Bodhi Yeik Nyein Tawya

Bodhi Yeik Nyein Tawya ဗောဓိရိပ်ငြိမ်တောရ ၊ ဝါးနက်ချောင်းကြီးစံပြကျေးရွာ ၊ မှော်ဘီမြို့ ၊ ရန်ကုန်တိုင်းဒေသကြီး ။

သောကမုန်တိုင်း အဝိဇ္ဇာမိုက် - တဏှာကြိုက်ကြောင့် စွဲကြိုက်ပြုကံ- ပြုပြင်ဟန်ဖြင့် တဖန်ဘဝ- ဖြစ်ပျက်ရမိ...
18/09/2025

သောကမုန်တိုင်း

အဝိဇ္ဇာမိုက် - တဏှာကြိုက်ကြောင့်

စွဲကြိုက်ပြုကံ- ပြုပြင်ဟန်ဖြင့်

တဖန်ဘဝ- ဖြစ်ပျက်ရမို့

ဘဝဆက်ခါ- စက်ပမာသို့

ခန္ဓာဒုက္ခ- သံသာရဝယ်

သုခဟူရာ- မရှိပါဘူး

ဖွေရှာလေတိုင်း- မျက်ရည်ဝိုင်းသည်

လူတိုင်းဓမ္မ - မရှာကြလို့

သောကမုန်တိုင်း- ရပ်မဆိုင်းတည်း။

ဗုဒ္ဓေါရသ(၁၈-၉-၂၀၂၅)
#ဗောဓိရိပ်ငြိမ်တောရ
#ကဗျာ

သံဃာမဟာပဝါရဏာပွဲ(ဗောဓိရိပ်ငြိမ်တောရ)*************ရန်ကုန်တိုင်းဒေသကြီး၊မှော်ဘီမြို့နယ်၊ဝါးနက်ချောင်းကြီးစံပြကျေးရွာ၊ဗောဓိ...
18/09/2025

သံဃာမဟာပဝါရဏာပွဲ
(ဗောဓိရိပ်ငြိမ်တောရ)
*************
ရန်ကုန်တိုင်းဒေသကြီး၊မှော်ဘီမြို့နယ်၊ဝါးနက်ချောင်းကြီးစံပြကျေးရွာ၊ဗောဓိရိပ်ငြိမ်တောရကျောင်း၊မဟာဘိသေကသိဒ္ဓိ သိမ်တော်ကြီးအတွင်း၌ “ရွှေနံ့သာ” ပဝါရဏာဂိုဏ်းဝင်
သံဃာတော်(၆၅၃-ပါး)တို့သည်(သံဃာမဟာပဝါရဏာပွဲကိုက် ၁၃၈၇ ခုနှစ်၊ သီတင်းကျွတ်လပြည့်နေ့။(၆,၁၀.၂၀၂၅) ၊ တနင်္လာနေ့။
နေ့လည် (၁)နာရီအချိန်တွင်
ကျင်းပပြုလုပ်တော်မူကြပါမည်ဖြစ်၍ ကြည်ညိုပူဇော်နိုင်ကြပါသည်။
ရွှေနံ့သာ ပဝါရဏာဂိုဏ်းအကျိုးတော်ဆောင်အဖွဲ့

မေတ္တာနှင့်ကမ္ဘာ အစကမ္ဘာ ထားမေတ္တာနှင့် ကမ္ဘာအပျက် မေတ္တာဆက်ခဲ့ ...
17/09/2025

မေတ္တာနှင့်ကမ္ဘာ

အစကမ္ဘာ ထားမေတ္တာနှင့်
ကမ္ဘာအပျက် မေတ္တာဆက်ခဲ့
တည်ပျက်ကမ္ဘာ ထိန်းမေတ္တာတည့်
မေတ္တာဆုတ်လပ် ခေတ်ဆုတ်ကပ်သာ
ကင်းလတ်မေတ္တာ များဒုက္ခာဖြင့်
မေတ္တာရေခမ်း ကမ္ဘာကျွမ်းလောင်
မခမ်းမေတ္တာ ငြိမ်းကမ္ဘာတည့်
မေတ္တာပွါးများ ကမ္ဘာကြီးပွါးတည်း။
ဗုဒ္ဓေါရသ
(၁၆.၉.၂၀၂၅)
#ဗောဓိရိပ်ငြိမ်တောရ #ကဗျာ

