https://www.facebook.com/100747369662926/

Lwin Medical Supply Distribution, Lashio (2025)

17/01/2025

ကိုယ်ဝန် ပျက်ကျမှုဖြစ်စေနိုင်တဲ့ အစားအစာများ
===============================

ကိုယ်ဝန်ဆောင်ချိန်မှာဆိုလျှင် သာမန်အချိန်ထက် အစားအသောက် ၊ အနေအထိုင် ဆင်ခြင်ရတာကို သိရှိပြီး ဖြစ်မှာပါ။ ကိုယ်ဝန်ရှိပြီဆိုတာနှင့် နားလည်တတ်ကျွမ်းသူတွေဆီမှ ဆောင်ရန်၊ရှောင်ရန် နည်းနာများကို သိရှိထားသင့်ပါတယ်။ အထူးသဖြင့် ကိုယ်ဝန်နုနယ်သေးတဲ့အချိန်မှာ အစားအသောက် ၊ အနေအထိုင် မဆင်ခြင်လျှင် ပျက်ကျသည်အထိ ဖြစ်သွားနိုင်ပါတယ်။ အောက်ဖော်ပြပါ အစားအသောက်တွေဟာ အခန့်မသင့်လျှင် ပျက်ကျခြင်း ဖြစ်နိုင်တာကြောင့် ကိုယ်ဝန်နုစဉ်မှာ လုံးဝမစားသင့်တဲ့ အစားအစာတွေပဲ ဖြစ်ပါတယ်။

၁။ နာနတ်သီး
----------------
နာနတ်သီးဟာ ကိုယ်ဝန်ပျက်ကျနိုင်ခြေ အများဆုံး အသီးဖြစ်ပါတယ်။ ကိုယ်ဝန်ဆောင်တွေ လုံးဝမစားသင့်တဲ့ ဦးစားပေး အသီးတစ်မျိုးဖြစ်ပါတယ်။ နာနတ်သီးမှာပါဝင်တဲ့ bromelain လို့ခေါ်တဲ့ ဓါတ်ဟာ သားအိမ်ကို ပျော့စေပြီး သားအိမ်လမ်းကြောင်းကိုလည်း ကျဉ်းမြောင်းစေကာ ကိုယ်ဝန်နုစဉ်မှာ စားသုံးလျှင် အလွန် အန္တရာယ်များပါတယ်။

၂။ သင်္ဘောသီး
------------------
နာနတ်သီးပြီးလျှင်တော့ သင်္ဘောသီးပဲဖြစ်ပါတယ်။ အချို့က သင်္ဘောသီးအစိမ်းကို မစားသင့်ဘူးဆိုတာ သိရှိပြီး ဖြစ်မှာပါ။ ဖြစ်နိုင်မယ်ဆိုလျှင်တော့ သင်္ဘောသီးကို အစိမ်းရော အမှည့်ပါ မစားတာ အကောင်းဆုံးပါ။ ကိုယ်ဝန်နုနယ်စဉ်အချိန်မှာ စားသုံးမိလျှင် ကိုယ်ဝန်ပျက်ကျနိုင်ခြေရှိတာကြောင့် ကိုယ်ဝန်ဆောင် အမျိုးသမီးများ လုံးဝမစားမိဖို့ အရေးကြီးပါတယ်။

၃။ ရှားစောင်းလက်ပက်ဖျော်ရည်
------------------------------------
ရှားစောင်းလက်ပက်ဟာ အသားအရေနှင့် ကျန်းမာရေးအတွက် အလွန်ကိုကောင်းတဲ့ အရာပဲ ဖြစ်ပါတယ်။ သို့သေ်ာ သင်ဟာ ကိုယ်ဝန်ဆောင်တစ်ယောက် ဖြစ်နေမယ်ဆိုရင်တော့ တင်ပါးဆုံရိုး သွေးယိုစီးမှု ဖြစ်နိုင်ပြီး ကိုယ်ဝန်ပျက်ကျခြင်းကို ဖြစ်စေနိုင်ပါတယ်။

၄။ ဒန့်ဒလွန်သီး
------------------
ဒန့်ဒလွန်သီးမှာပါဝင်တဲ့ ကျန်းမာရေးအတွက် အထောက်အကူပြုတဲ့ ဓါတ်ပေါင်းတွေဟာ ကိုယ်ဝန်ဆောင်တွေအတွက်တော့ အန္တရာယ်ရှိနိုင်ပြီး ကိုယ်ဝန် ပျက်ကျစေနိုင်ပါတယ်။

၅။ မက်မွန်သီး
----------------
အရသာရှိတဲ့ မက်မွန်သီး ၊ မက်မွန်သီးဖျော်ရည်တွေဟာ ကိုယ်ဝန်ဆောင် အမျိုးသမီးတွေ မစားသင့်တဲ့ အစားအစာတွေထဲမှာ တစ်ခုအပါအဝင် ဖြစ်ပါတယ်။ အထူးသဖြင့် မက်မွန်သီးအခွံမှာပါတဲ့ အမျှင်လေးတွေဟာ ယားယံခြင်းနှင့် သားအိမ်တွင်း သွေးယိုစီးမှုဖြစ်နိုင်ပြီး ကိုယ်ဝန်ပျက်ကျဖို့အတွက် အလားအလာများစေပါတယ်။ ကိုယ်ဝန်နုနယ်စဉ်အချိန်မှာ ရှောင်သင့်တဲ့ အသီးတစ်မျိုး ဖြစ်ပါတယ်။

၆။ ကော်ဖီ
------------
ကော်ဖီကြိုက်တဲ့သူအနေနဲ့ မနက်ခင်းကို ကော်ဖီတစ်ခွက်မှ မသောက်ရလျှင် တစ်နေ့တာလုံး နေလို့ထိုင်လို့ မကောင်းဘူးဆိုတာ သိပါတယ်။ သို့သော်ငြားလည်း ကိုယ်ဝန်ဆောင်တစ်ယောက်အနေနဲ့တော့ လုံးဝမရှောင်နိုင်လျှင်တောင် အလွန်ထိမ်းသိန်းပြီး သောက်သုံးသင့်ပါတယ်။ ကဖင်းဓါတ်က ခန္ဓာကိုယ်တွင်း အရည်တွေကို စုပ်ယူပစ်ပြီး ကယ်လ်စီယံဓါတ်ကို လျော့နည်းစေကာ ရေဓါတ်ကုန်ဆုံးမှုတွေ ဖြစ်လာနိုင်ပါတယ်။ ဒါ့ကြောင့် ကိုယ်ဝန်ဆောင်များ ရေများများသောက်ဖို့ လိုအပ်သလို ကဖင်းဓါတ် များလွန်းလျှင် ကိုယ်ဝန်ပျက်ကျခြင်း ၊ ပေါင်မပြည့်ဘဲမွေးခြင်း နှင့် အခြား သာမန်မဟုတ်တဲ့ ကလေးမွေးဖွားခြင်းမျိုးတွေ ဖြစ်လာနိုင်ပါတယ်။

၇။ စည်သွပ်ဘူး ငါးများ
--------------------------
တူနာငါး ၊ ဆောလ်မွန်ငါးတွေကို စည်သွပ်ဘူးထဲထည့်ကာ ကြာရှည်ခံအောင်လုပ်ထားးသော ငါးမျိုးကိုလည်း မစားသင့်ပါဘူး။ အလွယ်ပြောရလျှင်တော့ ငါးသေတ္တာကို လုံးဝ မစားသင့်ပါဘူး။ ဒီလိုစည်သွပ်ဘူးမှာပါဝင်တဲ့ ငါးတွေမှာ Listeria လို့ခေါ်တဲ့ ဘက်တီးရီးယားတွေ ပါဝင်ပြီး ကိုယ်ဝန်ပျက်ကျမှုကို ဖြစ်စေနိုင်ပါတယ်။

၈။ အအေးခံထားသော စားဖွယ်ရာများ
------------------------------------------
အထူးသဖြင့် ကုန်တိုက်တွေမှာရောင်းတဲ့ ရေခဲရိုက် အအေးခံထားသော ကြက်အူချောင်းများ ၊ အသားတုများ ၊ အသားတွေဟာလည်း စည်သွပ်ငါးတွေကဲ့သို့ ဘက်တီးရီးယားတွေ များစွာပါဝင်ပါတယ်။ ကိုယ်ဝန်ဆောင်မိခင်များအနေဖြင့် အစားအသောက်စားမယ်ဆိုလျှင် ပူနွေးသော အစားအစာများကိုသာ စားသင့်ပါတယ်။

၉။ အသင့်သောက် အအေးဘူးများ
--------------------------------------
ကိုယ်ဝန်ဆောင်များအနေဖြင့် အဆင်သင့်သောက်သုံးနိုင်တဲ့ အအေးဘူးတွေအစား လတ်ဆတ်တဲ့ အသီးဖျော်ရည်မျိုးကိုသာ သောက်သုံးသင့်ပါတယ်။

၁၀။ Green Tea (လက်ဖက်စိမ်း)
-------------------------------------
Antioxident ကြွယ်ဝတဲ့ Green Tea မှာ ကဖင်းဓါတ်ဟာ ၂၀၀ မီလီဂရမ်လောက် ပါဝင်ပါတယ်။ ကော်ဖီကဲ့သို့ပင် စွမ်းအင်ရှိတာကြောင့် များများသောက်လျှင် ကိုယ်ဝန်ပျက်ကျနိုင်ပါတယ်။ ကိုယ်ဝန်ဆောင်တွေသာမက နို့တိုက်မိခင်တွေ သောက်သုံးလျှင်လည်း ကလေးကို အကျိုးသက်ရောက်မှု ရှိနိုင်တာကြောင့် green tea သောက်သုံးခြင်းကိုလည်း ရှောင်ကြဉ်သင့်ပါတယ်။

သင်ဟာ ကိုယ်ဝန်ဆောင်တစ်ယောက်ဖြစ်ပြီး ရရှိလာမယ့် ရင်သွေးလေးကို ကျန်းမာစွာ မွေးဖွားလိုတယ်ဆိုရင်တော့ အထက်မှာဖော်ပြခဲ့တဲ့ အစားအသောက်တွေကို ရှောင်ကြဉ်မယ်လို့ မျှော်လင့်ပါတယ်။ ရှောင်တယ်ဆိုတဲ့နေရာမှာ လုံးဝ မစားရတာမဟုတ်ပါဘူးနော်။ တန်ဆေးလွန်ဘေးကို အမြဲသတိရှိပြီး မိခင်ကျန်းမာရေးနဲ့လဲဆိုင်တာဖြစ်လို့ အစစ ဂရုစိုက်နိုင်ပြီး ကျန်းမာတဲ့ မိခင်ရော ကလေးပါဖြစ်ပါစေရှင်...

