Chaw Chaw Pharmacy

07/03/2023

ဂေါက်ရောဂါဆိုတာ သွေးထဲမှာ ယူရစ်အက်ဆစ် (Uric acid) တွေ များနေတဲ့အတွက် အဆစ်အမျက်တွေ ရောင်တဲ့ရောဂါ ဖြစ်ပါတယ်။ ဒီရောဂါကိုကုသတဲ့အခါမှာ အစားအသောက် မှန်ကန်အောင် ရွေးချယ်စားသောက်ခြင်းဟာ အရေးပါလှပါတယ်။

ယူရစ်အက်ဆစ်တွေ ဘယ်ကနေရသလဲဆိုရင် အစားအစာမှာပါတဲ့ ပြူရင်း (Purine) ဓာတ်ပစ္စည်းကနေ ရပါတယ်။ အစားအစာတိုင်းနီးပါးမှာ ပြူရင်းဓာတ်တွေ ပါဝင်နေတာမို့ ပြူရင်းဓာတ် မပါဝင်အောင် စားဖို့ဆိုတာ မဖြစ်နိုင်ပါဘူး။ ဒါကြောင့် အစားအစာတွေကို ပြူရင်းဓာတ်ပါဝင်မှုပေါ် မူတည်ပြီး အုပ်စု (၃) ခု ခွဲထားပါတယ်။

ပထမအုပ်စုကတော့ ပြူရင်းပါဝင်မှုများတဲ့ အစားအစာများအုပ်စု (𝗛𝗶𝗴𝗵 𝗽𝘂𝗿𝗶𝗻𝗲 𝗳𝗼𝗼𝗱𝘀) မှာ ပါဝင်တဲ့အစားအစာတွေကိုတော့ လုံးဝရှောင်ကြဉ်ရမှာ ဖြစ်ပါတယ်။ အဲ့ဒါတွေကတော့
• အရက်၊ ဘီယာ၊ ဝိုင်အမျိုးမျိုး
• ပင်လယ်စာများ- ဂဏန်း၊ ပုစွန်၊ ငါးမျိုးစုံ
• အချို့သောအသားများ- ကြက်ဆင်၊ ဝက်ပေါင်ခြောက်
• ဝမ်းတွင်းကလီစာများ- အသည်း၊ အူမျိုးစုံ၊ ကျောက်ကပ်၊ နှလုံး

ဒုတိယအုပ်စုကတော့ ပြူရင်းပါဝင်မှု အတော်အသင့်များတဲ့ အစားအစာအုပ်စု (𝗠𝗼𝗱𝗲𝗿𝗮𝘁𝗲 𝗽𝘂𝗿𝗶𝗻𝗲 𝗳𝗼𝗼𝗱𝘀) မှာ ပါဝင်တဲ့အစားအစာတွေကိုတော့ လျှော့စားဖို့လိုပါတယ်။ အဲ့ဒါတွေကတော့
• အချို့သောအသားများ- အမဲသား၊ ဝက်သား၊ ဘဲသား၊ ကြက်သား
• ပဲမျိုးစုံ
• မှိုမျိုးစုံ
• အချို့သောဟင်းသီးဟင်းရွက်များ- ကညွတ်၊ ဂေါ်ဖီပန်းပွင့်၊ ဟင်းနုနယ်

တတိယအုပ်စုကတော့ ပြူရင်းဓာတ်ပါဝင်မှု အနည်းငယ်သာ ပါဝင်တဲ့ အစားအစာအုပ်စု (𝗟𝗼𝘄 𝗽𝘂𝗿𝗶𝗻𝗲 𝗳𝗼𝗼𝗱𝘀) ဖြစ်ပြီး ဒါတွေကိုတော့ စားလို့ရပါတယ်။ အဲ့ဒါတွေကတော့
• သစ်သီးမျိုးစုံ
• ကျန်သော ဟင်းသီးဟင်းရွက်များ
• ကြက်ဥ၊ ဘဲဥ၊ ဥမျိုးစုံ
• နွားနို့နှင့် နို့ထွက်ပစ္စည်း
• ဆန်၊ ဂျုံနှင့် ပြုလုပ်ထားသော အစားအစာများ
တို့ ဖြစ်ပါတယ်။
Credit

ဒေါက်တာခင်မောင်လွင် (FAME)

09/02/2023

က​လေး​တွေကို မတိုက်​ကျွေးသင့်တဲ့​ဆေးဝါးများ💊🚫

ဖေ​ဖေ​မေ​မေတို့အ​နေနဲ့ ကလေးတွေနေမကောင်းဖြစ်ပြီဆိုရင် ဆေးခန်းသွားမပြခင် အိမ်မှာအသင့်ရှိတဲ့​ဆေးတွေကို အရင်ဆုံးတိုက်​ကျွေးလေ့ရှိကြပါတယ်။

👉 သတိပြုသင့်တာက​တော့ က​လေးဆိုတာက လူကြီး​သေး​သေး​လေး​တွေမဟုတ်ဘူးဆိုတာပါ။ ဒါ​ကြောင့် က​လေးဖျားပြီဆိုရင် လူကြီး​သောက်တဲ့​ဆေးကိုဘဲ ပမာဏ​လျော့ပြီး တိုက်လိုက်မယ်ဆိုတာမျိုး လုံးဝမလုပ်ရပါဘူး​။🙅‍♂️

✔ FDA ​ထောက်ခံချက်ရှိပြီးသားဖြစ်တဲ့ ​ဆေး​တွေထဲမှာ​တောင် က​လေးကို မတိုက်သင့်တဲ့ ​ဆေးမျိုး​တွေရှိ​နေပါ​သေးတယ်။

✅ ဆရာဝန်​တွေအ​နေနဲ့ က​လေးတစ်​ယောက်ကို ​ဆေး​ပေးမယ်ဆိုရင် က​လေးရဲ့ ကိုယ်အလေးချိန်၊ အသက်အရွယ်၊ ရောဂါအခံ၊ ဆေးရဲ့​နောက်ဆက်တွဲဆိုးကျိုး စတာတွေကို သေချာချင့်ချိန်ပြီးမှပေးရတာဖြစ်ပါတယ်။

ဒါ​ကြောင့် ​​ဖေ​ဖေမေ​မေတို့အ​နေနဲ့လည်း ကလေးတွေကို ဆေးတိုက်​တော့မယ်ဆိုရင် နီးစပ်ရာ​စျေးဆိုင်၊ ​ကွမ်းယာဆိုင်​​တွေက စတီးရွိုက်​တွေ၊ အမည်မသိပိုးသတ်​ဆေး​တွေ ပါဝင်​နေတဲ့ စပ်​ဆေး​တွေကို​တော့ လုံးဝမတိုက်သင့်ပါဘူး​နော်။

👉 ဒါ့အပြင် လူကြီး​တွေ​ ​နေမ​ကောင်းဖြစ်ရင် သောက်​နေကျဖြစ်​ပေမယ့် က​လေး​တွေကို​တော့ မတိုက်​ကျွေးသင့်တဲ့ ​ဆေးမျိုး​တွေလည်းရှိ​နေပါ​သေးတယ်။ ဘာ​တွေလဲဆိုရင်​တော့-

(၁) Aspirin (အက်စ်ပရင်)

Aspirin ဆိုတာ လူတိုင်းသိကြတဲ့ အကိုက်အခဲ​ပျောက်​ဆေးတစ်မျိုးဖြစ်ပါတယ်။ Aspirin ဟာ အသက်၁၈နှစ်​အောက် က​လေး​တွေမှာ Reye's Syndrome လို့​ခေါ်တဲ့ ​နောက်ဆက်တွဲ ပြဿနာတစ်မျိုးဖြစ်​ပေါ်လာ​စေနိုင်ပါတယ်။ Reye's syndrome ဆိုတာ အဖြစ်နည်း​ပေမယ့် ပြင်းထန်တဲ့​နောက်ဆက်တွဲပြဿနာတစ်ရပ်ဖြစ်ပါတယ်။ က​လေးရဲ့အသည်းနဲ့ ဦး​နှောက်​တွေကို ​ရောင်ရမ်းထိခိုက်​စေနိုင်ပြီး ​အသက်သေဆုံးသည်ထိ ဖြစ်​ပေါ်စေတတ်ပါတယ်။

ဒါ​ကြောင့် က​လေး​တွေကို အကိုက်အခဲ​ပျောက်​ဆေးတိုက်မယ်ဆိုရင် အန္တရာယ်အကင်းဆုံး Paracetamol ကိုသာ ​ရွေးချယ်တိုက်​ကျွေးသင့်ပါတယ်။

အကိုက်အခဲ​ပျောက်​ဆေး၊ အဖျားကျ​ဆေး​တွေနဲ့ ပက်သက်ပြီး သတိပြုသင့်တာ​တွေက​တော့-

▪︎ အသက် ၃လအောက် ကလေးတွေကို Paracetamol လည်း မတိုက်​ကျွေးသင့်​သေးပါဘူး။

▪︎ ၃လအထက် ၆လ​အောက် က​လေး​တွေကို​တော့ Paracetamol တိုက်​ကျွေးနိုင်ပြီး Ibuprofen ကို​တော့ ​ရှောင်ကြဥ်​ပေးရပါမယ်။

