Aryu -အာယုဆေးဆိုင်

08/07/2024

ဝမ်းပျက်ဝမ်းလျှောဖြစ်လျှင် အရေးကြီးဆုံးလုပ်ရမယ့် အချက် (၄) ချက်

ခုတလော လူတော်တော်များများ ဝမ်းပျက်ဝမ်းလျှောရောဂါ တွေ ဖြစ်နေကြပါတယ်၊ ဝမ်းပျက်ဝမ်းလျှောရောဂါဟာ လူတချို့မှာဆိုရင် ပြင်းပြင်းထန်ထန်မခံစားရဘဲ ပျောက်ကင်းသွားတတ်ပေမယ့် တချို့လူတွေမှာဆိုရင် အချိန်မီမကုသဘူးဆိုရင် အသက်ဆုံးရှုံးတဲ့အထိ ဖြစ်နိုင်ပါတယ်၊ ဒီတော့ အရမ်းကြီးစိုးရိမ်ကြောက်လန့်နေစရာမလိုသလို ပေါ့ပေါ့ဆဆလည်းမနေသင့်ပါဘူး၊ ဒီ နေ့မှာတော့ ဝမ်းပျက်ဝမ်းလျှောဖြစ်လျှင် အရေးကြီးဆုံးလုပ်ရမယ့် အချက် (၄) ချက် ကို ပြောပြပေးမှာဖြစ်ပါတယ်

(၁) ရေဓာတ်ခမ်းခြောက်ခြင်းမဖြစ်အောင် ဂရုစိုက်ပါ
ဝမ်းပျက်ဝမ်းလျှောဖြစ်ပြီဆိုရင် ကျွန်တော်တို့အကြောက်ဆုံးအရာက ရေဓာတ်ခမ်းခြောက်ခြင်းဖြစ်ပါတယ်၊ ရေဆိုတာက တနည်းအားဖြင့်ဘာနဲ့တူလဲဆိုရင် ခန္ဓာကိုယ်ထဲမှာဆိုရင် သွေးနဲ့အတူတူပါပဲ၊ သဘောကတော့ ခန္ဓာကိုယ်ထဲမှာ ရေဓာတ်ခမ်းခြောက်ရင် သွေးပမာဏပါလျော့နည်းလာပါတယ်၊ သွေးပမာဏလျော့နည်းလာခြင်းကြောင့် သွေးပေါင်ချိန်တွေကျလာမယ်၊ အဲ့ဒီအခါ သွေးစီးဆင်းမှုလျော့နည်းလာပြီး ခန္ဓာကိုယ်ရဲ့အရေးကြီးတဲ့အင်္ဂါတွေကို သွေးထောက်ပံ့မှုကျဆင်းလာမယ်၊ ဥပမာ ကျောက်ကပ်သွေးစီးဆင်းမှုလျော့နည်းလာရင် ကျောက်ကပ်ပျက်စီးတတ်ပါတယ်၊ ဒီလိုပဲ သွေးပေါင်ချိန်တွေမတရားထိုးကျပြီး shock ရတဲ့အခြေအနေမှာ ခန္ဓာကိုယ်ရဲ့ အရေးကြီးတဲ့အင်္ဂါတွေပျက်စီးလာပြီး အသက်ဆုံးရှုံးရနိုင်ပါတယ်

ဒီတော့ ရေဓာတ်ပြန်လည်ဖြည့်တင်းဖို့အတွက် အလွယ်ကူဆုံးလုပ်လို့ရတာကတော့ ဓာတ်ဆားရည်သောက်ဖို့ပါပဲ၊ ရိုးရှင်းသော ဓာတ်ဆားရည်လေးသောက်ခြင်းက ဝမ်းပျက်ဝမ်းလျှောရောဂါကြောင့် အသက်ဆုံးရှုံးနိုင်ချေကို ရာခိုင်နှုန်းအများကြီး ကာကွယ်ပေးနိုင်ပါတယ်

ဒီတော့ ဓာတ်ဆားရည်ကို ဘယ်လောက်သောက်ရမလဲ၊ ဘယ်လိုဓာတ်ဆားရည်မျိုးကို သောက်ရမလဲ ?
ဓာတ်ဆားရည်ပမာဏဘယ်လောက်သောက်ရမလဲဆိုတာကို အလွယ်ကူဆုံးမှတ်ရမယ်ဆိုရင် ဝမ်းသွားသလောက်ပြန်သောက်ဖို့ဖြစ်ပါတယ်၊ ကိုယ်ဝမ်းသွားတဲ့ပမာဏများရင် များများသောက်ရပါမယ်၊ ပမာဏနည်းရင် တော့ နည်းနည်းသောက်ပါ

ဘယ်လိုဓာတ်ဆားရည်သောက်ရမလဲဆိုရင် WHO formula နဲ့ဖော်စပ်ထားတဲ့ မည်သည့်ဓာတ်ဆားရည်မဆို သောက်လို့ရပါတယ်၊ WHO formula ဆိုတာကတော့
- sodium chloride 3.5 g
- potassium chloride 1.5 g
- sodium citrate 2.9 g
- dextrose anhydrous 20 g
ဒီလိုမျိုးပါဝင်တဲ့ဓာတ်ဆားရည်မျိုးဖြစ်ပါတယ်

ဒီလို WHO formula နဲ့ထုတ်လုပ်ထားတဲ့ ဓာတ်ဆားတွေကတော့ BPI ဓာတ်ဆား, MPF ဓာတ်ဆား၊ electral forte, peditral စတဲ့ဓာတ်ဆားတွေဖြစ်ပါတယ်၊ ဒါကတော့ လက်လှမ်းမီသလောက် ဥပမာပေးတာပါ၊ နောက်ထပ်လည်းရှိပါသေးတယ်

ဓာတ်ဆားရည်တစ်ထုတ်ကို ရေ (၁) လီတာနဲ့ဖျော်ပါ၊ ရေသန့်နဲ့ဖျော်တာအကောင်းဆုံးပါ၊ ရေသန့်မရှိရင် ရေကိုကျိုချက် အရေးခံပြီးဖျော်ပါ၊ ဓာတ်ဆားဖျော်တဲ့ ရေဘူး သန့်ရှင်းဖို့တော့ လိုပါတယ်၊ ဖျော်ပြီး ၂၄ နာရီအတွင်း ကုန်အောင်သောက်ပါ၊ ၂၄ နာရီပြည့်လို့မကုန်ရင် သွန်ပစ်ပြီး အသစ်ဖျော်ပါ
ဓာတ်ဆားသောက်ရင် သတိထားရမှာကတော့ ဓာတ်ဆားထုတ်ကိုဖောက်လိုက်လို့ အထဲကအမှုန့်တွေက ခဲနေတာ၊ အစိုပြန်နေတာ၊ အဝါရောင်ပြောင်းနေတာဆိုရင် သောက်လို့မရပါဘူး

