ရတနာအောင်မြေကျောင်းတိုက် ရိပ်သာ-လှည်းကူးမြို့နယ်၊ ရန်ကုန်

04/08/2025

"💐ယနေ့ #ဦးတိုးဝင်း + ဒေါ်ခိုင်နွယ်ဝင်း (မွေးနေ့ ) မိသားစု​၏ ပစ္စည်းလေးပါး ကုသိုလ်အလှူ"🌷

ရန်ကုန်တိုင်းတိုင်းဒေသကြီး၊လှည်းကူးမြို့နယ်၊အမြန်လမ်း(၇)မိုင်(၆)ဖာလုံ၊ရတနာအောင်မြေ ကျောင်းတိုက်ရိပ်သာ၌.....,📄

🌷💐🌷💐🌷💐🌷💐

ဦးတိုးဝင်း + ဒေါ်ခိုင်နွယ်ဝင်း မိသားစု
တို့က ဒေါ်ခိုင်နွယ်ဝင်း ၏ မွေးနေ့ကုသိုလ်အထိမ်းအမှတ် ..
ဆွမ်း သင်္ကန်း ကျောင်း ဆေး ပစ္စည်းလေးပါး အလို့ငှါ နဝကမ္မ (၃) သိန်း ဆက်ကပ် လှူဒါန်း ကုသိုလ်ပြုကြပါသည်။

ယနေ့မှစ နှစ်တစ်ရာတိုင်အောင်..

စိတ်ရှိသလောက်လှုုဒါန်းပေးကမ်းနိုင်ပါစေ...
စိတ်ရှိသလောက်ကြီးပွား ချမ်းသာ အောင်မြင်ပါစေ...

ကိုယ်ကျန်းမာ စိတ်ချမ်းမြေ့ လိုအင်ဆန္ဒတွေ ပြည့်ဝပါစေ ..

ရန်သူမျိုးငါးပါး ဘေးအန္တရာယ်များ ရောဂါဆိုးများ ကင်းဝေးပါပြီး ငြိမ်းချမ်းသာယာရှိပါစေ....
တရားထူးအသိထူးတွေ အမြန်ရပါစေ ....။

#နိဗ္ဗာန်ရည်မျှော် ကုသိုလ်တော် နတ်၊လူ သာဓုခေါ်စေသောဝ်။

မိမိကောင်းမှု
အကြောင်းပြု
တောင်းဆုထွေထွေပြည့်ပါစေ။

၄.၈.၂၀၂၅.

04/08/2025

03/08/2025

🙏" #မဟိန္ဒလေတောင် ကိုရောက်ခဲ့တယ်"၊

မဟိန္ဒလေတောင် တဲ့ သီရိလင်္ကာနိုင်ငံ ရှိ အနုရာဓပူရမြို့ နဲ့ (၈) မိုင်ခန့်ကွာတဲ့ တောင်ပေါ်လေးပေါ့။
ရဟန္တာအရှင်မဟိန္ဒကိုအစွဲပြုပြီးခေါ်တဲ့အမည်လေးပါပဲ။

သီရိလင်္ကာနိုင်ငံကို ဗုဒ္ဓဘာသာ သာသနာ ပြုဖို့ သယ်ဆောင်လာတဲ့ "သီရိဓမ္မာသောကမင်းကြီးရဲ့သားတော် ရဟန္တာ အရှင်မဟိန္ဒ ပဲ ဖြစ်ပါတယ်။ အရှင်မဟိန္ဒမထေရ် ဦးဆောင်ပြီး သံဃာ ၅ ပါး နဲ့၊ နောက် ကိုရင် ၁ ပါး ရဟန္တာ သုမနသာမဏေလေး ပေါ့ သူကတန်ခိုးသိပ်ကြီးတယ် ၊ ဖိုးသူတော် ၁ ရောက်လည်းပါသေးတယ်- စုစုပေါင်း (၇) ဦးကြွတယ် သာသနာပြုဖို့လေ..။