(၂) Codeine (ကိုဒင်း) ပါဝင်တဲ့ ​ချောင်းဆိုး​ပျောက်​ဆေးများ

အသက် ၆နှစ်​အောက် က​လေးငယ်​တွေကို Codeine ပါဝင်တဲ့ ​ချောင်းဆိုး​ပျောက်​ဆေး​တွေ တိုက်​ကျွေးမိတဲ့အခါ နှလုံးခုန်မြန်လာခြင်း၊ အသက်ရှူရခက်​စေခြင်း၊ အသက်ရှူကြပ်လာခြင်းတို့ ဖြစ်​ပေါ်​စေပြီး ​အသက်အန္တရာယ်ကိုပါ ထိခိုက်လာ​စေနိုင်ပါတယ်။

(၃) Diphenhydramine

Diphenhydramine ဆိုတာ allergy ဓါတ်မတည့်မှု​တွေဖြစ်တဲ့အခါ ​ပေး​လေ့ရှိတဲ့ ​ဆေးတစ်မျိုးဖြစ်ပါတယ်။ ဒီ​ဆေးတိုက်ပြီး​နောက် က​လေး​တွေကို အလွန်အမင်းအိပ်​ပျော်​စေနိုင်တာ​ကြောင့် က​လေးမှာတကယ်တမ်းခံစား​နေရတဲ့ ​ရောဂါ​ဝေဒနာတွေကို သတိမမူမိဘဲ ပိုဆိုးသွားတာမျိုး ဖြစ်သွား​စေနိုင်ပါတယ်။

(၄) Dimenhydrinate ပါဝင်တဲ့ အအန်​ပျောက်​ဆေးများ

အသက် ၂နှစ်​အောက် က​လေးငယ်​တွေကို ဒီအအန်​ပျောက်​ဆေး​တွေ တိုက်မိတဲ့အခါ ဆိုးကျိုးအ​နေနဲ့ မူး​ဝေတာ၊ ​ခေါင်းကိုက်တာ၊ အမြင်အာရုံ​ဝေဝါးလာတာ၊ နှလုံးခုန်နှုန်းမြန်လာတာ စတာ​တွေကို ခံစားရ​စေနိုင်ပါတယ်။ က​လေး​တွေကို အအန်​ပျောက်​ဆေးတိုက်မယ်ဆိုရင် ဆရာဝန်နဲ့တိုင်ပင်ဆွေးနွေးပြီးမှသာ တိုက်​ကျွေးသင့်ပါတယ်။

(၅) Loperamide ပါဝင်တဲ့ ဝမ်းပိတ်​ဆေးများ

ဝမ်းပိတ်​ဆေးဆိုတာ လူကြီး​တွေမှာ​တောင် ခရီးသွားစဥ်ဝမ်း​လျှောမှ ​​သောက်သုံးရတာမျိုးပါ။ ဝမ်းပိတ်​ဆေးကို မလိုအပ်ဘဲ ​သောက်မိတဲ့အခါ ခန္ဓါကိုယ်အတွင်း အညစ်အ​ကြေး​အဆိပ်အ​တောက်​တွေ စုပုံလာ​စေနိုင်ပါတယ်။ ဒါ​ကြောင့် က​လေး​တွေ ဝမ်း​လျှောတဲ့အခါ ဝမ်းပိတ်​ဆေး တိုက်​ကျွေးခြင်းကို ​ရှောင်ရှားသင့်ပြီး ဓါတ်ဆားရည်သာ လုံလုံ​လောက်​လောက်ဝင်​အောင်တိုက်​​ပေးသင့်ပါတယ်။

👉 ​နောက်ထပ်သတိပြုသင့်တာ​က​တော့ က​လေး​တွေကို ​ဆေးတိုက်​တဲ့အခါ expire date ကို မဖြစ်​မ​နေကြည့်သင့်ပါတယ်။ ​မေ​မေအများစုက ​ဆေးဘူး​တွေမှာ ​ဆေးပို​နေတဲ့အခါ အချိန်အကြာကြီး သိမ်းထားမိတတ်ကြပါတယ်။ ဒီလိုသိမ်းထားမိတဲ့​ဆေး​တွေဆို ဒိတ်ကုန်၊ မကုန်​ကို သေချာကြည့်ပြီးမှ တိုက်​​ကျွေးပေးရပါမယ်​နော်။

27/12/2022

16/07/2022

" ပါးစပ်ထဲက အနာသေးသေးလေးများ "
Health Care Journal, July 2020

ပါးစပ်ထဲမှာ အနာသေးသေးလေးတွေ လူတိုင်းပေါက်ဖူးကြမယ်ထင်တယ် ။ အနာက သေးသေးလေးဆိုပေမယ့် အသေနာပါတယ် ။ ဒီအနာသေးသေးလေးတွေ ပါးစပ်ထဲရှိနေရင် ဘာစားစားနာနေတော့တာပဲ ။ တခါတလေ ဒီအတိုင်းနေရင်တောင် နာနေတတ်တာမျိုးဗျ ။ အပူအစပ်တွေသာစားမိလို့ကတော့ လူက တွန့်တွန့်လူးသွားရော ။
တချို့လူတွေမှာ ဒီလိုအနာတွေ မကြာခဏထွက်တတ်လို့ ကင်ဆာဖြစ်တာလားဆိုပြီး စိုးရိမ်တကြီး ဆေးခန်းလာပြကြတတ်တယ် ။ လူအများစုကတော့ ပါးစပ်ထဲ အနာပေါက်ရင် အပူကန်တယ်ဆိုပြီး အေးအေးဆေးဆေး မေ့မေ့ပျောက်ပျောက်ပါပဲ ။

ဒီလို အနာသေးသေးလေးတွေကို ကလေး ၊ လူကြီး အရွယ်မျိုးစုံမှာတွေ့ရတတ်ပါတယ် ။
အနာသေးသေးလေးတွေဟာ များသောအားဖြင့် နူတ်ခမ်း ၊ လျှာ နဲ့ ပါးစောင်တွေမှာဖြစ်လေ့ရှိပါတယ် ။ တချို့လည်း အနာတစ်ခုလောက်ပဲပေါက်ပေမယ့် တချို့လူတွေမှာကျ အစုလိုက် အပြုံလိုက်ပေါက်လေ့ရှိပါတယ် ။ အနာတစ်ခုထဲပေါက်ရင်တောင် တအားနာတာ.. အစုလိုက်ပေါက်လို့ကတော့ တအားနေရခက်တော့တာပေါ့ ။
ဒီအနာလေးတွေဟာ အလုပ်တအားများပြီး စိတ်ဖိစီးတဲ့အချိန်မှာ ပေါက်လေ့ရှိလို့ အင်္ဂလိပ်လို "Stress Ulcer" လို့လည်း ခေါ်ကြပါသေးတယ် ။ ကျွန်တော်ဆိုရင်လည်း ဒီ COVID-19 Stay Home ကာလတွေမှာ တော်တော်စိတ်ဖိစီးတော့ ဒီလို အနာတွေ ပျောက်လိုက် နောက်တစ်လုံးထပ် ပေါက်လာလိုက်နဲ့ပါပဲ ။ ဆယ်တန်းစာမေးပွဲဖြေချိန်နီးရင် ကလေးတွေလည်း ပါးစပ်ထဲ ဒီလိုအနာသေးသေးလေးတွေပလပွနဲ့ ဆေးခန်းကိုရောက်လာတတ်ကြပါတယ် ။ တခြားလူမှုရေးကိစ္စတွေမှာလည်း စိတ်ဖိစီးမှုတွေများလွန်းတဲ့သူတွေမှာလည်း ဒီလိုအနာသေးသေးလေးတွေ ပေါက်လာတတ်တယ် ။ စိတ်ဖိစီးမှုကြောင့်မဟုတ်ပဲ အိပ်ရေးပျက်ခြင်း ကြောင့်လည်း ဒီလို အနာပေါက်စတွေဖြစ်နိုင်ပါတယ် ။ တခြားခန္ဓာကိုယ်အစိတ်အပိုင်းက ရောဂါတွေရဲ့ လက္ခဏာအဖြစ်လည်း ပါးစပ်ထဲ အနာတွေလာပေါက်တာမျိုးလည်း ရှိတတ်ပါတယ် ။ ကိုယ့်ရဲ့ နေထိုင်တဲ့ပတ်ဝန်းကျင် အစားအသောက်တွေပေါ်မူတည်ပြီးလည်း ဒီအနာတွေဖြစ်တတ်တာမို့ ဒီအနာတွေဘာကြောင့်ဖြစ်တာလဲဆိုတဲ့အကြောင်းကို တိတိကျကျပြောဖို့တော့ ခဲယဥ်းပါတယ် ။

ဒါပေမယ့် ဒီအနာလေးတွေဟာ စိုးရိမ်စရာမလို ကုသစရာမလိုပဲ များသောအားဖြင့် တစ်ပတ်ခန့်အကြာမှာ သူ့အလိုလိုသူပျောက်ကင်းသွားတာများပါတယ် ။ ဒါပေမယ့် တချို့လူတွေအတွက် အနာက အရမ်းနာနေရင်တော့ နာတာ သက်သာအောင် သွားနှင့်ခံတွင်းဆေးခန်းတွေမှာ သွားပြလို့ရပါတယ် ။ သွားဆေးခန်မှာ အနာသက်သာအောင်ပြုလုပ်ပေးခြင်း ၊ လိမ်းဆေးများ ၊ ပလုတ်ကျင်းဆေးရည်များ ၊သောက်ဆေးများကို ညွန်းပေးပါလိမ့်မယ် ။ အနာဖြစ်နေတာက ပါးစပ်ထဲက ချွန်နေသော ရှနေသော သွားများ ၊ သွားတုများကြောင့်ဖြစ်နေပါကလည်း ချွန်နေရှနေသော သွားများ ၊ သွားအတုများကို ညှိပေးခြင်းများ လုပ်ပေးပါလိမ့်မယ် ။