(၂) အာဟာရဓာတ်ပြည့်ဝအောင် အစာစားပါ
တချို့က ဝမ်းလျှောနေတဲ့သူကို ဘာမှမကျွေးဘဲ ဓာတ်ဆားရည်တစ်မျိုးပဲတိုက်ပြီး ဒီတိုင်းထားတတ်ကြပါတယ်၊ တကယ်က အဲ့လိုလုပ်လို့လုံးဝမရပါဘူး၊ လူနာက ပျို့တာအန်တာ၊ ဗိုက်အောင့်တာမရှိဘူး၊ ပါးစပ်ကလည်း စားနိုင်နေတယ်ဆိုရင် ပူပူနွေးနွေးချက်ထားတဲ့ အစာပျော့ပျော့ကျွေးလို့ရပါတယ်၊ ဥပမာ ထမင်းပျော့ပျော့၊ ဆန်ပြုတ်၊ ကြက်စွပ်ပြုတ် တွေအပြင် အခြားသော အာဟာရရှိမယ့်အစားအစာတွေ ကျွေးလို့ရပါတယ်
ရှောင်ရမှာတွေကတော့ အပူအစပ်တွေ၊ အစာမာမာတွေ၊ အရက်ဘီယာ၊ ကဖိန်းပါတဲ့အစားအစာတွေရှောင်ပါ

(၃) သန့်ရှင်းရေးဂရုစိုက်ပါ
ဝမ်းပျက်ဝမ်းလျှောခြင်းဟာ ဗိုင်းရပ်ပိုး၊ ဘတ်တီးရီးယားပိုးတွေကြောင့် အဖြစ်များပါတယ်၊ ဒီပိုးတွေဟာ သန့်ရှင်းမှုအားနည်းလို့အလွယ်တကူ ကူးစက်တာဖြစ်ပါတယ်၊ သန့်ရှင်းရေးဂရုစိုက်ခြင်းဟာ ဝမ်းမလျှောခင်ကာကွယ်ဖို့ရော၊ ဝမ်းလျှောနေစဥ် ပိုမဆိုးအောင်ရော၊ မိသားစုဝင်တွေကို မကူးစက်အောင်ရော အရေးပါပါတယ်
အစာသန့်ဖို့၊ လက်သန့်ဖို့၊ ရေသန့်ဖို့၊ အိမ်သာသန့်ဖို့လိုပါတယ်
ဝမ်းလျှောနေတဲ့သူအနေနဲ့ အစာမစားခင်တစ်ခါ၊ အစားစားပြီးရင်တစ်ခါလက်ဆေးပါ
ဝမ်းလျှောနေတဲ့သူရဲ့အညစ်အကြေး၊ အဝတ်အစား၊ အသုံးအဆောင်တွေကိုင်တွယ်ပြီးတိုင်း ဘယ်သူမဆိုလက်ဆေးပါ

(၄) အန္တရာယ်ပြလက္ခဏာများ စောင့်ကြည့်ပါ
ဝမ်းပျက်ဝမ်းလျှောလူနာမှာ ပြင်းထန်ရေဓာတ်ခမ်းခြောက်တဲ့လက္ခဏာတွေပြရင်တော့ အန္တရာယ်ရှိပါတယ်၊ ဥပမာ
- ရေအရမ်းငတ်တာ
- အာခေါင်ခြောက်တာ၊ အရေပြားခြောက်သွေ့တာ
- ဆီးအရမ်းနည်းတာ/ ဆီးမထွက်တော့တာ
- နုန်းတာ၊ ခေါင်းမူးတာ
- ဆီးအရောင် မည်းမည်းတွေသွားတာ
- မှိန်းတာ
- အစားမဝင်တော့တာ စတဲ့လက္ခဏာတွေဖြစ်ရင်တော့ အရေးကြီးတဲ့အတွက် ဆေးရုံဆေးခန်းအမြန်ပြပါ
ဒါ့အပြင် ကလေးငယ်တွေ၊ ရောဂါအခံရှိသူတွေ၊ အဘိုးအဘွားတွေဖြစ်ရင်လည်း ဆေးရုံဆေးခန်းပြပါ

အခုလောက်ဆိုရင် ဝမ်းပျက်ဝမ်းလျှောခံစားရတဲ့အခါ သတိထားရမယ့် အရေးကြီးတဲ့အချက်တွေကို သိရှိသွားလောက်ပြီလို့ယူဆပါ
အားလုံးပဲ ရောဂါမျိုးစုံအန္တရာယ်မှ ကင်းဝေးနိုင်ကြပါစေ

#အခြားသူများသိစေရန် share နိုင်ပါတယ်
#ကော်ပီကူး၍ပြန်တင်ခြင်းခွင့်မပြုပါ

Theikdi Aung
AUNG
#ဝမ်းပျက်ဝမ်းလျှော

08/07/2024

လူအစုလိုက် ဝမ်းပျက်ဝမ်လျှောခြင်း ဖြစ်ခဲ့သည်ရှိသော်

ဝမ်းပျက်ဝမ်းလျှောဆိုတာ လူတိုင်း တချိန်မဟုတ်တချိန် ဖြစ်တတ်တဲ့အရာပါ။ ဒါပေမဲ့ မိမိပတ်ဝန်းကျင်ဒေသမှာ တစ်ပတ်အတွင်း ဝမ်းလျှောသူအရေအတွက် မသင်္ကာစရာဖြစ်အောင် မြင့်တက်လာပြီး လူနာတွေမှာ …
▪️တူညီတဲ့ ရောဂါလက္ခဏာရြှိခင်း(ရေလိုဝမ်းသွားခြင်း/သွေးဝမ်းသွားခြင်း)
▪️တူညီတဲ့ နေရာ၊ အရပ်မှာ နေထိုင်ခြင်း
▪️အစားအသောက်တစ်ခုတည်းကို စားခဲ့ကြခြင်း(ဥပမာ - အလှူ၊ စားသောက်ဆိုင်)
▪️သောက်သုံးရေအရင်းအမြစ် တူနေခြင်း
▪️မိမိဒေသအနီးမှာ အစုလိုက်ဝမ်းလျှောမှုဖြစ်ပွားခြင်းတွေရှိနေရင် မကြာခင်မှာ အစုလိုက်ဝမ်းလျှောမှုဖြစ်ပွားနိုင်ပါတယ်။

ဒီလိုမျိုး ရုတ်တရက်ဝမ်းလျှောစေနိုင်တဲ့ ဝမ်းရောဂါက ၂ မျိုးရှိပါတယ်။ Cholera(ကာလဝမ်းရောဂါ) နဲ့ Shigella Dysentery(သွေးဝမ်းရောဂါ) ပါ။ ဒီနှစ်ခုရဲ့ ကွာခြားမှုတွေကတော့ …
▪️Cholera က ဆန်ဆေးရေလိုဝမ်းသွားပြီး Shigella က သွေး၊ အချွဲတွေပါတယ်။
▪️အဖျားက Shigella မှာ ရှိနိုင်တယ်။
▪️ဗိုက်နာတာက နှစ်ခုလုံးမှာဖြစ်တယ်။
▪️အန်တာက Cholera မှာ အဖြစ်များတယ်။
▪️ဝမ်းခဏခဏသွားချင်သလိုမျိုး Shigella မှာ ခံစားရနိုင်တယ်။