မပြီးတဲ့ခရီး * မှောင်အဝိဇ္ဇာ နှောင်စိတ်တဏှာရယ်နဲ့ တွယ်သန္ဓေ။ * ခန္ဓာထွေထွေ ဖ...
15/09/2025

မပြီးတဲ့ခရီး

* မှောင်အဝိဇ္ဇာ
နှောင်စိတ်တဏှာရယ်နဲ့ တွယ်သန္ဓေ။

* ခန္ဓာထွေထွေ ဖန်ခါမသွေလည်ပါတ်လို့
မပြတ်တဲ့ ဒုက္ခတွေ။

* မြစ်မပြတ်ပေ
ရစ်ပတ်မွှေပေါ့ ခန္ဓာမီး။

* ခန္ဓာမှာ ဉာဏ်မမှီးရင်ဖြင့်
မပြီးတဲ့ သံသရာခရီး။

ဗုဒ္ဓေါရသ
15.9.2025.
#ဗောဓိရိပ်ငြိမ်တောရ #ကဗျာ

တနေရာက ဝိဟာရ၏ အလှ ကဗျာဆန်အလှ
13/09/2025

တနေရာက ဝိဟာရ၏ အလှ ကဗျာဆန်အလှ

အလွတ်ရုံးဖို့ ******တစ်နေကုန်တစ်သက်ကုန်ဖို့ -တစ်ရက်နီး။ *ပျိုတာတွေ ယိုကာယွင်းလို့အိုမင်းရတဲ့ - ရတက်မီး။ *...
09/09/2025

အလွတ်ရုံးဖို့
*****

*တစ်နေကုန်
တစ်သက်ကုန်ဖို့ -တစ်ရက်နီး။

*ပျိုတာတွေ ယိုကာယွင်းလို့
အိုမင်းရတဲ့ - ရတက်မီး။

*သံသာခရီး
ခန္ဓာမီးတွေက -လွတ်မဆုံး။

*အလွတ်ရုံးပါတဲ့ ပါရမီရှင်ရယ်
ဉာဏ်မှီယှဉ်လို့ -အလွတ်ရုံး။

ဗုဒ္ဓေါရသ(၉-၉-၂၀၂၅)
#ဗောဓိရိပ်ငြိမ်တောရ
#ကဗျာ

သုခဘယ်မှာလောဘလောင်မီးဒေါသရေကြီးမောဟလေကြီးလောကကြီးမှာလောဘကြောင့်ငတ်ဒေါသကြောင့်သတ်မောဟကြောင့်ရောဂါနှိပ်စက်လာကြောင့်ကမ္ဘာလည...
30/08/2025

သုခဘယ်မှာ

လောဘလောင်မီး
ဒေါသရေကြီး
မောဟလေကြီး
လောကကြီးမှာ
လောဘကြောင့်ငတ်
ဒေါသကြောင့်သတ်
မောဟကြောင့်ရောဂါ
နှိပ်စက်လာကြောင့်
ကမ္ဘာလည်းနာ
လူလည်းနာ
ဘယ်မှာသုခရှိအံ့နည်း။
ဓမ္မဆေးသည်သာ သောက်ထိုက်စွာ၏။
ဗုဒ္ဓေါရသ (၃၀.၈.၂၀၂၅)
#ဗောဓိရိပ်ငြိမ်တောရ
#ကဗျာ

ဘယ်သွားမလဲလူ့ပြည်မှာနေ- စုတိလေကမြူမြေမျှလောက်-သုဂတိရောက်၏။ ကျရောက်အပါယ် - မြေကြီးနှယ်သို့လူဝယ်ဖြစ်မှု- များအကုကြောင့်ယခု...
26/08/2025

ဘယ်သွားမလဲ

လူ့ပြည်မှာနေ- စုတိလေက
မြူမြေမျှလောက်-သုဂတိရောက်၏။
ကျရောက်အပါယ် - မြေကြီးနှယ်သို့
လူဝယ်ဖြစ်မှု- များအကုကြောင့်
ယခုကပင် - စိတ်ကောင်းပြင်မှ
နောင်တွင်ဖြစ်ဘိ- ကောင်းဂတိတည်း။

ဗုဒ္ဓေါရသ(၂၆-၈-၂၀၂၅)
#ဗောဓိရိပ်ငြိမ်တောရ
#ကဗျာ

အိုဘယ့်လူသား-ပြေးပါလား ***********အိုဘယ့်လူသား- အိုလူသားတို့။ သင်ကားသတိ- စဉ်းစားသိလော့။ ရှိသည့်စီးပွါး- ဇနီးသား...
26/08/2025