သီရိလင်္ကာ မှာ အုပ်ချုပ်နေတဲ့ ဒေဝါနံပိယတိဿမင်း နဲ့တွေ့တယ်။
စူဠဟတ္ထိပဒေါပမသုတ် ဟောတယ်၊
အပ္ပမာဒေါအမတံပဒံ -
မေ့ရင် သေတယ်၊ မမေ့ရင် မသေဘူး၊
မေ့နေတဲ့သူဟာအကြိမ်ကြိမ်သေတယ်။
မမေ့တဲ့သူဟာ်တော့မှမသေဘူး၊
မသေရာနိဗ္ဗာန်ကိူရောက်တယ်၊
စသည်ဟောတယ် လို့လည်းဆိုတယ်။
နေ့စဉ် တရားဟောနေတာဆိုတော့ ဒေသနာတော်တွေစုံမှာပေါ့။

အဲ့ဒီမှာ ဗုဒ္ဓသာသနာထွန်းကားခဲ့တယ်၊

အဲ့ဒီခေတ်က သီရိလင်္ကာနိုင်ငံသားတွေက သစ်ပင်တွေ ကိုးကွယ်ကြတယ်။
ဒါတွေကိုးကွယ်နေမဲ့အစား ဘုရားပွင့်တော်မူတဲ့ အိန္ဒိယ ဗုဒ္ဓဂယာ က #ဗောဓိပင်ကို ကိုးကွယ်တာပို ကျေးဇူးများတယ်၊ ဥဒ္ဒိဿစေတီ ထဲ ထည့်ရမှာပေါ့။
ဒါကြောင့် အရှင်မဟိန္ဒရဲ့ ဩဝါဒနဲ့ နှမတော် သင်္ဃမိတ္တာ ရဟန္တာထေရ်ရီမကပင့်လာခဲ့တယ် လို့ဆိုတယ်။

မဟိန္ဒလေတောင်ပေါ်က စေတီကြီးမှာ ဘုရားရှင်ရဲ့ မဟာသေယျ- အုန့်နှလုံးမွေးရှင်တော်ဌပနာထားတယ်လို့ဆိုတယ်၊

အရိုးစုကမ္မဌာန်းစီးဖြန်းတဲ့ရဟန်းတစ်ပါးရှိတယ်၊ အဲ့ဒီ
အရိုးစု ကမ္မဌာန်းစီးဖြန်တဲ့ ရဟန်းတော် ရဟန္တာမထေရ်ဟာလည်း ဒီ မဟိန္ဒလေတောင်ကနေပြီး အနုရာဓပူမြို့ကို ကြွတာ..လမ်းခရီးမှာ ယောကျာ်းနဲ့စိတ်ကောက်လာတဲ့အမျိုးသမီးငယ် အိမ်က ခဏဆင်းလာတာ...ရဟန်းနဲ့တွေ့ အမျိုးသမီးက ပြုံးပြတယ်...ရဟန်းက မြင်လိုက်တယ်... သူ့လမ်းသူဆက်သွားကြတယ်... ဒါနဲ့ မိန်းမလိုက်ရှာတဲ့ အမျိုးသားက ရောက်လာတယ်.. အမျိုးသမီးတစ်​ရောက်တွေ့မိလားလို့မေးတယ်
#အရိုးစုကြီးပဲမြင်လိုက်တယ်လို့ မိန့်တယ် တဲ့
အရိုးစုကမ္မကမ္မဌာန်းစီးဖြန်းနေသူအဖို့ အလှတရားဆိုတာ ပဓာနထားစရာ မဟုတ်ဘူးဆိုတာ ဒီဇာတ်လမ်းကသက်သေပါ။
သူမျက်စိထဲမြင်မြင်သမျှတွေဟာအရိုးစုတွေပါ..။

သုမနသာမဏေ နတ်ဗြဟ္မာတွေကိုတရားနာဖိတ်ပေးတဲ့တောင်ရှိတယ် အဲ့ဒီ မဟိန္ဒလေတောင်ပေါ်မှာပဲလေ ၊ နတ်တွေ လာကြတယ်၊ အရှင်မဟိန္ဒဆီကတရားနာကြတယ် ။
တောင်ပေါ်ကနေကြည့်ရင် စေတီတော်တွေ ပုထိူးတွေ ဖူးမျှော်ရတယ်၊ လေတဖြူးဖြူးနဲ့နေလို့ကောင်းတယ်၊ ရှုခင်းတွေ မြင်ရတယ်..
အရိုးစုကမ္မဌာန်း ရှုတဲ့ ရဟန်းလို ကြည့်ရင်တော့ အရိုးစုဖြစ်တဲ့ လူသား ပုပုရွရွ ချောချော လှလှ မချောမလှ အမျိုးမျိုးတွေမြင်ရတယ်။
#မေပါရမီအပြည်ပြည်ဆိုင်ရာခရီးသွားအဖွဲ့နဲ့အတူ သွားရင်း ဒေါက်တာအဂ္ဂဇေယျ တို့ ဒီ ဗဟုသုတတွေယူခဲ့တယ်။