ပြည်သူလူထုအနေနဲ့ ဘာတွေလုပ်နိုင်သလဲဆိုရင် …
▪️အိမ်သာတက်ပြီးနောက်၊ အစားအစာမပြင်ခင်၊ အစားမစားခင် လက်ကိုဆပ်ပြာနဲ့ဆေးပါ။
▪️ရေကိုကျိုချက်သောက်ပါ (သို့) ပိုးသန့်အောင် ကလိုရင်းခတ်ပါ။
▪️သန့်ရှင်းလတ်ဆတ်တဲ့ အစားအစာပဲ စားပါ။
▪️သောက်သုံးရေအရင်းအမြစ်နားမှာ ဝမ်းမသွားပါနဲ့။
▪️အိမ်သာကိုအသုံးပြုပြီး သန့်သန့်ရှင်းရှင်းထားပါ။

🚨 တကယ်လို့ ဝမ်းလျှောခဲ့တယ်ဆိုရင် ရောဂါပြင်းထန်မှုအပေါ်မူတည်ပြီး ရေဓာတ်ဖြည့်ပေးဖို့က သိပ်အရေးကြီးပါတယ်။ ဝမ်းလျှောတဲ့သူ ၈၀% ကို ဓာတ်ဆားရည်တစ်မျိုးတည်းနဲ့ ကုသနိုင်ပါတယ်။

◼️လူနာက ရေဓာတ်ခမ်းခြောက်နေလားသိနိုင်ဖို့ …
▪️မျက်တွင်းကျခြင်း
▪️မျက်လုံးမစိုခြင်း၊ မျက်ရည်မကျခြင်း
▪️ပါးစပ်၊ လျှာခြောက်ခြင်း
▪️ရေဆာခြင်း၊ ရေအငမ်းမရသောက်ခြင်း
▪️အရေပြားကိုဆွဲပြီးလွှတ်လိုက်တဲ့အခါ ဖြည်းဖြည်းချင်းပြန်ဆန့်ခြင်းစတဲ့ လက္ခဏာတွေ နှစ်ခုနဲ့အထက်ရှိမရှိကြည့်ပါ။

👉 ဒီလက္ခဏာတွေ မရှိဘူးဆိုရင်တော့ တစ်ခါဝမ်းသွားပြီးတိုင်း ဓာတ်ဆားရည်ကို …
▪️၂ နှစ်အောက်ကလေးမှာ 50 - 100 ml တိုက်ပါ။ တစ်နေ့အတွင်း 500 ml အထိ လိုအပ်သလောက်တိုက်ပါ။
▪️၂ - ၉ နှစ်ကြားကလေးဆိုရင် 100 - 200 ml တိုက်ပါ။ တစ်နေ့အတွင်း 1 Liter အထိ လိုအပ်သလိုတိုက်ပါ။
▪️၁၀ နှစ်နဲ့အထက်ဆိုရင်တော့ လိုအပ်သလို တစ်နေ့ကို 2 Liter အထိ သောက်နိုင်ပါတယ်။

👉 လက္ခဏာတွေရှိနေရင်တော့ ရေဓာတ်နည်းနည်းခမ်းနေပါပြီ။ ဒါဆိုရင် ပထမ ၄ နာရီအတွင်း အောက်ပါအတိုင်း ဓာတ်ဆားရည်တိုက်ပါ။
▪️အသက် ၄ လအောက်/ 5 Kg အောက် — 200 - 400 ml
▪️အသက် ၄ - ၁၁ လ/ 5 - 7.9 Kg — 400 - 600 ml
▪️အသက် ၁၂ - ၂၃ လ/ 8 - 10.9 Kg — 600 - 800 ml
▪️၂ - ၄ နှစ်/ 11 - 15.9 Kg — 800 - 1200 ml
▪️၅ - ၁၄ နှစ်/ 16 - 29.9 Kg — 1200 - 2200 ml
▪️၁၅ နှစ်နဲ့အထက်/ 30 Kg နဲ့အထက် — 2200 - 4000 ml တိုက်ပါ။

လူနာကို မကြာခဏစောင့်ကြည့်ပါ။
ဓာတ်ဆားသောက်လို့ ပျို့အန်ပြီးမဝင်ရင် နှာခေါင်းပိုက်ထည့်ဖို့လိုနိုင်ပါတယ်။

👉 တကယ်လို့များ
▪️လူနာက အားမရှိဘဲနုံးနေ၊ မျောနေ၊ ပျော့ခွေနေတယ်
▪️ရေမသောက်နိုင်တော့ဘူး
▪️သွေးခုန်နှုန်း အားနည်းတယ်
▪️အရေပြားကိုဆွဲပြီးလွှတ်လိုက်တဲ့အခါ ပြန်ဆန့်ဖို့အချိန်ပိုကြာနေတယ်ဆိုရင်တော့ ဆိုးဆိုးရွားရွား ရေဓာတ်ခမ်းခြောက်နေပြီဖြစ်လို့ ဆေးရုံကိုအမြန်သွားရပါမယ်။ ဓာတ်ဆားရည်သောက်ရုံနဲ့ မရတော့ပါဘူး။

✅ ဒီတော့ ကူးစက်ဝမ်းရောဂါတြွေဖစ်နေပြီဆိုရင်

◾သင့်ကို မကူးစက်အောင်ကာကွယ်ပါ။
▪️လူနာကိုမပြုစုခင်နဲ့ ပြုစုပြီးနောက် လက်ကိုဆပ်ပြာနဲ့ဆေးပါ။
▪️လက်သည်းညှပ်ပါ။

◾ကာလဝမ်းရောဂါသမားတွေကို သီးသန့်ထားပါ။
▪️သူတို့ရဲ့ မစင်၊ အန်ဖတ်၊ ညစ်ပေတဲ့အဝတ်အစားတွေက အရမ်းကူးစက်လွယ်ပါတယ်။
▪️လူနာအသုံးပြုတဲ့ အိမ်သာ၊ ရေပုံးတွေကို သေချာဆေးကြောပြီး ကလိုရင်းနဲ့သန့်စင်ပါ။

◾အာဟာရရှိတဲ့ အစားအစာတွေကျွေးပါ။
▪️ဝမ်းလျှောတဲ့လူနာအားလုံး(အထူးသဖြင့် သွေးဝမ်းသွားသူ)အတွက် အာဟာရပြည့်ဝဖို့အရေးကြီးပါတယ်။
▪️တစ်ခါတည်းအများကြီးထက် နည်းနည်းစီ အကြိမ်များများကျွေးပါ။
▪️လူနာက အစားစားနိုင်တယ်ဆိုတာနဲ့ ကျွေးပါ။
▪️နို့စို့ကလေးဆိုရင်လည်း နို့ဆက်တိုက်ပါ။

ကူးစက်ဝမ်းရောဂါတွေက မသန့်ရှင်းတဲ့ရေ၊ အစားအသောက်၊ ညစ်ပတ်တဲ့လက်၊ လူနာရဲ့အညစ်အကြေးကနေတဆင့် ကူးစက်တာမို့ သတိပြုဆင်ခြင်နိုင်အောင် မျှဝေလိုက်ရပါတယ်။

