလည်း တိုင်းနိုင်ပါတယ်။ သင့်ဆရာဝန်က တစ်နေ့ကို အကြိမ်ရေများစွာ သွေးပေါင်ချိန်တိုင်းပြီး မှတ်ထားခိုင်းပါလိမ့်မယ်။ အခြားနည်းလမ်းတစ်ခုကတော့ ambulatory blood pressure monitor ကို လှုပ်ရှားသွားလာနေစဉ်မှာ ဝတ်ဆင်ထားဖို့ပဲ ဖြစ်ပါတယ်။
crd : -Medicine