အနာလေးတွေ မပျောက်ခင်စပ်ကြားမှာ အနာကို ပိုးမဝင်အောင် သွားနှင့်ခံတွင်းသန့်ရှင်းရေးကို အထူးဂရုစိုက်ပေးဖို့ လိုအပ်ပါတယ် ။ ဖလိုရိုက်ဒ်ပါတဲ့ သွားတိုက်ဆေးနဲ့ တစ်နေ့ အနည်းဆုံး (၂) ကြိမ်ခန့် သွားတိုက်ပေးပါ ။
အစားစားပြီးတိုင်း ပလုတ်ကျင်းဆေးရည်ဖြင့် သေသေချာချာပလုတ်ကျင်းပါ ။ ဒီနေရာမှာတော့ ကျွန်တော်က ဆားငံရည်နဲ့ ပလုတ်ကျင်းတာကို သိပ်အားမပေးချင်ဘူး ။ ဆားငံရည်ဖြင့် ပလုတ်ကျင်းတဲ့အခါ အနာတွေဟာ စပ်ဖျင်းဖျင်းနဲ့ တအားနေရခက်တတ်လို့ပါ ။ ဒါကြောင့် ဒီလိုအနာလေးတွေအတွက်ဆိုရင် ပလုတ်ကျင်းဆေးရည်နဲ့ကျင်းတာက ပိုပြီး သက်တောင့်သက်သာရှိပါတယ် ​။
ဆရာဝန်က လိမ်းဆေးညွန်းထားပါက ဆေးလိမ်းပေးပါ ။ ပါးစပ်ထဲမှာ ဆေးလိမ်းရင် အနာရှိတဲ့နေရာကို တခါတည်း အသာအယာပုံပေးလိုက်ရုံပါပဲ ။ အရေပြားမှာ ဆေးတွေလိမ်းသလို ပွတ်လိုက်ရင် ပါးစပ်ထဲက အနာနေရာမှာ ဆေးတွေမရှိတော့ပါဘူး ။ ဒါလေးကိုလည်း သတိပြုပေးပါ ။ နောက်ထပ် သတိပြုရမှာက အသားအရည်မှာ လိမ်းတဲ့ အနာလိမ်းဆေးတွေ ၊ သစ်ဥသစ်ဖုတွေ ၊ တေဇောပန်းတွေ ပရုပ်ဆီတွေ မလိမ်းရပါဘူး ။ အနာတွေဟာ လောင်သွားပြီး အနာကျက်တာကို နှေးကွေးစေပါတယ် ။ ကံဆိုးရင် အနာလုံးဝမကျက်တော့ပဲ အနာကလည်းပိုကြီးလာကာ ကင်ဆာအနာများအဖြစ်ပြောင်းသွားတတ်ပါတယ် ။
သောက်ဆေးများညွန်းထားပါက ဆေးညွန်းအတိုင်းသေသေချာချာသောက်ပေးပါ ။
အစားအသောက်တွေမှာ အပူအစပ်တွေ စားခြင်းကို ရှောင်ပေးရပါမယ် ။ ရေများများသောက်ပြီး အစားအသောက်ကိုလည်း မျှတအောင် စားသုံးရပါတယ် ။
အိပ်ရေးဝဝအိပ်ရပါမယ် ။ စိတ်ဖိစီးမှုတွေကင်းအောင်လည်း နေထိုင်ပါ ။

ဒီအနာလေးတွေဟာ ပြောပြခဲ့သလို ကင်ဆာတော့ မဟုတ်ပါဘူး ။ စိုးရိမ်စရာလည်း မရှိပါဘူး ။ တစ်ပတ်နှစ်ပတ်ကြာတဲ့အခါ ပုံမှန်အတိုင်း ပျောက်သွားမှာဖြစ်ပါတယ် ။ ဒါပေမယ့် ပါးစပ်ထဲမှာ ရှိနေတဲ့ အနာတွေက တစ်လခန့်အထိ အနာတွေမကျက်ဘူးဆိုရင် ဒီအနာတွေဟာ ကင်ဆာအနာလို ဆိုးတဲ့ အနာတွေ ၊ အသက်အန္တာရယ်ကို ထိခိုက်စေတဲ့ အနာတွေဖြစ်နိုင်တာမို့ ဆေးခန်းမှာ အမြန်ဆုံးစစ်ဆေးပြီး ကုသမှုခံယူဖို့ တိုက်တွန်းပါရစေခင်ဗျ ။
ဒီလောက်ဆို ပါးစပ်ထဲက အနာသေးသေးလေးတွေနဲ့ ပတ်သက်ပြီး ဗဟုသုတရမယ်လို့ ထင်ပါတယ် ။

ချစ်ခြင်းဖြင့်သာ မျှဝေပါသည် ။


ဒေါက်တာမျိုးမြင့်အောင်
သွားနှင့်ခံတွင်းဆရာဝန်

14/07/2022

Crd:Dr Hadee Maung

#ကိုဗစ်မျိုးကွဲOmicron BA.4 / BA.5နဲ့ စဖြစ်လာတာတွေနဲ့ လက်ရှိဆေးရုံဆေးခန်းများရှိ ဖျားနာကုသအတွေ့အကြုံ

ဒီဖက်နိုင်ငံက ကျနော်တို့လက်ရှိအလုပ်လုပ်နေတဲ့ ဆေးရုံကို အရေးပေါ်/ပြင်ပလူနာတွေအနေနဲ့ ကိုဗစ်သံသယလူနာတွေ ရှေ့လ Juneလကုန်ကတည်းက ဆက်တိုက်လာနေတာ၊

အဲဒါနဲ့ Fever Clinic/ Suspect Cornerဆိုပြီး အရေးပေါ်အဝင်ဘေးနားမှာ ဖျားနာသူတွေကြည့်ဖို့ သီးသန့်နေရာလုပ်ပြီး ခွဲထုတ်ပစ်လိုက်ရတဲ့အထိ တဖြေးဖြေးများလာတယ်

ကျနော်တို့ထိုင်တဲ့ အခန်းဘေးကပ်လျက်မှာပဲ ပိုးရှိမရှိစစ်ဖို့ နှာခေါင်းတို့ဖတ်ယူတဲ့ Swab roomလုပ်ချလိုက်တော့ နေရင်းထိုင်ရင်း ရှေ့တန်းရောက်သွားတာပဲ၊ သိပ်မကြာလိုက်ပါဘူး၊ ဆေးရုံက ဆရာဝန်တွေ ဝန်ထမ်းတွေ အခုဆို ကူးကုန်ပြီ

လဆန်းကတည်းက ဆေးရုံမှာ တစ်ရက်ကို သံသယလူနာ သုံးလေးငါးဆယ် တွေ့ရတယ်၊ စစ်လိုက်ရင် အနည်းဆုံး တစ်ဝက်ကျော်က Positive ထွက်လာတာပဲ၊ BA.4/ BA.5စပြီး Dominant ဖြစ်ကတည်းက PCR False Negativeနဲ့ Symptomatic caseတွေ အများကြီးရှိတယ်၊ လက်ရှိ US UK EU Mid East Asia အကုန်လုံးမှာ BA.4/5 ရောက်နေပြီ

PCRစစ်လို့ Positiveဆိုပြီး ပိုးတွေ့ရင် ကိုယ်အိမ်ကိုယ်ယာနဲ့ လူနာတွေဆို Vital sign monitor လုပ်နည်းနဲ့ တခြားအရေးကြီးတာတွေ သင်ပေးပြီး Home Quarantineပေးတယ်၊ အိမ်မှာတခုခုဆိုရင် ဖုန်းဆက်မေးလို့ အကူညီတောင်းလို့ရတဲ့ Helplineတွေ Call centerတွေ ချိတ်ပေးလိုက်တယ်

လူတွေအများကြီးစုနေသူ Laborဝန်ထမ်းလိုမျိုးတွေမှာ Pဖြစ်တယ်ဆိုရင်တော့ Quarantine Campတွေဆီကို ပို့ပေးလို့ရတယ်၊ အနည်းဆုံး စဖြစ်တဲ့ရက်ကနေ တစ်ပတ်နေရတယ်၊ Day 6မှာ PCRထပ်စစ်ပေးတယ်၊ Negative ဆို ပြန်လွှတ်တယ်၊ ဆေးလည်းပေးတယ်၊ အစားအသောက်ရောပေါ့၊ အဲဒီမှာထားရင်း အခြေအနေဆိုးလာရင် Covid Treatment Centerတွေ ဆေးရုံတွေမှာ ကုသဖို့ တဆင့်ပြန်ပို့ပေးတယ်

ာတွေဖြစ်လဲဆိုတော်တော်ခံရတယ်၊ Omicron အစနဲ့ BA.2ထက် သုံးလေးဆပိုထိတယ်၊ အဓိကအ‌နေနဲ့ တစ်ယောက်ကနေ တစ်ယောက်ကူးစက်တာ အရမ်းမြန်တယ်၊ အခုစကားလေးငါးခွန်းပြောလိုက်၊ ချက်ချင်းကူးသွားနိုင်ပြီး နောက်ရက် လက္ခဏာ စပြတော့တာပဲ၊ ပြဿနာက ကလေးတွေကိုပါ ကူးစက်ပြီး ကိုဗစ်လက္ခဏာတွေ ခံစားရတာပဲ

