18/06/2025
> ယားလို့ကုတ်ရတာ အဖတ်တွေလန်၊ အနာဖြစ်တဲ့အထိပဲ🤕
> လူကြားထဲ မနေနိုင်လို့ကုတ်မိရင်လည်း ဝဲစွဲနေတယ်လို့အထင်ခံရ😖
> အဝတ်အစားနဲ့ဖုံးလို့မရတဲ့ မျက်နှာ၊ လည်ပင်းလိုနေရာမျိုးမှာပါ အသားခြောက်ပြီး နီရဲအဖတ်တွေလန်တော့ စိတ်ညစ်ရ😩
❗ခဏခဏလည်းပြန်ဖြစ်တတ်ပြီးတော့ ဒုက္ခပေးနိုင်လွန်းတဲ့အရာကတော့ Eczema (သို့) Dermatitis လို့ခေါ်တဲ့ "နှင်းခူယားနာ" ပါပဲ❗
👆နှင်းခူယားနာက ပွေး၊ ဝဲ တို့လို ကူးစက်တတ်တဲ့ယားနာမဟုတ်ပါဘူး။ ပညာရှင်တွေလည်း အခုအချိန်ထိ ဘာကြောင့်ဖြစ်မှန်းသေချာမသိကြသေးပါဘူး။ မျိုးရိုး၊ ပတ်ဝန်းကျင်နဲ့ ကိုယ်ခံအားစနစ်တုံ့ပြန်မှုလွန်ကဲတွေကြောင့်ဖြစ်နိုင်တယ်လို့ယူဆထားကြပါတယ်။
နှင်းခူဖြစ်တဲ့သူတွေမှာ အရေပြားက အစိုဓာတ်ကိုသေချာမထိန်းသိမ်းထားနိုင်တဲ့အတွက်
* အသားခြောက်တာ
* ထိခိုက်လွယ်တာ
* ရောင်ရမ်းလွယ်တာ
* ယားယံတာမျိုးတွေဖြစ်တတ်ပါတယ်။
👇နှင်းခူမှန်းဘယ်လိုသိနိုင်မလဲဆိုရင်👇
နှင်းခူဖြစ်တဲ့နေရာမှာ
* အသားခြောက်ပြီး ကုတ်လိုက်ရင် အဖတ်တွေလန်မယ်။
* တစ်ချိန်လုံးယားယံနေပြီး ညဘက်တွေမှာ ပိုဆိုးတတ်တယ်။
* ထူထူကြီးနဲ့ ပြင်လိုက်အကွက်ကြီးဖြစ်နေမယ်
* ကိုယ်နဲ့မတည့်တဲ့အရာတွေနဲ့ထိတွေ့မိတာ၊ စားမိတာ၊ ရာသီဥတုအပြောင်းအလဲအချိန်၊ စိတ်ဖိစီးမှုများတဲ့အချိန်မျိုးတွေမှာ ပြန်ကြွလာမယ်။
* အခန့်မသင့်ရင် ပိုးဝင်ပြီး ရောင်ရမ်းတာ၊ ယားယံမှုပိုဆိုးတာမျိုးတွေပါဖြစ်တတ်ပါတယ်။
နှင်းခူကို အရှင်းပျောက်အောင်တော့လုပ်လို့မရပေမယ့် ထပ်ပြီးတော့မဖြစ်အောင်၊ ကြွမလာအောင်လုပ်လို့ရတဲ့ နည်းလမ်းလေးတွေတော့ ရှိပါတယ်။ အဲ့ဒါတွေကတော့
(၁) Moisturizer ပုံမှန်လိမ်းပါ💧
အစိုဓာတ်ဖြည့်ပေးနိင်တဲ့ ခရင်၊ လိုးရှင်း၊ အဆီ စသဖြင့်တစ်ခုခုပေါ့နော်။ ဒါတွေကနှင်းခူရှိတဲ့သူတွေအတွက် မရှိမဖြစ်ပါပဲ။ Moisturizer ရွေးချယ်တဲ့နေရာမှာ ဖြစ်နိုင်ရင် Ceramides ပါဝင်ပြီးတော့ အရောင်အနံ့မရှိတဲ့ Moisturizer မျိုးကို ရွေးချယ်သင့်ပါတယ်။ ဘာလို့လဲဆိုတော့ တစ်ချို့သော ဓာတု အရောင်၊ အနံ့တွေက နှင်းခူကိုပိုဆိုးစေတတ်လို့ပါ။ သာမာန် Lotion လို Gel လို အရည်ကျဲကျဲထက် Body Butter, Petroleum Jelly လိုမျိုး Cream ပျစ်ပျစ်ကို များများလိမ်းပေးရင်အကောင်းဆုံးပါ။
ပြီးတော့ ကိုယ်နေထိုင်တဲ့ပတ်ဝန်းကျင်ကလည်း အစိုဓာတ်ပြည့်ဝနေဖို့လိုတဲ့အတွက် တတ်နိုင်ရင် Humidifier ရေငွေ့ထုတ်စက်လေး အခန်းထဲမှာထားပေးပါ။
(၂) ရေချိုးတဲ့ ရေအပူချိန် 🚿
ရေချိုးတဲ့အခါ ပူလွန်းတဲ့ရေ၊ အေးလွန်းတဲ့ရေတွေက အရေပြားကိုထိခိုက်စေပြီးတော့ နှင်းခူကိုပိုဆိုးစေတတ်ပါတယ်။ ဒါကြောင့် ရေကို နွေးနွေးလေး (သို့) ပုံမှန်ရေအပူချိန်နဲ့ပဲချိုးပါ။ ရေချိုးတာကိုလည်း ၁၀ မိနစ်ထက်ပိုပြီးမချိုးပါနဲ့။ ချိုးပြီးပြီးချင်း (၃) မိနစ်အတွင်းမှာ Moisturizer လိမ်းပေးရပါမယ်။