ဧဝံ မေ သုတံ ဒီလိုမှတ်သားခဲ့ရတယ်။

အားလုံး..
ကျန်းမာချမ်းမြေ့အောင်မြင်ကြပါစေ..။

၃.၈.၂၀၂၅.

03/08/2025

ယနေ့ #ရဟန်းအမဒေါ်ဝင့်ဝင့်ထိုက် မိသားစုက -
ဖခင်ကြီးဦးကျိန်းရွှေအားရည်စူး၍
မိခင်ကြီးဒေါ်ခင်ပိုင်ရီအားဦးထိပ်ထားကာ သီရိလင်္ကာနိုင်ငံ၊ အနူရာဓပူရမြို့ မဟာစေတီ၌ ဝါဆိုသင်္ကန်းစသည်တို့ကိုဆက်ကပ်လှုုဒါန်းပါသည်။

ဖခင်ကြီးဦးကျိန်းရွှေအားလည်း ကုသိုလ်အမျှပေးပါသည်။

🍁✨🫧🍁✨🫧🍁✨🫧🍁✨🫧🍁

🙏🏻မိသားစုများ အားလုံး ဘေးကင်းရန်ကွာ၍
ကိုယ်စိတ်နှစ်ဖြာကျန်းမာကြပါစေ ။ ချမ်းသာကြပါစေ။ကောင်းကျိုးလိုရာဆန္ဒများ ပြည့်ဝကြပါစေ။

🪷✨🪷✨🪷✨🪷✨🪷✨🪷

#ဝါဆိုသင်္ကန်းအကျိုး၈မျိုး
"""""""""""""""""""""""""""""""""""""""""
(ဆောင်)
ရွှေသို့အဆင်း၊
မြူကြေးကင်း၍၊
ရောင်ဝင်းထိန်ဝါ၊
နူးညံ့ရာ ၏။
မကသိန်ဖိုး ၊
ပုဆိုးရ၍ ၊
ညို၊ ရွှေ ၊ ဖြူ ၊ နီ ၊
ဤရှစ်လီသည်...
ကျမ်းညီသင်္ကန်း
လှူအကျိုးတည်း...။ တဲ့

၁။ခန္ဓာကိုယ်သည်ရွှေအဆင်းရှိခြင်း...။

၂။မြူမှုန်အညစ်အကြေးကင်းခြင်း ။

၃။ ပြိုးပြိုးပြက်ပြက်အရောင်ထွက်ခြင်း ။

၄။ ဘုန်းတန်ခိုးကြီးမားသူဖြစ်ခြင်း ။

၅။ ခန္ဓာကိုယ်ပြေပြစ်နူးညံ့ခြင်း ။

၆။ဖြူသောအဆင်းရှိသောအဝတ်ပုဆိုးတို့ကိုရရှိခြင်း။

၇။ ဝါသောအဆင်းရှိသော အဝတ်ပုဆိုးတို့ကိုရရှိခြင်း။

၈။ နီသော အဝတ်ပုဆိုးတို့ကို
ရရှိခြင်း ။

( အပ၊၁၊၃၅၉၊)
(အပ၊မြန်၊၁၊ ၃၆၇ ၊ )
.......,,,,,,,...…...,,,,,,,........................,,,,,

#ဘဝလမ်းဓမ္မလမ်းတွေဖြောင့်တန်းသာယာကြပါစေ။

မိမိကောင်းမှု့၊အကြောင်းပြု၊
တောင်းဆုထွေထွေပြည့်ဝပါစေ။

နိဗ္ဗာန်ရည်မျှော် ၊ကုသိုလ်တော် ၊
နတ်လူသာဓုခေါ်စေသောဝ်။

၃. ၈.၂၀၂၅.