Day 0 - ကူးစက်ခံရတယ်ဆိုပါတော့

Day 1 - မှာ ချမ်းစိမ့်ပြီး ကိုယ်လက်တွေ မအီမသာစဖြစ်မယ်၊ ခေါင်းတွေ အုံလာမယ်၊ သိသိသာသာကြီးအားနည်းလာမယ်

Day 2 - တစ်ဝက်လောက်က စဖျားမယ်၊ ချမ်းတုန်နေမယ်၊ အများစုက မခံနိုင်လောက်အောင် ခေါင်းစကိုက်မယ်၊ ကိုယ်တွေလက်တွေ ရိုက်ထားသလိုနာမယ်၊ ထိုင်းမှိုင်းနေမယ်၊ အစာမဝင်တော့ဘူး၊ ညဖက်တွေ အိပ်မပျော်တော့ဘူး၊ လည်ပင်းထဲ နေလို့မကောင်းတော့ဘူးတွေ စဖြစ်လာပါမယ်

Day 3 - လည်ပင်းစနာလာတယ်၊ ရင်ခေါင်းထဲမှာ တစ်ဆို့ကြီး ဖြစ်နေမယ်၊ အဓိက ချွဲတွေစပိတ်လာမယ်၊ အဲဒီအချိန် တချို့မှာ အသက်ရှူကြပ်တဲ့ လက္ခဏာတွေ စပြလာမယ်၊ SpO2 တိုင်းပြီး အောက်စီဂျင် သွေးတွင်းပမာဏကို စောင့်ကြည့်နေရမယ်၊ ညပိုင်းမှာ ဗိုက်အောင့်ဗိုက်ရစ်ဖြစ်ပြီး ဝမ်းစသွားပါ့မယ်

Day 4 - နှာစစီးလာမယ်၊ နှာ‌ရည်ယိုမယ်၊ နှာခေါင်းပိတ်မယ်၊ ခေါင်းပြင်းထန်စွာကိုက်တာနဲ့ ရင်ဘတ်ထဲ နေမသိထိုင်မသာဖြစ်တာနဲ့ တွဲမယ်၊ တချို့လူတွေမှာ chest painလို့ ခေါ်တဲ့ ရင်ဘတ်အောင့်တာပါဖြစ်မယ်၊ ချွဲတွေ ပိုပျစ်ပြီး အရောင်ပြောင်းလာမယ်၊ ညဖက်တွေမှာ ချွေးတွေနစ်နေအောင် ထွက်တတ်တယ်၊ အဆုတ်ကို အအေးထပ်မမိအောင် သတိထားပါ

Day 5 - နှာခေါင်းထဲ အနံ့အာရုံ၊ ပါးစပ်ထဲက အရသာတွေ ပျောက်သွားမယ်၊ ခါးသက်သက်နဲ့ အစပ်အရသာတွေလောက်ပဲ အီလည်လည်ရမယ်၊ အစာလုံးဝမစားချင်ဘူး၊ မစားရင်လည်း အားပြတ်မယ်၊ ကြိတ်မှိတ်ပြီးစားရသလို အအေးမမိအောင်လည်း နေရတယ်၊ ညပိုင်းမှာ နှာခေါင်းထဲ မီးခိုး‌နံ့ကြီးပဲ ကျန်ခဲ့မယ်၊ ဆား‌ရည်နဲ့ နှာခေါင်းတွင်းကို ဆေးပေးရမယ်

Day 6 - တော်ရုံခုခံအားရှိသူတွေက ဒီနေ့မှာ စသက်သာလာမယ်၊ တချို့တွေမှာ PCR Negative ပြန်ပြနိုင်ပေးမဲ့ အစားမစားနိုင်သူ ကိုယ်ခံအားနည်းသူတွေအတွက် ဆက်တိုက်ပွဲဝင်ရပါဦးမယ်၊ ချွဲကြပ်တဲ့ဒဏ်နဲ့အတူ အအေးမိပြီး အဆုတ်ထပ်မရောင်အောင် ဂရုစိုက်ပေးမှ စိတ်ချရပါ့မယ်

Day 7 - ရောက်တာကိုမှ အပေါ်ကလက္ခဏာတွေ ဆိုးဆိုးဝါးဝါးဆက်ခံစားနေရသေးရင် သို့ Swab test Positive ပြနေသေးရင် သို့ အောက်စီဂျင် စကျလာရင်တော့ နီးစပ်ရာ ဆရာဝန်၊ ဆေးရုံဆေးခန်းမှ လိုအပ်‌သည့် အကူအညီ အမြန်ဆုံးရယူဖို့လိုပါတယ်၊ Omicronအစကလို မပေါ့ကြပါနဲ့

တစ်ယောက်တစ်လေမဟုတ်ပဲ လက်ရှိကိုဗစ်ကူးစက်ခံရသည့် လူနာတော်တော်များများမှာ အထက်ပါလက္ခဏာအများစုကို ပြင်းပြင်းထန်ထန်ခံစားရပါတယ်

ုပ်ပြီးအိမ်မှာပဲနေမည့်လူအများစု
လိုအပ်မည့်ဆေးတွေကတော့
Paracetamol လိုမျိုးအဖျားကျဆေး၊
Ibuprofenလိုမျိုး အကိုက်အခဲပျောက်ဆေး၊
Acetylcysteine - ACCလိုမျိုး ချွဲပျော်ဆေး၊
ဝမ်းလျောဝမ်းပျက်တာနဲ့ စသောက်ဖို့ Probiotics၊

Vit C , D, Zinc အစရှိတာတွေနဲ့အတူ အရေးကြီးဆုံးက
ORS ခေါ် လူကြီးတိုင်း ကလေးတိုင်းအတွက်ဓါတ်ဆားပါပဲ၊ သောက်ချင်ချင် မသောက်ချင်ချင် တစ်ရက်ကို 1 to 2 Liter လောက် သောက်လိုက်ပါ၊ ဒီလိုအိမ်မှာ ဆောင်ထားလို့ရသည့် တော်ရုံဆေးတွေနဲ့ မသက်သာရင်တော့ ဆေးခန်းပြပါခင်ဗျာ

ဆီးချိုသမားတွေ အချိုဓါတ် နေ့စဉ်စစ်ကြည့်သင့်သလို သွေးတိုးနှလုံးသမားတွေက သွေးတိုင်းနှလုံးခုန်သတိထားသင့်ပါတယ်၊ တစ်ယောက်နဲ့ တစ်ယောက် ကူးစက်ဖြစ်ပျက်ပုံချင်း မတူညီနိုင်သည့်အတွက် အိမ်မှာနေရင်း မိမိအခြေအနေကို အားမရဘူးဆို ဆရာဝန်တစ်ယောက်‌ယောက်နဲ့ အမြန်ဆုံးတိုင်ပင်ပြီး ကျန်းမာရေးအကြံဉာဏ် အကူအညီရယူတာကတော့ စိတ်ချရဆုံး အကောင်းဆုံးပါပဲလို့ နှိုးဆော်ပါရစေ

and respect to bro
Dr. Hadee Maung © July 2022

11/07/2022

လှိုင်းအသစ် လာပြန်ပါပြီ တဲ့

အိုမီခရွန် ဘီအေ ၄ နဲ့ ဘီအေ ၅

အပြင်ထွက်ရင် ဂရုစိုက်ကြပါ
⚠️ Mask လေးဘာလေး တပ်သွားကြပါ ⚠️

ထုံးစံအတိုင်းပဲနှာချေမယ် ခေါင်းကိုက်မယ် အပူကြိတ် ပေါက်မယ် အရေပြားတွေယားမယ် နှင့်တခြားလက္ခဏာများ ပါ ဖြစ်တတ်ကြပါတယ်တဲ့

ကိုယ်တစ်ယောက်ထဲကျန်းမာနေရုံနဲ့မရဘူး ကိုယ့်ဘေးကသူတွေပါကျန်းမာ မှ ✅

Thanks 🙏

08/07/2022

နေ့စဉ် ပြုလုပ်ပေးသင့်တဲ့ မျက်စိ အနားပေးလေ့ကျင့်ခန်းများ

( ၁ ) မျက်တောင် တဖျပ်ဖျပ် ခတ် တာ ကို ၂ မိနစ် လောက် လုပ်ပေး လိုက် ပါ ။ အဲ့ဒါကမျက်လုံး နား တဝိုက်မှာ သွေးလှည့်ပတ်မှု ကောင်းစေပါတယ်။

(၂) ပြတင်းပေါက်မှန်ကို ၅ စက္ကန့် လောက် စိုက် ကြည့် ပြီး အဝေးက အရာဝတ္ထုတွေ ကို ၅ စက္ကန့်လောက် ပြောင်း ကြည့် ပါ ။ အဲ့ဒါကို ၁၀ ကြိမ် လုပ်ပေးပါ။

(၃) မျက်လုံး မှိတ် ပြီး တစ်နေ့ နှစ်ကြိမ် ရေ ဆေး ပေး ပါ ။ မနက် ပိုင်း မှာ ရေ နွေးလေး နဲ့ မျက်နှာ သစ်ပြီး ရေ အေး နဲ့ ထပ် သစ်ပေးပါ ။ ညဘက်မှာတော့ ရေ အေး နဲ့ အရင် သစ်ပြီး ရေ နွေး နဲ့ ထပ်သစ်ပါ ။ အဲ့ဒါက ပင်ပန်းနွမ်းနယ်နေတဲ့ မျက် လုံးတွေကို ပြန်လည်လန်းဆန်းစေပါတယ်။

