23/10/2025
“🪷🌸
ယနေ့ #ကိုရဲအောင်+မမေဖူးလှိုင် သားလေး သုနက္ခတ္တ၊ ဉာဏ်သုခ၊ သမီးလေး မေသုခဏ
မိသားစု၏
တန်ဆောင်မုန်းလပြည့်နေ့ (4.11.2025) အတွက်
#ကထိန်ပဒေသာပင်အလှူ ( ၉)
ရန်ကုန်တိုင်းဒေသကြီး၊ လှည်းကူးမြို့နယ်၊ အမြန်လမ်း(၇)မိုင်(၆)ဖာလုံ၊ ရတနာအောင်မြေကျောင်းတိုက်၌…
🏵️🌻✨🏵️🌻✨🏵️🌻✨🏵️🌻✨🏵️
#မိဘဖိုးဖွားဆရာသမားများအားဦးထိပ်ထား၍ ကိုရဲအောင်+မမေဖူးလှိုင် သားလေး သုနက္ခတ္တ၊ ဉာဏ်သုခ၊ သမီးလေး မေသုခဏ
မိသားစုက ၊ တန်ဆောင်မုန်းလပြည့်နေ့ (4.11.2025) အတွက်၊ ကထိန်အလှုု လှုုရန် ( ၅ ) သိန်းကျပ် ကို လာရောက် ဆက်ကပ်လှူဒါန်းကြပါသည်။
🏵️🌻✨🏵️🌻✨🏵️🌻✨🏵️🌻✨🏵️
“” #ကထိန်ပဒေသာပင် လှူဒါန်းရခြင်းအကျိုး""
🙏🙏🙏🙏🙏🙏🙏
"ကျောင်းမှာ သိမ်၊ သင်္ကန်းမှာ ကထိန်"ဆိုတဲ့ ဆိုရိုးစကားက
ဗုဒ္ဓဘာသာဝင်တိုင်းနဲ့
မစိမ်းတဲ့ ဆိုရိုးစကားလေးပါ
ကျောင်းလှူတာခြင်း အတူတူ
"သိမ်" လှူတာက ပိုမြတ်တယ်။
သင်္ကန်းလှူတာခြင်းအတူတူ
"ကထိန်သင်္ကန်း" လှူဒါန်းခွင့်ရတာက
ပိုမြတ်တယ်လို့ ဆိုလိုခြင်းဖြစ်ပါတယ်။
🌺 "ပဒေသာပင်လှူရကျိူး"
ပဒေသာပင်လှူခြင်းကြောင့်
ရရှိနိုင်တဲ့အကျိုးတွေက အံ့မခန်းပါပဲ။
ပဒေသာပင်ရဲ့သဘောက
လိုတိုင်းတရနိုင်တဲ့ အပင်ပါ။
ကမ္ဘာဦးက လူသားတွေ
စားဝတ်နေရေးအတွက်
အကုန်ဖန်တီးပေးတဲ့အပင်ပါ။
နောက်ပိုင်း လူတွေ လောဘကြီးပြီး
ပစ္စည်းတွေ လိုတာထက်ပိုယူ
စုဆောင်းထားကြလို့
ပျောက်ကွယ်သွားတာပါ။
အကျင့်သီလပျက်စီးခြင်းကြောင့်
ကိလေသာတွေ ထူပြောခြင်းကြောင့်
ပျောက်ကွယ်သွားတာပါ။
မြောက်ကျွန်းမှာတော့
ရှိနေသေးတယ်လို့
လေ့လာဖူးပါတယ်။
အခု အဲ့ဒီပဒေသာပင်ကို
အတုယူပြီး ပဒေသာပင်ဖန်တီးကာ
ကုသိုလ်လုပ်ခဲ့လို့ ဘဝအဆက်ဆက်
ကောင်းကျိုးချမ်းသာ ရရှိသွားတဲ့
မထေရ်တစ်ပါးအကြောင်း