03/08/2025

🙏သီရိလင်္ကာ ရဲ့ သီရိမဟာဗောဓိ ပင်ကို အပင်ခြေရင်း ရောက်အောင် အပေါ်ကိုတက်ခွင့်ရခဲ့လို့ ဒီနေ့ မနက်ဖူးခဲ့ပါသည်။

သီရိမဟာဗောဓိပင်သမိုင်းအကျဉ်းကိုတော့ ဒီလ်ိုဖတ်ရဖူးပါတယ်...
=======================

သီရိလင်္ကာနိုင်ငံ(သီဟိုဠ်ကျွန်း)မှာ
သာသနာတော်နဲ့ ဆက်စပ်တဲ့
သာသနာ့ အမွေခံ အနေနဲ့ များစွာရှိတဲ့ အထဲမှာ
ဗုဒ္ဓမြတ်စွယ်တော် နဲ့ သီရိမဟာဗောဓိ (ဗောဓိပင်)ကတော့ သီရိလင်္ကာနိုင်ငံ(သီဟိုဠ်ကျွန်း)ရဲ့ အသည်းနှလုံးပါပဲလို့ ပြောရင်မှားမယ် မထင်ပါဘူး။

သီရိလင်္ကာနိုင်ငံက သီရိ မဟာ ဗောဓိကို
288 BC မှာ သီရိလင်္ကာနိုင်ငံသို့ စတင်ပင့်ဆောင် ပူဇော်ပါတယ်။ တတိယသံဂါယနာတင်အပြီး ကိုးတိုင်းကိုးဌာနကို သာသနာပြုစေလွှတ်တဲ့ အခါမှာ သီရိဓမ္မာသောက မင်းကြီးက သူ့ရဲ့သားတော် အရှင်မဟာမဟိန္ဒဦးဆောင်တဲ့ သာသနာပြုအဖွဲ့က သီဟိုဠ်ကျွန်း (သီရိလင်္ကာနိုင်ငံ)ကို ကြွရောက်ခဲ့ကြပါတယ်။

အဲဒီအချိန်မှာ သီလင်္ကာနိုင်ငံရဲ့ ဒေဝါနံပိယတိဿအမည်ရှိတဲ့ မင်းဟာ တောကစားထွက်ပါတယ်။ မိဿကအမည်ရှိတဲ့ တောင်မှာ သီရိဓမ္မာသောက မင်းကြီးရဲ့ ရဟန္တာ အရှင်မဟိန္ဒမထေရ် နဲ့ ဒေဝါနံပိယတိဿမင်း တွေ့ပြီး။ မဟိန္ဒမထေရ်က တရားဟောလိုက်တဲ့ အချိန်မှာ ဒေဝါနံပိယတိဿမင်း နဲ့ နောက်လိုက် စစ်သည် ဗိုလ်ပါပရိသတ်များ အားလုံး သရဏဂုဏ်ဆောက်တည်ပြီး ဗုဒ္ဓဘာသာ ဥပါသကာ ဥပါသိကာမအဖြစ် ခံယူကြပါတယ်။
အဲဒီအချိန်က စပြီး သီရိလင်္ကာနိုင်ငံဟာ ဗုဒ္ဓသာသနာတော် စတင်ရောက်ရှိခဲ့ပါတယ်။

ဒေဝါနံပိတဿ မင်းနှင့်တကွ တိုင်းသားပြည်သူအားလုံးတို့ဟာ
ဗုဒ္ဓဘာသာဝင်များဖြစ်လာကြပါတယ်။ မင်းညီ၊မင်းသားများနှင့် အမျိုးကောင်းသားများစွာတို့သည် ဗုဒ္ဓသာ သနာတော်အတွင်းမှာ ရှင်၊ရဟန်းအဖြစ်ဖြင့် ၀င်ရောက်လာကြပါတယ်။ အိမ်ရှေ့မင်း၏ မိဖုရားအနုဠာ ဒေဝီ နှင့် အခြွေအရံ မောင်းမမိဿံ အမျိုးသမီးတို့ကလည်း သာသနာ့ဘောင်ဝင် ရဟန်းမ(ဘိက္ခူနီမ)ပြုချင်တဲ့ အတွက်ကြောင့် ၀ိနည်းသိက္ခာ ပုဒ်အရ အမျိုးသမီးများအား ဘိက္ခူနီပြုရာတွင် ဥဘတောသံဃာ ပြည့်စုံရတာဖြစ်လို့ အရှင်မဟာမဟိန္ဒက ညီမတော် သင်္ဃမိတ္တာရဟန္တာထေရီမကို ဘုရားဖြစ်တော်မှုရာ မဟာဗောဓိပင်ရဲ့ ဒက္ခိဏသာခါ တောင်ဘက်လက်ယာကိုင်းကိုပါ ပင့်ဆောင်ပြီး သီဟိုဠ်ကို သာသနာပြုကြွရောက်ရန် အကြောင်း ကြားလိုက်ပါတယ်။