(၄) မျက်လုံးတွေကို ဘယ်က နေ ညာ ၊ ညာ က နေ ဘယ်ကို ရွှေ့ ပေးတာကို ၆ ကြိမ် လုပ်ပေးပါ။

( ၅) မျက်လုံးကို ၅ စက္ကန့် လောက် တင်းတင်း မှိတ်ထားပြီး ဖျတ်ကနဲ ဖွင့်လိုက်ပါ။ အဲ့ဒါကို ၁၀ ကြိမ် လုပ်ပေးပါ။

(၆) လက်ကို ဆန့်တန်းပြီး လက်မရဲ့ လက်သည်းကို စိုက်ကြည့်ပါ။ လက်ကို မျက်နှာနဲ့ တစ်ပေလောက် အကွာအထိ ရွှေ့လာပြီး မျက်လုံးက လက်မလက်သည်းကို လိုက်ကြည့်ပေးပါ။ အဲ့ဒါကို ၁၀ ကြိမ် လုပ်ပေးပါ။

(၇) မျက်လုံးကို နာရီလက်တံ လှည့်တဲ့အတိုင်း စက်ဝိုင်းပုံ (၄) ကြိမ်လှည့်ပြီး၊ သူနဲ့ဆန့်ကျင်ဘက် ကို ၄ ကြိမ်ထပ်လှည့်ပါ။

(၈) မျက်လုံးကို (၅)စက္ကန့်လောက် တင်းတင်း မှိတ်ထားပြီး ဖျတ်ကနဲ ဖွင့်လိုက်ပြီး မျက်လုံးတွေကို ကျယ်နိုင် သ လောက် ကျယ်ကျယ် ဖွင့်လိုက်ပါ ။ အဲ့ဒါကို ၁၀ ကြိမ် လုပ်ပေးပါ။

(၉) မျက်လုံးကို ဖွဖွလေး မှိတ်ထားပြီး စိတ်ကို ဖြေလျော့ထားပါ ။ လက်နှစ်ဖက်ကို ပူနွေးလာအောင် ပွတ်တိုက်ပြီး မျက်လုံးအပေါ်ကနေ မိနစ်အနည်းငယ်လောက် အုပ်ထားပေးလိုက်ပါ။

(၁၀) မျက်လုံးကို မှိတ်ပြီး အတွင်းထောင့်နေရာလေးကို လက်ချောင်းထိပ်လေးတွေနဲ့ မိနစ်အနည်းငယ်လောက် နှိပ်နယ် ပေး လိုက်ပါ။
လိုက်လုပ်ကြည့်ရအောင်နော်

Photo and knowledge
Credit

Photo credit

07/07/2022

သားသားမီးမီးလေးတွေအတွက် ခြင်အန္တရယ်ကကာကွယ်ပေးဖို့ ခြင်ပြေးsticker လေးတွေ ထပ်ရောက်လာပါပီနော်☺☺☺📯📯📯


ဝယ်ယူအားပေးတိုင်း အယောက်စီတိုင်းကို ကျေးဇူးတင်ပါတယ်။

🏠ချောချောဆေးဆိုင်
စျေးရှေ့(၃လမ်း).ကညွှတ်ကွင်းမြို့

28/06/2022

** သိုင်းရွိုက်တက်ကြွလွန်းခြင်း လက္ခဏာများ **
credit

28/06/2022

🩸🩸 ​ခြေလက်တုန်ခြင်းအ​ကြောင်း...
========================

​ခြေလက်တုန်တာက လေမျိုး ၈၀ ကို ချုံ့လိုက်ရင် ၆ မျိုးပဲရှိတယ် သိရုံလေး အတွဲလိုက်ပြောချင်ပါတယ် . -

၁ - အထက်ကိုဆန်လေနဲ့ အထက်ကိုစုန်လေ
(ကြို့ထိုးမယ် သန်းမယ်. တဂေ့ဂေ့နဲ့လေတက်မယ် )ဒါတွေက အထက်ဆန်လေ။

၂ - ဝမ်း. ရာသီသွေး. သားသမီး. မီးဖွားတာတို့က အောက်ကိုစုန်တဲ့လေက လုပ်ဆောင်တယ်။

၃ - အူ ပြင်ပ ဝမ်းဗိုက်ထဲက တည်သောလေ -
( နှလုံးတုန်ခြင်း ရင်ခုန်ခြင်း မောပန်းခြင်းတို့ကို ဖြစ်စေတယ်) အဆုတ်. နှလုံး. ကျောက်ကပ် စတာတွေကို နေရာမှန်အောင် ထောက်ပံ့ပေးတယ်။

၄ - အူတွင်းခေါင်း အောင်းတဲ့လေ - ( အူတလျှောက်မှာတည်ရှိသည် )
အစာအိမ်ကနေအူသိမ် / အူသိမ်ကနေ ဝမ်းသွားလမ်းကြောင်းအထိရှိနေတဲ့လေ -
သူက လေထိုးခြင်း , လေအောင့်ခြင်း , လေပွခြင်း. , လေကျပ်ခြင်းတို့ကိုဖြစ်စေတယ်။

၅ - ဝင်လေ ထွက်လေ ( အသက်ရှူတဲ့လေဖြစ်တယ်)

၆ - အဂါင်္ကြီးငယ် သွားတဲ့လေ - အဂါင်္ကြီးငယ် အစွန်အဖျားတွေကို ပျံ့နှံ့တယ်
ကွေးခြင်း ဆန့်ခြင်းကို ပြုလုပ်စေတယ် - မြှောက်ခြင်း၊ဆန့်ခြင်း၊ထိုင်ခြင်း၊ထခြင်း တွေအတွက် အရေးကြီးတယ်။

​ခြေလက်တုန်တာက အဂါင်္ကြီး ငယ်သွားတဲ့ လေ အားနည်းသွားတာ ဖြစ်တယ်။
ဘယ်ဘက်လက်တုန်တယ်ဆိုတော့ ဘယ်ဘက်ခြမ်းမှာ အားနည်းသွားတာပေါ့ -
ဒီလို အားနည်းသွားတဲ့လေ ပြန်ပြည့်အောင် အသက်ကို မှန်မှန် ရှူပေးရမယ် ။

◆ မိုးလင်းတာနဲ့ မျက်နှာသစ်ပြီး လေသန့်ရမဲ့နေရာမှာ နှာခေါင်းကလေကို ရှူသွင်းပါ
တဝကြီးရှူပါ - ၅ စက္ကန့်လောက် အောင့်ထားပါ - ပါးစပ်က ပြန်ထုတ်ပါ ။
တခါရှူရင်အကြိမ် ၂၀ လောက် ၂ နာရီကြား ၁ ခါလုပ်ဆောင်ပေးရင် သက်သာတတ်တယ်။ (အစွန် အဖျားသွားတဲ့လေကိုဖြည့်တာဖြစ်တယ်)

◆ ရေချိုးတိုင်း လက်ဝါး ၂ ဖက် ကိုရေစွတ်ပါ
- ဖြစ်တဲ့ဘယ်လက်ကို ပက်လက်လန်ပြီးအောက်ကခံမယ်
- ဆား မန်ကျည်းစေ့ ၁ စေ့ခန့်ထည့်မယ် ပြီးတော့ ညာဘက်လက်က အပေါ်မှောက်လက်မ လက်မ ခြင်း လက်ညိူးလက်ညိူးခြင်း ၂ လက်မလောက် အစွန်းထွက်အောင်ရှေ့နောက် ပွတ်မယ် အကြိမ် ၅၀ လောက်ပွတ်ပါ - ပြီးမှ ရေချိုးပါ -

- ရေချိုးပြီးရင် လက်မောင်း အလယ်လောက်မှ စပြီး ကရမက် (သို့) သနပ်ခါးကို ခြောက်သည်အထိ လိမ်းပါ - လက်နှစ်ဖက်စလုံးကို လိမ်းပါ - ကောင်းတဲ့ဖက်ကို အရင်စလိမ်းပါ ဖြစ်တဲ့ဘက်ကို နောက်မှလိမ်းပါ။

◆ လက်ကို ချိုမိုင်မိုင်လုပ်ပါ - လက်ဖဝါးဖြန့်မယ် ဆုပ်မယ် ၂ ဖက် ပြိုင်တူ လုပ်ရပါမယ်။
၁ ကြိမ်ကို ၂ နာရီကြာ ၁ ခါလုပ်ပါ - အားပါပါလုပ်ကြည့်ပါ - ၂၁လောက်အတွင်း
လက်တုန်တာ သက်သာလာပါလိမ့်မယ်။

26/06/2022

အားဆေးဆိုပြီး..
ပေါ့ပေါ့ဆဆ..သဘောမထားသင့်သော..
မော်ရီယာမင်းထိုးဆေး..
သောက်ဆေး..
°°°°°°°°°°°°°°°°°°°°°°°°°°°°°°°
☺
"ဆရာ..
မော်ရီယာမင်းထိုးချင်လို့ပါ"

"ဂျပန်မော်ရီယာမင်းပဲထိုးချင်တယ်"
°°°°°°°°°°°°°°°°°°°°°°°°°°°°°°°°°°°
☺
ဘာဖြစ်တယ်..
ဘယ်လိုရောဂါဝေဒနာခံစားနေရတယ်..
ဘာမှမပြောပဲ..
မော်ရီယာမင်းထိုးခိုင်းတာမျိုး..

ရပ်ရွာထဲဆေးခန်းဖွင့်ပြီး..
ဆေးကုသနေကြတဲ့..
အထွေထွေရောဂါကုဆရာဝန်တိုင်း..
ကြုံဖူးကြမှာပါ..

