Pyi Gyi Khin- Karen State

03/07/2025

25/06/2025

ခင့်မိတ်ဆွေတို့ရေ ဒီနေ့မှာတော့ ခင်က HIV ပိုးရှိသူတွေသောက်နေရတဲ့ TLD နဲ့ TLE ဆေးတွဲတွေအကြောင်းပြောပြပေးပါမယ်။

TLD နဲ့ TLE ဆိုတာ မတူညီတဲ့ ARV ပိုးထိန်းဆေး သုံးမျိုးစီကိုပေါင်းစပ်ထားတဲ့ ဆေးတွဲတွေဖြစ်ပြီး တစ်နေ့ကို တစ်ကြိမ်၊ တစ်ခါသောက်လျှင် တစ်လုံးစီ သောက်သုံးရပါတယ်။

✅ ဒီဆေးက မတူညီတဲ့ဆေးသုံးမျိုးကို ဆေးတစ်လုံးတည်းအဖြစ် ပေါင်းစပ်ထုတ်လုပ်ထားတာဖြစ်လို့ သောက်ရအဆင်ပြေတဲ့အပြင် အချိန်တိတိကျကျသောက်ရင် ပိုးထိန်းချုပ်မှုအားကောင်းပါတယ်။

သတိပြုရမှာကတော့ ဆေးသောက်သုံးစမှာ ဓာတ်မတည့်မှုလက္ခဏာတွေဖြစ်တဲ့
❗အရေပြားတွင် အင်ပျဥ်အပိန့်ထွက်ခြင်း၊
❗ယားခြင်း စတာတွေ ဖြစ်ရင် ART ဆေးခန်းမှာ ပြန်လည်ပြသဖို့လိုပါတယ်။

ဒါ့အပြင် ဒီဆေးတွဲတွေမှာ Tenofovir ပိုးထိန်းဆေးပါတာကြောင့် အသက် ၅၀အထက် လူကြီးတွေ၊ သွေးတိုးဆီးချိုရောဂါအခံရှိပြီး ကုသမှုမခံယူရသေးသူတွေအနေနဲ့
✔️ပုံမှန်ကျောက်ကပ်ဓာတ်စစ်ဆေးဖို့၊
✔️သွေးတိုးဆီးချိုရောဂါကို ထိန်းချုပ်ရန် ကုသမှုခံယူဖို့ လိုအပ်ပါတယ်နော်။

ယုံကြည်စိတ်ချနွေးထွေးစွာ ခင့်ဆီရင်ဖွင့်ပါ

"ခင့်" Viber နဲ့ Telegram Community Group
ကိုလည်း Joinထားဖို့ မမေ့နဲ့နော်။
Viber Link
https://invite.viber.com/…
Telegram Link
https://t.me/hivayaykhinkomayy