16/03/2024

ဝက်ခြံနှင့် ပရိုဘိုင်အိုတစ်

ပရိုဘိုင်အိုတစ်ဆိုသည်မှာ ခန္ဓာကိုယ်ကြီး ကျန်းမာရေးအတွက် ကူညီဆောင်ရွက်ပေးလျက်ရှိသည့် အကျိုးပြု အဏုဇီဝပိုးလေးများ ဖြစ်သည်။ ပရိုဘိုင်အိုတစ်အမျိုးအစား မျိုးစုံရှိရာ တစ်မျိုးနှင့်တစ်မျိုး တာဝန်ထမ်းဆောင်ပုံ မတူညီကြပေ။ အရေပြားတွင်ရှိသောပရိုဘိုင်အိုတစ်များက အရေပြားကိုရောဂါပိုးများ ထိုးဖောက်ဝင်ရောက်မှုမရှိစေရန် ကာကွယ်တားဆီးပေးသည်။ ဝက်ခြံနှင့်ပတ်သက်၍ပြောရလျှင် ဝက်ခြံရောဂါဖြစ်စေသော ဘက်တီးရီးယားဖြစ်သည့် Propionibacterium acnes ကို ဟန့်တားနိုင်သည့် ပရိုဘိုင်အိုတစ်မှာ Staphylococcus epidermidis ဖြစ်သည်။ အဆိုပါပရိုဘိုင်အိုတစ်များ ချို့တဲ့ပါက ဝက်ခြံများထကြွလာလေ့ရှိသည်။

အဆိုပါပရိုဘိုင်အိုတစ်ဘက်တီးရီးယားများသည် လူ့ခန္ဓာကိုယ်အရေပြားရှိ ဂရစ်စရော (Glycerol) ကို စားသုံးကာ ဆပ်စီနစ်အက်ဆစ် (Succinic acid) များကို ထုတ်ပေးပြီး အဆိုပါအက်ဆစ်များကြောင့် ဝက်ခြံရောဂါပိုးများ သေဆုံးကုန်ကြရသည်။ အဆိုပါအက်ဆစ်၏အာနိသင်ကြောင့် အခြားသောရောဂါပိုးများပေါက်ပွားမှုမရှိစေရန်လည်း ဟန့်တားပေးနိုင်စွမ်းရှိသည်။ ထို့ကြောင့် ယခုအခါ အဆိုပါအကျိုးပြုဘက်တီးရီးယား Staphylococcus epidermidis ပါဝင်သော ပရိုဘိုင်အိုတစ်များ ထုတ်လုပ်ရောင်းချလာကာ ဝက်ခြံရောဂါ ကာကွယ်တိုက်ဖျက်ရာ၌ ထိရောက်စွာ အသုံးပြု လာနေပြီဖြစ်သည်။

အခြားသော အူနှင့်အစာလမ်းကြောင်းရှိ ပရိုဘိုင်အိုတစ်များကလည်း ဝက်ခြံရောဂါကာကွယ်တိုက်ဖျက်ရာ၌ အရေးပါနေပါသေးသည်။ အူနှင့်အစာလမ်းကြောင်း၌ ပရိုဘိုင်အိုတစ်များချို့တဲ့နေပါက အစာလမ်းကြောင်းအတွင်း အဆိပ်အတောက်များ ပိုမိုများပြားလာကာ အူနံရံများကို ရောင်ရမ်းစေပါသည်။ ထိုမှတစ်ဆင့် မကောင်းသော ဓာတ်ပစ္စည်းများ ခန္ဓာကိုယ်တွင်းသို့ ပိုမိုဝင်ရောက်ကာ ဝက်ခြံရောဂါကို ပိုမိုဆိုးဝါးစေပါသည်။ ဝမ်းချုပ်သူများတွင် ပိုဆိုးပါသည်။ ထို့ကြောင့် အူနှင့်အစာလမ်းကြောင်းရှိ ပရိုဘိုင်အိုတစ်များ ပြည့်စုံ လုံလောက်မှုရှိနေစေရန် ပရိုဘိုင်အိုတစ် ကြွယ်ဝသော အစားအစာများဖြစ်သည့် ဒိန်ချဥ်နှင့် အချဥ်ဖောက်ထားသော အစားအစာများကို မကြာခဏစားသုံးပေးခြင်း၊ ပရိုဘိုင်အိုတစ်များကြိုက်နှစ်သက်သည့် ပရိုဘိုင်အိုတစ်အစားအစာများ စားသုံးခြင်းတို့ကို ပြုလုပ်ပေးခြင်းဖြင့် ပရိုဘိုင်အိုတစ်အရေအတွက်ကို များပြားနေအောင်လုပ်ဆောင်သင့်ပေသည်။ ထိုသို့မလုပ်နိုင်ပါကလည်း ပရိုဘိုင်အိုတစ် ဖြည့်စွက်ဆေးဝါးများ စားသုံးနိုင်ပါသည်။ အထူးသဖြင့် ပဋိဇီဝဆေးများ သောက်သုံးပြီးတိုင်း ပရိုဘိုင်အိုတစ် ဖြည့်စွက်ဆေးဝါးများ မှီဝဲသင့်ပါသည်။

ဒေါက်တာခင်မောင်လွင် (FAME)

25/01/2024

* ပြာသိုလနှင့် လွမ်းမောဖွယ်ရာ အမေ မေတ္တာ *
======================================

ဒီရာသီ ဒီအချိန် ကာလသို့ ရောက်လာရင်
လူပုဂ္ဂိုလ်တစ်ဦးနဲ့ လွမ်းမောဖွယ်ရာ ဇာတ်လမ်းလေးတစ်ပုဒ်ကို သတိရလာလို့ ပြန်လည် ရေးသားလိုက်ပါတယ်။

ထိုပုဂ္ဂိုလ်ကြီးကတော့ စာပေ အနုပညာလောကတွင် စံပြုလောက်သော စွယ်စုံပညာရှင်ကြီး (မဟာသဒ္ဓမ္မ ဇောတိက အလင်္ကာကျော်စွာ ဂုဏ်ထူးဆောင်) ဘဘ ဦးသုခ(ခေါ်) မောင်သိန်းမောင်ပဲ ဖြစ်ပါတယ်။

ဘဘဦးသုခကို အပြင်မှာ မမြင်ဖူးသော်လည်း ဘဘပြောခဲ့သည့်စကားများ ဘဘရေခဲ့သော စာပေများနဲ့ ရင်းနှီးခဲ့သည်။

ဘဘဟာ ကျိုက်လတ်မြို့သားပါ။
"တကယ်လုပ်ချင် တကယ်လုပ် အဟုတ်ဖြစ်ရမယ် "ဆိုတဲ့ ဘဘ၏ လက်ကိုင်စကားကို အားကျခဲ့သည်
ဘဘဟာ အနုပညာလောကမှာ ထူးချွန်အောင်မြင်ပြီး လူချစ်လူခင်များတယ် လူသိများတယ်။ လူသိများသော အချက်တွင် ပြာသိုလပြည့် နေ့ကို အမေနေ့'ဟု ဆောင်ရွက်ခဲ့ခြင်းသည် တစ်ခု အပါအဝင်ဖြစ်ခဲ့သည်။