အိုဘယ့်လူသား-ပြေးပါလား
***********
အိုဘယ့်လူသား- အိုလူသားတို့။
သင်ကားသတိ- စဉ်းစားသိလော့။
ရှိသည့်စီးပွါး- ဇနီးသားနှင့်။
ငါးပါးကာမ- ပျော်နေကြလည်း။
နေ့ညမအား- သောကပွါး၏။
တရားလွတ်ခါ- ပါယ်လေးရွာမို့။
သိက္ခာကျင့်ကာ- ဝိပဿနာဖြင့်။
အိုနာသေရေး- လွတ်အောင်ပြေးမှ။
အပြေးသံသရာ- လွတ်မြောက်ရာတည်း။

ဗုဒ္ဓေါရသ(၂၆-၈-၂၀၂၅)

#ဗောဓိရိိပ်ငြိမ်တောရ
#ကဗျာ

အားလုံးခဏပါ ***************************လောကသနစ် ၊ လူ့အဖြစ်ကားမချစ်ရင်မုန်း ၊ ချစ်ရင်ပြုံးလည်းအားလုံးခဏ ၊ သင်္ခါရသာဉာဏစက...
19/08/2025

အားလုံးခဏပါ
***************************

လောကသနစ် ၊ လူ့အဖြစ်ကား
မချစ်ရင်မုန်း ၊ ချစ်ရင်ပြုံးလည်း
အားလုံးခဏ ၊ သင်္ခါရသာ
ဉာဏစက္ခု ၊ မြင်အောင်ရှုလော့
တွေ့မှုအားလုံး ၊ ဒုက္ခဆုံး၏။

ဗုဒ္ဓေါရသ
19.8.2025

#ဗောဓိရိပ်ငြိမ်တောရ
#ကဗျာများ

မသေဖူးသူ -မရှိဘူး*မရှိဘူးမသေးဖူးတဲ့သူကမ္ဘာဇဗ္ဗူရှာပါမူလည်းမတွေ့ရှာနိုင်ဘူး။ *ဘဝတိုင်းသေခဏတိုင်းသေတို့တတွေ အသေမကင်းနိုင်ဘ...
07/08/2025

မသေဖူးသူ -မရှိဘူး

*မရှိဘူး
မသေးဖူးတဲ့သူ
ကမ္ဘာဇဗ္ဗူ
ရှာပါမူလည်း
မတွေ့ရှာနိုင်ဘူး။

*ဘဝတိုင်းသေ
ခဏတိုင်းသေ
တို့တတွေ
အသေမကင်းနိုင်ဘူး။

*သူစောလို့
ကိုယ်နောက်ကျ
ဒီလောက်မျှသာ
သေမှာက အတူတူ။

*လူ့အရှိ
လူ့အသိနဲ့ သံဝေယူ
ကံခေသူ မဖြစ်ရအောင်
ဉာဏ်မဟေ ဖြစ်ရအောင်ယူ။

ဗုဒ္ဓေါရသ(၇-၈-၂၀၂၅)
#ဗောဓိရိပ်ငြိမ်တောရ

- ခရီးအဆုံးသို့သံသရာမပြီးခန္ဓာခရီးရယ်နဲ့ ရစ်ခါရှည်။ အဝိဇ္ဇာမှီစိတ်တဏှာသည် နှောင်မြစ်တွယ်လို့ထောင်ဖြစ်တဲ့ ဝ...
09/05/2025

- ခရီးအဆုံးသို့

သံသရာမပြီး
ခန္ဓာခရီးရယ်နဲ့ ရစ်ခါရှည်။

အဝိဇ္ဇာမှီ
စိတ်တဏှာသည် နှောင်မြစ်တွယ်လို့
ထောင်ဖြစ်တဲ့ ဝဋ်ချာခွေ။

သံသာမြေ
ဖန်ခါခါမသွေ
ခန္ဓာတွေက နစ်မြော။

ခုတုံးခါစဉ်မှာ
ဉာဏ်မှာယှဉ် သစ္စာသုံးရတယ်
ဆုံးရမယ့် ဒုက္ခော။

ဗုဒ္ဓေါရသ(၉-၅-၂၀၂၅)

Address

Lay Htee Street
Hmawbi
1136215

Telephone

+959681571390

Website

Alerts

Be the first to know and let us send you an email when Bodhi Yeik Nyein Tawya posts news and promotions. Your email address will not be used for any other purpose, and you can unsubscribe at any time.

Shortcuts

Share

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram

Category