သိလိုရာဆွေးနွေးပေးဖို့ 'ခင် ' ရှိနေပါမယ်။
ေးခင့်ကိုမေး

17/06/2025

💙 ခင် တို့လူသားတွေဟာ နေ့စဉ်ဘဝရဲ့ ရည်ရွယ်ချက်တွေပန်းတိုင်တွေဆီ ဦးတည်ပြီး အသက်ရှင်နေထိုင်ကြတယ် မဟုတ်လား
💙 အိပ်ချ်အိုင်ဗွီပိုးရှိနေထိုင်သူတွေအတွက်လဲ အေအာတီကုထုံး( ပိုးထိန်းချုပ်မှုကုထုံး)ခံယူရင်းနဲ့ အခုဆိုရင် ကမ္ဘာနဲ့တစ်ဝှမ်းမှာ အိပ်ချ်အိုင်ဗွီပိုးကိုအပြီးတိုင်ကုသနိုင်မယ့် စမ်းသပ်မှုတွေကလဲ သတင်းကောင်းတွေကြားလာရပါတယ် 👍👍👍
💙၂၀၂၅ ခုနှစ် ဇွန်လ၆ရက်နေ့က Doherty Institute of Australia HIV Cure Research မှ ထုတ်ပြန်ကြေညာချက်အရ HIV ပိုးပုန်းခိုနေထိုင်နိုင်တဲ့ White Blood Cell ထဲကိုဝင်ရောက်ဖျက်ဆီးကုသနိုင်မယ့် LPN-X Formula စမ်းသပ်ချက်ကိုတီထွင်နိုင်ပြီလို့ဆိုပါတယ် ပိုးကိုထိန်းချုပ်ရုံတင်မဟုတ်ဘဲ အပြီးပိုင်တိုက်ထုတ်နိုင်တဲ့အထိ ရည်ရွယ်ထားပါတယ် ဒါကြောင့် ရောဂါပိုးကိုအမြစ်ပြတ်ကုသနိုင်တဲ့ ဆေးတွေပေါ်လာတဲ့ အထိ ကျန်းမာစွာရှင်သန်နေထိုင်နိုင်ဖို့ အေအာတီကိုစနစ်တကျ ဆက်သောက်ပြီး အားတင်းထားကြမယ်နော်

💙 HIV အရေးသိလိုရာဆွေးနွေးပေးဖို့ ခင် ရှိနေပါမယ်
💙 Viber -09765203221 ကနေလဲ မေးမြန်းနိုင်ပါတယ်



reference - https://www.doherty.edu.au/news-events/news/world-first-discovery-harnesses-mrna-in-search-for-hiv-cure

https://www.facebook.com/share/p/1CUw37p562/?mibextid=oFDknk

11/06/2025

ART နဲ့ TB ဆေးကို ဘယ်လောက်ခြားပြီးသောက်ရမလဲ

တချို့မိတ်ဆွေတွေက အေအာတီဆေးနဲ့ TB ဆေးနှစ်ခုကို တပြိုင်တည်းသောက်ရင် အာနိသင်မရမှာစိုးလို့ ဘယ်လောက်ခြားသောက်ရမလဲ လာမေးတတ်ကြပါတယ်။

လေ့လာချက်တွေမှာတော့ ART နဲ့ TB ဆေးကို ဘယ်နှနာရီခြားသောက်ရမယ်ဆိုပြီး တိတိကျကျ ဖော်ပြထားတာတော့ မရှိပါဘူး။
ဒါပေမယ့် ခင့်မိတ်ဆွေတွေအနေနဲ့ HIV နဲ့ TB ရောဂါပိုးကူးစက်ခံနေရသူတွေမှာ ART ဆေးကိုရော၊ TB ဆေးကိုရော အချိန်မှန်သောက်ဖို့ လိုပါတယ်။ ဆေးတွေကို ဆရာဝန်ညွှန်ကြားထားတဲ့အချိန်တွေအတိုင်း အချိန်မှန်မှန်တဲ့တိတိကျကျသောက်သုံးဖို့လိုပါတယ်။

တီဘီဆေးနဲ့ ဓာတ်ပြုမှု ရှိတဲ့ Dolutegravir, Lopinavir, Ritonavir ပါဝင်တဲ့ဆေးတွဲသောက်သုံးသူတွေအနေနဲ့တော့ မိမိရဲ့ဆေးသောက်ရမယ့်အကြိမ်ရေ အလုံးရေ ကို ဆရာဝန်ညွှန်ကြားချက်အတိုင်း မှတ်သားလိုက်နာပြီးသောက်ဖို့လိုအပ်ပါတယ်

အရေးကြီးတာက ဆေးသောက်လိုက်မသောက်လိုက် ခဏခဏဖြစ်ရင် ဆေးယဉ်ပါးတတ်ပြီး မလိုလားအပ်တဲ့ နောက်ဆက်တွဲတွေ ဖြစ်တတ်တာကြောင့် ဆေးနှစ်မျိုးလုံးကို မမေ့မလျော့သောက်သုံးကြဖို့တော့ လိုပါတယ်နော်။