အဲ့ဒီလို ပြာသိုလပြည့် အမေနေ့အဖြစ် အသိအမှတ်ပြုလာအောင် ပြုလုပ်နိုင်ခဲ့ခြင်း၏ နောက်ကွယ်တွင်လည်း ဝမ်းနည်း လွမ်းမောဖွယ်ရာ ဇာတ်လမ်းက ရှိနေသည်။

ဘဘ ရဲ့ ကိုယ်တွေ့ ဖြစ်ရပ်မှန် မိဘမေတ္တာ ဇာတ်လမ်းလေးကို ဘဘကိုယ်တိုင် ကြုံခဲ့ရသည်။
ထိုကြောင့် ဘဘဟာ မိမိကဲ့သို့ အဖြစ်မျိုး မဖြစ်ရ မကြုံရလေအောင် မိဘ မေတ္တာနဲ့ ပတ်သက်သော အကြောင်းတို့ကို နှစ်၂၀ အတွင်း အကြိမ်၂၀၀ထက် မနည်း နယ်တကာ လှည့်ကာ ဟောပြောခဲ့ပြီး အမေနေ့ဖြစ်ပေါ်လာအောင် ကြိုးပမ်းခဲ့သည်။

ဘဘ၏ ဇာတ်ကြောင်းလေးကို အကျဉ်းမျှ ပြောရရင် ဘဘ၏ မိခင်မှာ ဒေါ်မျှင် ဖြစ်ပြီး ငယ်စဉ်ကတည်းက မိခင်ရင်ခွင်မှာ ခိုလှုံခဲ့ရသည်။ ဖခင်ဖြစ်သူက ဘဘတို့ မိသားစုကို စွန့်ပစ်သွားခဲ့သည်။ ဖခင်မေတ္တာ မရခဲ့သော ဘဘကို သူ့မိခင်က အလွန်ချစ်သည်။ သားကို အလွန်ချစ်သော စိတ်ဖြင့် စီးပွါးရေးကို ကြိုးစားရုန်းကန်ရှာဖွေသည်။

သားကို မျက်နှာမငယ်ရအောင် လူတန်းစေ့ထားသည်။ သားဖြစ်သူကို အရာရှိဖြစ်စေချင်သော စိတ်ဖြင့် အင်္ဂလိပ်ကျောင်းသို့ ထားသည်။ သို့သော် သားဖြစ်သူဟာ ပညာရေးကို စိတ်မဝင်စားပဲ ငယ်ငယ်ရွယ်ရွယ်နဲ့ပင် ကျောင်းထွက်ပြီး အိမ်ထောင်ပြုသည်။ မိခင်ခမျာ သားကို ပညာတက်စေချင်သောဆန္ဒ ပျက်သုဉ်းသွားလေတော့ ချွေးမဖြစ်သူကိုလည်း မကြည်ဖြူနိုင်တော့ဘူး။

အဲ့ဒီအခါ သားဖြစ်သူက မိန်းမကို ခေါ်ပြီး ယောက္ခမ အိမ်ပေါ် တက်နေလိုက်တယ် ထိုအချိန်က စပြီး မိခင်ဖြစ်သူဟာ သားဖြစ်သူကို မခွဲနိုင်သည့်စိတ်နဲ့ စီးပွားရေးကို ကောင်းကောင်း မလုပ်နိုင်တေ့ာပဲ ဆင်းရဲတွင်း နက်ခဲ့ရရှာတယ်။ ခင်ပွန်းဖြစ်သူ၏ စွန့်ပစ်ခြင်းကို ခံနိုင်သော်လည်း သားဖြစ်သူ၏ လျစ်လျူရှု့မှုကိုတေ့ာ မခံနိုင်ရှာပေ သားဖြစ်သူ မောင်သ်ိန်းမောင်ဟာ ရန်ကုန်မြို့၌ အလုပ်များကို ခက်ခဲစွာလုပ်ကိုင်နေရတယ်။

တစ်နေ့တော့ ကျိုက်လတ်မြို့မှာ ဒုလ္လဘ ရဟန်းဝတ်ရန် မဲပေါက်သည့်အတွက် မောင်သိန်းမောင်သည် ဇာတိမြို့သို ပြန်လာခဲ့သည် ထိုအချိန်တွင် မိခင်ဖြစ်သူမှာ အလွန်ဆင်းရဲနေရှာပြီဖြစ်၍ သားဖြစ်သူ ရဟန်းကိုပင် ဆွမ်းမလောင်းနိုင်သောကြောင့် ပုန်းကွယ်နေခဲ့ရသည်။ ထိုအကြောင်းကို သိသွားသော မောင်သိန်းမောင်သည် ရင်နင့်အောင် ခံစားရရှာသည်။

ထိုနောက် အမေကို ဆွမ်းခံကျွေးခွင့် ရှိ မရှိ ဆရာတော်ကို မေးလျှောက်ရာ ဆရာတော်က ကျွေးခွင့်ရှိကြောင်း မိန့်တော့ သားရဟန်းဟာ ဝမ်းသာအားရဖြင့် အမေထံ အပြေးလေးသွားတာပေ့ါ...။

ရလာသော ဆွမ်းကို အမေစားရန် ပြန်စွန့်ရှာတယ် အမေဖြစ်သူက သားစိတ်ချမ်းသာအောင် မျက်ရည်ကျရင်း စားရှာသည် အမေဖြစ်သူဟာ သားရဟန်းစွန့်သော ဆွမ်းကို တစ်ကြိမ်သာ စားတယ်။ ပတ်ဝန်းကျင် ကဲ့ရဲ့မှုကို ခံရမည်စိုးသောကြောင့် ဆွမ်းခံကျွေးခွင့် မပေးတော့ပေ။

သားရဟန်းဟာ နောင်တကြီးစွာရ၍ အမေကို လုပ်ကျွေးပြုစုတော့မည်ဟု စိတ်ပိုင်းဖြတ်ကာ ရန်ကုန်သို့ ပြန်ကာ အလုပ်ကို ကြိုးစားသည် အမေ့ကို ထောက်ပံ့သည်။ နောက်တော့ သားဖြစ်သူဟာ အနုပညာအလုပ်ဖြင့် အောင်မြင်လာသည်။ စာပေ အနုပညာနယ်တွင် ဆရာတစ်ဆူပမာ ဖြစ်ခဲ့သည်။