ဒါပေမယ့် ဘုရားဖြစ်တော်မှုရာ မဟာဗောဓိပင်ဟာ ပရိဘောဂစေတီ ထိုက်တာဖြစ်လို့ ကြမ်းတမ်းတဲ့ ဓါးတွေ လွှတွေနဲ့ ခုတ်ဖြတ်ဖို့ မသင့်လျှော်တဲ့အတွက်ကြောင့် သံဃာတော်အရှင်မြတ်တို့ရဲ့ စီစဉ်မှုနဲ့ သီရိဓမ္မာသောကမင်းကြီးဟာ ဒီလို သစ္စာအဓိဋ္ဌာန်ပြုပါတယ် "အကယ်၍ ဤဘုရားဖြစ်တော်မှုရာ မဟာဗောဓိပင်၏ ဒက္ခိဏသာခါ လက်ယာကိုင်းတော်သည် သီရိလင်္ကာနိုင်ငံ(သီဟိုဠ်ကျွန်း)သို့ ဧကန်စင်စစ် ကြွရောက် သီတင်းသုံးတော်မှုငြားအံ့၊ ဘုရားတပည့်တော်သည်လည်း မြတ်စွာဘုရား၏ သာသနာ၌ ယုံမှားသံသယကင်းသော သာသနာပြု မင်းတစ်ပါး ဖြစ်ငြားအံ့ ဤဒက္ခိဏသာခါ လက်ယာကိုင်းတော်သည် ခင်းထားအပ်သော ရွှေအခင်းပေါ်သို့ သက်ဆင်းကြွရောက်ပြီး မားမားမတ်မတ်ရပ်တည် တော်မှုပါဘုရား" လို့ သစ္စာအဓိဋ္ဌာန်ပြုပြီး လက်ယာဗောဓိ ကိုင်းတော်ကို ပတ်ထားတဲ့ ရွှေဖျဉ်းကို သီရိဓမ္မာသောကမင်းကြီး ကိုယ်တိုင်သစ္စာအဓိဋ္ဌာန် စာတမ်းရေးထိုးလိုက်ပါတယ်။

မဟာဗောဓိပင်ရဲ့ တန်းခိုးပြာဋိဟာပြပုံတွေ၊ သီရိဓမ္မာသောကမင်းနှင့် တိုင်းသူပြည်သားတွေ နတ်ဗြဟ္မာတွေ မဟာဗောဓိကို ပူဇော်ပုံတွေကို မပြောတော့ပါဘူး။ သီရိဓမ္မာသောကမင်းကြီးဟာ သူ့ရဲ့မင်းစည်းစိမ်နဲ့ သုံးကြိမ်တိတိ စိတ်ကြိုက်ပူဇော်ပြီး သမီးတော် သင်္ဃမိတ္တာရဟန္တာထေရီကို လှူဒါန်းလိုက်ပါတယ်။

သီရိဓမ္မာသောကမင်းကြီးရဲ့ သမီးတော် သင်္ဃမိတ္တာရဟန္တာ ထေရီမကြီး အိန္ဒိယနိုင်ငံ မဇ္ဈိမဒေသ ဗုဒ္ဓဂယာ မဟာဗောဓိပင်မှ ပင့်ဆောင်လာခဲ့တဲ့ ဒက္ခိဏသာခါ လက်ယာကိုင်းတော်ကို ယခုအခါ သီရိလင်္ကာနိုင်ငံ အနုရာဓပူရမြို့မှာ ဖူးမြော် ကြည်ညိုနိုင်ပါသေးတယ်။

ဧဝံ မေ သုတံ ဒီလို မှတ်သားလေ့လာခဲ့ပါသည်။
အလွယ်တကူလေ့လာလို့ရအောင် စာတွေ လေ့လာစုဆောင်းရေးသားကြသူများကို Crd -ပါ

အားလုံး...
ကျန်းမာချမ်းမြေ့အောင်မြင်ကြပါစေ...။

ဒေါက်တာအရှင်အဂ္ဂဇေယျ.
၃.၈.၂၀၂၅.