17/06/2024

စစ်တွေ-ရန်ကုန်
4.AUG.2024
နေရာရပါရေ
380,000 mmk

17/06/2024

စစ်တွေ-ရန်ကုန်
26.7.2024
12 ယောက်စာနေရာရပါဖို့
420000 mmk

02/01/2024

🔋 တစ်ခါအားသွင်း 1,000km ကျော်မောင်း

Tesla ရဲ့ ပြိုင်ဘက်ဖြစ်တဲ့ တရုတ်ကားကုမ္ပဏီ NIO က တစ်ခါအားသွင်းရုံနဲ့ 1,044km (648 miles) မောင်းနိုင်တဲ့ ဘက်ထရီနည်းပညာသစ်ကို CEO ကိုယ်တိုင် ၁၄နာရီကြာ ကားမောင်းပြီး စမ်းသပ်ပြသခဲ့ပါတယ်။

NIO CEO ဖြစ်သူ William Li က ခရီးစဥ်အစအဆုံးကို ၁၄နာရီကြာ Live လွှင့် ကားမောင်းခဲ့တာဖြစ်ပြီး 1,044km မောင်းပြီးတာတောင် ဘက်ထရီ 3% ကျန်သေးတယ်လို့ သိရပါတယ်။

အသုံးပြုခဲ့တဲ့ကားက ET7 ဖြစ်ပြီး NIO ရဲ့ 150kWh ဘက်ထရီကို တပ်ဆင်ထားတာပါ။ Li ကတော့ ကမ္ဘာ့စျေးကွက်ထဲက EV ဘက်ထရီတွေထဲမှာ စွမ်းအင်သိုလှောင်နိုင်စွမ်း အမြင့်မားဆုံးလို့ ပြောပါတယ်။

NIO အနေနဲ့ 150kWh ဘက်ထရီတွေကို ဒီနှစ် ဧပြီလထဲမှာ အမြောက်အများထုတ်လုပ်ဖို့ စီစဥ်ထားတာဖြစ်ပြီး ဘက်ထရီရဲ့ တန်ဖိုးကတော့ ဒေါ်လာ ၄၂,၁၀၀ ဝန်းကျင်ရှိပါတယ်။ ဒါဟာ တရုတ်ပြည်မှာရောင်းချနေတဲ့ Tesla Model Y ကားတစ်စီးလုံးရဲ့ စျေးနဲ့ အတူတူပါပဲ။

Ref: Business Insider, The Sun
Crd;

21/08/2023

မိုးရာသီ မှာ အဖြစ်များတဲ့ အရေပြားရောဂါလေးအကြောင်းပြောကြမယ်နော်

ပွေးလို့ မြန်မာလိုခေါ်တဲ့ အရေပြားမှိုစွဲခြင်း

👉ပေါင်ကြား ချိုင်းကြား တင်ပါးအဖြစ်များတတ်ပါတယ်
ယားယံတတ်ပြီး အနီကွက် အညိုကွက် မှာဘေးအသားကြွကြွလေးရှိတဲ့ ပုံစံဖြစ်တတ်တယ် (ပုံမှာပြထားသလိုပေါ့)
တဖြည်းဖြည်းဘေးကိုပြန့်ပြီး ကျယ်လာတတ်တယ်🧐

🧐🧐ဘာလို့ဖြစ်ရလဲ
မှိုဆိုတော့ အပင်‌လို့ပဲမြင်ကြည့်ရအောင်....
အပင်လေးဆိုတော့ သူရှင်သန်ဖို့ စိုစွတ်တဲ့နေရာလေးတွေ ကြိုက်တယ် .... အဲ့ဒါကြောင့်ချွေးထွက်များတဲ့သူတွေ.... ရေအိမ်သုံးပြီးခြောက်သွေ့အောင်မထားတာ....မိုးရာသီဆိုတော့ အဝတ်အစားခြောက်ဖို့ခက်တဲ့အခါ စိုစို အဝတ်တွေ ပြန်ဝတ်တတ်ရင် စတာတွေမှာ ဖြစ်တတ်ပါတယ်....

🙅🙅ဘာတွေဆောင်ရရှောင်ရမလဲမေးရင် တစ်ယောက်နဲ့တစ်ယောက်ကူးတတ်လို့ အသုံးအဆောင် သဘက်စတာ sharing လုပ်တာသတိထားရမယ်
ခန္ဓာကိုယ်ခြောက်သွေ့အောင်ထားရမယ်
တစ်ကိုယ်ရည်သန့်ရှင်းရေးဂရုစိုက်ရမယ်

💊💊ကုသခြင်း
မှိုသတ်ဆေးလိမ်းဆေးသောက်ဆေးတွေနဲ့ ကုသလို့ရပါတယ်။ (Clotrimazole cream, Miconazole, Terbinafine cream ) စတာတွေ ပေးလေ့ရှိပါတယ်။
ဆေးလိမ်းတဲ့အခါမှာ steroidပါတဲ့ လိမ်းဆေးလိမ်းမိရင် ခဏ သက်သာပြီး ပိုများလာပိုပွားလာတတ်တာမို့ ဆေးတွေ လျှောက်မလိမ်းပါနဲ့နော်။ ဆရာဝန်ညွှန်ကြားသလိုကုသရင် ပျောက်ကင်းနိုင်ပါတယ်။
#ပွေး
#အရေပြားရောဂါ
#ယားနာ

21/08/2023

ကလေးလိုချင်တဲ့စုံတွဲတွေ လုပ်သင့်သည့် သဘာဝနည်းလမ်းကောင်းများ

ကိုယ်ဝန်ရရန်ခက်ခဲတဲ့ ပြဿနာတွေဟာ စုံတွဲတော်တော်များများမှာဖြစ်တတ်ကြပါတယ်။ ကလေးလိုချင်လို့ ကြိုးစားလေ မရလေ ဖြစ်တတ်ပါတယ်။

ကလေးလိုချင်တဲ့ စုံတွဲတွေ လုပ်သင့်သည့် သဘာဝနည်းလမ်းကောင်းများကို ပြောပြသွားပါမယ်။

1️⃣ တားဆေးကို ကြိုဖြတ်ထားပါ။

တားဆေးဖြတ်ပြီး ဘယ်လောက်ကြာလျှင် ကိုယ်ဝန်ရမလဲဆိုတာ ဆရာဝန်ကို ကြိုမေးထားပါ။ တားဆေးအများစုဟာ သောက်တာရပ်ပြီး သိပ်မကြာခင် ကိုယ်ဝန်ရနိုင်ပေမယ့် ထိုးဆေးကတော့ လပိုင်းလောက်ကြာတတ်ပါတယ်။

2️⃣ မိမိရဲ့ ရာသီစက်ဝန်းကို အတိအကျမှတ်ထားပါ။

အမမျိုးဥနဲ့ အဖိုသုတ်ပိုးတို့ ပေါင်းစုံပြီး မျိုးအောင်မှသာ ကိုယ်ဝန်ရရှိနိုင်တာဖြစ်လို့ ovulation phase (အမမျိုးဥကြွေချိန်)ဟာ ကိုယ်ဝန်ရနိုင်ခြေ အများဆုံးချိန် ဖြစ်ပါတယ်။
ရာသီသွေးဆင်းတဲ့ ပထမရက်မှစ၍ နောက်၁၄ရက်ကြာတဲ့နေ့ဟာ အမမျိုးဥကြွေတဲ့နေ့ပါ။ထိုနေ့မှာ ကိုယ်ဝန်ရနိုင်ခြေ အများဆုံးချိန် ဖြစ်ပါတယ်။
တကယ်လို့ သင့်အနေနဲ့ ရာသီစက်ဝန်းကို အတိအကျမသိဖူးဖြစ်နေရင် သားဥကြွေချိန်ကို သိဖို့ Flo , Period Tracker စတဲ့ applications တို့ သုံးနိုင်ပါတယ်။

ဒါပေမယ့် တစ်ခုသတိပြုရမှာက ရာသီစက်ဝန်းနဲ့ သားဥကြွေချိန်ကိုပဲ စိတ်ထဲ စွဲမနေသင့်ပါ။ ဒီလိုမျိုးစွဲနေရင် မိမိနှင့် မိမိ အဖော်အတွက် ဖိစီးမှုတွေ များပြားစေနိုင်ပါတယ်။