(၃) နှင်းခူကြွစေနိုင်တဲ့အရာတွေကိုရှောင်ပါ🚫
* ဖုန်ထူထပ်တဲ့နေရာတွေရှောင်ပါ။
* အသားကိုယားယံစေတဲ့ အင်္ကျီမျိုးတွေမဝတ်ပါနဲ့။
* ချွေးထွက်ရင် ချက်ချင်းခြောက်အောင်သုတ်ပါ။
* ဆပ်ပြာပြင်းပြင်းတွေ၊ ဓာတု အရောင်အနံ့ပါတွေ မသုံးပါနဲ့။
* အစားအသောက်တစ်ခုခုစားပြီးမှ နှင်းခူဖြစ်လာတတ်တာမျိုးဆိုရင် အဲ့ဒီအစားအသောက်ကို သတိထားပြီးရှောင်ရပါမယ်။
(၄) စိတ်ဖိစီးမှုတွေဖြေဖျောက်ပါ🎶
စိတ်ဖိစီးမှုများခြင်းကလည်း နှင်းခူကြွစေနိုင်တဲ့အရာတွေထဲမှာပါပါတယ်။ လူဆိုတာ စိတ်ဖိစီးမှုတွေနဲ့ မကင်းနိုင်ပေမယ့် စိတ်ဖိစီးမှုတွေနည်းအောင်တော့ ကြိုးစားလုပ်လို့ရပါတယ်။ နေ့စဉ်အချိန်ခဏပေးပြီး ကိုယ်ဝါသနာပါတဲ့ အရာလေးတွေ..ဥပမာ - ဂစ်တာတီးတာ၊ အပင်စိုက်တာ၊ စတာတွေလုပ်ပေးပါ။ စိတ်ကိုငြိမ်စေမယ့် တရားထိုင်တာ၊ ယောဂဆော့တာ မျိုးလေးတွေ လုပ်ပေးပါ။
(၅) အစားအသောက်🥑
လေ့လာမှုတွေအရ Omega 3-6-9 က အရေပြားအစိုဓာတ်ကို ထိန်းသိမ်းပေးနိုင်တယ်လို့တွေ့ရပါတယ်။
ဒါကြောင့် Omega 3-6-9 ကြွယ်ဝတဲ့အစားအသောက်တွေဖြစ်တဲ့
* အဆီများတဲ့ငါးတွေ (ဆော်လမွန်ငါး၊ တူနာငါး)
* အစေ့အဆံတွေ (သစ်ကြားသီး၊ နှမ်းကြတ်စေ့)နဲ့
* ထောပတ်သီး၊ ဟင်းနုနွယ်ရွက်၊ ကြက်ဥ အစရှိတာတွေကို မကြာခဏ စားပေးသင့်ပါတယ်။
(၆) လိမ်းဆေး၊ သောက်ဆေး💊
နှင်းခူက အရမ်းယားယံတာ၊ နီရဲရောင်ရမ်းနေတာမျိုးဖြစ်နေတဲ့အခါမျိုးမှာတော့ အမြန်သက်သာစေဖို့ Steroid ပါဝင်တဲ့လိမ်းဆေးတစ်မျိုးမျိုးကို ဆရာဝန်ညွှန်ကြားချက်နဲ့လိမ်းပေးလို့ရပါတယ်။ Steroid ပါဝင်တဲ့ လိမ်းဆေးတွေက အမျိုးမျိုးရှိပါတယ်။
ဥပမာ - Silkron (ဆစ်ခရွန်) လိမ်းဆေးမှာဆိုရင်
* အရမ်းယားယံတာ၊ ရောင်ရမ်းတာတွေကို သက်သာစေနိုင်တဲ့ Steroid တစ်မျိုး ဖြစ်တဲ့ Betamethasone Dipropionate
* မှိုသတ်ဆေးဖြစ်တဲ့ Clotrimazole
* ဘက်တီးရီးယားပိုးသတ်ဆေးဖြစ်တဲ့ Gentamicin sulfate
စတာတွေ ပေါင်းစပ်ပါဝင်ပါတယ်။
ဒါကြောင့် Eczema/ Dermatitis လိုမျိုး နှင်းခူယားနာမျိုးတွေအတွက် သုံးလို့ရသလို နှင်းခူကိုပိုးဝင်တာ၊ ပွေးယားနာတွေ အရမ်းရောင်ရမ်းယားယံတဲ့အခါမျိုးတွေမှာ လိုအပ်သလို ဆရာဝန်ညွှန်ကြားချက်နဲ့သုံးလို့ရပါတယ်။
ဒါကြောင့် ကိုယ်နဲ့သင့်တော်မယ့် လိမ်းဆေး၊ သောက်ဆေးကို ဆရာဝန်နဲ့တိုင်ပင်ပြီး အသုံးပြုပါ။
နှင်းခူကြောင့် စိတ်ညစ်နေရတဲ့သူတွေက အများကြီးရှိတာမို့ ဒီစာလေးက တော်တော်များများအတွက် အသုံးဝင်ပါလိမ့်မယ်။ ဒါကြောင့် အများသိရအောင် Share ပေးလိုက်ကြဦးနော်။
သိချင်တာတွေရှိရင်လည်း Comment မှာမေးသွားလို့ရပါတယ်👇
အားလုံးပဲ အဆင်ပြေကြပါစေ👨⚕️🙏
Dr. စိုပြေ (ဆေး ၂)