ပြောပါတော့မယ်။
ဤဘဒ္ဒကမ္ဘာမှ
ကိုးဆယ့်လေးကမ္ဘာထက်၌
သိဒ္ဓတ္ထအမည်ရှိတဲ့ မြတ်စွာ ဘုရား
ဖြစ်ထွန်းပေါ်ပေါက်ခဲ့ပါတယ်။
အဲ့ဒီအချိန်မွာ အလွန်ချမ်းသာတဲ့
အမျိုးကောင်းသားတစ်ယောက်ဟာ
မြတ်စွာဘုရားကို ကြည်ညိုသဒ္ဓါဖြစ်ပြီး ရတနာ ခုနှစ်ပါးနှင့်တကွ
အဝတ်ပုဆိုး စားဖွယ်သောက်ဖွယ်တို့ကို ရွှေနဲ့ပြုလုပ်ထားတဲ့
ပဒေသာပင်မှာ ချိပ်ဆွဲ တန်ဆာဆင်ထားပါတယ်။
အဲ့ဒီ ပဒေသာပင်ကို သိဒ္ဓတ္ထမြတ်စွာဘုရားရှင်ရဲ့စေတီရင်ပြင်မှာ
ထားပြီးလှူဒါန်းပူဇော်လိုက်ပါတယ်။
အကျိုးဆက်အနေနဲ့
လူ့သက်တမ်းကုန်တဲ့အခါ
သုဂတိဘုံဖြစ်တဲ့ နတ်ပြည်နဲ့
လူ့ပြည်မှာ ကျင်လည်ရပါတယ်။
ဒုဂ္ဂတိဘုံဆိုတာ ကြားကို
မကြားဖူးတော့ပါဘူး...တဲ့။
လူ့ပြည်မှာ ဖြစ်ရတဲ့အခါတိုင်း
အိမ်ရှေ့မှာ ပဒေသာပင်
ပေါက်ပေါက်လာပါတယ်။
သူရော သူ့ပရိတ်သတ်မှာပါ
စားစရာ ဝတ်စရာ နေစရာ
စသည်အတွက် အဲ့ဒီပဒေသာပင်ကနေ
အသာလေး ယူလိုက်ရုံပါပဲ...တဲ့။
ဤဘဒ္ဒကမ္ဘာမတိုင်မီ (၇)ကမ္ဘာထက်မှာ သုစေဠဆိုတဲ့အမည်နဲ့
စကြာဝတေးမင်း
ရှစ်ကြိမ်ဖြစ်ခဲ့ဖူးပါတယ်...တဲ့။
အရှင်ဂေါတမ သဗ္ဗညုမြတ်စွာဘုရားလက်ထက် မှာတော့
ချမ်းသာတဲ့အမျိုးမှာလူလာဖြစ်ပြီး လူ့ချမ်းသာစည်းစိမ်တို့ကို
ခံစားကာ ရတနာသုံးပါးကို
ကြည်ညိုသည့်အလျှောက်မြတ်စွာဘုရားရှင်ရဲ့တရားတော်တစ်ပုဒ်ကို
နာကြားအပြီးမှာသာသနာ့ဘောင်အတွင်းဝင်ပြီးရဟန်းဝတ်ခဲ့ပါတယ်။
သိပ်မကြာမီမှာပဲ ပဋိသမ္ဘိဒါလေးပါး၊
သမာပတ်ရှစ်ပါး၊ အဘိညာဉ်ခြောက်ပါး သိမြင်ပိုင်ဆိုင် အရယူနိုင်တဲ့
ရဟန္တာ မထေရ်မြတ်ဖြစ်သွားခဲ့ပါတယ်။
ပဒေသာပင်လှူခဲ့တဲ့ကုသိုလ်ကြောင့် သာသနာတော်မှာ
အရှင်ကပ္ပရုက္ခိယ မထေရ်လို့ ထင်ရှားကျော်စောခဲ့ပါတယ်။
ပဒေသာပင်ကို အသိဉာဏ်ရှိရှိနဲ့
လှူဒါန်းနိုင်ကြပါစေ...
၂၃.၁၀.၂၀၂၅.