3️⃣ စိတ်ဖိစီးမှု လျော့ချပေးခြင်း

ကလေးလိုချင်လို့ ကြိုးစားလေ မရလေ ဖြစ်တာဟာ စိတ်ဖိစီးမှုနဲ့လဲ သက်ဆိုင်ပါတယ်။ ကိုယ်ဝန်မရသေးလို့ ကြိုးစားအားထုတ်တဲ့အချိန်က စုံတွဲတိုင်း စိတ်ပင်ပန်းတဲ့ အချိန်ပါ။ ဒီလိုစိတ်ဖိစီးခြင်းဟာ ကိုယ်ဝန်မြန်မြန်ရနိုင်ခြေကို နှောင့်နှေးစေပါတယ်။

စိတ်ဖိစီးမှုတွေဟာ အမျိုးသမီးတွေမှာ သားဥကြွေခြင်းကို နှောင့်နှေးစေပြီး ရာသီစက်ဝန်းကို ကြာရှည်စေပါတယ်။ အမျိုးသားတွေမှာဆိုရင်တော့ သုတ်ရည်ထုတ်ခြင်းဆိုင်ရာ ပြဿနာတွေကို ဖြစ်လာစေနိုင်ပါတယ်။

ဒါကြောင့် အမျိုးသားရော အမျိုးသမီးပါ စိတ်ဖိစီးမှုလျော့ကျစေရန် ၂ဦးလုံး လုပ်ဆောင်သင့်ပါတယ်။

4️⃣ အားဆေးသောက်ပါ။

ကိုယ်ဝန်ယူမယ်လို့ ဆုံးဖြတ်ပြီးကတည်းက သင့်တော်တဲ့ သားဖွားမီးယပ်ဆရာဝန်နဲ့ အပ်ထားပြီး ကျန်းမာရေး အကြံပေးချက်တွေကို တိတိကျကျ လိုက်နာပါ။ ကိုယ်ဝန်ဆောင် အားဆေးကြိုသောက်ထားပါ။ ဒီလိုပြုလုပ်ခြင်းဟာ ကိုယ်ဝန်မြန်မြန်ရစေတာမျိုး မဟုတ်ပေမယ့် မွေးလာမဲ့ကလေးမှာ မွေးရာပါ ချို့ယွင်းချက်တွေကနေ ကာကွယ်ပေးနိုင်ပါတယ်။

5️⃣ ဆေးလိပ်နဲ့ အရက်ဖြတ်ပါ။

ဆေးလိပ်နဲ့ အရက်တွေက ပုံမှန်လူအတွက်တောင် ပြင်းထန်တဲ့ ကျန်းမာရေးပြဿနာတွေကို ဖြစ်စေနိုင်တာမလို့ ကိုယ်ဝန်ရလိုတဲ့အမျိုးသမီးတွေအတွက် မျိုးအောင်ခြင်းကိုပါ ထိခိုက်စေနိုင်ပါတယ်။
ဒါအပြင့် ကိုယ်ဝန်ဆောင်မယ့် အမျိုးသမီးတွေက ဆေးလိပ်ငွေ့တွေနဲ့ အဝေးဆုံးမှာ နေဖို့လိုပါတယ်။ ကိုယ်တိုင်လည်း မသောက်သင့်သလို သူများဆီက ထွက်လာတဲ့ အငွေ့ကိုပါ ရှောင်သင့်ပါတယ်။ ကိုယ်ဝန်ဆောင်အမျိုးသမီးကို အနီးကပ်စောင့်ရှောက်ရမယ့် အမျိုးသားအနေနဲ့လည်း ကိုယ်ဝန်ရရန် ကြိုးပမ်းတဲ့ အချိန်မှာ ဆေးလိပ်ဖြတ်ထားဖို့ လိုပါတယ်။

ကိုယ်ဝန်ဆောင်မယ့် အမျိုးသမီးကတော့ အရက် လုံးဝမသောက်သင့်ပါ။ မတော်တဆ ကိုယ်မသိဘဲ ကိုယ်ဝန်ရှိသွားမယ်ဆိုရင် မွေးလာမဲ့ကလေးမှာ မွေးရာပါ ချို့ယွင်းချက်တွေ ပါလာနိုင်ပါတယ်။ အမျိုးသားအနေနဲ့လည်း မျိုးအောင်နိုင်စွမ်းကို ထိခိုက်နိုင်တဲ့အတွက် အရက်အလွန်အကျွံ သောက်တာကို ရှောင်သင့်ပါတယ်။

6️⃣ ကဖင်းဓာတ်(ကော်ဖီ၊လက်ဖက်ရည်) သောက်သုံးမှုကို လျှော့ပါ။��ကဖင်းဓာတ် အများအပြားသောက်သုံးလျှင် ခန္ဓာကိုယ်က သံဓာတ်စုပ်ယူမှုကိုလျော့နည်း စေပြီး ကလေးပျက်ကျခြင်းစတဲ့ ပြင်းထန်တဲ့ ကိုယ်ဝန်ဆောင်ပြဿနာတွေကို ဖြစ်စေနိုင်ပါတယ်။ အမျိုးသားရော၊ အမျိုးသမီးပါ ကဖင်းဓာတ်ပါဝင်တဲ့ ကော်ဖီ၊ လက်ဖက်ရည်နဲ့ ကိုလာတွေကို လျှော့သောက်ဖို့ လိုပါတယ်။ ကဖင်းပါတဲ့အရည်တွေ မသောက်ဘဲ နွားနို့နဲ့ ဒိန်ချဉ်ကို များများသောက်ပေးရင် ကယ်လ်စီယမ်ရရှိမှုများစေပြီး ကိုယ်ဝန်ဆောင်နိုင်ဖို့ အတွက်လည်း အထောက်အကူ ဖြစ်စေပါတယ်။

7️⃣ အမျိုးသားရော အမျိုးသမီးပါကိုယ်အလေးချိန်ထိန်းပါ။

အမျိုးသားက အဝလွန်နေလျှင် သုက်ကောင်ထွက်နှုန်းနဲ့ အရည်အသွေးကို ထိခိုက်စေနိုင်ပါတယ်။ BMI ၃၀အထက်ဆို အမျိုးသားတွေရဲ့ မျိုးပွားနှုန်းကို ထိခိုက်နိုင်ပါတယ်။

အမျိုးသမီးတွေမှာ အဝလွန်၊ အပိန်လွန် မဖြစ်စေရန် သတိထားရပါမယါ။ ပုံမှန် BMI ၂၀-၂၅ကြားမှာ ရှိနေသင့်ပါတယ်။ ၃၀အထက် ဒါမှမဟုတ် ၁၉အောက်ဆိုရင် ကိုယ်ဝန်ရနိုင်ခြေ နည်းသွားပါပြီ။

ပိန်လွန်း၊ ဝလွန်းခြင်းဟာ ခန္ဓာကို
ယ်ရှိ ဟော်မုန်းပမာဏနဲ့ သားဥကြွေခြင်းကို ထိခိုက်စေတဲ့အတွက် ကိုယ်ဝန်ရဖို့ ခက်ခဲစေပါတယ်။

8️⃣ ကျန်းမာရေးနဲ့ ညီညွတ်တဲ့ အစားအစာတွေကို စားသောက်ပါ။ /ရေများများသောက်ပါ။

✅အမျိုးသားရော၊ အမျိုးသမီးပါ ပရိုတင်း၊ သံဓာတ်၊ ဇင့်၊ ဗီတာမင် စီ၊ ဗီတာမင်ဒီ ပါဝင်တဲ့ အစာအစာတွေကို ဦးစားပေး စားသုံးသင့်ပါတယ်။

✅ ပဲအမျိုးမျိုး၊ အစိမ်းရောင်ရှိတဲ့ ဟင်းသီးဟင်းရွက်အမျိုးမျိုး၊ ဖရုံစေ့၊ ငှက်ပျောသီး၊ ဥအမျိုးမျိုး၊ ဗံဒါစေ့၊ အချဉ်ဓာတ်ပါသည့် သစ်သီးများ၊ တို့ဟူးနဲ့ ဆယ်လ်မွန်ငါးတို့ကလည်း ကိုယ်ဝန်ရနိုင်ချေ မြင့်စေတဲ့ အစားအစာတွေ ဖြစ်ပါတယ်။

✅ အမျှင်ဓာတ်ကြွယ်ဝတဲ့ အစားအစာတွေ (ဥပမာ အသီးအနှံတွေ၊ ဂျုံတွေ၊ အသီးအရွက်နဲ့ သစ်သီး စသည်)ကိုလည်း များများစားပါ။

✅ အရက်၊ဘီယာ၊ အချိုရည် မဟုတ်ဘဲ အသီးဖျော်ရည်၊ ရေ များများသောက်ပါ။

❌ ကြာရှည်ခံအောင်ပြုလုပ်ထားတဲ့ အစားအစာတွေကို တတ်နိုင်သမျှ ရှောင်ကြဉ်ရမှာဖြစ်ပြီး လတ်ဆတ်တဲ့ အော်ဂဲနစ်အစားအစာတွေကိုသာ ရွေးချယ်စားသုံးသင့်ပါတယ်။

❌အချိုနဲ့ အငန်တွေကို လျှော့စားပါ။

👨🏻‍🍼 ဖခင်ဖြစ်လိုသူများအတွက် အကြံပြုချက်များ�
ကလေးရခြင်း/ မရခြင်းဟာ အမျိုးသမီးပေါ်ဘဲ မူတည်တာမဟုတ်ဘဲ အမျိုးသားများလည်း တာဝန်ရှိပါတယ်။