ယုံကြည်စိတ်ချနွေးထွေးစွာ ခင့်ဆီရင်ဖွင့်ပါ

"ခင့်" Viber နဲ့ Telegram Community Group
ကိုလည်း Joinထားဖို့ မမေ့နဲ့နော်။
Viber Link
https://invite.viber.com/…
Telegram Link
https://t.me/hivayaykhinkomayy

သိလိုရာဆွေးနွေးပေးဖို့ 'ခင် ' ရှိနေပါမယ်။
ေးခင့်ကိုမေး

27/05/2025

ခင့်မိတ်ဆွေတို့ရေ

ဒီနေ့မှာတော့ ကွန်ဒုံးသုံးတဲ့အခါ လူသိနည်းတဲ့ သတိထားစရာအချက်တစ်ခုကို ပြောပြပေးပါမယ်နော်။

☂️ Latex သို့မဟုတ် Polyurethane နဲ့ပြုလုပ်ထားတဲ့ ကွန်ဒုံးတွေဟာ ဆက်ဆံချိန်ကြာတဲ့အခါ ပွတ်တိုက်မှုအားကြောင့် လျော့ရဲလာတတ်ပါတယ်။အဲဒီအခါ ကွန်ဒုံးပေါက်ပြဲပြီး ကိုယ်ဝန်ရတာ၊ HIV ပိုးကူးစက်တာတွေ ဖြစ်နိုင်ပါတယ်။

ဒါကြောင့် ကွန်ဒုံးသုံးတဲ့အခါ နာရီဝက်ထက်ပိုကြာလာပြီဆိုရင် ကွန်ဒုံးအသစ်ကို အသုံးပြုတာ စိတ်ချရပါတယ်နော်။ ဒါ့အပြင် ပွတ်တိုက်မှုအားကိုလျှော့ချပြီး ပေါက်ပြဲမှုတွေ မဖြစ်စေဖို့ ချောဆီ lubricant အသုံးပြုသင့်ပါတယ်။

ဒါပေမယ့် ၃ မိနစ်မပြည့်ခင် ကိစ္စပြီးသွားတတ်တဲ့ မိတ်ဆွေတွေကတော့ ကွန်ဒုံးအသစ်လဲစရာမလိုဘူးနော်။ 😜

ယုံကြည်စိတ်ချနွေးထွေးစွာ ခင့်ဆီရင်ဖွင့်ပါ

"ခင့်" Viber နဲ့ Telegram Community Group
ကိုလည်း Joinထားဖို့ မမေ့နဲ့နော်။
Viber Link
https://invite.viber.com/…
Telegram Link
https://t.me/hivayaykhinkomayy

သိလိုရာဆွေးနွေးပေးဖို့ 'ခင် ' ရှိနေပါမယ်။
ေးခင့်ကိုမေး

21/05/2025

HIV (+) မိခင်တွေ နို့တိုက်လို့ရလား။

🤰HIV (+) ဖြစ်တဲ့ မိခင်တစ်ယောက် ကလေးရပြီးတဲ့အခါ မိခင်နို့တိုက်ရမလား၊ Formulaနို့ပဲတိုက်ရမလားဆိုတာ စဉ်းစားစရာအမြဲဖြစ်ရပါတယ်။

ပထမဦးဆုံးအနေနဲ့ HIV ရောဂါပိုးရှိတဲ့မေမေအနေနဲ့ မိမိရဲ့ပိုးကောင်ရေထိန်းချုပ်မှုရပြီးသားဖြစ်ဖို့ အေအာတီကိုစနစ်တကျသောက်သုံးထားပြီး ပိုးကောင်ရေထိန်းချုပ်မှုရထားပြီးသားဖြစ်ဖို့လိုပါမယ်
—-----------------