03/08/2025

🙏မဟာစေတီ (သို့မဟုတ်)
ရုဝဏ္ဏဝေလိစေယျ စေတီတော် ကြီး ဒီနေ့ဖူးပါသည်။
မြတ်ဗုဒ္ဓ၏ ဓာတ်တော်မွေတော်အများဆုံးပူဇော်ထားပါသည်။

#အနုရာဓပူရ ( သီရိလင်္ကာ ) ဘီစီ - ၂ရာစု

Ruwanwelisaya Stupa ( or ) mahar seya
Anuradapura Srilanka BC - 2nd century

မိုးကုတ်ဆရာတော်ကြီးကိုအမှူးထားပြီး မိုးကုတ်မြို့မှ ဒကာ ဒကာမတို့၏ကောင်းမှုတော် စိန်ဖူးတော်ကြီးကပ်လှူခွင့်ရထားသော မြန်မာအခေါ် မဟာစေတီကြီးသည် သီရိလင်္ကာနိုင်ငံ အနုရာဓပူရမြို့တွင်ရှိပါသည်
မဟာစေတီတော်ကြီးသည် မြတ်ဗုဒ္ဓ၏ ( နှစ်ထပ်သင်္ကန်း / သပိတ်တော်နှင့် အခြားဓါတ်တော်များစွာဌာပနာထားသည်ဟု စာပေများတွင်တွေ့ရှိရပြီး ကမ္ဘာပေါ်ရှိစေတီတော်များထဲတွင်မြတ်စွာဘုရား၏။ဓါတ်တော်အများဆုံးဌာပနာထားသောစေတီတော်ကြီးဖြစ်၏

သီရိလင်္ကာနိုင်ငံတွင် တတိယမြောက် အကြီးဆုံးဖြစ်ရုံသာမက ကမ္ဘာ ပေါ်တွင် ဥာဏ်တော်အမြင့်ဆုံးစေတီဟု အသိအမှတ်ပြုခံရကာ အရေအသွေးကောင်းမွန်ပြီး ဗိသုကာ လက်ရာမြောက်လှသဖြင့် အလွန်ခံ့ညားထည်ဝါမှုရှိသော စေတီတော်ကြီးတစ်ဆူ ဖြစ်ပါသည်။

သီဟိုဠ်ကျွန်းမှာ ထင်ရှားကျော်ကြားလှသော သမိုင်းဝင်စေတီတော်များအနက် မဟာစေတီတော် ကြီးသည် တည်ဆောက်ပုံ ပြေပြစ်ခန့်ညားထည်ဝါမှုနှင့် မြန်မာများအနေဖြင့် စေတီတော်ကြီး၏ တည်ဆောက်မှုတွင် အဓိကကဏ္ဍဖြစ်သော စိန်ဖူးတော်ကြီးကို ပါဝင်လှူဒါန်းခွင့်ရထားခြင်းတို့ကြောင့်ဖြစ်ပါသည်။

မဟာစေတီတော်ကြီးသည် သီရိလင်္ကာနိုင်ငံ၏ ရှေးဟောင်းမြို့တစ်မြို့ဖြစ်သော အနုရာဓပူရတွင် တည်ရှိပါသည်။ တမီးလ်ဘုရင်ဧဠာရကို (Chola King Elara) စစ်အောင်ပြီးသည့်နောက် သီဟိုဠ်ကျွန်း တစ် ကျွန်းလုံး၏အရှင်ဖြစ်လာပြီး တန်းခိုးအာဏာကြီးထွားကာ ဗုဒ္ဓဘာသာကို များစွာထောက်ပံ့ပေးလျှက် ဘာ သာရေးအဆောက်အအုံများကိုလည်း များစွာတည်ထားခဲ့သူ သီဟိုဠ်သူရဲကောင်းဟုတင်စားခံရသော ဘုရင် ဒုဋ္ဌဂါမဏိ (Dutugemunu) က 161-137 BC တွင် ဦးဆောင်စတင်တည် ထားကိုးကွယ်ခဲ့ ပါသည်။