အမျိုးသားများအနေနဲ့

⁃ ရေပူချိုးခြင်း
⁃ တင်းကျပ်လွန်းတဲ့ အောက်ခံ ဘောင်းဘီနဲ့ အပြင်ဝတ် ဘောင်းဘီအကျပ်တွေ ဝတ်ဆင်ခြင်း
⁃ Laptop ကွန်ပျူတာကို ပေါင်ပေါ်မှာ တင်ထားပြီး အသုံးပြုခြင်း
⁃ ဆေးလိပ်၊ အရက်နဲ့ မူးယစ်ဆေးသုံးစွဲခြင်း
⁃ ကဖင်းဓာတ် သောက်သုံးမှုများခြင်း�
စတဲ့ အချက်တွေဟာ သုတ်ပိုးအရေအတွက်ကို ကျဆင်းစေပြီး သန္ဓေအောင်နိုင်စွမ်းလျော့ကျစေပါတယ်။

ကျန်းမာတဲ့ စုံတွဲတွေဖြစ်ပေမယ့်လည်း တစ်လမှာ ကိုယ်ဝန်ရနိုင်ခြေက ၂ဝ-၂၅ ရာခိုင်နှုန်းသာ ရှိပါတယ်။ ကလေးလိုချင်တဲ့ စုံတွဲ တွေဟာ ၁၂ လကျော်ကြာတဲ့အထိ ကလေးမရလျှင် ကျွမ်းကျင်တဲ့ဆရာဝန်ကို တိုင်ပင်ပြီး အကူအညီရယူဖို့ လိုအပ်ပါတယ်။

လက်မထပ်မီ ကလေးရနိုင်/ မရနိုင် စတဲ့အချက်တွေကို စစ်ဆေးလိုလျှင် Pre-marriage Check-up Program (လက်မထပ်ခင် ကျန်းမာရေးစစ်ဆေးခြင်း) ပြုလုပ်နိုင်ပါတယ်။

Credit

CrForeignMedicalService

14/08/2023

`နို့တိုက်မိခင်တို့ ရှောင်ကြဉ်သင့်သည့် ဆေးဝါးများ´
👧👶👩👶👧👶👩👶👸👶👧👶👩👶👸👶

👉 *povidone iodine* (ဆေးဝါရည်၊ အနာကျက်ဆေးရည်)
- အနာထည့်ပိုးသတ်ဆေးရည်
- ကလေး လည်ပင်းကြိတ်ဟော်မုန်း ထုတ်လုပ်မှုနည်းနိုင် (Hypothyroidism)

👉 *chlorphenamine/ Burmeton*
(ဘာမီတွန်)
- နှာစေး၊ ဓာတ်မတည့်မှုပျောက်ဆေး
- နို့ရည်ထွက်ခြင်းကို တားဆီးတတ်၍ ဖြစ်နိုင်လျှင် ရှောင်ကြဉ်သင့်

👉 ပဋိသန္ဓေတားဆေးများ
ethinylestradiol + levonorgestrel
ethinylestradiol + norethisterone
ethinylestradiol
- နို့ထွက်ခြင်းကို တားမြစ်စေတတ်

ပဋိဇီဝ ပိုးသတ်ဆေး
👉 *chloramphenicol*
- နို့စို့ကလေး၏ သွေးနီဥများပျက်စီးပြီး အသားဝါတတ်

👉 *doxycycline*
- နို့စို့ကလေး၏ သွားများ ဝါတတ်

👉 *ciprofloxacin*
- နို့တိုက်မိခင် မသောက်သုံးသင့်

👉 *metronidazole*
- ကလေးကို ကင်ဆာဖြစ်စေနိုင်တဲ့ သတ္တိရှိ၊
- မဖြစ်မနေ သောက်သုံးရန်လိုပါက ဆေးမသောက်မီ ကလေးအတွက်နို့ရည်ကြိုညှစ်ထားပြီး အချဉ်မပေါက်အောင် သတိထားသိမ်းဆည်းပြီးမှ ဆေးသောက်ရန်။
- ဆေးသောက်မိပါက ၁၂ နာရီအထိ နို့မတိုက်သင့်၊

👉 clindamycin
- ကလေးဝမ်းပျက်တတ်၊ သွေးဝမ်းသွားတတ်

👉 mefloquine
- နို့တိုက်မိခင် မသောက်သုံးသင့်၊

👉 *tamoxifen
- နို့တိုက်မိခင် မသောက်သုံးသင့်၊

👉 *atenolol *
- သွေးဖိအားကျဆေး
- ကလေး၏ သွေးခုန်နှုန်းနှေးခြင်း၊ သွေးဖိအား(သွေးပေါင်)ကျခြင်း၊ ပြာနှမ်းခြင်းကိုဖြစ်စေတတ်

👉 levodopa + carbidopa
- နို့ထွက်ခြင်းကိုတားမြစ်တတ်

👉 *furosemide*,
👉 *Hydrochlorothiazide*
- ဆီးဆေး
- နို့ထွက်ခြင်းကိုတားမြစ်တတ်

👉 *cimetidine
- အစာအိမ်အက်ဆစ်ဟန့်တားဆေး
- ဖြစ်နိုင်လျှင်ရှောင်ကြဉ်သင့်

👉 *metoclopramide
- ပျို့အန်မှုပျောက်ဆေး
- နို့ထွက်ခြင်းကိုအားပေးသော်လည်း တိရစ္ဆာန်များတွင်လေ့လာမှအရ သားပေါက်များတွင် အာရုံကြောထိခိုက်မှုများဖြစ်နိုင်သည်ဟု တွေ့ရှိခြင်းကြောင့် ရှောင်ကြဉ်သင့်။

👉 Cytotoxic (ဆဲလ်အဆိပ်သင့်စေသောဆေးများ)
calcium folinate ဆေးမှလွဲ၍ ကျန်သော Cytotoxic ဆေးများကိုရှောင်ကြဉ်သင့်
👉 asparaginase ❏ Avoid breastfeeding
👉 bleomycin ❏ Avoid breastfeeding
👉 chlorambucil ❏ Avoid if possible
👉 chlormethine ❏ Avoid breastfeeding
👉 cisplatin ❏ Avoid breastfeeding
👉 cyclophosphamide ❏ Avoid breastfeeding
👉 cytarabine ❏ Avoid breastfeeding
👉 dacarbazine ❏ Avoid breastfeeding
👉 dactinomycin ❏ Avoid breastfeeding
👉 daunorubicin ❏ Avoid breastfeeding
👉 doxorubicin ❏ Avoid breastfeeding
👉 etoposide ❏ Avoid breastfeeding
👉 fluorouracil ❏ Avoid breastfeeding
👉 levamisole ❏ Avoid breastfeeding
👉 mercaptopurine ❏ Avoid breastfeeding
👉 methotrexate ❏ Avoid breastfeeding
👉 procarbazine ❏ Avoid breastfeeding
👉 vinblastine ❏ Avoid breastfeeding
👉 vincristine ❏ Avoid breastfeeding

👉 သွေးလေးဘက်နာဆေးများ(DMARDs)
- Azithioprine
- cyclophosphamide
- methotrexate
- sulfasalazine
- နို့တိုက်မိခင် မသောက်သုံးသင့်

👉 dimercaprol
❏ Avoid if possible, especially if the infant is premature or less than 1 month old. Monitor infant for side-effects
(haemolysis and jaundice).
*Avoid in G-6-PD deficient infants*
- နို့စို့ကလေး၏ သွေးနီဥများပျက်စီးပြီး အသားဝါတတ်

👉 methylthioninium chloride
(methylene blue)
❏ Avoid if possible, especially if the infant is premature or less than 1 month old. Monitor infant for side-effects
(haemolysis and jaundice)
- နို့စို့ကလေး၏ သွေးနီဥများပျက်စီးပြီး အသားဝါတတ်

👉 ethosuximide
❏ Avoid if possible.Monitor infant for side-effects
(drowsiness, poor suckling and poor weight gain)
- အိပ်ငိုက်ခြင်း၊ နို့စို့နည်းခြင်း၊ ကိုယ်အလေးချိန်မတက်လွယ်ခြင်း

👉 nalidixic acid
❏ Avoid if possible, especially if the infant is premature or
less than 1 month old. Monitor the infant for side-effects (haemolysis and jaundice).
*Avoid in G-6-PD deficient infant*
- နို့စို့ကလေး၏ သွေးနီဥများပျက်စီးပြီး အသားဝါတတ်

👉 sulfadiazine
❏ Avoid if possible, especially if the infant is premature or less than 1 month old. Monitor the infant for side-effects
(bloody diarrhea, haemolysis and jaundice).
*Avoid in G-6-PD deficient infants*
- နို့စို့ကလေး၏ သွေးနီဥများပျက်စီးပြီး အသားဝါတတ်
- သွေးဝမ်းသွားတတ်

👉 ergotamine
Avoid if possible. Monitor the infant for side-effects (ergotism)
- Ergot အဆိပ်သင့်စေတတ်
- ခေါင်းကိုက်၊ အန်၊ ဝမ်းလျှော၊ လက်ချောင်း/ခြေချောင်း ပုပ်ဆွေးနာဖြစ်တတ်