ပိုးကောင်ရေထိန်းချုပ်မှုရပြီးသား မေမေဆိုရင် ဆေးကိုလဲသေချာအချိန်တိကျစွာသောက်သုံးရင်းနဲ့ နို့တိုက်ဖို့ရွေးချယ်မယ်ဆိုရင်တော့အောက်ပါအတိုင်းစနစ်တကျလိုက်နာဖို့လိုပါမယ်

၁။ မွေးစ နို့ဦးရည်ကနေ ကလေးအသက်၆လထိ မိခင်နို့တစ်မျိုးတည်းပဲတိုက်ရပါမယ် ( ရေ၊ ဖျော်ရည်၊ အသီး၊ ပျားရည်နဲ့အခြားဘယ်အရည်ကလေးကိုဆရာဝန်ညွှန်ကြားတဲ့ကာကွယ်ဆေးကလွဲလို့မှ မတိုက်ရပါဘူး)

၂။ အေအာတီဆေးခန်းမှ ချိန်းဆိုတဲ့အတိုင်း ကလေးလေးကို သွေးစောစောစစ်ဖို့နဲ့ရက်ချိန်းအတိုင်းပြန်လည်စစ်ဆေးရပါမယ်။

၃။ မွေးစ တစ်ရက်သားကနေ ၆ပတ်အထိ HIV ကာကွယ်ဆေးအရည် ၂မျိုးကို အချိန်တိကျမှန်ကန်စွာတိုက်ရပါမယ်။

၄။ ကလေး အသက်၆ လကနေ စပြီး ဖြည့်စွက်စာ စကျွေးနိုင်ပါပြီ။ မိခင်နို့ကိုတော့ အသက်၆လမှာဖြစ်စေ အသက် ၁နှစ်ပြည့်မှာဖြစ်စေ ရပ်ရပါမယ်။ ကလေးကိုနို့ဖြတ်ပြီးရင်လဲ

၅။ အေအာတီဆေးခန်းကိုသေချာအကြောင်းကြားပြီးသွေးပြန်စစ်ဖို့အတွက် ရက်ချိန်းတိုင်ပင်ရပါမယ်။

—-----------------

Formula နို့တိုက်ဖို့ ​ရွေးချယ်မယ်ဆိုရင်​တော့ မဖြစ်မ​နေလိုက်နာရမယ့်အချက်​လေး​တွေရှိပါတယ်။

✅ က​လေးကြီးထွားဖွံ့ဖြိုးဖို့အတွက်လုံ​လောက်တဲ့ formula နို့ပမာဏကို စနစ်တကျတိုက်​ကျွေး​ပေးရပါမယ်။

✅ တိုက်​ကျွေးဖို့ပြင်ဆင်ရာမှာလည်း အသုံးပြုမယ့် နို့ဘူး/ဇွန်း​တွေသန့်ရှင်း​အောင် ဆေး​ကြောတာမျိုးအပြင် ​နို့​ဖျော်မယ့်ရေသန့်​အောင်လဲ အထူးဂရုစိုက်ရပါမယ်။

✅ အသက်၆လအထိ formula နို့တမျိုးကိုပဲတိုက်​ကျွေးရပါမယ်။

✅ မွေးစက​နေ ၆ပတ်အထိ HIV ကာကွယ်​ဆေးရည် ၂မျိုးတိုက်ဖို့လဲလိုအပ်ပါတယ်။

ခင့်မိတ်ဆွေတို့ တစ်ခုသတိပြုရမှာက မိခင်နို့ နဲ့ ဖြည့်စွက်နို့မှုန့် နှစ်မျိုးကို ရောနှောပြီး တိုက်မိခဲ့ရင် မိခင်မှ ကလေးဆီကို ရောဂါပိုးကူးစက်မှုမြင့်မားနိုင်လို့ ကိုယ်ဝန်ဆောင်ချိန်မှာကတည်းက အေအာတီဆေးခန်းမှာ သေချာတိုင်ပင်ပြီးရွေးချယ်ဖို့အရေးကြီးပါတယ်နော်။