နောက်မင်းအဆက်ဆက်က အကြိမ်များစွာ ပြန်လည်ပြုပြင်ခဲ့ကြသည်ဟုလည်း သိရပါသည်။ စေတီတော်၏ ဥာဏ်တော်အမြင့် ၃၃၈ ပေ (103m)၊ (ရွှေတိဂုံ ၃၂၆ပေ)၊ အချင်း ၂၉၅ ပေ (90m)၊ လုံးပတ်တော်အားဖြင့် ၉၅၀ ပေ (290m) ဖြစ်ပြီး စေတီတော်ကြီးကို ရစ်ပတ်လှည့်လည်ဖူးမြော်ပါက ၁၅-၂၀ မိနစ်ခန့် ကြာလိမ့် မည်ဟု ဆိုကြပါသည်

စေတီတော်ကြီးသည် တစ်ဧကအတိုင်းအတာရှိသော နယ်မြေပေါ်တွင် တည်ရှိသည်ဟု သမိုင်းများအရသိရပါသည်။ စေတီတော်ကြီးကို “မဟာထူပ၊ ဆွာရမာလိ စေတိယ၊ ရတနာမာလိဒဂဘနှင့် ရုဝံဝေလိစယ” ဟူသော အမည်များဖြင့်လည်း ခေါ်ဝေါ်ကြပါသေးသည်။ မြန်မာရဟန်းတော်များနှင့် ဘုရားဖူးများသည် မဟာစေတီ ဟူသောအမည်ဖြင့်သာ အသိများပါသည်။

ရင်ပြင်တော်၏လေးဖက်လေးတန်မှာ တစ်ဖက်လျှင် ဆင်ရုပ် ၄၇၅ ခုဖြင့် တန်ဆာဆင် ထားသောအုတ်တံတိုင်းများဖြင့် ကာရံထားပြီး တစ်ချို့အဆိုအရ စေတီတော်တည်ဆောက်စဉ်က ဆင်များ အကူအညီကို ရယူခဲ့သဖြင့် ယခုကဲ့သို့ဆင်ပုံတွေ ထည့်သွင်းထားသည်ဟုသိရပါသည်။

သီရိလင်္ကာနိုင်ငံ၏ ဓလေ့ထုံးတမ်းစဉ်လာအရ စေတီတော်တည်ဆောက်ပုံအနေဖြင့် ရေပူပေါင်းပုံစံ၊ စပါးအစုပုံစံ၊ ကြာပွင့်ပုံစံ၊ ခေါင်းလောင်းပုံစံ၊ အိုးပုံစံ၊ ရှားဖြူသီးပုံစံအားဖြင့် ခြောက်မျိုးရှိရာတွင် ယခုမဟာ စေတီတော်ကြီး၏ပုံစံမှာ ရေပူပေါင်းပုံစံဖြစ်ပါသည်။ စစ်ကိုင်းမြို့ ကောင်းမှုတော် စေတီတော်ကြီးမှာ မဟာစေတီတော်ပုံစံ ဖြစ်သည်ဟုဆိုပါသည်

ဤစေတီတော်ကြီးမှာဒုဋ္ဌဂါမဏိမင်းကြီး၏ကောင်း
မှုတော်ဖြစ်ပါသည်။ သိကြားမင်းလှူဒါန်းသော ရတနာ(၇)ပါး စီခြယ်ထားသည့် ရွှေကြုတ်တွင် မြတ်စွာဘုရား၏ဓာတ်တော်များထည့်ကာပူဇော်ထားပြီးရဟန္တာအရှင်မြတ်ကြီး၏ တန်ခိုးဣဒ္ဓိပါဒ်ဖြင့်ပြီးသော ရွှေခွက်များနှင့်အတူ ဌာပနာထားပါသည်။

ဧဝံ မေ သုတံ ဒီလို မှတ်သားလေ့လာခဲ့ပါသည်။

အလွယ်တကူလေ့လာလို့ရအောင် စာတွေ လေ့လာစုဆောင်းရေးသားကြသူများကို Crd -ပါ

အားလုံး...
ကျန်းမာချမ်းမြေ့အောင်မြင်ကြပါစေ...။

၃.၈.၂၀၂၅.