👉 azathioprine ❏ Avoid breastfeeding
- နို့တိုက်မိခင် မသောက်သုံးသင့်

👉 ciclosporin ❏ Avoid breastfeeding
- နို့တိုက်မိခင် မသောက်သုံးသင့်

Ophthalmic drugs (မျက်စိကုသမှုဆိုင်ရာဆေးဝါး)
👉 fluorescein
❏ Avoid if possible when the infant is premature or less than 1 month old, especially when undergoing phototherapy
- နို့တိုက်မိခင် မသောက်သုံးသင့်

👉 amiloride
❏ Avoid if possible. May inhibit lactation
- နို့ထွက်ခြင်းကို တားမြစ်စေတတ်

👉 testosterone (C)
- ကျားဟော်မုန်းဆေး
❏ Avoid breastfeeding
- နို့တိုက်မိခင် မသောက်သုံးသင့်

👉 clomifene
- သားဥကြွေဆေး
❏ Avoid (unlikely to be needed)
- နို့တိုက်မိခင် မသောက်သုံးသင့်

👉 potassium iodide
❏ Avoid, if possible. Monitor the infant for side-effects (hypothyroidism)
- ကလေး လည်ပင်းကြိတ်ဟော်မုန်း ထုတ်လုပ်မှုနည်းနိုင်

👉 neostigmine
❏ Avoid if possible in combination with atropine. Theoretically side-effects may occur
- နို့တိုက်မိခင် မသောက်သုံးသင့်

Drugs used in psychotic disorders
စိတ်ရောဂါကုသမှုဆိုင်ရာ ဆေးဝါးများ
👉 chlorpromazine
❏ Avoid if possible. Monitor the infant for drowsiness
- နို့တိုက်မိခင် မသောက်သုံးသင့်
- ကလေးငယ် အိပ်ငိုက်နိုင်

👉 fluphenazine
❏ Avoid if possible. Monitor the infant for drowsiness
- နို့တိုက်မိခင် မသောက်သုံးသင့်
- ကလေးငယ် အိပ်ငိုက်နိုင်

👉 haloperidol
❏ Avoid if possible. Monitor the infant for drowsiness
- နို့တိုက်မိခင် မသောက်သုံးသင့်
- ကလေးငယ် အိပ်ငိုက်နိုင်

👉 lithium carbonate
❏ Avoid if possible. Monitor the infant for side-effects (restlessness or weakness). Monitor lithium levels in mother’s blood
- နို့တိုက်မိခင် မသောက်သုံးသင့်
- ကလေးငယ် ကဏှာမငြိမ်၊ အားပျော့တတ်

Crd
Dr. Nay Linn Aung (Pyaw Bwe)
29.1.2018
2037

Ref: WHO

02/08/2023

ပိုက်ဆံရှိကြောင်း မကြွားပါနဲ့ …
ဆေးရုံရောက်ရင် ပိုက်ဆံဟာ စက္ကူနဲ့ တူသွားတယ်။

အလုပ်ကောင်းကြောင်း မကြွားပါနဲ့ …
သင်ပြုတ် သွားတာနဲ့ နောက်တစ်ယောက်ချက်ချင်း အစားထိုးတယ်။

ရာထူးကြီးကြောင်း မကြွားပါနဲ့ …
အသက်၆၀ပြည့်ရင် အော်တိုပြုတ်သွားတယ်။

အိမ်ကြီးအိမ်ကောင်းဆိုပြီး မကြွားပါနဲ့ …
သင်မရှိတော့တာနဲ့ တခြားလူဟာဖြစ်သွားတယ်။

ရွှေ ငွေ လက်ဝတ်ရတနာတွေ ပေါများပါတယ်လို့ မကြွားလိုက်ပါနဲ့ …
သေသွားရင် ချက်ချင်း ဖြုတ်ယူကြတယ်။

ကားကောင်းစီးနိုင်ကြောင်း မကြွားပါနဲ့ …
သင်ထွက်သွားတာနဲ့ ကားသော့က တခြားလူလက်ထဲရောက်သွားတယ်။

သင်ကြွားနိုင်တဲ့ တစ်ခုတည်းသောအရာက
သင့် #ကျန်းမာရေး ပါ။

တခြားလူတွေ ထွက်သွားချိန်မှာ
သင် ရေနွေးကြမ်းသောက် နေပူစာလှုံရင်း ဘဝကိုခံစား ကုသိုလ်တရားတွေ လုပ်နေနိုင်ပါတယ်။

ကိုယ့်ကိုကိုယ် ကောင်းကောင်းဆက်ဆံပါ
သင့်ရဲ့ ကိုယ်အင်္ဂါပစ္စည်း အစိတ်အပိုင်းတွေက အဆမတန် စျေးကြီးလို့ပါ။

ပြီးတော့ အပိုပစ္စည်းလည်း မရှိလို့ပါ။

မနက်စာကို ဘုရင်လိုစားတဲ့ ကျန်းမာတဲ့ ခန္ဓာကိုယ်အတွက် အာဟာရရှိတဲ့ အစားအစာတွေကို စားပေးဖို့ကလည်း အဓိကျပါတယ်။

ကိုယ်ကာယ လေ့ကျင့်ခန်းတခုခုလုပ်ရင်း ဆီလျှော့ ဆားလျှော့ အချိုလျှော့ စားခြင်းဖြင့် ကျန်းမာရေးကို အထူးဂရုစိုက်ကြပါစို့...။

-to-Original

02/08/2023

ရာသီစက်ဝန်းလေးမှန်ကန်စေဖို့
-------------------------------
အမျိုးသမီးတစ်ယောက်အတွက် အပျိုဖော်ဝင်တဲ့အချိန်ကစလို့ သွေးမဆုံးခင်အချိန်အထိ တစ်လတစ်ခါ ရာသီစက်ဝန်းလေးမှန်နေဖို့က အရေးကြီးပါတယ်။ အပျိုဖော်ဝင်ခါစမှာ ဟော်မုန်းဓာတ်မညီမျှသေးတဲ့အတွက် ရာသီမမှန်တာဟာဖြစ်လေ့ဖြစ်ထရှိတတ်ပါတယ်။ အပျိုဖော်ဝင်ပြီး(၁)နှစ်၊ (၂)နှစ်လောက်ကြာတဲ့ အခါ ရာသီစက်ဝန်းဟာ တစ်လတစ်ခါပုံမှန်လည်ပတ်သွားပါပြီ။
ကျန်းမာတဲ့ အမျိုးသမီးတစ်ယောက်မှာ ကိုယ်ဝန်ရှိတဲ့ အချိန်ကလွဲလို့ သွေးမဆုံးမီအထိ ရာသီတစ်လတစ်ခါပုံမှန်လာပါတယ်။ ရာသီမမှန်ဘူးဆိုရင်တော့ ကိုယ်ဝန်ရှိတာမဟုတ်ရင် အမျိုးသမီးရောဂါတစ်ခုခုကြောင့် ရာသီမမှန်တာဖြစ်တတ်ပါတယ်။ အဲ့ဒါကြောင့် ရာသီတစ်လတစ်ခါပုံမှန်လည်ပတ်အောင် ဘယ်လိုတွေပြုမူနေထိုင်ရမလဲဆိုတာ ဆက်ကြည့်ရအောင်။
ရာသီစက်ဝန်းဆိုတာဘာလဲ? ရာသီမှန်ဖို့အရေးကြီးပါသလား?
ရာသီစက်ဝန်းဆိုတာအပျိုဖော်ဝင်လာတဲ့အချိန်ကစပြီး အမျိုးသမီးတို့ရဲ့ သားဥအိမ်လေးကနေ မျိုးပွားရန်အတွက် တစ်လတစ်ခါ သားဥကြွေပေးရပါတယ်။ သားဥကြွေတဲ့အချိန်မှာ မျိုးအောင်ဖို့ သုတ်ပိုးမရှိဘူးဆိုရင် သားဥလေးဟာ မျိုးမအောင်တော့ဘဲ ရာသီသွေးထဲပါသွားပါတယ်။ အဲ့ဒီဖြစ်စဉ်တစ်ခုလုံးကို ရာသီစက်ဝန်းလို့ခေါ်ပါတယ်။ ရာသီစက်ဝန်းတစ်ခုဟာ အများအားဖြင့် ၂၈ရက်-၃၂ရက်ကြာတတ်ပါတယ်။ ရာသီစက်ဝန်းတစ်လတစ်ခါမှန်မှန်လည်ပတ်ဖို့ကလည်း အမျိုးသမီးတိုင်းအတွက် အရေးကြီးပါတယ်။
ရာသီစက်ဝန်းကိုဟော်မုန်းတွေက ထိန်းချုပ်ပေးထားတာလား?
ဟုတ်ပါတယ်။ ရာသီစက်ဝန်းမှန်စေဖို့ အီစထရိုဂျင်ဟော်မုန်း၊ပရိုဂျက်စထရုန်းဟော်မုန်း တို့က အဓိကထိန်းချုပ်ဆောင်ရွက်နေတာပါ။ တခြားဟော်မုန်းတွေလည်း အများကြီးပါဝင်ပါသေးတယ်။
ရာသီမမှန်တဲ့အကြောင်းအရင်းတွေကဘာတွေရှိလဲ?
အမျိုးသမီးတစ်ယောက်မှာ ရာသီပုံမှန်လာတာကနေ တစ်လနှစ်လပျောက်သွားတယ်ဆိုရင်တော့ အမျိုးသားနှင့်လည်းအတူတူနေဖူးတယ်ဆိုရင် ကိုယ်ဝန်ရှိတာကြောင့်ရာသီမလာတာ ဖြစ်ဖို့အများဆုံးပါ။ တခြားအကြောင်းအချက်တွေကတော့ သားဥအိမ်ရေအိတ်တည်ခြင်း၊ သားဥအိမ်အလုံးများတည်ခြင်း၊ သားအိမ်အလုံးအကျိတ်တည်ခြင်းစတဲ့ အမျိုးသမီးရောဂါတွေအပြင် ဟော်မုန်းဓါတ်မညီမျှတဲ့ရောဂါတွေ ကြောင့် ရာသီမမှန်တာဖြစ်တတ်ပါတယ်။
ရာသီစက်ဝန်းလေးမှန်စေဖို့ဘယ်လိုတွေပြုမူနေထိုင်စားသောက်ရမလဲ?
ရာသီစက်ဝန်းဆိုတာဟာ ဟော်မုန်းတွေကနေ ထိန်းချုပ်ထားတာ ဖြစ်တဲ့အတွက် ဟော်မုန်းဓါတ်ညီမျှနေဖို့အရေးကြီးပါတယ်။ ဟော်မုန်းဓါတ်တွေဆိုတာကလည်း စိတ်အခြေအနေပြောင်းလဲမှုနဲ့ ဆက်စပ်နေတတ်ပါတယ်။ တနည်းအားဖြင့် နေမကောင်းဖြစ်ခြင်း၊ စိတ်ဖိစီးမှုများခြင်း၊ကိုယ်အလေးချိန် ပြောင်းလဲမှုဖြစ်ခြင်း အထူးသဖြင့် အဝလွန်ခြင်း ဖြစ်စဉ်တို့မှာ ရာသီကမောက်ကမ ဖြစ်တတ်တာကို တွေ့ရပါတယ်။ အဲ့ဒါကြောင့် ရာသီစက်ဝန်းလေးမှန်စေဖို့ စိတ်ဖိစီးမှုကင်းအောင်နေမယ်၊ ကျန်းမာရေးနဲ့ညီညွတ်တဲ့ အစားအသောက်တွေပဲ နေ့စဉ်ရွေးချယ်စားသောက်မယ်၊ ကိုယ်အလေးချိန်ကို ပုံမှန်ဖြစ်အောင်ထိန်းမယ် ဆိုရင် ရာသီတစ်လတစ်ခါ ပုံမှန်လာစေပါတယ်။ အထူးသဖြင့် ဗီတာမင်အီးနှင့် ဇင့်ဓာတ်ပါဝင်တဲ့အစားအသောက်တွေ ဒါမှမဟုတ် အားဆေးတွေကို နေ့စဉ်မှီဝဲပေးမယ်ဆိုရင် ရာသီစက်ဝန်းမှန်စေပါတယ်။
ရာသီမမှန်ရင်ဘာလုပ်ရမလဲ?
၃လနှင့်အထက် ရာသီမလာဘူး၊ မမှန်ဘူးဆိုရင် မရှက်ပါနှင့်၊ သက်ဆိုင်ရာသားဖွားမီးယပ်ဆရာဝန်နဲ့ပြသပြီး သေချာဆေးကုသမှုခံယူပေးရပါမယ်။