မိခင်ကို လုပ်ကျွေးပြုစုရန် အတွက် ကျိုက်လတ်မြို့သို့ ပြန်လာခဲ့သော်လည်း မိခင်ဖြစ်သူက ပုသိမ်မြို့ရှိ သမီးထံတွင် နေထိုင်နေသည် ထို့နောက် မောင်သိန်းမောင်ဟာ ရန်ကုန်သို့ ပြန်လာပြီး အလုပ်များကို ဆက်လက် လုပ်ကိုင်ခဲ့သည်။ နောက်တော့ ညီမဖြစ်သူထံမှ မိခင်ကျန်းမာရေး မကောင်းကြောင်း
သတင်းကြား၍ ရန်ကုန်သို့ ခေါ်ကာ ဆရာဝန်ကြီးများနှင့် ပြသတယ် သို့သော် မိခင်ဖြစ်သူ၏ ရောဂါမှာ လွန်နေခဲ့ပြီ။

ထိုအချိန်တွင် အမေစားချင်သော ရှောက်ချိုသီးကို ဝယ်ကျွေးသော်လည်း မစားနိုင်တော့ပေ...နောက်ဆုံး ရှောက်ချိုရေလေး တစ်ဇွန်းသာ သောက်နိုင်ပြီး ကွယ်လွန်သွားရှာတယ်။ အဲဒီအချိန်မှ သားဖြစ်သူ မောင်သိန်းမောင်ဟာ လွန်စွာ ခံစားရရှာလေ၏။ မိခင်ကို ပြုစုလုပ်ကျွေးရန် ငွေများလည်းရှိနေပြီဖြစ်သည်။ မိခင်ဖြစ်စေချင်သမျှ ဖြည့်ဆည်းပေးရန် အရာရာ ပြည့်စုံနေပြီ ဖြစ်သည်။

သို့သော်လည်း အချိန်အခါ မပေးတော့ပေ...
အမေကျေးဇူးကို ဆပ်ခွင့် မရတေ့ာပေ...။

ဤအကြောင်းအရာများသည် ဘဘကိုယ်တိုင်ကြုံတွေ့ခဲ့ရသော လွမ်းမောဖွယ်ရာ ရင်နင့်ဖွယ်ရာ အဖြစ်အပျက်များ ဖြစ်သည်။ ထိုအကြောင်းများကို ဘဘရေးခဲ့သည့်စာများ ဟောပြောပွဲများမှ တဆင့် သိခဲ့ရသည်။

ထိုဇာတ်လမ်းလေးကို ကြားတိုင်း မျက်ရည်ဝဲရသည်။ အသိတရားလည်း ရမိသည်၊ မိဘဟူသည် သက်ရှိဘုရားဖြစ်၍ လက်တွေ့ အနီးကပ် အလုပ်အကျွေးပြုနိုင်ကြောင်း ကိုလည်း သတိဝင်မိသည်။ ထိုအဖြစ်ဆိုးများနဲ့ ကြုံခဲ့ရသော ဘဘသည် နောက်လာ နောင်သားများ လူငယ်များ မိဘကို အချိန်ရှိခိုက် ကျေးဇူးဆပ်တတ်ကြရန် စင်ပေါ်ကနေ ဟောပြောဆုံးမခဲ့သည်။

အမေကျေးဇူး ကြီးမားပုံကို
"စကားပြောသော အသဲနှလုံး" ရုပ်ရှင်ကားဖြင့် ဖော်ကြူးပြသခဲ့သည် စာအုပ်ရေးသား၍လည်း သားသမီးများ အမေ့ကျေးဇူးသိရန် ဆုံးမခဲ့သည်။ ဘဘသည် ထိုမျှအားမရသေးပဲ သားသမီးများအားလုံး အမေကျေးဇူးကို အမှတ်ရနေစေရန် အတွက် အမေများနေ့ ဖြစ်လာအောင် "ထိုတနေ့"ဟူသော ဆောင်းပါးကို ရေးသား၍ နှိုးဆော်ခဲ့သည်။

သို့သော် ဘဘ၏ စိတ်ကူးက ပုံပေါ်မလာသေး နောက်တော့ ဘဘရေးသည့် ဆောင်းပါးကို ၁၉၈၇ ခုနှစ် မေလထုတ် လုံမလေးမဂ္ဂဇင်းတွင် ထပ်မံဖေါ်ပြခဲ့ရာ မန္တလေးမြို့ ပြည်ကြီးတံခွန် ရပ်နေ ဒေါ်ခင်ရွှေ နှင့် ကိုသန့်ဇင်တို့သားအမီ ဖတ်ရှုမိရာကနေ စ၍ ထိုသားအမိ၏ ဦးဆောင်မှုဖြင့် ၁၃၅၈ ခုနှစ်၊ ပြာသိုလပြည့်နေ့တွင် မန္တလေးမြို့၌ ပထမဆုံး အမေနေ့ကို ကျင်းပနိုင်ခဲ့သည်။

ဘဘသည် သူမျှော်လင့်ခဲ့သည့်အတိုင်း အမေနေ့ ကျင်းပနိုင်ခဲ့၍ ဝမ်းမြောက်ဝမ်းသာဖြစ်ရှာသည်။ အမေနေ့ကို တစ်နိုင်ငံလုံး ဖြစ်လာအောင် ကြိုးပမ်းရင်းနဲ့ပဲ ဘဘဟာ ၂၀၀၅ ခုနှစ်၊ ဒီဇင်ဘာလ၊ (၇) ရက်နေ့မှာ ဘဘဦးသုခ (ခ)မောင်သိန်းမောင်ဟာ ကွယ်လွန်ခဲ့ပါတယ်။

ဘဘသက်ရှိထင်ရှား မရှိတေ့ာသော်လည်း ဘဘ မျိုးစေ့ချပေးခဲ့သော "ပြာသိုလပြည့် အမေနေ့"သည် ယနေ့ကာလမှာ သက်ဝင်လှုပ်ရှားလျက် ရှိနေသည်။ ပြာသိုလကို ရောက်လာပြီဆိုရင် အမေမေတ္တာ တရား၏ကြီးမားမှုကို လူတိုင်း သတိထား ဆင်ခြင်မိလာသည်။ ဤသည်ကား ဘဘ၏ ကြိုးစားခဲ့မှုများ အရာထင်ကျန်ရစ်ခဲ့ခြင်းဖြစ်သည်။ ဤကဲ့သို့ ဘဘကိုယ်တိုင် ရင်နင့်ဖွယ် ဇာတ်လမ်းအကြောင်းနှင့် ရင်ဆိုင်တွေ့ကြုံပြီးမှ ဖြစ်တည်လာသော "အမေနေ့"ကို လူတိုင်းအားလုံး တန်ဖိုးထားစေလိုပါသည်။

အမေမေတ္တာတရား၏ ကြီးမားပုံကိုသိရှိပြီး အမေ သက်ရှိထင်ရှားရှိစဉ် အလုပ်အကျွေးပြုစုကြပါ။
အမေကျေးဇူးကို အချိန်အခါတိုင်းအောက်မေ့ပြီး အချိန်ရှိတုန်း ဆပ်သင့်ကြောင်း ဆန္ဒပြုရင်း.....

ဘဘ ဦးသုခ ၏ "လူတိုင်းမှာ အမေ ရှိတယ် "ကဗျာလေးဖြင့် နိဂုံးချုပ်ပါရစေ...