ရပ်ရွာထဲနေထိုင်ကြတဲ့..
မိတ်ဆွေများလည်း..
မော်ရီယာမင်းထိုးဆေး..
အထိုးခံဖူးကြမှာပါ..
ကိုယ်ကိုယ်တိုင်အထိုးမခံဖူးတောင်..
ကိုယ့်အဖေကိုယ့်အမေ..
ကိုယ့်အဖိုးအဖွားတွေကိုတော့..
အားရှိစေချင်လို့..
ထိုးပေးဖူးကြမှာပါ..
☺
မော်ရီယာမင်းထိုးဆေးစားဆေးက..
တခြားအားဆေးတွေထက်..
စျေးကြီးပါတယ်..
​
200ml..ပုလင်းမျိုးဆိုရင်..
တသောင်းငါးထောင်..
နှစ်သောင်းလောက်...ရှိပြီး..

20ml..အကြောထိုးဆေးမျိုးဆိုရင်..
သုံးထောင်ကျော်ငါးထောင်လောက်ရှိမယ်.
☺
လူရဲ့သေဘာသဘာဝအရ..
စျေးကြီးရင်..
ပိုကောင်းတယ်လို့..
လက်ခံနေကြတော့..

မော်ရီယာမင်းအားဆေးထိုးလိုက်ရင်..
ချက်ချင်းကြီး..အားရှိသွားမယ်လို့..
ယုံကြည်နေကြပါတယ်..
°°°°°°°°°°°°°°°°°°°°°°°°°°°°°°°°°°°°
☺
ဒီလိုမျိုးယုံကြည်နေတဲ့အခြေအနေမျိုးမှာ..
ရပ်ထဲရွာထဲ..လှည့်လည်ပြီး..
အိမ်တိုင်ယာရောက်..
ဆေးလာလာထိုးပေးနေတဲ့..
အရပ်အခေါ်"ဆေးမှူ း"..
ဆိုသူများကလည်း..
မော်ရီယာမင်း..
တပတ်တခါထိုးရင်..
အားပိုရှိတယ်..
ပိုကျန်းမာမယ်..ဆိုပြီး..
မော်ရီယာမင်းထိုးဖို့..
ဆွယ်ကြပြန်ပါတယ်..
°°°°°°°°°°°°°°°°°°°°°°°°°°°°°°°°°°°
☺
အဲသလိုနဲ့..
မော်ရီယာမင်းထိုးဆေး..
မှန်မှန်ထိုးရမယ်ဆိုတဲ့..
မှားယွင်းနေတဲ့..
အယူအဆ..ဓလေ့တခု..
မြန်ပြည်တလွှားရပ်ရွာကြားမှာ..
ခေတ်စားနေပါတယ်..
°°°°°°°°°°°°°°°°°°°°°°°°°°°°°°°°°°
☺
မြန်မာလူမျိုးများဟာ..

ကျန်းမာရေးအတွက်..
ဖြစ်နေတဲ့ရောဂါအတွက်..
တတ်ကျွမ်းနားလည်တဲ့..
ဆရာဝန်များက..
အာပေါက်မတတ်..
အာခြောက်လောက်အောင်..
ဘယ်လောက်ပြောပြော..
လိုက်နာကျင့်ကြံဖို့နားဝေးကြတယ်..

ဥပမာ။။
သွေးတိုးရောဂါ.. သွေးချိုဆီးချိုရောဂါ..
ဖြစ်လာရင်..

ညွှန်ကြားထားတဲ့ဆေးများကို..
မှန်မှန်သောက်ရမယ်..

ဘယ်လိုစား..
ဘယ်လိုနေ..

ဘယ်လောက်ပြောပြော..
လိုက်နာကြသူ..
တော်တော်နည်းပါတယ်..
°°°°°°°°°°°°°°°°°°°°°°°°°°°°°°°°°°
☺
ဆေးထိုးတတ်ရုံ..
ဆေးအကြောင်း..ရောဂါအကြောင်း..
နည်းနည်းပါးပါးလောက်သိတဲ့လူတွေ..
ပြောတဲ့စကားကျတော့..
အဟုတ်မှတ်နေကြပြန်တယ်..

ဟုတ်တာရောမဟုတ်တာရော..
အာဘောင်အာရင်းသန်သန်..
ပြောရင်..အဲဒီအပြောနောက်..
မျောပါသွားလေ့ရှိတယ်..
°°°°°°°°°°°°°°°°°°°°°°°°°°°°°°°°°°°
☺
ပိုဆိုးတာက..
ဆရာဝန်ကဘယ်လောက်ပြောပြော..
ဆေးပညာအကြောင်းဘာမှမသိတဲ့..
အပြောကောင်းတဲ့..
လူတယောက်ယောက်..ပြောသမျှ..
နားရောင်လိုက်ပြီး..
တလွဲတွေလျှောက်လုပ်ကြတာမျိုး..
°°°°°°°°°°°°°°°°°°°°°°°°°°°°°°°°
☺
မြန်မာပြည်သူတွေရဲ့..
အလွယ်တကူယုံလွယ်ကြတဲ့..
စိတ်အခြေခံကြောင့်..

မော်ရီယာမင်းထိုးဆေး..နဲ့ပတ်သက်လို့..
မှန်မှန်ထိုးရင်အားရှိတယ်..ဆိုတဲ့..
အယူအဆမှားကြီးကလည်း..
တနေ့တခြားကြီးထွားလို့လာနေပါတယ်..
°°°°°°°°°°°°°°°°°°°°°°°°°°°°°°°°°°°
☺
မော်ရီယာမင်းအားဆေးမှန်မှန်ထိုးရင်..
အားရှိလာမယ်ဆိုတဲ့ကုထုံး..
ဘယ်ဆေးကျမ်းမျိုးမှာမှမပါဝင်ပါ..
°°°°°°°°°°°°°°°°°°°°°°°°°°°°°°°°°°
☺
မော်ရီယာမင်းထိုးဆေး..
Moriamine S2..100ml..သည်..
အခြေခံအားဖြင့်..
Aminoacids.. လို့ခေါ်တဲ့..
အသားဓာတ်..၁၇..မျိုးကို..
စုပေါင်းဖော်စပ်ထားတာပါ..

အဲဒီအသားဓာတ်..၁၇.မျိုးကတော့..

1.Lysine Acetate,
2.Leucine,
3.Phenylalanine,
4.Valine,
5.Isoleucine,
6.Methionine,
7.Threonine,
8.Tryptophan,
9.Alanine,
10.Arginine,
11.Glycine,
12.Histidine,
13.Proline,
14.Glutamic acid,
15.Serine,
16.Aspartic acid,
17.Tyrosine,
°°°°°°°°°°°°°°°°°°°°°°°°°°°°°°°°°°°°
☺
ယေဘုယျအားဖြင့်..
မော်ရီယာမင်းထိုးဆေးကို..

©
ပါးစပ်နဲ့မစားနိုင်မသောက်နိုင်..
ဖြစ်နေတဲ့..လူနာများကိုသာ..
အသားဓာတ်အဟာရဖြည့်စွက်ရန်..
အဓိကထား..အသုံးပြုပေးရပါတယ်..

©
ပါးစပ်နဲ့စားနိုင်သောက်နိုင်သော်ငြား..
စားသုံးလိုက်တဲ့အစာအဟာရများကို..
အားဖြစ်အောင်စုပ်ယူနိုင်စွမ်းမရှိတဲ့..
အစာအိမ်အူလမ်းကြောင်းရောဂါရှိတဲ့..
လူနာများကိုလည်း..
အသားဓာတ်အဟာရ..ရရှိအောင်..
ထိုးပေးနိုင်ပါတယ်..

©
အစာအိမ်နဲ့အူလမ်းကြောင်းရောဂါ..
တမျိုးမျိုးကိုခွဲစိတ်ကုသပြီးတဲ့အခါ..
အစာအိမ်နဲ့အူလမ်းကြောင်းကို..
ခေတ္တခဏအနားပေးနေတဲ့ကာလမှာ..
အသားဓာတ်ဖြည့်စွက်ဖို့အတွက်..
ထိုးပေးနိုင်ပါတယ်..

(သို့သော်..
မော်ရီယာမင်းလို..အသားဓာတ်ကို..
ထိုးဆေးအနေနဲ့အလွန်လိုအပ်ပါမှ..
အသုံးပြုရပါတယ်..
နှာခေါင်းပိုက်မှတဆင့်..
အစာအဟာရကျွေးမွေးခြင်းကိုသာ..
အဓိကထားရပါတယ်)
°°°°°°°°°°°°°°°°°°°°°°°°°°°°°°°°°°°°
☺
သာမန်သွားနိုင်..လာနိုင်..
စားနိုင်..သောက်နိုင်သူများအနေဖြင့်..
ရိုးရိုးအားလျော့နေရုံမျှနဲ့..

မော်ရီယာမင်းအားဆေးမထိုးသင့်ပါ..

လူနာများကိုတောင်..
လိုအပ်မှထိုးပေးရတာပါ..
°°°°°°°°°°°°°°°°°°°°°°°°°°°°°°°°°°
☺
မော်ရီယာမင်းထိုးဆေးဟာ..
အလွန်သတိထားပြီး..
ထိုးပေးရတဲ့..
အားဆေးအမျိုးအစားတမျိုးဖြစ်ပါတယ်..
°°°°°°°°°°°°°°°°°°°°°°°°°°°°°°°°°°°
☺
သူ့မှာပေါင်းစပ်ပါဝင်နေတဲ့..
Aminoacids..အုပ်စုဝင်မဟုတ်တဲ့..
Sodium Metabisulfite..ခေါ်တဲ့..
ဒြပ်ပေါင်းတမျိုးဟာ..