credit

21/07/2023

အစားအသောက်ရွေးစားတဲ့အခါ calorie ကို
တွက်ချက်စားပါ။
🥚ကြက်ဥပြုတ်က 80 cal ပဲရှိပေမယ့်
🍳ကြက်ဥကြော်ကြတော့ 219 cal ရှိပါတယ်။
စမူဆာ ၃ခုမှ 91 cal ရှိပေမယ့်
အီကြာကွေးကြတော့ 314 cal ပါ။

စားတော့မယ်ဆို ဒီ ဇယားလေး ကြည့်ကြည့်ပီး
cal တွက်ချက်စားပါ 😊😊😊

ဥပမာ- လူတယောက်က ပေါင် ၁၅၀ ရှိတယ်ဆိုရင်
သူစားဖို့ လိုအပၲတဲ့ cal က 3000 cal ပါ။
အဲ့ လိုအပ်တဲ့ 3000 cal အစား 1000 cal လျှော့ပီးတစ်ရက် 2000 cal တွက်ချက်စားရင် weight က တဖြေးဖြေး ကျကို ကျပါတယ်။
ကိုယ်စားတဲ့ အစားအသောက်ကို
cal တွက်ချက်စားခြင်းဖြင့်
ဝိတ်လျှော့ကြရအောင် 😍

ကယ်လိုရီတန်ဖိုးများ
----------------------
🍯🥔🍠ကစီဓာတ်( carbohydrate)🍠🥔🍯
ထမင်း(ပန်းကန်လုံးတလုံးစာ)- ၂၀၀ ကယ်လိုရီ
ခေါက်ဆွဲခြောက်တထုပ် - ၂၀၀ ကယ်လိုရီ
ပြောင်းဖူးတဖူး - ၁၃၀ ကယ်လိုရီ
အာလူးတလုံး - ၇၀ ကယ်လိုရီ
ပေါင်မုန့်တချပ် - ၃၀ ကယ်လိုရီ
ချပါတီတချပ် - ၈၀ ကယ်လိုရီ
နံပြားတချပ် - ၉၀ ကယ်လိုရီ
cracker - ၁၆ ကယ်လိုရီ
ကိတ်မုန့်တလုံး(အရှည်) - ၂၄၀ ကယ်လိုရီ
မုန့်တီတပွဲ - ၃၀၀ ကယ်လိုရီ
သကြား(လက်ဖက်ရည်တဇွန်း) - ၁၆ ကယ်လိုရီ
ပျားရည်(လက်ဖက်ရည်တဇွန်း)- ၂၁ ကယ်လိုရီ

🥩🍗🍖အသားဓာတ် (protein)🍖🍗🥩
ကြက်ပေါင် - ၁၃၅ ကယ်လ်ုရီ
ကြက်ရင်အုပ် - ၁၆၅ ကယ်လိုရီ
ဝက်သား(လက်တဖဝါးစာ) - ၂၅၀ ကယ်လိုရီ
အမဲသား(လက်တဖဝါးစာ) - ၂၅၀ ကယ်လိုရီ
ဘဲသား(လက်တဖဝါးစာ) - ၃၃၀ ကယ်လိုရီ
ဆိတ်သား(လက်တဖဝါးစာ) - ၂၁၀ ကယ်လိုရီ
ငါးကြင်းတကောင် - ၂၈၀ ကယ်လိုရီ
ငါးခူးတကောင် - ၁၁၀ ကယ်လိုရီ
ကြက်ဥတလုံး - ၈၀ ကယိလိုရီ
ငုံးဥတလုံး - ၁၅ ကယ်လိုရီ

🧀🧈အဆီဓာတ် (fat )🧈🧀
ဆီ(လက်ဖက်ရည်တဇွန်း) - ၄၀ ကယ်လိုရီ
ဆီ(ထမင်းစားဇွန်း တဇွန်း) - ၁၂၀ ကယ်လိုရီ
နေကြာစေ့(လက်ခုပ်တခုစာ) - ၁၈၀ ကယ်လိုရီ
သစ်ကြားသီးတလုံး - ၂၅ ကယ်လိုရီ

🥭🍇🥑သစ်သီး🍇🥭🥑
ပန်းသီး - ၉၀ ကယ်လိုရီ
လိမ္မော်သီး - ၆၀ ကယ်လိုရီ
ငှက်ပျောသီး - ၁၀၀ ကယ်လိုရီ
သစ်တော်သီး - ၁၀၀ ကယ်လိုရီ
သရက်သီး - ၁၃၀ ကယ်လိုရီ
သခွားသီး - ၄၅ ကယ်လိုရီ
နာနတ်သီး - ၄၅၀ ကယ်လိုရီ
စပျစ်သီး - ၃ ကယ်လိုရီ
စတော်ဘယ်ရီသီး - ၄ ကယ်လိုရီ
ကြက်မောက်သီး - ၇ ကယ်လိုရီ
ရှောက်သီး - ၂၅ ကယ်လိုရီ
သံပုရာသီး - ၂၀ ကယ်လိုရီ
ဖရဲသီး - ၁၃၇၀ ကယ်လိုရီ
ရွှေဖရုံသီး - ၃၀၀ ကယ်လိုရီ
ဂရိတ်ဖရု - ၁၀၀ ကယ်လိုရီ
သလဲသီး - ၇၀ ကယ်လိုရီ
မာလကာသီး - ၄၀ ကယ်လိုရီ
ထောပတ်သီး - ၂၄၀ ကယ်လိုရီ
(သစ်သီးတွေက အရွယ်အစားပေါ်မူတည်ပြီး ကယ်လိုရီတွေ မတူကြဘူး၊ ဥပမာ ခြောက်လက်မလောက်ပဲရ်ှတဲ့ ငှက်ပျော်သီးတလုံးဟာ ၇၀ ကယ်လိုရီလောက်ပဲရ်ှပြီး ကိုးလက်မကျော်အရွယ်စားရ်ှတဲ့ ငှက်ပျောသီးတလုံးဟာ ၁၃၀ ကယ်လိုရီလောက်ရှိတယ်။ ဖော်ပြထားတဲ့ ကယ်လိုရီတွေက ပျမ်းမျှအရွယ်အစားရှိတဲ့ သစ်သီးတွေရဲ့ ကယ်လိုရီပမာဏတွေ ဖြစ်ပါတယ်။ သစ်သီးတလုံးမြင်တာနဲ့ အနီးစပ်ဆုံး ခန့်မှန်းနိုင်ရင် လုံလောက်ပါပြီ)