🤍 ဇမ္ဗူတိုင်းမှာ အဖြေညှိပြရရင်
အပူလှိုင်းဖြာ ဝေဒနိကတွေနဲ့
လူတိုင်းမှာ အမေရှိတယ်...။

🤍 မရေမရာ ပဟေဠိတွေကြောင့်
အသေအချာ အဖေမသိတောင်မှ အမေရှိတယ်။

🤍 ချစ်သဒ္ဓါဝေကဲ
ပြည့်တန်ဆာ အမေလည်း အမေ။

🤍 အကြွေးကြွယ်လှတဲ့
စျေးသည်မ အမေလည်း အမေ။

🤍 အကြောင်းတရား အခြေမွဲ
သူတောင်းစား အမေလည်း အမေ။

🤍 သမီးသားတွေ
ကြီးထွားစေရော့လို့ စီးပွါးအထွေထွေ
စိန် ရွှေ ပတ္တမြား၊ အိမ် မြေ ကားနဲ့
ငွေသားအမွေပေးနိုင်မှ အမေ မဟုတ်။

🤍 ယိုင်နဲ့နဲ့ တဲအတွင်း
လှဲခင်း အိပ်နေစရာ တိုးဖယ်ပေးခဲ့
အရိုးဟင်း တစ်ဖဲ့စီဝေ
ထမင်းရည် အတူတူသောက်
ဗိုက်မှောက်တော့ အတူတူ
ခြင်ထောင်မရှိ ခြုံစောင်မရှိ
ခင်းအိပ်စရာ ဖျာလည်းမရှိလို့
ခြင်ကိုသွေးလှူ အတူတူ
ကြမ်းပိုးသွေးလှူ အတူတူ
အပူကို မျှဝေ ဒုက္ခကို ပိုမိုလေးနက်စေ
ပညာအမွေ ရွှေအိုး ရိုးသားမှု ဂုဏ်သိက္ခာ
မေတ္တာ အကြင်နာမှ တစ်ပါး အခြားပေးစရာ
အထွေထွေမဲ့သော်လည်း အမေ ဟာ အမေပဲ လေ...။

ဤစာမူကို ဖတ်ဖူးတဲ့
မိဘရှိနေသေးသောသူများ အနေဖြင့်
ဘဘဦးသုခလို နောင်းနောင်တတွေ မရစေဖို့
သတိပေး လိုက်ချင်ပါတယ်။

ကမ္ဘာပေါ်မှာ ရှိသမျှအမေများအားလုံး
သက်ရှည်ကျန်းမာ စိတ်ချမ်းသာ၍
လိုရာဆန္ဒများ ပြည့်ကြပါစေ...။

ရွှေလတ်ကိုကို (မဟာဝိဇ္ဇာ)၏ ပြာသိုလ လွမ်းမောဖွယ် မိခင်မေတ္တာ ဆောင်းပါးကို အခြေခံ ကိုးကားပါသည်။

ဘဘ ဦးသုခ ၏ ဟောပြောပွဲ Link.👇
https://m.facebook.com/story.php?story_fbid=1383283742130072&id=100013453776087

အရှင်ဝိသုတ (ရေစကြို)

14/01/2024

01/01/2024

2024 အတွက် စကားလက်ဆောင်
✍✍✍🌻🌻🌻🌻🌻✍✍✍

၁။ အတိတ်က အဆိပ်တွေကို ထုတ်ခဲ့ပါ။
(လူတိုင်းက အမှားနဲ့ မကင်းကြဘူး။)

၂။ ပစ္စုပ္ပန်မှာ တန်ဖိုးရှိစွာ ရှင်သန်ပါ။
(ယခုလက်ရှိအချိန်က အသေချာဆုံးနဲ့
တန်ဖိုးအရှိဆုံးပဲ။)

၃။ မိဘတွေကို အရင်ကထက် ပိုချစ်ပါ။
(မရှိတော့ရင် အစားထိုးလို့ မရဘူး။)

၄။ ပျော်ရွှင်ရည်မောဖို့ မမေ့ပါနဲ့။
(ဒုက္ခမိုးတွေက ကိုယ်တစ်ယောက်ထဲကိုမှ
ကွက်ရွာချတတ်တဲ့ ကွက်ကြားမိုး မဟုတ်ဘူး။)

၅။ ကိုယ့်ရဲ့ဖြစ်တည်မှုကို ကျေနပ်စွာ လက်ခံပါ။
(သူက သူ/ ကိုယ်က ကိုယ်ပါပဲ။)

၆။နဂိုအပူထက် အပိုအပူတွေ မယူမိပါစေနဲ့။
(ဘဝက တိုတောင်းလွန်းတယ်။)

၇။ ကုသိုလ်ပြုဖို့ အချိန်ပေးပါ။
(ကုသိုလ်က နုပျိုစေတယ်။)

၈။ စာဖတ်ပြီး ကမ္ဘာပတ်(ခရီးထွက်)ပါ။
(သက်မဲ့အရာတွေထဲမှာ စာပေက သစ္စာအရှိဆုံးပဲ။)

၉။ လူတွေရှေ့မှာ သိပ်မပွင့်လင်းပါနဲ့။
(ကွယ်ရာကျ မဲ့ကာပြတဲ့သူတွေက များတယ်။)

၁၀။ ကိုယ့်အကြောင်း ကိုယ်သိအောင်လုပ်ပါ။
(များသောအားဖြင့် လူတွေက သူများအကြောင်းပဲ
သိအောင် ကြိုးစားပြီး ကိုယ့်အကြောင်းကို ဘာမှ
မသိပဲ ကြွေလွင့်သေဆုံးသွားကြတာ များတယ်။)

ကဲ!!
ခေတ်ကာလက ရောဂါတွေပို အသက်တွေတိုလာပြီ၊
ဘယ်လောက်နေရမလဲမသိတဲ့ နောက်ဆုံးလက်ကျန်
နေ့ရက်လေးတွေမှာ ဘယ်သူကိုမှ မထိခိုက်ဘဲ

ကိုယ်လိုချင်တာကို ရနေသလိုမျိုး ဘဝကို လွတ်လပ်
ပေါ့ပါးပျော်ရွှင်စွာနဲ့ ရည်မောနေထိုင်သွားကြရအောင်။

_____________________________________________________

မေတ္တာဖြင့်
အရှင်စန္ဒာဝရာလင်္ကာရ
ဝင်းမေတ္တာကျောင်းတိုက်

ℂ𝕣𝕖𝕕𝕚𝕥_𝐭𝐨_အရှင်စန္ဒာဝရာလင်္ကာရ (မဟာဂန္ဓာရုံ)

29/10/2023

29/10/2023

ဆေး​ရောင်းခြင်းအနုပညာ
●●●●●□■○○○○○

​ဆေး...........
မြန်မာပြည်မှာ ​ဆေး​ရောင်းမယ်ဆို ....
မြန်မာပြည်ရဲ့ ​ဆေးဝယ်သူ​တွေရဲ့အထှာ​တွေ သိဖို့လိုတယ်​နော်.........

1)တံဆိပ်​သောက်ခြင်း အနုပညာ.........