ယုံကြည်စိတ်ချနွေးထွေးစွာ ခင့်ဆီရင်ဖွင့်ပါ

"ခင့်" Viber နဲ့ Telegram Community Group
ကိုလည်း Joinထားဖို့ မမေ့နဲ့နော်။
Viber Link
https://invite.viber.com/…
Telegram Linkhttps://t.me/hivayaykhinkomayy

သိလိုရာဆွေးနွေးပေးဖို့ 'ခင် ' ရှိနေပါမယ်။
ေးခင့်ကိုမေး

05/05/2025

CD4 များရင် U=U ဖြစ်ပြီလား
ခင့်မိတ်ဆွေတချို့က မေးကြတာရှိပါတယ်။
“ကျွန်တော့်မှာ CD 4 count က များနေတယ်။ အဲတာ ကျွန်တော် U=U ဖြစ်နေပြီလား။” ဆိုတဲ့ မေးခွန်းပါ။

❌ တကယ်တမ်းတော့ CD 4 count နဲ့ U=U က မသက်ဆိုင်ပါဘူး။

✅ CD 4 ဆိုတာ ခန္ဓာကိုယ်ရဲ့ ကိုယ်ခံအားစနစ်ကောင်းမကောင်းပဲ ပြပေးပြီး တကယ်လို့ CD 4 count နည်းနေရင် ပြင်ပက ပိုးမွှားတွေ အလွယ်တကူ ဝင်ရောက်လာနိုင်ပါတယ်။ ဒါပေမယ့် CD 4 များတာက ကိုယ်ခံအားစနစ်ကောင်းမွန်တယ်လို့ ပြောနိုင်ပေမယ့် HIV ပိုးကောင်ရေမတွေ့တော့ဘူးလို့ မပြောနိုင်ပါဘူး။

U=U ဖြစ်မဖြစ်ဆိုတာ HIV ပိုးကောင်ရေ (viral load) နဲ့သာသိနိုင်ပြီး ပိုးကောင်ရေ undetectableဖြစ်မှသာ U=U ဖြစ်မှာပါ။ ဒါကြောင့် CD4 count များလည်း U=U ဆက်ဖြစ်ဖို့ ART ဆေးကို ပုံမှန်သောက်ကြဖို့ မမေ့ပါနဲ့နော်။

ယုံကြည်စိတ်ချနွေးထွေးစွာ ခင့်ဆီရင်ဖွင့်ပါ

"ခင့်" Viber နဲ့ Telegram Community Group
ကိုလည်း Joinထားဖို့ မမေ့နဲ့နော်။
Viber Link
https://invite.viber.com/…
Telegram Link
https://t.me/hivayaykhinkomayy

သိလိုရာဆွေးနွေးပေးဖို့ 'ခင် ' ရှိနေပါမယ်။
ေးခင့်ကိုမေး

26/04/2025

၂၁ ရာစုမှာ လူငယ်တွေအတွက် ပျော်ပါးစရာတွေများပါးလာသလို ဒီအပျော်အပါးတွေနောက်မှာ ကြီးမားတဲ့ အန္တရာယ်တွေလည်း တွယ်ကပ်လာပါတယ်။ အဲဒီ အန္တရာယ်တွေထဲမှာ HIV ရောဂါပိုးဟာ အဖြစ်များလာတာကို တွေ့ရပါတယ်။