🥬🍅ဟင်းသီးဟင်းရွက်🍅🥬
ခရမ်းချဉ်သီး - ၂၀ ကယ်လိုရီ
ကြက်သွန်ဖြူတစိတ် - ၄ ကယ်လိုရီ
ကြက်သွန်နီတလုံး - ၄၀ ကယ်လိုရီ
ခရမ်းသီး - ၃၅ ကယ်လိုရီ
မုန်လာဥနီတတောင့် - ၄၀ ကယ်လိုရီ
ပဲသီး၊ပဲတောင့်ရှည်(၁၀၀ဂရမ်) - ၈၀ ကယ်လိုရီ
ဟင်းနုနွယ်(၁၀၀ဂရမ်) - ၂၅ ကယိလိုရီ
ပန်းမုံလာ(၁၀၀ဂရမ်) - ၂၅ ကယိလိုရီ
ကိုက်လန်(၁၀၀ဂရမ်)- ၅၀ ကယ်လိုရီ
ကညွတ်တချောင်း - ၃ ကယ်လိုရီ
(၁၀၀ ဂရမ်က လက်သီးဆုပ် သို့မဟုတ် လက်ဆုပ်တခုစာ ပမာဏနဲ့ ညီမျှတယ်လို့ အလွယ်မှတ်ပါ)

🍹🍻ဖျော်ရည်နဲ့ ယမကာ🍹🍻
နွားနို့တခွက် - ၁၂၀ ကယ်လိုရီ
ဒိန်ချဉ်တခွက် - ၁၄၀ ကယ်လိုရီ
ကိုလာ(သံဗူး) - ၁၄၀ ကယ်လိုရီ
ကိုလာဗူးကြီး(1.25L) - ၅၄၀ ကယ်လိုရီ
ရေခဲမုန့်တခွက် - ၁၃၀ ကယ်လိုရီ
အုန်းရည်တခွက် - ၅၀ ကယ်လိုရီ
ကော်ဖီမှုန့် ( 1 teaspoon) - ၄ ကယ်လိုရီ
ကော်ဖီတခွက် - ၅၀ ကယ်လိုရီ
လက်ဖက်ရည် - ၇၀ ကယ်လိုရီ
ကျွဲရိုင်းတဗူး - ၁၁၀ ကယ်လိုရီ
အရက်တခွက်(45ml) - ၁၀၀ ကယ်လိုရီ
ဘီယာတခွက် - ၂၀၀ ကယ်လိုရီ
ဘီယာသံဗူး - ၁၅၀ ကယ်လိုရီ
ဝိုင်တခွက်(150ml) - ၁၂၀ ကယ်လိုရီ

(🔺ဘီယာတခွက်ဟာ ထမင်းတပန်းကန်စာနဲ့ ကယ်လိုရီညီမျှတယ်ဆိုတာ အရင်မှတ်သားသင့်တယ်။
🔺ကော်ဖီ ☕️ ၊လက်ဖက်ရည်တွေကတော့ နို့ဆီ၊ သကြားထည့်တာပေါ်မူတည်ပြီး ကယ်လိုရီတွေကွာခြားသွားတယ်။
🔺ပြီးတော့ ရိုးရိုး နွားနို့နဲ့အဆီထုတ်ထားတဲ့ နွားနို့နဲ့ မတူပါဘူး၊ ကယ်လိုရီ ၃၀ လောက်ကွာတယ်။
🔺ဟင်းတခွက်ရဲ့ ကယ်လိုရီတန်ဖိုးကို တွက်မယ်ဆိုရင် ပါဝင်ပစ္စည်းတွေကို တစ်ခုချင်းကြည့်ပြီး ပြန်ပေါင်းလိုက်ရုံနဲ့ အလွယ်တကူ တွက်ချက်နိုင်မှာဖြစ်ပါတယ်။)

Lwin Lashio Pharmacy

Credit

21/07/2023

အဖြစ်များသော လေးဘက်နာ ရောဂါများ
၁။အရေပြားလေးဘက်နာ (SLE)
၂။သွေးလေးဘက်နာ (RA)
၃။နှလုံးလေးဘက်နာ
၄။အရေပြားထူလေးဘက်နာ (Scleroderma)

အရေပြားလေးဘက်နာ (SLE)
အရေပြားလေးဘက်နာ (SLE)သည် အရိုးအဆစ်ရောဂါ တင် မဟုတ်ဘဲ ခန္ဓာကိုယ် အနှံ့ ရောင်ရမ်းသော ရောဂါတစ်မျိုးဖြစ်သည်။ အရေပြားလေးဘက်နာရောဂါ ဖြစ်ပေါ်ပုံမှာ ခန္ဓာကိုယ်၏
တုန့်ပြန်မှု ပုံမမှန်ခြင်း ကြောင့် ဖြစ်သည်။ ကျွန်ုပ်တို့၏ ခန္ဓာကိုယ်တွင် ပုံမှန်အားဖြင့် ပဋိပစ္စည်း ဟုခေါ်သော Antibodies များ ရှိပါသည်။ ထို ပဋိပစ္စည်း ဟုခေါ်သော Antibodies များ၏တာ၀န် မှာ
ခန္ဓာကိုယ် အတွင်းသို့၀င်ရောက် လာသော ဘတ်တီးရီးယား ဗိုင်းရပ်စ် များ နှင့် အခြားသော ပိုးမွှားများ ကို တိုက်ခိုက် ချေမှုန်း သော တာ၀န် ဖြစ်ပါသည်။ အရေပြားလေးဘက်နာ (SLE) ရောဂါ ရှင်များတွင်မူ ထို ပဋိပစ္စည်း ဟုခေါ်သော Antibodies များသည် ပုံမမှန် မှုဖြစ်ပေါ်ပြီး မိမိ ခန္ဓာကိုယ် မှတစ်ရှုး များ အင်္ဂါ များ ကို ပြန် လည် တိုက် ခိုက်ခြင်းဖြင့် ခန္ဓာကိုယ် အနှံ့ ရောင်ရမ်းခြင်းများဖြစ်ပေါ်စေပါသည်။

လက္ခဏာများမှာ
၁။ လက်ဆစ်များရောင်ရမ်း ကိုက်ခဲခြင်း
၂။ မနက်အိပ်ရာထထခြင်းတွင် တင်း၍အ ကွေး အဆန့် ခက်ခဲခြင်း
၃။ နေရောင်ထဲထွက်လျှင် မျက်နှာပေါ်တွင် အနီကွက်များထွက်လာခြင်း
၄။ ပါးစပ်တွင် အနာများပေါက်ခြင်း
၅။ဆံပင်ကျွတ်ခြင်း
၆။ရေကိုင်လျှင် လက်များဖြူ၍ ကိုက်လာခြင်း
၇။ကိုယ်၀န်မကြာခဏပျက်ကျခြင်း

တစ်ကိုယ်လုံးကိုက်ခဲသော ရောဂါဖြစ်သည့်အားလျော်စွာ နောက်ဆက်တွဲ ပြသနာ များ အဖြစ် ကျောက်ကပ်ရောင်ရမ်းခြင်း၊ နှလုံးနှင့်နှလုံးအမြှေးရောင်ရမ်းခြင်း၊
အဆုတ်နှင့် အဆုတ်အမြှေးရောင်ရမ်းခြင်း၊ ဦးနှောက်ရောင်ရမ်းခြင်း ခြင်ဆီအားနည်းခြင်းတို့ဖြစ်နိုင်ပါသည်။

အရေပြားလေးဘက်နာ ရောဂါသည် သက်လတ်ပိုင်းအမျိုးသမီးများတွင် အဖြစ်များသောကြောင့် သေသေချာချာ မကုသဘဲထားပါက အသက်ငယ်ငယ်ရွယ်ရွယ် နှင့် ကျောက်ကပ်ပျက်စီးပြီး ကျောက်ကပ်ဆေးရခြင်း၊ ကျောက်ကပ်လဲရခြင်း စသည်တို့ဖြင့်ငွေကုန်ကြေးကျများရုံသာမက ကျောက်ကပ်ကုသမှုများ၏ နောက်ဆက်တွဲ ပြသနာများကြောင့်ပင် သေဆုံးခြင်းဖြစ်ပေါ်တတ်ပါသည်။
ထို့ကြောင့် မိမိ လက်ဆစ် ခြေဆစ် များ ကိုက် သည်ဖြစ်စေ၊ ရောင် ရမ်း နေသည်ဖြစ်စေ၊ တင်း နေ ပြီးကွေးလို့ ဆန့် လို့ မကောင်းသည်ဖြစ်စေ ၊ ဖော်ပြထားသော လက္ခဏာ တစ်ရပ်ရပ် ရှိ သည် ဖြစ်စေ တတ်ကျွမ်းသော အရိုး အကြော အထူးကု သမား တော် နှင့် အမြန်ပြသတိုင်ပင်သင့်ပါသည်။

သွေး လေးဘက်နာရောဂါ(RA)