ဘယ်​လောက်ဘဲ​ရောဂါ​တွေ ဖြစ်ဖြစ်(ကိုဗစ်ကာလ)
ဘယ်​လောက်​တွေဘဲ ​ဆေးဝါး​တွေ ပြတ်လပ်​နေပ​စေ၊
ဘယ်​လောက်ဘဲ ​ဆေး​စျေး​တွေ မတန်တဆ တက်​နေပါ​စေ ​သောက်​နေကျ ​ဆေးတံဆိပ် မတူရင် လုံးဝ လုံးဝ မ​သောက်တတ်ကြဘူး၊
၁၀၀ တန် ​ဆေးကဒ် ​ဆေး​တွေ ပြတ်လို
၁၀၀၀ ​လောက် ​စျေးတက်​နေလဲ ဒိီတံဆိပ်မှ ဒီတံဆိပ်
(အာနီသင်တူ တခြား တံဆိပ်မ​ပေးနဲ့ လုံးဝ မယူ)
ကိုယ်​ဖောက်သည်​တွေက ဒီတံဆိပ်မှ ဒီတံဆိပ်မို့
မရမက လိုက်ရှာ ဝယ်​တင်ရင်လဲ ဆိုင်က မ​တော်​လောဘ တင်တယ် အ​ပြောခံထိပြန်​ရော😁😁

2) ပုံ​သေနည်း ​စျေးနူန်းမှတ်ခြင်း အနုပညာ......

တနှစ်မှ တခါ ဆိုင်လာဝယ်ချင်ဝယ်မယ် .
​ဆေး​စျေးက​တော့ မနှစ်က ​စျေးဘဲ​ပေးဝယ်ချင်တာ
😁😁😁

3) အကုန်လုံးမရ မဝယ်ချင်ကြ........

​သောက်​နေကျ ​ဆေး တလစာ
​ဆေး ၁၀ မျိုး , ​ဆေး ၁၀ ကဒ် လာဝယ်တယ်ဆိုပါဆို
၉ ကဒ်ဘဲ ရမယ် ၁ ကဒ်က မရဘူးဆို
ကျန်တဲ့ ၉ ကဒ်ပါ မဝယ်တတ်ကြဘူး

4) ​ဆေးကို ဟင်းရွက်ကန်းဇွန်းရွက် ထင်တတ်ကြ.......

​ဆေး 3/4 ​လေးမျိုး ​မေးမယ်
ဘယ်​လောက်ကျ မလဲ​မေးမယ်
၁၄၇၀၀ ကျမယ်ဆိုပါဆို့
၁၄၀၀၀ ရမလား ရရင်ယူမယ်ဆိုတဲ့အထှာ နဲ့ ဝယ်တတ်ကျ​သေးတယ်

5) ၅၀ ကျပ် ၁၀၀ ကျပ် .......

​ငွေ ၅၀ ကျပ်
​ငွေ ၁၀၀ ကျပ် ​စျေး အနည်းအများ ကွာရုံ
ဆိုင်တကာ ပတ်ဝယ်တဲ့ ​ဆေးဝယ် သတ်သတ်ရှိတတ်ကြတယ်။

6) မသိမသာ သိသာသာ ........

​ဆေးတမျိုးက ​company မှာ​စျေးတက်​နေတာ
ကိုယ်က မသိလို့ ​စျေးမတက်ဘဲ ​စျေး​ဟောင်းအတိုင်း​ရောင်း​နေမိတယ်ဆိုပါစို့
ကိုယ်ပတ်ဝန်းကျင်က ​ဆေးဆိုင်​တွေက အကုန်​စျေးတက်​နေပြီး ကိုယ်က မသိလို့ ​စျေးမတက်ဘဲ ​စျေး​ဟောင်းအတိုင်း​ရောင်း​နေမိတယ်ဆိုပါစို့
သင့် ​ဖောက်သည်က သင့် ဆိုင်က ထို​ဆေးကဒ်ကို
အရင်ပုံမှန် တပတ် တကဒ် ဝယ်​နေ​ပေမယ့်
သင့်ဆိုင် ​စျေး မပြင်သ​ရွေ့ အကုန် သိမ်းကျုံး
ဝယ်တတ်ကြတယ်

7) အ​ဖေထက် သားတလကြီး.......

ရပ်ကွက်ထဲက ညွှန်းသမျှ ကိုယ်သ​ဘော နဲ့ကိုယ် လာဝယ်​သောက်တတ်ကျတာ
ဆရာဝန် ​ဆေးစာထက် ​ဘေးအိမ်က အန်တီကြီးက ​သောက်ကြည့် ​ကောင်းတယ်ဆိုပြီး လာဝယ်တဲ့သူ​တွေကို ​ရှောင်ရှား ​ရောင်းတတ်ဖို့ လဲလို​သေးတယ်။

28/09/2023

26/09/2023

ဓမ္မတာ မှန်မှန် လာစေချင် ❣️

တစ်လတစ်ခါ သူပေါ်မလာလို့ စိုးတထိတ်ထိတ် ခံစားနေရတဲ့ လေဒီတို့အတွက် ဓမ္မတာမှန်မှန် လာစေမယ့် နည်းလမ်းကောင်းလေးတွေ မျှဝေပေးပါရစေ ♻️
ရာသီစက်ဝန်းက ပုံမှန်အားဖြင့် ၂၈ ရက်မှာ တစ်ကြိမ်ဖြစ်လေ့ ရှိပါတယ်။ ရက်အနည်းငယ် စောတာ၊ နောက်ကျတာက ပြဿနာမရှိပေမယ့် လနဲ့ချီပြီး ပျောက်နေပြီဆိုရင်တော့ မကောင်းဘူးပေါ့

လစဉ်မှန်မှန် လာစေဖို့ဆိုရင်

🔴 အိပ်ရေးဝအောင် အိပ်စက်ပါ
🔴 Healthy balanced meal ပိုစားပါ
🔴 အချိုနဲ့ ကဖင်းဓာတ် လျှော့ပါ
🔴 အသီးအရွက်၊ အသီးအနှံ များများစားပါ
🔴 ကိုယ်လက်လှုပ်ရှား လေ့ကျင့်ခန်း လုပ်ပါ
🔴 စိတ်ဖိစီးမှု နည်းအောင် နေထိုင်ပါ
🔴 ဆေးလိပ်နဲ့ အရက်လျှော့သောက်ပါ
🔴 EVE500 ကို နေ့စဉ်မှန်မှန် သောက်ပေးပါ

ဒီလိုအလေ့အကျင့်တွေ ပြောင်းလိုက်တာတောင် ရာသီလုံးဝ မမှန်သေးဘူးဆိုရင်တော့ ဆရာဝန်နဲ့ တိုင်ပင်သင့်ပါတယ်
လေဒီလေးတို့ လစဉ်လတိုင်း ဓမ္မတာနေ့ရက်တွေကို ပေါ့ပါးပျော်ရွှင်စွာနဲ့ ကျော်ဖြတ်နိုင်ကြပါစေရှင် 😍