ဒါကြောင့် လူငယ်တွေအနေနဲ့ အပျော်ကနေ HIV ပိုးကူးစက်မခံရလေအောင် သတိရှိရှိကာကွယ်ကြဖို့ လိုပါတယ်။
✔️ ချစ်သူနဲ့ပဲဖြစ်ဖြစ်၊ One night stand ပဲဖြစ်ဖြစ်၊ LGBT ပဲဖြစ်ဖြစ် အတူနေတဲ့အခါ Condom ကို သေချာသုံးပါ။
✔️ အကြောထဲထိုးသွင်းတဲ့ ဆေးထိုးအပ်စတာတွေကို ဝေမျှသုံးတာကို (လုံးဝ) ရှောင်ပါ။
✔️ ကိုယ်နဲ့အတူနေမယ့်သူမှာ HIV ရောဂါပိုးရှိရင် ဆရာဝန်နဲ့ တိုင်ပင်ပြီး PrEP ဆေးကို သောက်ပါ။
✔️ HIV ပိုး ရှိမရှိ ပုံမှန်သွေးစစ်ပါ။

❗အရေးကြီးတာတစ်ခုကတော့ ကိုယ့်မှာ HIV ကူးစက်ခံရပြီဆိုရင် နီးစပ်ရာ HIV ဆေးခန်း သို့မဟုတ် ကျန်းမာရေးဌာနကို ပြသပြီး ART ဆေးကုသမှု ခံယူဖို့ လိုအပ်ပါတယ်နော်။

ယုံကြည်စိတ်ချနွေးထွေးစွာ ခင့်ဆီရင်ဖွင့်ပါ

"ခင့်" Viber နဲ့ Telegram Community Group
ကိုလည်း Joinထားဖို့ မမေ့နဲ့နော်။
Viber Link
https://invite.viber.com/…
Telegram Link
https://t.me/hivayaykhinkomayy

သိလိုရာဆွေးနွေးပေးဖို့ 'ခင် ' ရှိနေပါမယ်။

08/04/2025

မန္တလေးတိုင်း နှင့် စစ်ကိုင်းတိုင်း အတွင်းရှိ နိုင်ငံတကာ Medical Team များနှင့် အခမဲ့ ဆေးခန်း လိပ်စာများကို မျှဝေပေးလိုက်ပါတယ်။
အားလုံးပဲ ဘေးအန္တရာယ် ကင်းရှင်းကြပါစေလို့ ခင် မှ ဆုတောင်းပေးလိုက်ပါတယ်။
Source- မြန်မာနိုင်ငံလူမှုကယ်ဆယ်ရေးအဖွဲ့ မန္တလေးတိုင်းဒေသကြီး ကော်မတီ

01/04/2025

ငလျင်ဘေးသင့် ပြည်သူများအတွက် ပြည်ကြီးခင်အသင်းနှင့်အတူ လှူဒါန်းနိုင်ရန် ဖိတ်ခေါ်ခြင်း
__________________________
၂၈-၀၃-၂၀၂၅ ရက်နေ့တွင် လှုပ်ခတ်ခဲ့သည့် အင်အားရစ်ချက်တာစကေး (၇.၇) ပမာဏရှိ အင်အားကြီး မြေငလျင်ကြောင့် မြန်မာနိုင်ငံအလယ်ပိုင်းဒေသများနှင့် ရှမ်းပြည်နယ် ဒေသအချို့တွင် နေထိုင်သည့် ပြည်သူများ ပြင်းထန်စွာထိခိုက်ခဲ့ရသည့်အတွက် ပြည်ကြီးခင်အသင်းအနေဖြင့် များစွာစိတ်ထိခိုက် ခံစားရပါသည်။

လက်ရှိအချိန်တွင် ထိခိုက်ပျက်စီးမှုပမာဏကြီးမားလှသည့်အတွက် ကူညီကယ်ဆယ်ရေးနှင့် ပြန်လည်ထူထောင်ရေးလုပ်ငန်းများအတွက် ငွေကြေးနှင့် အခြေခံလိုအပ်ချက်များစွာရှိနေပါသည်။

