31/08/2023
ကြောက်စရာကြီး ဖတ်ကြည့်ကြနော်
အလှပြင်မဲ့အမျိုးသမီးလေးတွေရေ
အခုနာမည်ကြီး နေတဲ့ မမလင်းတင်ထားတဲ့ မျက်ရစ်အဆီအိတ်ခွဲစိတ်ရင်း မျက်စိကွယ်မတတ်ဖြစ်ခဲ့ရတဲ့အဖြစ်ကို
ဖတ်ရတဲ့အတွက်ဒီစာကို အမျိုးသမီးလေးများ သတိမူနိုင်ဖို့ ရေးပါတယ်ရှင်
မျက်ရစ်ဖော်ခြင်း
မျက်အိတ်အဆီထုတ်ခြင်းတွေဟာ ယနေ့ခေတ် အမျိုးသမီးထုကြားမှာ ရေပန်းစားလှပါတယ်
Blepharoplastyလို့ ခေါ်တဲ့
အပေါ်မျက်ရစ်ဖော် ခြင်းဖြင့် မျက်လုံးအိမ်ရဲ့အလှတရားဟာ ပိုမိုပြည့်စုံသွားတယ်လို့ ခံစားကြရပါတယ်
အောက် မျက်အိတ်အဆီထုတ်ခြင်းဖြင့်ငယ်ရွယ်နုပျိုတဲ့ lookကိုပြန်ရစေပါတယ်
ဒီလောက်ရေပန်းစားနေတဲ့ မျက်ရစ်ဖော်တာတွေ မျက်အိတ်အဆီထုတ်တာတွေကို
ဆရာဝန်တွေသာမက ဆရာဝန်မဟုတ်တဲ့အလှအပဆေးခန်းများကပါ
တွင်တွင်ကျယ်ကျယ် လုပ်လာကြပါတယ်
ဒါတွေက minor surgery ဆိုပြီးပေါ့ပေါ့တန်တန်တွေးပြီးလုပ်လာကြပါတယ်
အမှန်တော့ မျက်စိဟာ ခန္ဓာ ကိုယ်ရဲ့အနူးညံ့ဆုံး အစားထိုးဖို့ခက်ခဲတဲ့အစိတ်အပိုင်းဖြစ်လို့
Anatomy ခေါ် ခန္ဓာဗေဒကို တတ်ကျွမ်းနားလည်ရုံမျှမက
မျက်ရစ်နဲ့မျက်အိတ်ခွဲစိတ်ဖို့ အထူးသင်ကြားထားသူနဲ့မှသာ ခွဲစိတ်သင့်ပါတယ်ရှင်
အပေါ်ကပြောတဲ့ခွဲစိတ်မှုတွေရဲ့
9.5%လောက်က နောက်ဆက်တွဲပြသနာပေါ်တတ်လို့
မခွဲခင် သေသေချာချာဆေးခန်းရွေးချယ်
ဆိုးကျိုးတွေမေးသင့်ပါတယ်ရှင့်
ဆိုးကျိုးတွေအနေနဲ့
-ပိုးဝင်ခြင်း,သွေးထွက်လွန်ခြင်း
-အမာရွတ် အကြီးကျန်နိုင်ခြင်း
-မျက်စိခြောက်ခြင်း,ယားယံခြင်း
-မျက်စိကြွက်သားဒဏ်ဖြစ်ခြင်း
-အညိုအမဲဆွဲကျန်ခြင်း
-မျက်ရစ်အနေအထား ပုံမမှန်ချုပ်မိခြင်းကြောင့်မျက်လုံးအိမ်အနောက်ဘက်သွေးယိုခြင်းမှ မျက်စိကွယ်ခြင်း
အမြင်အာရုံဆုံးရှုံးခြင်း
အစ ရှိသည်တို့ဖြစ်တတ်ပါတယ်ရှင်
ကျွန်မကိုယ်တိုင်လည်း အရမ်းလှချင်တော့ လှချင်တဲ့ အမျိုးသမီးလေးတွေရဲ့စိတ်ကို နားလည်ပါတယ်ရှင်
ဒါဆိုရင် အရမ်းလည်းလှချင်တယ် လုပ်လည်းလုပ်ချင်တယ် ဘယ်လို precautions တွေယူပြီးလုပ်ကြမလဲ
-သေချာနားမလည် မတတ်ကျွမ်းတဲ့သူဆီကို ကိုယ့်မျက်နှာကို လုံးဝလုံးဝ ပုံမအပ်ပါနဲ့နော်
-ဆေးခန်းဆရာဝန်သေချာရွေးပါ စျေးသက်သာတာက ပေးဆပ်ရတာနဲ့မတန်ပါ
-ဆေးခန်း reviewတွေသေချာဖတ်ပါ တကယ်ခွဲထားတဲ့ပုံတွေယှဥ်ပြတာသေချာကြည့်ပါ
-လက်တို့ပြီးပြောတာတွေ ကို ချက်ချင်းမယုံပါနဲ့နော်
-ဆေးခန်းရောက်ရင် ကောင်းကျိုးဆိုးကျိုး သေချာမေးပါ ဖြစ်နိုင်ဖို့ဘယ်လောက်နည်းနည်း
အဲ့အနည်းဆုံးpercentageက ကိုယ်ဖြစ်သွားနိုင်တာ မမေ့ပါနဲ့နော်
-follow upကို ခွဲပေးထားတဲ့ဆရာကိုယ်တိုင်ကောင်းတဲ့ထိ ကြည့်ပေးနိုင်မလားမေးပါနော်
-အရေးကြီးဆုံး အချက် ဘယ်ဆေးခန်းသွားသွားEnglish လို ဗမာလို ရေးထားတဲ့
ဒီရောဂါ ဒီခွဲစိတ်မှုနဲ့ပတ်သတ်လို့ သဘောတူပါတယ်ဆိုတဲ့စာရွက်ကို ဒီတိုင်းလက်မှတ်မထိုးဘဲ
သေချာဖတ်ပါ အကယ်၍ဆိုးကျိုးဖြစ်လာခဲ့ရင် ဘယ်လိုထိ responsibility တာဝန်ယူမလဲ
အသေအချာမေးပါ
-အားလုံးစိတ်ချရလောက်ပြီဆိုမှ လုပ်ဖို့ အကြုံပြုချင်ပါတယ်ရှင့်
နောက်မှ ကျွန်မ ကိုယ်တိုင်လှချင်လို့ သွားလုပ်ပြီး ဆိုးကျိုးဖြစ်ခဲ့ရတဲ့cosmetic procedureလေးတွေအကြောင်းရယ်
သဘာဝနည်းလေးတွေနဲ့ မျက်အိတ်တွဲတာ ဘယ်လိုကာကွယ်ကြမလဲ ရေးပေးပါဦးမယ်
စောင့်မျှော်ဖတ်ရှု အားပေးကြပါဦးနော်...
မေတ္တာဖြင့်
Dr Evelyn