ပင်နီဆလင်..ဘားဘလက်စ်..စသည်..
မတည့်လို့..ရှော့..ရသလိုမျိုး..
Anaphylactic Shock..ရပြီး..
အသက်သေဆုံးစေတတ်တယ်..
လေပြွန်ပိတ်ဆို့ပြီးအသက်ရှူ ကြပ်တတ်ပါတယ်..
°°°°°°°°°°°°°°°°°°°°°°°°°°°°°°°°°°°
☺
အဆိုးဆုံးကေတာ့..
ဆေးမတည့်လို့မဟုတ်ပဲ..
Aminoacid Imbalance..လို့ခေါ်တဲ့..
ခန္ဓာကိုယ်အတွင်း..
အသားဓာတ်ညီညွတ်မျှတမှု..
မရှိတော့တာကြောင့်..
®
Hyperammonemia..လို့ခေါ်တဲ့..
(သွေးအတွင်းအမိုးနီးယားဓာတ်များလွန်ကဲများပြားခြင်း)နဲ့..
®
Prerenal Azotemia..လို့ခေါ်တဲ့..
(သွေးအတွင်းနိုက်ထရိုဂျင်ဓာတ်..
ပေါင်းစပ်ပါဝင်နေသော..
စွန့်ပစ်ပစ္စည်းများ..
လွန်ကဲများပြားနေခြင်း)
တို့ဖြစ်တတ်ပါတယ်..
°°°°°°°°°°°°°°°°°°°°°°°°°°°°°°°°°°°°
☺
အမိုးနီးယားဒြပ်ပေါင်းနဲ့..
နိုက်ထရိုဂျင်ဓာတ်ပါဝင်တဲ့..
စွန့်ထုတ်ပစ်ရမည့်ဒြပ်ပေါင်းများဟာ..
ခန္ဓာကိုယ်အတွက်..
အလွန်အင်မတန်အန္တရာယ်ရှိတဲ့..
အဆိပ်အတောက်တွေပါပဲ..
°°°°°°°°°°°°°°°°°°°°°°°°°°°°°°°°°°°
☺
ခန္ဓာကိုယ်ကနေစွန့်ထုတ်ပစ်ဖို့..
လိုအပ်တဲ့ဒြပ်ပေါင်းတွေကို..

ပုံမှန်အားဖြင့်..
အသည်းကစစ်ထုတ်..
ကျောက်ကပ်ကစွန့်ထုတ်ပေးရပါတယ်..
°°°°°°°°°°°°°°°°°°°°°°°°°°°°°°°°°°°
☺
အသည်းကောင်းနေသမျှ..
ကျောက်ကပ်ကောင်းနေသမျှ..

ခန္ဓာကိုယ်အတွင်းကနေ..
စွန့်ထုတ်ရမည့်ဒြပ်ပေါင်းတွေ..
ပုံမှန်စွန့်ထုတ်နေနိုင်ပါတယ်..

ဒါကြောင့်လည်း..
မော်ရီယာမင်းအားဆေးထိုးသူတိုင်း..
အဆိပ်အတောက်ဖြစ်တဲ့..
လက္ခဏာမပြတာပါ..
°°°°°°°°°°°°°°°°°°°°°°°°°°°°°°°°°°
☺
အသည်းရောဂါရှိနေသူ..
အသည်းအားနည်းနေသူ..
ကျောက်ကပ်ရောဂါရှိသူ..
ကျောက်ကပ်အားနည်းနေသူ..များ..

မော်ရီယာမင်းအားဆေးထိုးမိရင်..
Aminoacids..အသားဓာတ်ရဲ့..
End products..စွန့်ထုတ်ပစ္စည်းများ..
ဖြစ်တဲ့..
နိုက်ထရိုဂျင်နဲ့..
အမိုးနီးယားဒြပ်ပေါင်းများ..
စွန့်ထုတ်နိုင်စွမ်းမရှိလို့..

အဆိပ်အတောက်အနေနဲ့..
သွေးအတွင်းစုပြုံသွားပါတယ်..
°°°°°°°°°°°°°°°°°°°°°°°°°°°°°°°°°
☺
ရပ်ထဲရွာထဲမှာ..
မော်ရီယာမင်းအားဆေးကို..
သက်ကြီးရွယ်အိုအားဆေးလို့..
ထင်မှတ်မှားနေကြတော့..
အသက်ကြီးသူအဖိုးအဖွားများ..
အထိုးများကြပါတယ်..
°°°°°°°°°°°°°°°°°°°°°°°°°°°°°°°°°
☺
ယေဘုယျအားဖြင့်..
အဖိုးအဖွားများဟာ..
ငယ်ရွယ်သူတွေလို..
အစားအစာလုံလောက်မျှတအောင်..
မစားနိုင်ကြလို့..

အသားဓာတ်အပါအဝင်..
အဟာရဓာတ်များချို့တဲ့တတ်ပါတယ်..

မော်ရီယာမင်းအားဆေးသည်..
အသားဓာတ်ဖြစ်တဲ့အတွက်..
အလွန်ကောင်းပါတယ်..

သို့သော်..
အသက်ကြီးလာတာနဲ့အမျှ..
အသည်းအား..
ကျောက်ကပ်အား..တွေ
လျော့ကျနေတတ်လို့...

မော်ရီယာမင်းအဆိပ်တောက်တတ်ပါတယ်..

အဖိုးအဖွားများလိုအပ်တဲ့အသားဓာတ်ကို..
ထိုးဆေးအနေနဲ့မပေးပဲ..

သဘာဝအတိုင်းချက်ပြုတ်တဲ့..
အသားပြုတ်အသားပေါင်း..
ကွကျဥအခွခေံအစားအစာ..
နွားနို့အခြေခံအစားအစာ..
အဟာရမှုန့်စသည်ဖြင့်..
ဖြည့်စွက်ပေးရင်..
အန္တရာယ်ပိုကင်းပါလိမ့်မယ်..
°°°°°°°°°°°°°°°°°°°°°°°°°°°°°°°°°°
☺
မော်ရီယာမင်းထိုးဆေးကြောင့်..
နိုက်ထရိုဂျင်ပါဝင်မှုများတဲ့..
စွန့်ထုတ်ပစ္စည်းများ..
လွန်ကဲလာတတ်ပါတယ်..

®Urea..ယူရီယာများလာမယ်..
®Creatinine..ခရီယာတင်နင်းများလာမယ်®အခြားသောစွန့်ထုတ်ပစ္စည်းတွေ..
များလာမယ်..

ဒီအခြေအနေမျိုးကို..
Prerenal Azotemia..လို့ခေါ်ပါတယ်..

©ဆီးနည်းသွားမယ်..
Oliguria

©ဆီးလုံးဝမထွက်တဲ့အထိဖြစ်မယ်..
Anuria

©ထုံထိုင်းမူးဝေပြီးမှိန်းနေတတ်တယ်..
Confusion

©လှုပ်ရှားမှုတွေလေးလံသွားမယ်..
Decreased Alertness

©ပါးစပ်ခြောက်မယ်..
Dry mouth

©ဖောရောင်လာမယ်..
Generalized oedema

©ဗိုက်နာမယ်..
Abdominal pain

©နှလုံးတုန်မယ်..
Palpitation

ကျောက်ကပ်ဆေးကြောမှု..
အမြန်မလုပ်နိုင်ရင်..
အသက်သေဆုံးနိုင်ပါတယ်..
°°°°°°°°°°°°°°°°°°°°°°°°°°°°°°°°°°
☺
မော်ရီယာမင်းထိုးဆေးကြောင့်..
စွန့်ထုတ်ရမည့်..
အမိုးနီးယားဒြပ်ပေါင်းများ..
သွေးအတွင်းလွန်ကဲလာမှု..
Hyperammonemia..ရရင်..
ဦးနှောက်ထိခိုက်ပြီး..
အသက်သေဆုံးတတ်ပါတယ်..

©အစာစားချင်စိတ်ပျောက်သွားမယ်..
Decreased Appetite

©စိတ်အားလူအား..
လျော့ကျပျော့ခွေနေမယ်.
Lethargy

©အသက်ပြင်းပြင်းမြန်မြန်ရှူ နေရမယ်.
Rapid and heavy breathing

©စိတ်တိုလွယ်မယ်
Irritability

©စိတ်ပိုင်းဆိုင်ရာပြောင်းလဲသွားမယ်
Alter Mental State
°°°°°°°°°°°°°°°°°°°°°°°°°°°°°°°°°°°
☺
ကောင်းကျိုးနဲ့ဆိုးကျိုး..
ချင့်ချိန်နိုင်ကြပါစေ..

မည်သူတဦးတယောက်ကိုမျှ..
နှစ်နာစေလိုသောသဘောမရှိပါ..