ပြည်ကြီးခင်အသင်းအနေဖြင့် ပျဉ်းမနား၊ ရွှေဘိုနှင့် မန္တလေးမြို့များရှိ စင်တာများမှ ဝန်ထမ်းများနှင့် စေတနာ့ဝန်ထမ်းများမှ ဒေသခံကျန်းမာရေးလုပ်ဆောင်နေသောအဖွဲ့များ၊ ပရဟိတအဖွဲ့များနှင့် ချိတ်ဆက်ပြီး ငလျင်ဘေးသင့်ရာဒေသများသို့ သွားရောက်၍ အကူအညီများပေးလျက်ရှိပါသည်။ အရေးပေါ် ကူညီကယ်ဆယ်ရေးအပြင် ငလျင်ဘေးသင့်ပြည်သူများအတွက် အရေးပေါ် လိုအပ်နေသည့် အစားအစာ၊ ရေသန့်နှင့် ဆေးဝါးများ အလျင်အမြန် ထောက်ပံ့ပေးနိုင်ရန်အတွက် ဦးစားပေး စီစဥ်ဆောင်ရွက်လျက်ရှိပါသည်။

ကချင်၊ ကရင်၊ မွန်၊ ရှမ်း၊ စစ်ကိုင်း၊ တနင်္သာရီ၊ မကွေး၊ မန္တလေး၊ ရန်ကုန်၊ နေပြည်တော် တို့ရှိ စင်တာ ၂၉ ခု မှ ဝန်ထမ်းများ ၊စေတနာ့ဝန်ထမ်းများဖြင့် အရေးပေါ်ဆေးကုသရေးအဖွဲ့များ ဖွဲ့စည်း၍ ငလျင်ဘေးသင့်ရာဒေသများတွင် အခြေခံကျန်းမာရေးစောင့်ရှောက်မှုများကို ဆောင်ရွက်ပေးသွားမည်ဖြစ်ပါသည်။

အသင်းမှ လုပ်ဖော်ကိုင်ဖက်ဝန်ထမ်းများသည် ၂၀၁၆ခုနှစ်မှ စတင်၍ လစဥ်လုပ်အားခ၏ (၁) ရာခိုင်နှုန်းကိုစုဆောင်းခဲ့ကြပြီး သဘာဝဘေးကြုံတွေ့သည့်အခြေအနေနှင့် နှစ်စဉ်ကျောင်းစရိတ်လိုအပ်သော ကလေးများအား ပံ့ပိုးခြင်းတို့ကိုလုပ်ဆောင်လျက်ရှိပါသည်။ ပြည်ကြီးခင်အသင်းအနေဖြင့် ယင်းဝန်ထမ်းများ လစဉ်စုဆောင်းငွေမှ သိန်း ၅၀၀ ကျပ်တိတိကို ကနဦး ‘မ’တည်ငွေအဖြစ် လှူဒါန်းထည့်ဝင်မည်ဖြစ်ပါသည်။

အနယ်နယ်အရပ်ရပ်တွင်နေထိုင်ကြသည့် ပြည်တွင်း၊ ပြည်ပမှ မိတ်ဆွေများကိုလည်း ပြည်ကြီးခင် အသင်းနှင့်အတူ အနည်းအများမဆို ထည့်ဝင်လှူဒါန်းနိုင်ရန် ဖိတ်ခေါ်အပ်ပါသည်။

အသင်း၏ လှူဒါန်းမှုနှင့်ပတ်သက်သော အချက်အလက်များကို အသေးစိတ်သိရှိလိုပါက အောက်ပါ ပုဂ္ဂိုလ်များထံ ဆက်သွယ်နိုင်ပါသည် -
(၁) ဦးသိန်းထိုက်ဦး - ဖုန်း ၀၉၇၅၃၀၇၅၁၂၇
(၂) ဒေါက်တာနေလင်းထက် - ဖုန်း ၀၉၉၆၀၁၉၇၈၉၅
(၃) ဒေါ်အိအိပိုင် - ဖုန်း ၀၉၂၅၀၂၆၉၂၇၀ ၊ ၀၉၉၄၀၅၀၆၆၀၀
(၄) ဒေါ်နှင်းလဲ့ဦး - ဖုန်း ၀၉၂၅၀၁၅၉၆၂၉
(၅) ဒေါ်ခင်မိုးမြင့် - ဖုန်း ၀၉၉၇၀၀၈၄၄၂၂ ၊ ၀၉၇၉၇၉၃၄၃၃၀