သက်ကြီးပိုင်းများတွင် အတွေ့များလေ့ရှိသော လက်များပုံပျက်ကောက်ကွေး နေသည့် ရောဂါ ၏အစမှာ သွေး လေးဘက်နာရောဂါဖြစ်ပါသည်။ ရောဂါဖြစ်ပေါ်ပုံ မှာ မျိုးရိုးလိုက်ခြင်း နှင့် ပြင်ပ မှ ဘတ်တီးရီးယား များ၊ ဗိုင်းရပ်စ် ပိုးများ ၀င် ရောက် လာခြင်း နှင့် ဆေးလိပ် သောက် ခြင်း တို့ နှင့် ဆက်စပ် လျက် ရှိသည် ဟု ယူဆထားပါသည်။ ထိုသို့ ပြင်ပလှုံ့ဆော် မှုများ ကြောင့် ခန္ဓာကိုယ် မှ ခုခံကာကွယ် သော ဆဲလ် များ ၊ ရောင် ရမ်း ဓာတ် များ ထွက် ခြင်း တို့ ဖြစ်ပေါ် ပြီးလက် ဆစ် ခြေ ဆစ် များ ရောင် ရမ်း ခြင်း ၊ ခိုင် သွားခြင်း ၊ ဆက်သွားခြင်း တို့ဖြစ်ပေါ်ပါသည်။

လက္ခဏာများမှာ
၁။ လက်ဆစ်များရောင်ရမ်း ကိုက်ခဲခြင်း
၂။ မနက်အိပ်ရာထထခြင်းတွင် တင်း၍အ ကွေး အဆန့် ခက်ခဲခြင်
၃။ လက်ဆစ်နှင့် တံတောင်ဆစ်များတွင် အလုံးများပေါ်လာခြင်း
၄။ အသက်ရှုမဝခြင်း
၅။ လက်များထုံကျင်ခြင်း

သွေးလေးဘက်နာသည်အရိုးအဆစ်များသာမက အရွတ်များ၊ ကြွက်သား တစ်ရှုးများနှင့် အခြားသောခန္ဓာကိုယ် အစိတ် အပိုင်းများပါ ရောင်ရမ်းခြင်းတို့ဖြစ်စေတတ်သော ကြောင့်
မိမိ လက်ဆစ် ခြေဆစ် များ ကိုက် သည်ဖြစ်စေ၊ ရောင် ရမ်း နေသည်ဖြစ်စေ၊ တင်း နေ ပြီးကွေးလို့ ဆန့် လို့ မကောင်းသည်ဖြစ်စေ ၊ ဖော်ပြထားသော လက္ခဏာ တစ်ရပ်ရပ် ရှိ သည် ဖြစ်စေ တတ်ကျွမ်းသော အရိုး အကြော အထူးကု သမား တော် နှင့် အမြန်ပြသတိုင်ပင်သင့်ပါသည်။

အရေပြားထူလေးဘက်နာ(scleroderma)

အရေပြားထူလေးဘက်နာ ရောဂါဖြစ်ပေါ်ပုံ မှာ အထက်ဖော်ပြပါရောဂါများကဲ့သို့ပင်ခန္ဓာကိုယ် မှ ခုခံကာကွယ် သော ဆဲလ် များ ၊ ရောင် ရမ်း ဓာတ် များ ထွက် ခြင်း တို့ ဖြစ်ပေါ် ပြီး ထို ဆဲလ်များ အရေပြားတွင်း ၀င်ရောက်ခြင်း ကြောင့်အရေပြား များ ထူလာခြင်း၊ မာလာခြင်း၊ သွေးကြောများအတွင်း ၀င်ရောက် ခြင်း ကြောင့် သွေးကြောနံရံများ ရောင် ရမ်း ခြင်း ၊ထူလာခြင်းတို့ဖြစ်လာပြီး သွေးစီးမှုလျော့နည်း လာရာမှ လက်ဖျားခြေဖျားထိပ်များသွေးငတ်ခြင်း ကြောင့် အနာများဖြစ်ခြင်း၊ ပုတ်၍ပြတ်ကျခြင်းတို့ဖြစ်စေပါသည်။

လက္ခဏာများမှာ
၁။ လက်ဆစ်များရောင်ရမ်း ကိုက်ခဲခြင်း
၂။ မနက်အိပ်ရာထထခြင်းတွင် တင်း၍အ ကွေး အဆန့် ခက်ခဲခြင်း
၃။ ရေကိုင်လျှင် လက်များဖြူ၍ ကိုက်လာခြင်း
၄။ အရေပြားများထူ၍ တင်းလာခြင်း
၅။ အစာမျိုရခက်ခဲခြင်း
၆။ အသက်ရှုမဝြခင်း
၇။ လက်ထိပ်ခြေထိပ်တွင် အနာများဖြစ်ပြီး မကျက်ခြင်း
၈။ သွေးတိုးခြင်း

အဆိုးဆုံးအနေဖြင့် ခန္ဓာကိုယ် နေရာ အနှံ့ ရောင် ရမ်းရာမှ ကျောက်ကပ်ပျက်စီးခြင်း၊ အဆုတ် ပျက်စီးခြင်း အပြင် လက်ထိပ် ခြေထိပ်မှအနာများကိုရောဂါမသိဘဲ ကုသနေခြင်း
ကြောင့် ခြေချောင်း လက်ချောင်းကလေးများ မလိုအပ်ဘဲ ဖြတ်ရခြင်းတို့ဖြစ်တတ်ပါသည်။
ထို့ကြောင့် မိမိ လက်ဆစ် ခြေဆစ် များ ကိုက် သည်ဖြစ်စေ၊ ရောင် ရမ်း နေသည်ဖြစ်စေ၊ တင်း နေ ပြီးကွေးလို့ ဆန့် လို့ မကောင်းသည်ဖြစ်စေ ၊ ဖော်ပြထားသော လက္ခဏာ တစ်ရပ်ရပ် ရှိ သည် ဖြစ်စေ တတ်ကျွမ်းသော အရိုး အကြော အထူးကု သမား တော် နှင့် အမြန်ပြသတိုင်ပင်သင့်ပါသည်။

နှလုံးလေးဘက်နာ သို့မဟုတ် ပိုးလေးဘက်နာ

နှလုံးလေးဘက်နာ သည် ဆယ်ကျော်သက် ကလေးများတွင် အဖြစ်များလေ့ ရှိပြီး ပိုး လေးဘက်နာ ဟုလည်း လူသိများပါသည်။ လူသိများသော လေးဘက်နာဖြစ်ပြီး လေးဘက် နာ ဟုဆိုလျှင် A*O ပိုးကောင်ရေပြေးစစ်ကြပြီး ပိုး လေးဘက်နာ ဟုပင်ထင်လေ့ ရှိကြပါသည်။

လက္ခဏာများမှာ
၁။ ဖျားခြင်း
၂။ လည်ချောင်းနာခြင်း
၃။ ရင်တုန်ခြင်း
၄။ ရင်ဘတ်အောင့်ခြင်း
၅။ အသက်ရှုမဝြခင်း
၆။ ခြေ၊ လက် ( အများအားဖြင့် လက်ကောက်၀တ်၊
တံတောင်၊ပုခုံး၊ ခြေချင်း၀တ် နှင့် ဒူး) ကိုက်ခြင်း တို့အဖြစ်များပါသည်။

လည်ချောင်းနာခြင်းကိုဖြစ်စေသော ပိုး(Streptococcal)မှတစ်ဆင့်ဖြစ်ပွားတတ်ပြီး အဆိုပါ ပိုးသည် ပိုးသတ်ဆေး ရေ ရှည် စွဲမသောက်ပါက နှလုံး အဆို့ရှင် ပျက်စီးခြင်းကိုဖြစ်ပေါ် စေပါသည်။ နှလုံးအဆို့ရှင် ပျက်စီး ခြင်းသည် ရောဂါပိုး ကြောင့်တိုက်ရိုက်ပျက်စီးခြင်းမဟုတ်ဘဲ ထို ရောဂါပိုး ကို တိုက်ခိုက်ရန် ခန္ဓာကိုယ် မှ ခုခံတုန့်ပြန်မှု ဆဲလ် များ ထွက်ပေါ်လာပြီး ထို ဆဲလ် များသည် နှလုံး ကြွက်သား များ အဆစ် များ တစ်ရှုးများ ကို တိုက်ခိုက်ရာမှ နှလုံးကြွက်သား ရောင်ရမ်း ခြင်း ၊ အရိုးအဆစ်များကိုက်ခြင်းတို့ဖြစ်စေပါသည်။ နှလုံးအဆို့ရှင်သည် ဆယ်နှစ် ဆယ့်ငါး နှစ် ကျော်မှ ဖြစ် တတ်ပြီး ငယ်စဉ်က ပိုး၀င်၀င်ချင်း သေချာ ကုသမှုမခံယူခဲ့ခြင်း ကြောင့်ဖြစ် ပြီး အဆို့ရှင် ပျက်စီးသော အခါ မှ ဆေး သောက် ၍ မရတော့ဘဲ ခွဲစိတ် မှုများလိုအပ်လာရပါသည်။ နှလုံးအားခွဲစိတ် ရသည့်အားလျော်စွာ အန္တရာယ် များရုံသာမက ငွေကုန်ကြေးကျလည်း အလွန်များနိုင်ပါသည်။

အထက်ဖော်ပြပါ လေးဘက်နာ ရောဂါခံစားနေရသူများ အနေဖြင့် မိမိရောဂါအကြောင်း သိရှိကြပြီး လက္ခဏာ ခံစားနေရသူများလည်းမပေါ့လျော့ကြစေရန် ရည်ရွယ်ခြင်းဖြစ်ပါသည်။

Credit

Lwin Medical Supply Distribution

17/01/2025

17/06/2024

17/06/2024

02/01/2024

21/08/2023

21/08/2023

14/08/2023

02/08/2023

02/08/2023

21/07/2023

21/07/2023

Address

Website

Alerts

Shortcuts

Share

Category