01/05/2026
မိန်းကလေးတွေအနေနဲ့ သူတို့ကိုယ်သူတို့ ဘယ်လောက် လှမှန်း၊ ဘယ်လောက် တော်မှန်း သူတို့တန်ဖိုးကို သူတို့ မသိသရွေ့ ဖိုဝါဒီသမားတွေအတွက် benefit တစ်ခုလို ဖြစ်နေမှာပဲ။
Insecured ဖြစ်နေတဲ့ မိန်းကလေးတစ်ယောက်ဟာ သူမအနားက ဖိုဝါဒီ ကိုးကွယ်နေတဲ့ အဒေါ်ကြီးတွေ၊ ယောက်ျားတွေအတွက်တော့ ပုံသွင်းလို့ သိပ်ကောင်းပေါ့။
အဲဒီမိန်းကလေး ဝတ်ပုံစားပုံကအစ နေပုံထိုင်ပုံအထိ လိုက်ပြီး ပုံသွင်းချင်ကြတယ်။ သူမကို မိန်းကလေးဆိုတာ အပျိုစစ်ရမယ်၊ နူးနူးညံ့ညံ့ နေရမယ်၊ နှုတ်ချိုပြီး အမိန့်နာခံရမယ်၊ ခိုင်းတာ အကုန် လုပ်ရမယ်၊ ယောက်ျားယူရင်လည်း သူစိတ်ပါပါ မပါပါ ယောက်ျားက နေချင်တယ်ဆိုရင် လိုက်နေပေးရမယ်၊ ပြုစုရမယ်၊ ဘာမှ ရွေးချယ်ပိုင်ခွင့် မရှိရဘူး၊ ယောက်ျား ရှိမှ ဘဝက safe ဖြစ်မယ်၊ စတဲ့ အစေခံဆန်ဆန်၊ submissive ဆန်ဆန် ပုံသွင်းချင်ကြတယ်။
ဘာဖြစ်လို့များ အဲဒီလိုဘဝမျိုးမှာ နေထိုင်ခဲ့တဲ့ အဒေါ်ကြီးတွေကိုယ်တိုင်ကလည်း မိန်းကလေးတွေကို သူတို့တုန်းကလို ပုံသွင်းချင်ကြတာလဲ သိလား။
သူတို့ ငယ်ငယ်တုန်းက မရခဲ့တဲ့ လွတ်လပ်မှု၊ ပျော်ရွှင်မှုကို ငယ်ရွယ်တဲ့ မိန်းကလေးတွေ ရသွားတာကို မနာလိုလို့ပါ။ အဲတော့ ဘာလုပ်လဲ သိလား။ “မိန်းကလေးဖြစ်ပြီး” ဆိုတဲ့ စကားလုံးနဲ့ လိုက်ဝေဖန်တော့တာပဲ။
“မိန်းကလေးဖြစ်ပြီး အတိုအပြတ်တွေ ဝတ်တယ်”
“မိန်းကလေးဖြစ်ပြီး ဘားသွားတယ်”
“မိန်းကလေးဖြစ်ပြီး ကောင်လေးနဲ့ မယူဘဲ ခရီးသွားတယ်” ဆိုတာတွေပဲ ကြားနေရတယ်နော်။
သူတို့ဆီကနေ
“မိန်းကလေးဖြစ်ပြီး သူ့ပိုက်ဆံသူ ရှာတယ်၊ တော်လိုက်တာ”
“မိန်းကလေးဖြစ်ပြီး ဘယ်သူ ချုပ်ချယ်တာကိုမှ မခံဘူး၊ ရဲရင့်လိုက်တာ” လို့ သိပ်မကြားဖူးဘူး။
အဲဒီလို ဖိုဝါဒီရှိနေတဲ့သူတွေ စိတ်ချမ်းသာအောင်၊ အကောင်းပြောအောင် လိုက်နေထိုင်ပေးနေလို့ကတော့ အသက်သာ ကြီးသွားမယ်၊ ကိုယ်ဖြစ်ချင်တာတွေ ဖြစ်လိုက်ရမှာ မဟုတ်ဘူး။ မတန်ဘူး babes တို့ရေ။
အဲတော့ ကိုယ့်တန်ဖိုးကို ကိုယ်တိုင် သိအောင် လုပ်ပါ။ Confidence ရှိအောင်၊ ကိုယ့်ကိုယ်ကိုယ် ချစ်တတ်အောင် နေပါ။ စာကို ပိုကြိုးစားပါ။ အလုပ်တွေ လုပ်ပါ။ ပိုက်ဆံတွေ ရှာပါ။ ခရီးတွေ ထွက်ပါ။ ဝတ်ချင်တာတွေ ဝတ်ပစ်ပါ။
You deserve to be happy and free.🌹🩷💃
Credit to original writer