အမှန်ကိုအမှန်အတိုင်း..
တင်ပြခြင်းသာဖြစ်ပါသည်..
°°°°°°°°°°°°°°°°°°°°°°°°°°°°°°°°
☺
Credit
မေတ္တာဖြင့်..
ဒေါက်တာစိုင်းဟန်ကျော်စိန်

23/06/2022

လည်ပင်းကျီးပေါင်းရောဂါသည် အသက်အရွယ်ရလာသည်နှင့်အမျှ လူတိုင်းနီးပါး ဖြစ်ပွားနိုင်သော ရောဂါတစ်ခု ဖြစ်ပါသည်။ အချို့သောသူများတွင် အသက် ၃၀ ဝန်းကျင်ကတည်းက စတင်ဖြစ်လာသည်ကို တွေ့ရပါသည်။

လည်ပင်းကျီးပေါင်းရောဂါ ဖြစ်လာပါက ခေါင်းကိုက်ခြင်း၊ လည်ပင်းနာ ဇက်ကြောတက်ခြင်း၊ ကြွက်သားအားနည်းခြင်း၊ ဦးခေါင်းလှုပ်ရှားရခက်ခြင်း နှင့် ချာချာလည်အောင်မူးခြင်း စသော လက္ခဏာများ ဖြစ်လာနိုင်ပါသည်။ တစ်ခါတစ်ရံတွင် နာကျင်ခြင်းသည် လည်ပင်းတွင်သာမက နောက်စေ့၊ ပခုံး၊ ကျောနှင့် လက်များသို့ပင် ပြန့်နှံ့ရောက်ရှိသွားတတ်ပါသည်။

လည်ပင်းကျီးပေါင်းရောဂါ ဖြစ်ရခြင်း အကြောင်းအရင်းများမှာ - အသက်အရွယ်ကြီးခြင်း၊ ဦးခေါင်းထက်တွင် အလေးတင်၍ အလုပ်လုပ်ရခြင်း (ဥပမာ - ခေါင်းရွက်ဈေးရောင်းခြင်း/ ပစ္စည်းသယ်ခြင်း)၊ လည်ပင်းဒဏ်ရာ ရဖူးခြင်း၊ လည်ပင်းကို သက်တောင့်သက်သာ မဖြစ်သော အနေအထားတွင် ကြာရှည်နေရခြင်း (ဥပမာ - ကွန်ပျူတာ ကြာရှည်အသုံးပြုရသူများ)၊ ဆေးလိပ်သောက်ခြင်း တို့ဖြစ်ပါသည်။ လည်ပင်းကျီးပေါင်း မျိုးရိုးရှိသူများနှင့် အဝလွန်ပြီး ကိုယ်လက်လှုပ်ရှားမှု နည်းသူများမှာလည်း ပို၍ဖြစ်နိုင်ပါသည်။

🔹လည်ပင်းကြီးပေါင်းရောဂါတွင် လိုက်နာရမည့် ဆောင်ရန်ရှောင်ရန်များမှာ🔹

1⃣ ရောဂါဆိုးနေသည့် အချိန်များတွင် အနားယူရန် လိုအပ်ပါသည်။

2⃣ နာနေသည့် လည်ပင်းအနီးတစ်ဝိုက်ကို ရေနွေးအိတ် ကပ်ပေးနိုင်ပါသည်။

3⃣ ဦးခေါင်းနှင့် လည်ပင်း လေ့ကျင့်ခန်း လုပ်ပေးရပါမည်။ အစမှာ Isometric exercises ဟုခေါ်သော လည်ပင်းကြွက်သား သန်မာစေရေး လေ့ကျင့်ခန်းများ လုပ်ပေးရပါမည် (ပုံကိုကြည့်ပါ)။ သက်သာသွားလျှင် ပုံမှန်လုပ်နေကျ ဦးခေါင်းနှင့် လည်ပင်းလေ့ကျင့်ခန်းများ၊ အကြောလျှော့ခြင်းများ လုပ်ပေးနိုင်ပါသည်။ အားကစား ပြင်းပြင်းထန်ထန် မလုပ်သင့်ပါ။

4⃣ ကြမ်းကြမ်းတမ်းတမ်း အနှိပ်ခံခြင်း၊ အကြောပြင်ခြင်း၊ ဇက်ချိုးခြင်း တို့မပြုလုပ်သင့်ပါ။

5⃣ လည်ပင်းကော်လာ (Cervical collar) ကို နေ့လယ်နေ့ခင်းတွင် တပ်ဖို့လိုနိုင်ပါသည်။ Cervical collar ကို ရေရှည်တပ်ထားလျှင် လည်ပင်းကြွက်သားများ အားလျော့သွားနိုင်သောကြောင့် ရေတိုအနေနှင့်သာ အသုံးပြုသင့်ပါသည်။

6⃣ ကုသမှုအနေနှင့် နာကျင်ကိုက်ခဲမှု ခံစားရလျှင် Paracetamol နှင့် Aspirin ကဲ့သို့သော အကိုက်အခဲပျောက်ဆေးများကို သောက်သုံးပေးနိုင်ပါသည်။ သဘာဝဆေးဝါးများအနက် မိုးမခပင် (Salix spp.) ၏ အခေါက်မှထုတ်လုပ်ထားသော ဆေးဖက်ဝင် Salicin ဒြပ်ပေါင်းသည် အထက်တွင်ဖော်ပြထားသော Aspirin ဆေးနှင့် အာနိသင်တူပါသည်။ သို့သော် သဘာဝမှရရှိသော Salicin ဒြပ်ပေါင်းသည် Aspirin ဆေးထက် အစာအိမ်ကို ထိခိုက်မှုနည်းပါးပြီး သွေးကျဲစေသောအာနိသင် မပါရှိသောကြောင့် အလွန်သင့်တော်သော သဘာဝဆေးဝါးတစ်မျိုး ဖြစ်သည်။

7⃣ လည်ပင်းအဆစ်များအတွက် Glucosamine နှင့် Chondroitin တို့ပါဝင်သော အဆစ်အားဆေးများ (ဥပမာ - Arthrotec) ကို သောက်သုံးပေးနိုင်ပါသည်။ အရိုးသန်မာစေရန် Calcium နှင့် Vitamin D ပါဝင်သော အားဆေးများ (ဥပမာ - Osteomax) ကို မှီဝဲပါ။

8⃣ ရောင်ရမ်းမှုသက်သာစေရန် Omega 3 fatty acid၊ ချင်း (Ginger)၊ နနွင်း (Curcumin) နှင့် ဆင်တုံးမနွယ်ဆေး (Tinoflam) တို့ကိုလည်း သောက်သုံးနိုင်ပါသည်။

9⃣ လည်ပင်းနှင့် ဦးနှောက်သို့ သွေးလှည့်ပတ်မှုကောင်းစေရန် အာရုံကြောဆေး (Neurogin) ကို သောက်သုံးနိုင်ပါသည်။

🔟 လိုအပ်လျှင် Mechanical traction ဟုခေါ်သည့် ဦးခေါင်းနှင့်လည်ပင်းကို ဆွဲဆန့်ကုသနည်းနှင့် ကိုယ်အင်္ဂါ ပြန်လည်သန်စွမ်းရေး ဆေးခန်းများတွင် ကုသရန်လိုလာနိုင်ပါသည်။ ရောဂါဆိုးသူများတွင် ခွဲစိတ်ကုသမှုများလည်း လိုအပ်လာနိုင်ပါသည်။

🔹 လည်ပေါင်းကျီးပေါင်း မဖြစ်စေရန် 🔹

1⃣ ထိုင်နေစဉ်နှင့် လမ်းလျှောက်စဉ် ကိုယ်ကို တည့်မတ်စွာထားပါ။

2⃣ ကွန်ပျူတာနှင့် အလုပ်လုပ်ရသူများတွင် ကွန်ပျူတာမျက်နှာပြင်ကို ဦးခေါင်းနှင့် တစ်တန်းတည်းထားပါ။ ကုန်းကုန်းကိုင်းကိုင်း ဖြစ်မနေစေရန် မတ်မတ်ထိုင်ပါ။ အလုပ်လုပ်စဉ် တစ်နာရီတစ်ကြိမ်ခန့် ဦးခေါင်းလှုပ်ရှားမှု လေ့ကျင့်ခန်းလုပ်ခြင်း၊ အညောင်းအညာဖြေခြင်း တို့ကို မှန်မှန်ပြုလုပ်ပေးပါ။

3⃣ လည်ပင်းကို ထိခိုက်မှုမရှိစေရန် ဂရုစိုက်ပါ။ ကားစီးစဉ် ထိုင်ခုံခါးပတ် ပတ်ပါ။

4⃣ ဦးခေါင်းနှင့်ရွက်၍ အလေးအပင်မခြင်း/ ပစ္စည်းသယ်ခြင်း မပြုလုပ်ရပါ။

5⃣ ပုံမှန် ကိုယ်လက်လှုပ်ရှားလုပ်ပါ။ ဦးခေါင်းနှင့် လည်ပင်းလေ့ကျင့်ခန်းများကို ပုံမှန်ပြုလုပ်ပေးနိုင်ပါသည်။ ယောဂ (Yoga) နှင့် ပလားတီးဇ် (Pilates) ကဲ့သို့သော နည်းများကိုလည်း ဆော့နိုင်ပါသည်။

6⃣ ကိုယ်အလေးချိန်များလျှင် လျှော့ချပါ။

7⃣ အဆီ လျှော့စားပါ။ ဆီကြော်စာများ စားသုံးခြင်းကို ရှောင်ကြဉ်ပါ။

8⃣ လတ်ဆတ်သော အသီးအရွက်များကို များများစားပေးပါ။

9⃣ ရေများများသောက်ပါ။ အိပ်ရေးဝဝအိပ်ပါ။

🔟 ဆေးလိပ်သောက်သူဖြစ်ပါက ဆေးလိပ်ဖြတ်ပါ။

ဒေါက်တာခင်မောင်လွင် (FAME)