03/08/2025

ဓမ္မဗိမာန်ကြီးပြင်ဆင်နေဆဲဖြစ်၍ ပြင်ဆင်ပြီးမှသာ တရားစခန်းကျင်းပပါမည်။

ရတနာအောင်မြေကျောင်းတိုက် ရိပ်သာ-လှည်းကူးမြို့နယ်၊ ရန်ကုန် ၌

ဗိမာန် ဓမ္မာရုံကြီးပြင်ဆင်နေဆဲဖြစ်၍
ဝါခေါင်လပြည့်တရားစခန်း မကျင်းပဘဲ၊ ဓမ္မာရုံကြီးပြင်ဆင်ပြီးတဲ့အခါမှသာ၊
တော်သလင်းလပြည့် သီတင်းကျွတ်လပြည့် စသည့်တရားစခန်းရက်များကို ပြန်လည်ကျင်းပပါမည်။

ဗိမာန်ကြီးပြင်ဆင်ပြီးတဲ့အခါ
တရားစခန်းရက်ထပ်မံကြော်ငြာပေးပါမည်။

အားလုံး...
ကျန်းမာချမ်းမြေ့ကြပါစေ...။

၃.၈.၂၀၂၅.

02/08/2025

"💎ယနေ့ #ကိုငယ်လေး+မသဲသဲ ဦးဆောင်သော ဓမ္မမိတ်ဆွေများ၏
#လစဉ်အာစိဏ္ဏကံကုသိုလ်အလှူ"🌸

ရန်ကုန်တိုင်းဒေသကြီး၊လှည်းကူးမြို့နယ်၊အမြန်လမ်း (၇)မိုင်(၆)ဖာလုံ၊ရတနာအောင်မြေ ကျောင်းတိုက်ရိပ်သာ၌.....,📄

💎🌸💎🌸💎🌸💎🌸

#ကိုငယ်လေး+မသဲသဲနှင့် ဓမ္မမိတ်ဆွေများက
လစဉ်အာစိဏ္ဏကံ ကုသိုလ်အလှုု ( ၁၅၁.၁၁၁ ) မြတ်ဒါန။

ကျောင်းရိပ်သာအတွက် ဆွမ်း သင်္ကန်း ကျောင်း ဆေး ပစ္စည်းလေးပါး လိုအပ်ရာရာအသုံးပြုနိုင်ရန် လစဉ် အာစိဏ္ဏကံကုသိုလ် အသီးသီး ဆက်ကပ် လှုုဒါန်းကြပါသည်။

မိမိကောင်းမှု၊
အကြောင်းပြု၊
တောင်းဆုထွေထွေပြည့်ပါစေ။

နိဗ္ဗာန်ရည်မျှော်၊
ကုသိုလ်တော်၊
နတ်လူသာဓုခေါ်စေသောဝ်။

🌹 #အာစိဏ္ဏကံ ကုသိုလ်ရှိသူ
#စိတ်ဓာတ်စင်ကြယ်သူ
#ကံတွေ သန့်ရှင်းတဲ့သူ
ကောင်းမှုပြုတဲ့သူတွေကို
ကောင်းသော မြင့်မြတ်သော သူတွေက ကြိုဆိုနေကြတယ်။

🌿 #ငါ့က်ို ဘယ်သူတွေက ဘယ်နေရာတွေမှာ ကြိုဆိုနေကြသလဲ? ပြန်သုံးသတ်ပါ။

ကောင်းတဲ့သူတွေက ကြိုဆိုတာ ခံချင်သလား?
မကောင်းတဲ့သူတွေက ကြိုဆိုတာ ခံချင်သလား?

#ကောင်းတဲ့ မြင့်မြတ်တဲ့နေရာက ကြိုဆိုခြင်းကို ခံရတဲ့သူတွေဖြစ်ကြပါစေ...။

#ဒေါက်တာအရှင်အဂ္ဂဇေယျတရားတော်များမှ

၂.၈.၂၀၂၅