မေတ္တာဖြင့်
ပြည်ကြီးခင်အသင်း

20/03/2025

ဒီနေ့ခေတ် လူငယ်တွေမှာ one night stand လိုမျိုး အလေ့အထတွေခေတ်စားလာတာနဲ့အမျှ Chemsex ဆိုတာကိုပါ စမ်းသပ်လာတတ်ကြပါတယ်။ Chemsex ဆိုတာ မူးယစ်ဆေးဝါးတစ်မျိုးမျိုးအသုံးပြုပြီး စိတ်ကြွနေတဲ့အချိန်မှာ လိင်ဆက်ဆံတာဖြစ်ပါတယ်။

ဘယ်လိုပဲ ခေတ်အခြေအနေတွေ ပွင့်လင်းလာသည်ဖြစ်စေ chemsexဟာ လူငယ်တွေအတွက် safeမဖြစ်တဲ့ အရာတစ်ခုဖြစ်ပါတယ်။

❗သွေးကြောထဲကို မူးယစ်ဆေးဝါး ထိုးသွင်းတဲ့အခါ ဆေးထိုးအပ် shareသုံးရင်း HIV ပိုးအပြင် Bပိုး၊ Cပိုးစတာတွေ ကူးစက်နိုင်ပါတယ်။

❗မူးယစ်ဆေးကြောင့် highနေချိန်မှာ လိင်ဆက်ဆံတာ‌ဖြစ်တာကြောင့် ကွန်ဒုံးကို စနစ်တကျသုံးစွဲဖို့ အသိစိတ်မရှိတော့ပါဘူး။ ဒါကြောင့် ကွန်ဒုံးကျွတ်၊ပေါက်ပြဲတာတွေဖြစ်ပြီး မလိုလားအပ်တဲ့ ကိုယ်ဝန်ရတာ ၊ HIV ပိုးနဲ့ ကာလသားရောဂါစတဲ့ လိင်ကတဆင့်ကူးစက်ရောဂါတွေ ရတာဖြစ်နိုင်ပါတယ်။

❗နောက်ဆုံးအနေနဲ့ကတော့ မူးယစ်ဆေးဆိုတာ သုံးရင်းသုံးရင်းနဲ့ အလွန်အကျွံစွဲလမ်းတတ်တာကြောင့် စိတ်ပိုင်းဆိုင်ရာထိခိုက်ပြီး ဘဝတက်လမ်းကို ပျက်စီးစေပါတယ်။

Chemsexဟာ လူငယ်တွေအတွက် ကျန်းမာရေးအရရော၊ လူမှုရေးအရရော လုံခြုံမှုလုံးဝမရှိပါဘူး။ ဒါကြောင့် ခင့်အနေနဲ့ chemsexကို ဘယ်သူကပဲ ဆွဲဆောင်သည်ဖြစ်ဖြစ် လုံးဝအစမပြုမိကြစေဖို့ တိုက်တွန်းပါရစေနော်။

ယုံကြည်စိတ်ချနွေးထွေးစွာ ခင့်ဆီရင်ဖွင့်ပါ

"ခင့်" Viber နဲ့ Telegram Community Group
ကိုလည်း Joinထားဖို့ မမေ့နဲ့နော်။
Viber Link
https://invite.viber.com/…
Telegram Link
https://t.me/hivayaykhinkomayy

သိလိုရာဆွေးနွေးပေးဖို့ 'ခင် ' ရှိနေပါမယ်။